Tag: سشما سوراج

اسلام آباد : ترجمان دفتر خارجہ ڈاکٹر فیصل نے کہا ہے کہ بھارتی دہشت گرد کلبھوشن معمولی آدمی نہیں بلکہ مجرم ہیں جس سے اہل خانہ کی ملاقات محض انسانی ہمدردی کی بنیاد پر کرائی.

ان کا خیالات اظہار انہوں نے پریس کانفرنس کرتے ہوئے کیا، ترجمان دفترخارجہ کا کہنا تھا کہ بھارتی پروپیگنڈوں کے باوجود کلبھوشن کی اہل خانہ سے ملاقات کرائی کس کا دورانیہ 30 منٹ طے کیا گیا تھا لیکن اہل خانہ کی درخواست دس منٹ اور دے دیئے گئے.

انہوں نے کہا کہ پاکستان کے مثبت اور مخلصانہ رویے کو بھی بھارتی میڈیا نے منفی کوریج دی جب کہ بھارتی حکومت کی جانب سے بھی اہل خانہ کی ملاقات کے احسن قدم کوغلط رنگ دینے کی کوشش کی گی جو کہ قابل مذمت ہے.

ترجمان دفتر خارجہ نے کہا کہ پاکستان نے مہمانوں کی عزت و احترام میں کوئی کمی نہیں چھوڑی گی لیکن اگر بھارت سراہتا نہیں تو کم ازکم پاکستان کے اچھے فعل کو تسلیم کرے.

---

 کلبھوشن کا والدہ اوراہلیہ کے سامنے پاکستان میں جاسوسی اور دہشتگردکارروائیوں میں ملوث ہونے کا اعتراف

---

ایک سوال کے جواب میں ڈاکٹر فیصل نے بتایا کہ کلبھوشن یادیو کی اہلیہ اور والدہ کے لباس تبدیل کرانے کا مقصد سیکیورٹی کو چیک کرنا تھا اور اسی تناظر میں کلبھوشن سے مراٹھی میں بات کی اجازت نہیں دی تھی تاہم انہوں نے 40 منٹ تک انگریزی میں بات کی.

ترجمان دفتر خارجہ نے مزید بتایا کہ بھارتی ہائی کمیشن نے 24 دسمبر کو میڈیا کے انتظامات کا جائزہ لیا تھا اور ان کی جانب سے میڈیا سے متعلق انتظامات پراعتراض نہیں کیا گیا تھا اور اگر کوئی اعتراض ہوتا بھی تو موقع پر ہی بتادینا چاہیے تھا.

انہوں نے کہا کہ کامیاب ملاقات اور انتظامات پر خوشی کا اظہار کلبھوشن کی والدہ کے شکریہ ادا کرنے سے پتہ چل جاتا ہے، پاکستان نے کسی سے کچھ بھی نہیں چھپایا لیکن بھارتی رویے پر کہا جا سکتا ہے کہ نیکی کر دریا میں ڈال.

---

 بھارتی دہشت گردکلبھوشن کی اہلیہ اوروالدہ سےملاقات

---

ترجمان دفتر خارجہ نے ایک سوال کے جوام میں کہا کہ سشما سوراج کی پارلیمنٹ میں کی گئی تقریر میں حقائق کو توڑ مروڑ کر اپنی خواہش کا لبادہ کا اوڑھا کر پیش کیے گئے ہیں جس کا جواب وفاقی وزیر خارجہ کی جانب سے دیا جائے گا.

علاوہ ازیں ترجمان دفتر خارجہ نے بتایا کہ رواں برس بھارت نے ایل او سی کی 1300 سے زائد خلاف ورزیاں کیں اور آج بھی بھارتی قائم مقام ڈپٹی ہائی کمشنر کو بلاجواز فائرنگ پر طلب کیا گیا تھا.

ترجمان دفتر خارجہ نے کہا کہ بینرز مہم سے متعلق پاکستانی مشن سے معلومات لے رہے ہیں پاکستان میں پہلی اسپیکرز کانفرنس کا انعقاد کیا گیا پہلے چین، پاکستان، افغانستان کے وزراء خارجہ کے مذاکرات ہوئے جب کہ جاپان کے وزیرخارجہ 3 جنوری کو پاکستان کے دورے پر آئیں گے.

خیال رہے کہ بھارتی وزیر خارجہ سشما سوراج نے اپنی ناکامی کو چھپانے کے لیے پارلیمنٹ میں تقریر کرتے ہوئے کلبھوشن یادیو کی اہلیہ اور والدہ سے ملاقات سے متعلق غلط معلومات فراہم کیں.

سشما سوراج نے کلبھوشن یادیو کی اہلیہ کے جوتے واپس نہ کرنے، میراٹھی زبان میں بات نہ کرنے دینے اور لباس تبدیل کرانے کے سیکیورٹی معاملات کو سیاسی رنگ دینے کی کوشش کی تھی.

جوہانسبرگ: پاکستان میں بھارتی مداخلت اور را کی سرگرمیوں کےخلاف پاکستانی کمیونٹی نے جنوبی افريقہ کے شہرجوہانسبرگ ميں بھارتی قونصليٹ کے باہرمظاہرہ کيا۔

مظاہرين کی بڑی تعداد نے پارک ٹاون ميں واقع بھارتی قونصليٹ کی جانب پُر امن مارچ کيا،جس ميں مختلف شعبہ ہائےزندگی سے تعلق رکھنے والے پاکستانيوں نےشرکت کی۔

Protest in South Africa against RAW activities… by arynews

احتجاجی مظاہرین نے پلے کارڈزاور پوسٹرز اٹھا رکھے تھا، پوسٹرز ميں مودی سرکار ،بھارتی دہشتگردی اور را ميں پاکستان کی مداخلت کے خلاف نعرے درج تھے۔

مظاہرين کا کہنا تھا کہ بھارت مسلسل پاکستان کے خلاف سازشوں ميں مصروف ہے۔

مزید پڑھیے: کراچی میں پولیس کی کارروائی ’را‘ کامشتبہ ایجنٹ گرفتار

واضح رہے کہ بھارتی وزیرخارجہ سشما سوراج نے پاکستان میں پکڑےجانے والے ’را‘ کے ایجنٹ پرعائد الزامات رد کرتے ہوئے پاکستان سے قونصلررسائی کا مطالبہ کردیا۔

بھارتی دفترِخارجہ نے پاکستان میں گرفتار ہونےوالے راکے افسر کلبھوشن یادو کی ویڈیو پرردعمل کا اظہارکرتے ہوئے اسے بے بنیاد قراردے دیا۔

بھارتی دفترخارجہ کی جانب سے جاری کردہ اعلامیے کے مطابق کلبھوشن بھارتی بحریہ کا سابق افسرہے اورایران میں اپنا قانونی کاروبارکررہا تھا۔

مزید پڑھیئے:  پاکستان نے کلبھوشن یادو تک بھارتی قونصلر کی رسائی کو مسترد کردیا

واضح رہے کہ بلوچستان سے گرفتارہونے والے بھارتی جاسوس نے پاکستانی حکام کے ساتھ رضاکارانہ تعاون کرتے ہوئے ’را‘ کی پاکستان میں سرگرمیوں کا اعتراف کیا تھا، جن میں بلوچستان اورکراچی میں دہشت گرد عناصر کی مدد کرنا شامل ہے۔

کراچی: بھارت میں موجود رمضان کی والدہ نے بھارتی وزیر خارجہ سشما سوراج کی ویزہ بھیجنے کی پیشکش کو مسترد کردیا۔

بھارت میں قید پندرہ سالہ رمضان کی ماں رضیہ بیگم کو بھارتی وزیر خارجہ ششما سوراج نے رضیہ کو بھارت آنے کے لیے ویزہ کی پیشکش سماجی رابطے ویب سائٹ کے ذریعے کی۔

بھارت میں مسلمانوں کے خلاف شیو سینا کی پر تشدد کارروائیاں ، بھارتی روئیے اور لائن آف کنٹرول پر اشتعال انگیزی پر رضیہ نے بیٹے سے ملنے کا پختہ ارادہ ترک کرکے بھارت نہ جانے کا حتمی فیصلہ کر لیا اور بھارتی وزیر خارجہ کی پیشکش کو ٹھکرا دیا۔

رمضان کی والدہ رضیہ بیگم کہتی ہیں کہ وہ پاکستان کے دشمن کے خلاف اپنا ایک بیٹا کیا دس بیٹے بھی قربان کر سکتی ہیں ۔

انسانی حقوق کے رہنما انصار برنی کہتے ہیں کہ رضیہ اس وقت پورے پاکستان اور مسلمانوں کی آواز ہے، تاہم انھوں نے بھارت میں پاکستانی ہائی کمیشن سے مطالبہ کیا ہے کہ وہ رمضان کی واپسی کے لیے فوری اقدامات کرے ۔