Tag: سعودیہ عرب

سعودی حکام کی جانب سے سونے کے زیورات سے متعلق اہم اعلان سامنے آیا ہے۔ جبکہ سونے کے زیورات رکھنے والوں کو اس حوالے سے متنبہ کردیا گیا ہے۔

بین الاقوامی خبر رساں ادارے کی رپورٹ کے مطابق سعودی ایوان ہائے صنعت و تجارت فیڈریشن کا اس حوالے سے کہنا ہے کہ سونے کے زیورات اور برتنوں پر قرآنی آیات تحریر نہ کی جائیں۔

سعودی ایوان ہائے صنعت و تجارت فیڈریشن کی جانب سے مذکورہ پابندی سعودی عرب کے مفتی اعلیٰ اور وزیر داخلہ کی جاری کردہ ہدایات کے تناظر میں لگائی ہے۔

سعودی مفتی اعلیٰ کا کہنا تھا کہ کسی بھی صورت میں قرآنی آیات کی بے حرمتی کی اجازت نہیں دی جاسکتی،قرآن پاک کی آیات انسانوں کی ہدایت کے لیے نازل کی گئی ہیں۔ اس مقصد کے سوا کسی اور کام میں استعمال کرنے کی اجازت نہیں ہے۔

سعودی عرب کے مفتی اعلیٰ نے برتنوں، سونے کے زیورات اور آرائشی اشیا پر قرآن پاک کی آیات تحریر کرنے سے منع کرتے ہوئے توجہ دلاتے ہوئے کہا کہ کچھ افراد قرآنی آیات والے زیورات اور برتنوں کو تعویذ گنڈوں کے لئے استعمال میں لاتے ہیں۔

دریں اثنا سعودی وزیر داخلہ کی جانب سے بھی اس حوالے سے تاکید کی گئی ہے کہ (اللہ) کا نام ایسے کسی بھی کاغذ، برتن یا سامان پر تحریر نہ کیا جائے جسے عام طور پر لوگ استعمال کرکے ضائع کردیتے ہوں۔

واضح رہے کہ 2015 میں سعودی عرب کے دارالافتا نے اللہ تعالی کے نام اور صفات کے موضوع پر فتویٰ جاری کیا تھا۔

جاری کئے گئے فتویٰ میں پابندی لگائی گئی تھی کہ اللہ کے نام اور صفات ایسی کسی بھی جگہ یا کسی بھی کاغذ یا برتن وغیرہ پر تحریر نہ کریں جن سے ان کی تعظیم نہ ہوپاتی ہو۔

سعودیہ میں زکوۃ، ٹیکس اور کسٹم اتھارٹی کی جانب سے انتباہ جاری کیا گیا ہے کہ غیر متعلقہ ای میلز سے ملنے والے جعلی پیغامات سے ہوشیار رہیں۔

بین الاقوامی خبر رساں ادارے کی رپورٹ کے مطابق اتھارٹی نے سوشل میڈیا پلیٹ فارم ٹوئٹر پر کہا ہے کہ غیر متعلقہ اکاؤنٹس سے ای میل کے ذریعے صارفین کے نام پیغامات بھیجنے کا سلسلہ جاری ہے، جس کا زکوۃ، ٹیکس اور کسٹم اتھارٹی سے کسی بھی قسم کا تعلق نہیں ہے۔

اتھارٹی کی جانب سے ایک بار پھر خبردار کیا گیا ہے کہ اس حوالے سے لوگوں کو چاہئے کہ وہ ہوشیار رہیں اور احتیاط سے کام لیں، ایسا ہونے کی صورت میں حکام سے رابطہ کریں۔

اتھارٹی کی جانب سے اس طرف توجہ مرکوز کرائی گئی کہ ایک صارف نے دریافت کیا کہ اسے اتھارٹی کے ’لوگو‘ والی ای میل سے یہ پیغام موصول ہوا جس میں کہا گیا تھا ’ٹیکس دینے والے بھائی‘۔ اس حوالے سے اتھارٹی کی کیا ہدایت ہے۔

واضح رہے کہ بعض فراڈیے زکوۃ اتھارٹی سمیت متعدد سرکاری اداروں کے لوگو کے ساتھ صارفین سے رابطے کرکے ان سے ان کی بینک معلومات حاصل کرنے کی کوشش کررہے ہیں، اتھارٹی کا کہنا ہے کہ اپنی بینک معلومات ہرگز کسی کو نہ دیں۔