سوات: خیبر پختونخوا کے ضلع میں گھریلوں ناچاقی پر سفاک سُسر نے فائرنگ کرکے بہو اور کم سن پُوتی کو قتل کردیا۔
تفصیلات کے مطابق خیبر پختونخوا کے ضلع سوات کے علاقے کوکاری میں گھریلوں ناچاقی پر سسر نے فائرنگ کرکے بہو اورکم سن بچی کو قتل کردیا۔
پولیس نے بتایا کہ ملزم لیاقت واردات کے بعد موقع سےفرار ہوگیا جس کی تلاش جاری ہے جبکہ لاشوں کو اسپتال منتقل کردیا گیا۔
دوسری جانب سوات میں ایک اور افسوسناک واقعہ پیش آیا ہے، مٹہ کے علاقے سر بانڈہ میں کار کھائی میں گر گئی، اس حادثے کے نیتجے میں خاتون جاں بحق جبکہ 4 افراد زخمی ہوگئے۔
پولیس کا اس حوالے سے کہنا تھا کہ یہ حادثہ تیز رفتاری کے باعث پیش آیا، لاش اور زخمیوں کو اسپتال منتقل کردیا گیا۔