صنعا: یمن میں سعودی جیٹ طیاروں کی بمباری کے نتیجے میں آٹھ بچوں سمیت دس افراد ہلاک ہوگئے۔
یمن میں سعودی اتحادی افواج کی جانب سے فضائی حملے جاری ہیں ،دارالحکومت صنعاء میں سعودی جیٹ طیاروں نے ایک عمارت کو نشانہ بنایا جس میں موجود آٹھ بچوں سمیت دس افراد ہلاک ہوگئے۔
یمنی حکام کے مطابق بمباری کے نتیجے میں دو روز کے دوران ہلاک ہونے والوں کی تعداد خواتین اور بچوں سمیت پچیس ہوگئی،مارچ سے اب تک سعودی حملوں میں پنتالیس سو سے زائد افراد لقمہ اجل بچ چکے ہیں۔
یمن : سعودی سربراہی میں قائم اتحادی افواج نے یمن میں دوبارہ حوثی قبائلیوں پربمباری شروع کردی۔
سعودی فوجی ترجمان کے مطابق اتحادی افواج کے لڑاکا طیاروں نے یمن کے شہر طیز کے نواح میں واقع آرمی بیس کو حوثی باغیوں کے قبضے کے بعد بمباری کا نشانہ بنایا۔
جنگ بندی کے سعودی اعلان کے بعد بدھ کی صبح حوثی باغیوں نے صدرمنصور ہادی کے وفادارآرمی یونٹ کے ساتھ شدید لڑائی کے بعد آرمی بیس پرقبضہ کرلیا تھا۔
یاد رہے کہ سعودی حکومت نے گزشتہ روز یمن میں جاری فوجی آپریشن ختم کرنے کا اعلان کرتے ہوئے خبردار کیا تھا کہ ضروت پڑنے پر دوبارہ ایکشن لیا جاسکتا ہے۔
قوام متحدہ کے مطابق سعودی عرب کی سربراہی میں اتحادی افواج کے تقریباً ایک ماہ طویل فوجی آپریشن، اور باغیوں کے ساتھ جھڑپوں کے دوران اب تک 944 افراد ہلاک جبکہ 3 ہزار 487 زخمی ہوچکے ہیں۔