Tag: سزا

بوداپست : ہنگری کی عدالت نے ہنگری اور سربیا کی سرحد پر بھاگتے ہوئے مہاجرین کو لات مارنے اور ان کو گرانے والی کیمرہ مین خاتون کوتین سال تک اچھے چال چلن برتنے کے آزمائشی دورانیے کی سزاسنائی ہے۔

تفصیلات کےمطابق دو سال قبل پیٹرا لیزلو کی ویڈیو بنائی گئی تھی جس میں وہ ہنگری اور سربیا کی سرحد پر بھاگتے ہوئے تارکین وطن کو لات مارتے ہوئے اور ان کو گراتے ہوئے دیکھا گیا تھا۔

تارکین وطن میں ایک کم عمر بچی بھی تھی اور ایک مرد جس کی گود میں ایک نومولود بچہ بھی تھا۔

جج الیس نناسی نے فیصلہ سناتے ہوئے کہا کہ پیٹرا لیزلو کا رویہ سماجی اخلاقیات کے خلاف تھا اور وکیل دفاع کے دلائل کو مسترد کر دیا جس میں کہا گیا تھا کہ پیٹرا لیزلو صرف اپنے آپ کو بچا رہی تھیں۔

پیٹرا لیزلو نے اپنے دفاع میں کہا کہ’میں نے مڑ کر دیکھا کہ ایک بڑی تعداد میں لوگ میری طرف دوڑ کر آرہے ہیں اور میرے لیے یہ بہت خوفناک تھا۔‘

انہوں نےکہاکہ اس واقعے کے بعد سے موت کی دھمکیاں بھی ملتی رہیں اور نفرت انگیز مہم کا بھی سامنا کرنا پڑا ہے۔اس کےعلاوہ ٹی وی چینل نے بھی نوکری سےبھی نکال دیا تھا۔

مزید پڑھیں:تارکین وطن کو مارنے والی خاتون کیمرہ مین پر فرد جرم عائد

واضح رہے کہ گزشتہ سال ستمبر میں ہنگری کی عدالت نے ہنگری اور سربیا کی سرحد پر بھاگتے ہوئے مہاجرین کو لات مارنے اور ان کو گرانے والی کیمرہ مین خاتون پر نقص امن کا فرد جرم عائد کر دیا گیا تھا۔

جکارتہ : انڈونیشیا کے دارالحکومت جکارتہ میں عدالت نے ایک شخص کو بم حملے میں ملوث ہونے کے جرم میں 10سال قید کی سزا سنادی۔

تفصیلات کےمطابق 23 سالہ دودی سریدی دہشت گرد تنظیم داعش کا حامی ہے اور جنوری میں انڈونیشیا کےدارالحکومت جکارتہ میں ہونے والے بم حملے میں اس نےمدد فراہم کی تھی جس میں 4شہری جان کی بازی ہارگئے تھے۔

عدالت میں مجرم دودی سریدی نے اپناجرم قبول کرتے ہوئے کہا کہ اسے عدالت کا فیصلہ منظور ہےاس کیس میں تفتیش کے دوران دیگر 40ملزمان کوگرفتار کیا گیا ہے۔

دوسری جانب اسی بم حملے میں ایک اور ملزم علی ہمکہ کو غیر قانونی طور پر ہتھیار خریدنے پر 4سال کی قیدکی سزا سنائی گئی۔سزاکے سناتے وقت ان دونوں ملزمان کے چہروں پر مسکراہٹ تھی۔

مزیدپڑھیں: انڈونیشیا کے دارالحکومت جکارتہ میں متعدد دھماکے، 6 افراد ہلاک

واضح رہے کہ رواں سال جنوری میں انڈونیشیا کے دارالحکومت جکارتہ میں متعدد دھماکوں کے نتیجے میں تین پولیس اہلکاروں سمیت چھ افراد ہلاک اور متعدد زخمی ہوگئے،جوابی کارروائی میں چارحملہ آوربھی مارے گئے تھے۔

سنگاپور: 17 سالہ نوجوان بلاگر کوانٹرنیٹ پر اسلام اور عیسائی مذاہب کے خلاف ویڈیوز اور پیغامات شائع کرنے کے جرم میں چھ ہفتے کی قید کی سزا سنادی گئی۔

تفصیلات کےمطابق نوجوان بلاگر ایموس یی کو سزا سناتے ہوئے جج نے کہاآپ کی اس حرکت سے معاشرے میں بد امنی پھیلنے کا اندیشہ ہے۔

اس سے قبل 2015 میں اس نوجوان بلاگر کو عیسائی مذہب کی توہین کے جرم میں چار ہفتے قید کی سزا سنائی گئی تھی۔یہ دوسرا موقع ہے جب ایموس یی کو جیل کی سزا ہوئی ہے۔

خیال رہے کہ سنگاپور مذہب اور نسل کی توہین کو سنگین جرم تصور کیا جاتا ہے اور اس طرح کے جرائم کو برداشت نہیں کیا جاتا۔

نوجوان بلاگر ایموس یی کاعدالت کی جانب سے سزا سنائےجانے کے بعد میڈیا سے بات کرتے ہوئے کہنا تھا مجھے ملنے والی سزا ‘ منصفانہ’ ہے اور وہ اپنے کیے پر شرمندہ ہیں۔

یاد رہے کہ اس مقدمے پر انسانی حقوق کی تنظیمیں گہری نظر رکھی ہوئی تھیں اور ان کا موقف تھا کہ اس مقدمے سے آزادی رائے کو خطرہ لاحق ہوگیا ہے۔

مزیدپڑھیں: توہین اسلام کا ملزم اردن میں قتل

واضح رہے کہ گزشتہ دنوں توہین اسلام کے الزام میں گرفتار اردن کےمصنف ناہد حطار کو عدالت کے باہرفائرنگ کرکے قتل کردیاگیاتھا۔