ARYNews.tv | Urdu – Har Lamha Bakhabar

Tag: سعودی ایئر لائن

  • سعودی ایئر لائن نے پیرس ایئر شو میں اہم ایوارڈ جیت لیا

    سعودی ایئر لائن نے پیرس ایئر شو میں اہم ایوارڈ جیت لیا

    سعودی عرب کی قومی فضائی کمپنی، سعودی ایئر لائن کو پیرس ایئر شو 2025 کے 55 ویں ایڈیشن میں منعقد ہونے والے اسکائی ٹریکس ورلڈ ایئر لائن ایوارڈز میں ’’’بہترین ایئر لائن اسٹاف سروس‘‘’ کے اعزاز سے نوازا گیا ہے۔

    سعودی ایئر لائن عالمی اسکائی ٹریکس کی درجہ بندی میں بھی 3 درجے اوپر رہی، اور دنیا بھر میں لاکھوں مسافروں پر مشتمل ایک جامع ووٹنگ کے عمل کے بعد دنیا کی بہترین ایئر لائنز میں 17 واں مقام حاصل کیا۔

    لاکھوں پاکستانی مسافروں کے لیے جو حج، عمرہ، ملازمت اور کاروبار کے سلسلے میں سعودی عرب کا سفر کرتے ہیں، یہ اعتراف سفر کے معیار میں ایک اہم بہتری کی نشان دہی کرتا ہے۔

    سعودی ایئر لائن کی جانب سے کراچی، لاہور، اسلام آباد اور ملتان جیسے بڑے پاکستانی شہروں کو مملکت کے اہم مقامات سے جوڑنے والی باقاعدہ پروازوں کے ذریعے بہتر اسٹاف سروس پاکستانی مسافروں کے تجربے کو براہِ راست فائدہ پہنچاتی ہے۔

    سعودی عرب: مزید ایرانی حجاج وطن واپسی کے لیے عرعر پہنچ گئے

    سعودیہ گروپ کے ڈائریکٹر جنرل انجینئر ابراہیم العمر نے اعزاز کے حصول پر کہا کہ ”یہ ایوارڈ ہماری ناقابل یقین فرنٹ لائن ٹیم کی محنت اور ہمارے مہمانوں کے ہم پر اعتماد کی عکاسی کرتا ہے۔‘‘

    ڈائریکٹر جنرل انجینئر ابراہیم العم نے کہا ’’یہ اعزاز مسافروں کے سفر کے ہر لمحے کو بہتر بنانے کے لیے سعودیہ کی ٹیم کی غیر معمولی کاوشوں کی عکاسی کرتا ہے، انھوں نے کہا گراؤنڈ سروسز سے لے کر جہاز تک مہمان نوازی کے اس عمل نے مسافروں اور خاص کر پاکستانی مسافروں کے اطمینان اور خدمات کے معیار میں مزید اضافہ کیا ہے۔

  • پاک بھارت کشیدہ صورتحال ، سعودی ایئر لائن نے بڑا اعلان کردیا

    پاک بھارت کشیدہ صورتحال ، سعودی ایئر لائن نے بڑا اعلان کردیا

    کراچی : پاک بھارت کشیدہ صورتحال کے تناظر میں سعودی ایئرلائن نے پاکستان کیلئے آج تمام پروازیں منسوخ کرنے کا اعلان کردیا۔

    تفصیلات کے مطابق پاکستان اور بھارت کے درمیان گشیدگی کے باعث فضائی آپریشن متاثر ہے، ترجمان ایئرلائنز نے کہا کہ سعودی ایئرلائن نے پاکستان کیلئے آج تمام پروازیں منسوخ ہیں، پاکستان کی موجودہ صورتحال دیکھتےہوئےفلائٹ آپریشن شروع کریں گے۔

    خیال رہے پاکستان کے تمام ایئرپورٹس پر فضائی آپریشن بحال کردیا گیا ہے، فلائٹ آپریشن معمول کے مطابق جاری ہے۔

    ایئرپورٹ انتظامیہ نے بتایا کہ ایمریٹس ایئرلائن اور فلائی دبئی کی پروازیں 10مئی تک منسوج ہیں جبکہ دیگر غیر ملکی ایئرلائن نے اپنا فلائٹ آپریشن آج سےشروع کردیا ہے۔

    قطر ایئرویز اور پاکستانی ایئرلائنز نے فلائٹ آپریشن بحال کردیا ہے، قطرایئرکی دوحہ سے کراچی کی دو پروازوں نے کراچی ایئرپورٹ پرلینڈ کیا جبکہ کراچی سے واپسی کی پرواز صبح آٹھ بجے دوحہ لینڈ کرگئی۔

    اسی طرح پی آئی اے کی کراچی سے لاہور کی پرواز بھی روانہ ہوگئی، تاہم پی آئی اے نے صبح سات بجے کی کراچی سے اسلام آباد کی پرواز منسوخ کردی۔

    اس کے علاوہ ایئر سیال،ایئر بلو، فلائی جناح کی اسلام آبادسےلاہور کی پروازیں روانہ ہوگئیں۔

  • سعودی ایئر لائن نے عالمی اعزاز اپنے نام کر لیا

    سعودی ایئر لائن نے عالمی اعزاز اپنے نام کر لیا

    سعودی ایئر لائن نے ایک عالمی اعزاز اپنے نام کر لیا ہے، جس کے تحت پاکستانی مسافروں کو بھی عالمی سروس ملے گی۔

    سعودی عرب کی قومی فضائی کپنی سعودیہ ایئر نے جرمنی کے شہر ہیمبرگ میں منعقدہ ’ورلڈ ٹریول کیٹرنگ اینڈ آن بورڈ سروسز ایکسپو 2025‘ میں ٹریول پلس ایئر لائن ایمینیٹی ایوارڈز اور آن بورڈ ہاسپٹیلٹی ایوارڈز میں متعدد اعزاز حاصل کر لیے ہیں۔

    یہ اعزاز سعودیہ کی عالمی معیار کی خدمات اور سہولیات کے حوالے سے غیر معمولی آن بورڈ مہمان نوازی کے عزم کی عکاسی کرتی ہے، اور بالخصوص طور پر پاکستان آنے جانے والے مسافروں کے سفری تجربے کو بڑھاتی ہے۔

    سعودیہ کی خصوصی ELIE SAAB سہولت کٹس نے ٹریول پلس ایوارڈز میں علاقائی اور عالمی سطح پر فرسٹ اور بزنس کلاس کے لیے گولڈ ایوارڈ حاصل کیا، پاکستان آنے اور جانے والی پروازوں پر پیش کی جانے والی یہ اسٹائلش کٹس پاکستانی مسافروں کے لیے ایک نئی سطح کی لگژری فراہم کریں گی۔

    سعودیہ کے ’سعودی کافی کپ‘ اقدام کو ٹریول پلس ایئر لائن ایمینٹی ایوارڈز میں فرسٹ کلاس گلاس ویئر کے لیے گولڈ ایوارڈ سے نوازا گیا۔ مملکت کی وزارت ثقافت کے تحت کلنری آرٹس کمیشن کے ساتھ شراکت میں شروع کیے گئے اس اقدام میں سعودی عرب کے متنوع علاقوں کی نمائندگی کرنے والے دستکاری کے کپ پیش کیے گئے۔ یہ عالمی معیار کو برقرار رکھتے ہوئے ثقافتی عناصر کو اپنی خدمات میں شامل کرنے کے لیے سعودیہ کی لگن کی عکاسی کرتا ہے۔

    مسافروں کو آرام دہ سفر کی فراہمی کے حوالے سے سعودیہ کو ٹریول پلس پسنجر امینٹی فائیو اسٹار ریٹنگ 2025 سے بھی نوازا گیا، اس برس اس باوقار اعزاز کا حق دار دنیا کی پانچ بڑی فضائی کمپنیوں کو ٹھہرایا گیا، جس میں سعودیہ بھی شامل ہے۔

    آن بورڈ مہمان نوازی ایوارڈز کی کٹیگری میں سعودیہ کو بہترین سروس ایکوئپمنٹ اور کیبن کریو نیفارم کے لیے کریو کٹیگری میں اعزاز سے نوازا گیا۔ سعودیہ ایئر نے ایک بیان میں کہا کہ ’’ان شان دار ایوارڈز کے ساتھ سعودیہ پاکستانی مسافروں کی بہترین خدمت کرتی رہے گی، اور پاکستان آنے اور جانے والے ہر سفر میں عالمی معیار کی مہمان نوازی، لگژری اور ثقافتی رنگ کی فراہمی کو یقینی بناتی رہے گی۔

  • سعودی عرب: حجاج کرام کے لئے ٹھنڈے احرام تیار

    سعودی عرب: حجاج کرام کے لئے ٹھنڈے احرام تیار

    سعودی عرب میں سعودی ایئر لائن (السعودیہ) کی جانب سے رواں سال حجاج کرام کے لیے ’ٹھنڈے احرام‘ متعارف کرانے کی تیاریاں مکمل کر لی گئی ہیں۔

    سعودی خبر رساں ادارے کی رپورٹ کے مطابق خواتین اور مرد حجاج کے لیے تیار کیے جانے والے احرام گرمی کو ایک سے 2 ڈگری تک کم کرنے کی صلاحیت رکھتے ہیں۔

    سعودی ایئرلائن کے مطابق ٹھنڈے احرام کو مخصوص ٹیکنالوجی کا استعمال کرتے ہوئے اس طرح ڈیزائن کیا گیا ہے کہ اس سے جسم کو ٹھنڈا رکھنے میں مدد مل سکے۔

    امریکی کمپنی کا تعاون بھی احرام کی تیاری میں حاصل رہا، احرام کو دبئی کی عربین ٹریول مارکیٹ ’اے ٹی ایم 2025‘ میں پیش کیا جائے گا۔

    کپڑے کی تیاری میں جس ٹیکنالوجی کو استعمال کیا گیا ہے اس کی خاصیت یہ ہے کہ انسانی جلد کو گرمی کی تپش سے محفوظ رکھنے میں معاون ثابت ہوتی ہے۔

    سعودی ایئرلائن کی جانب مہمانوں کے لیے ٹھنڈے احرام جون 2025 کے آغاز سے فراہم کئے جائیں گے، تاہم اس کے بارے میں مزید تفصیلات جلد پیش کی جائیں گی۔

    دوسری جانب سعودی عرب کے وزارت سیاحت نے ٹور آپریٹرز کو اہم ہدایت جاری کرتے ہوئے کہا ہے کہ اندرون یا بیرون مملکت سے حج ویزے کے علاوہ کسی اور ویزے پر آنے والوں کے لیے یکم ذی القعدہ بمطابق 29 اپریل 2025 سے مکہ مکرمہ میں رہائش کی بکنگ نہ کی جائے۔

    وزارت سیاحت کی جانب سے ہدایت کی گئی ہے کہ ایسے غیرملکی جن کے پاس ’مکہ پرمٹ‘ ہے یا حج ویزے پر آنے والے عازمین کے علاوہ کسی کے لیے بھی مکہ مکرمہ کے کسی ہوٹل میں ٹھہرنے کی بکنگ نہ کی جائے بصورت دیگر کارروائی عمل میں لائی جائے گی۔

    سعودی عرب: حجاج کرام کو گرمی سے بچانے کیلیے خاص انتظامات

    خیال رہے سعودی عرب میں وزارت داخلہ کی جانب سے حج سیزن کے حوالے سے جاری ضوابط میں کہا گیا تھا کہ رواں برس حج کے ایام قریب آنے کے بعد اجازت نامے کے بغیر مکہ مکرمہ میں داخلے پر پابندی عائد کردی ہے، پرمٹ رکھنے والے افراد کے علاوہ کسی شخص کو مکہ مکرمہ نہیں جانے دیا جائے گا۔

  • سعودی ایئر لائن نے پاکستانی حجاج کو خوش خبری سنا دی

    سعودی ایئر لائن نے پاکستانی حجاج کو خوش خبری سنا دی

    اسلام آباد: حج پروازوں سے متعلق وزارت مذہبی امور اور سعودی ایئر لائن کے مابین معاہدہ طے پا گیا ہے، سعودی ایئرلائن نے پاکستانی حجاج کوبہترین سہولیات کی فراہمی کے عزم کا اظہار کیا ہے۔

    اے آر وائی نیوز کے مطابق سعودی ایئرلائن 35 ہزار پاکستانی سرکاری حجاج کرام کو سفری سہولیات فراہم کریگی۔

    وزارت مذہبی امور کے مطابق پاکستانی حجاج کیلئے بہترین سہولیات کی فراہمی یقینی بنانے کیلئے اقدامات کر رہے ہیں۔

    واضح رہے کہ سرکاری حج اسکیم میں 3 مرتبہ مدت بڑھانے کے باوجود کوٹہ مکمل نہ ہوسکا، 7 ہزار کم درخواستوں کی وصولی ہوئی۔

    ذرائع نے بتایا کہ حکومت نے کوٹہ پورا کرنے کے لیے تیسری بار حج فارم جمع کرانے کی مدت بڑھائی تھی تاہم یہ حربہ بھی کام نہ آیا، حج درخواستوں کی تیسری مدت ختم ہونے تک 82 ہزار حج درخواست موصول ہوسکیں۔

    وزارت مذہبی امور نے تمام درخواست گزاروں کو کامیاب قرار دے دیا ہے، وزارت مذہبی امور نے 7 ہزار رہ جانے والے کوٹے کو پُرکرنے کیلیے سر جوڑ لیے ہیں۔

    حج پر جانے کے خواہشمند پاکستانی کب تک درخواست جمع کرواسکتے ہیں؟ اہم خبر

    ذرائع نے بتایا کہ وزارت مذہبی امور کی جانب سے حج درخواستوں کی دوبارہ وصولی کھولنے یا پرائیویٹ حج آپریٹرزکو کوٹہ دینے پرغور کیا جارہا ہے۔

  • سعودی ایئر لائن کا طیارہ بڑے حادثے سے بال بال بچ گیا

    سعودی ایئر لائن کا طیارہ بڑے حادثے سے بال بال بچ گیا

    کراچی : ریاض سے پشاور پہنچنے والی سعودی ایئر لائن کی پرواز بڑے حادثے سے بچ گئی، ایئر ٹریفک کنٹرولر کی بروقت کارروائی سے طیارہ حادثے سے بچا۔

    تفصیلات کے مطابق سعودی ایئر لائن کا طیارہ بڑے حادثے سے بال بال بچ گیا ، پرواز ایس وی 792 کے طیارے کی لینڈنگ ہوتے ہی الٹے ہاتھ کے لینڈنگ گیئر سے دھواں اور چنگاری اٹھنا شروع ہوگئیں۔

    جس پر ایئر ٹریفک کنٹرولر نے کپتان کوبروقت آگاہ کیا اور کپتان نے ایمرجنسی بریک لگادیئے۔

    سول ایوی ایشن کے ایئر ٹریفک کنٹرولر نے فوری طور پر فائر اینڈ ریسکیوسروسز کو مطلع کیا، فائر ٹینڈر نے بروقت کارروائی کی اور لینڈنگ گیئر میں ہونیوالی آتشزدگی پر فوراً قابو پا کر جہاز کو بڑے حادثے سے بچالیا۔

    سول ایوی ایشن اتھارٹی کے ترجمان کا کہنا ہے کہ طیارہ لینڈنگ کے بعد لوپ پرتھا تو گیئر سے دھواں نکلنا شروع ہوگیا ، طیارے میں 276 مسافر اور عملے کے 21ارکان کو ہنگامی سلائیڈ کے ذریعے بحفاظت جہاز سے باہر نکالا۔

  • سعودی ایئر لائن نے مسافروں کو خوش خبری سنا دی

    سعودی ایئر لائن نے مسافروں کو خوش خبری سنا دی

    ریاض: پاکستان سے سعودی عرب جانے والے مسافروں کے لئے خوشی کی خبر سامنے آگئی۔ ’السعودیہ‘ ایئر لائن نے کرایوں میں 50فیصد تک رعایت دینے کا اعلان کردیا۔

    بین الاقوامی خبر رساں ادارے کی رپورٹ کے مطابق عمرہ زائرین سمیت کام کے لیے سعودی عرب جانے والے افراد سستے داموں ٹکٹ خرید کر سفر کرسکیں گے۔

    ٹریول ایجنٹس کا کہنا ہے کہ عمرہ کی ادائیگی سمیت دیگر امور کے لیے سعودی عرب سفر کرنے والوں کی تعداد میں ایک ہفتے کے دوران بڑا اضافہ سامنے آیا ہے، جس کی بڑی وجہ کرایوں میں بڑی کمی ہے۔

    السعودیہ ایئرلائن کے بیان کے مطابق انہوں نے دنیا بھر سے سعودی عرب سفر کرنے والوں کے لیے کرایوں میں 50 فیصد تک کی کمی کا فیصلہ کیا ہے۔

    سعودی ایئر لائن کی جانب سے کرایوں میں یہ کمی 30 نومبر تک کی گئی ہے، اس دوران بزنس اور اکانومی کلاس میں سفر کرنے والے دنیا بھر کے مسافر اس پروموشن سے مستفید ہوسکتے ہیں۔

    کراچی کے مقامی ٹریول ایجنٹس کا کہنا ہے کہ بعض افراد نے یہ پیکیج آنے سے قبل مہنگے کرائے ہونے کے باعث عمرے پر جانے کا ارادہ ملتوی کردیا تھا، مگر کرایوں میں کمی کا اعلان ہوتے ہی ہم نے ان تمام افراد سے رابطہ کیا اور انہیں اس حوالے سے بتایا تو انہوں نے عمرے پر جانے کے لئے حامی بھرلی ہے۔

  • سعودائزیشن: سعودی ایئر لائن کی اہم کامیابی

    سعودائزیشن: سعودی ایئر لائن کی اہم کامیابی

    ریاض: سعودی ایئر لائن میں معاون پائلٹ کی اسامی پر سعودائزیشن کا عمل مکمل کرلیا گیا، ایئر لائن انتظامیہ کا کہنا ہے کہ جلد تمام پائلٹس بھی سعودی شہری ہوں گے۔

    سعودی ویب سائٹ کے مطابق سعودی ایئر لائن نے معاون پائلٹ کی اسامی میں 100 فیصد سعودائزیشن میں کامیابی حاصل کر لی ہے، سعودی ایئر لائن میں اس کامیابی پر جشن منایا گیا۔

    ہوائی کمپنی کے سربراہ ابراہیم العمر نے کہا ہے کہ یہ سعودی ایئر لائن کا ایک اور کارنامہ ہے جو 75 سالہ تاریخ کی کامیابیوں میں اضافہ ہے۔

    ایئر لائن کی انتظامیہ کا کہنا ہے کہ ہم نے عہد کیا تھا کہ ہمارے ہاں تمام معاون پائلٹ سعودی نوجوان ہوں گے، آج ہم اپنے وعدے کی تکمیل کر رہے ہیں۔

    انہوں نے کہا ہے کہ اب ہم ایک اور وعدہ کر رہے ہیں کہ ہمارے ہاں تمام پائلٹ سعودی شہری ہوں گے، یہ وعدہ بھی بہت جلد پورا کریں گے۔

    انتظامیہ کی جانب سے مزید کہا گیا کہ ہم ان تمام غیر ملکی پائلٹوں کے شکر گزار ہیں جنہوں نے ہماری کامیابی میں اہم کردار ادا کیا ہے۔