صادق آباد میں داماد نے سسر کو قتل، سالی اور بیوی کو تشدد کا نشانہ بنایا ہے۔
تفصیلات کے مطابق صوبہ پنجاب کے شہر صادق آباد کے اولڈ کالونی ماچھی گوٹھ میں ایک افسوسناک واقعہ پیش آیا ہے جہاں داماد نے سسر کو قتل کردیا۔
پولیس کا اس حوالے سے کہنا ہے کہ ملزم نے سسرال جا کر سسر، اپنی اہلیہ اور سالی پر تشدد کیا، شدید زخمی خواتین کو تحصیل اسپتال منتقل کر دیا گیا۔
پولیس کا مزید کہنا ہے کہ ملزم اپنی روٹھی ہوئی بیوی کو منانے آیا تھا، بیوی نہیں مانی کو طیش میں آگیا۔
اس سے قبل بھی لاہور میں ایک واقعہ پیش آیا تھا، جہاں اکبری منڈی کے علاقے میں داماد نے فائرنگ کر کے سسر 55 سالہ شعبان کو قتل اور ساس شبانہ کو زخمی کردیا تھا۔
پولیس کا کہنا تھا کہ ملزم فیصل اور اس کی بیوی کے درمیان تنازع چل رہا تھا، گھریلو تنازع پر داما نے فائرنگ کی جس کی زد میں آکر سسر جاں بحق اور ساس زخمی ہوگئی تھی جبکہ فائرنگ کے بعد ملزم فرار ہوگیا تھا۔
