Tag: سعودی ایئرلائن

جدہ: قطر میں فٹبال ورلڈ کپ کے مقابلوں میں شریک سعودی قومی  ٹیم کی حوصلہ افزائی کے لیے خصوصی پروازوں کا سلسلہ شروع کیا گیا ہے۔

اخبار 24 کے مطابق جدہ کے کنگ عبدالعزیز انٹرنیشنل ایئرپورٹ سے السعودیہ کی پہلی شٹل پرواز روانہ ہوئی ہے۔

سعودی عریبین ایئرلائنز السعودیہ نے قطر میں ہونے والے فٹبال ورلڈ کپ 2022 میں شامل سعودی قومی ٹیم کی حوصلہ افزائی کے لیے اتوار کو جدہ سے دوحہ کے لیے پہلی خصوصی پرواز روانہ کی ہے۔

جدہ سے قومی ٹیم کی حوصلہ افزائی کے لیے دوحہ جانے والے مسافروں کو السعودیہ کے لوگو کے ساتھ سعودی ٹیم کی امتیازی علامت کے گرین مفلر بھی دیے گئے۔

یاد رہے  کہ السعودیہ نے فٹبال ورلڈ کپ میں شرکت کے خواہش مند افراد کو ریاض، جدہ اور دمام سے دوحہ  پہنچانے کے لیے خصوصی پروازیں چللانے کا اعلان کیا تھا،  پروازوں میں دو لاکھ 54 ہزار سے زیادہ نشستوں کا انتظام کیا گیا ہے۔

ریاض: السعودیہ اگلے ماہ سے 33 شہروں کے لیے فلائٹس کا دوبارہ آغاز کرنے جا رہی ہے۔

تفصیلات کے مطابق سعودی عرب کی قومی ایئر لائن السعودیہ نے اعلان کیا ہے کہ نومبر سے 33 شہروں کے لیے فلائٹس کا دوبارہ آغاز کر رہی ہے۔

ان 33 شہروں میں براعظم یورپ، ایشیا اور افریقہ کے کئی بڑے ایئر پورٹس شامل ہیں، جب کہ امریکا کے لیے سفر کرنے والے سعودی شہری صرف واشنگٹن کے ایئر پورٹ جا سکیں گے۔

ایئر لائن کا کہنا ہے کہ فلائٹس میں صرف ان مسافروں کو سفر کی اجازت ملے گی جو سعودی حکومت کی جانب سے فضائی سفر کے لیے بنائے گئے کرونا ایس او پیز پر عمل کریں گے۔

واضح رہے کہ سعودی عرب میں کرونا وائرس کی وجہ سے کئی ماہ تک فضائی سفر پر پابندیوں کے بعد مملکت کی قومی ایئر لائن نے گزشتہ ماہ 15 ستمبر کے بعد دنیا کے 20 شہروں کے لیے اپنی فلائٹس دوبارہ شروع کی تھیں۔

ادھر سعودی وزارت داخلہ نے خوش خبری دی ہے کہ بیرون ملک سفر کے حوالے سے تمام پابندیاں اگلے سال کے آغاز پر ختم کر دی جائیں گی۔

یاد رہے کہ کرونا وبا سے قبل السعودیہ دنیا کے 85 شہروں کے ایئر پورٹس کے لیے فلائٹس آپریٹ کرتی تھی۔

ریاض: سعودی عرب کی ایک ایئرلائن نے مسافروں کی سہولت کے لیے اضافی سامان لے جانے کا طریقہ کار بتا دیا۔

تفصیلات کے مطابق سعودی عریبین ایئرلائنز (السعودیہ) نے مسافروں کے لیے اضافی بیگ لے جانے کے طریقہ کار کے حوالے سے وضاحت کی ہے کہ ان کے مسافر اپنے ساتھ اضافی سامان لے جا سکتے ہیں۔

جیسا کہ عام طور پر السعودیہ کی پروازوں سے سفر کرنے والوں کو 2 بیگ ہمراہ لے جانے کی اجازت ہوتی ہے، اب ایئر لائن نے وہ طریقہ کار بھی بتا دیا ہے جس پر عمل کرتے ہوئے مسافر تیسرا بیگ بھی ساتھ لے جا سکیں گے۔

ایئر لائن السعودیہ کے مطابق اضافی بیگ ساتھ لے جانے کے لیے مسافر ایئرلائن کی ویب سائٹ وزٹ کر کے ’ادارۃ حجوزات‘ کا انتخاب کریں، اس کے بعد اضافۃ الامتعۃ کا انتخاب کریں، یہ کارروائی مکمل کیے جانے کے بعد مسافر اضافی سامان لے جاسکیں گے۔

دراصل اس سلسلے میں ایک مسافر نے ایئرلائن سے دریافت کیا تھا کہ اپنے ساتھ تیسرا بیگ بھی کیا لے جایا جا سکتا ہے، اور کیا اس کے لیے اضافی رقم درکار ہوگی؟ اس پر ایئرلائن کی جانب سے ٹویٹر پر جواب دیا گیا کہ اضافی سامان کے کرائے کا جدول ویب سائٹ پر جاری کر دیا گیا ہے۔