Tag: سعودی خواتین

ریاض: سعودی خواتین ہائیکرز نے مکہ مکرمہ کی دشوار گزار بلند ترین چوٹیاں سر کرلیں۔

عرب میڈیا کے مطابق 12 سعودی خواتین ہائیکرز نے مکہ مکرمہ کی بلند چوٹیاں سر کرنے کا چیلنج قبول کیا، اس کاوش کا مقصد جبل نور کی بلند ترین چوٹی پر پہنچ کر پیدل چلنے اور جسمانی صحت اور فٹنس پر توجہ دینے کے حوالے سے آگاہی بیدار کرنا تھا۔

یہ پڑھیں: حرمین ٹرین منصوبہ، سعودی خواتین مردوں‌ کے شانہ بشانہ

خواتین کے ہمراہ ایک ٹیم موجود تھی جنہوں نے اپنے ساتھ واٹر کینز اور کچھ پھل لے رکھے تھے، انہوں نے اپنے ہاتھوں میں بینرز بھی اٹھا رکھے تھے جن پر معاشرے میں ہائیکنگ کی سرگرمی اجاگر کرنے پر زور دیا گیا تھا۔

ہائیکنگ میں شریک سعودی خواتین کا کہنا تھا کہ وہ کھیلوں کی اس سرگرمی سے معاشرے کو پیغام دینا چاہتی ہیں کہ پیدل چل کر بیماریوں اور امراض سے لڑیں، ہائیکنگ دشواری کے باوجود ایک دلچسپ اور تفریح فراہم کرنے والا کھیل ہے اس کے فوائد وہ ہی جان سکتا ہے جو اس سرگرمی کو انجام دے۔

مزید پڑھیں: سعودی خواتین سائیکلنگ ٹیم یورپی ملکوں کے سفر پر روانہ

ہائیکنگ میں شریک ایک خاتون کے مطابق ان کی ٹیم نے جبل نور اور جبل ثور پر اس ایونٹ کا انعقاد کیا، علاوہ ازیں دیگر کئی ایونٹس میں بھی شریک رہیں تاکہ پیدل چلنے کے ذریعے امراض کے خلاف شعور بیدار کیا جاسکے۔

ریاض: سعودی عرب میں ایک نیا قانون متعارف کرایا گیا ہے جس کے تحت اب سعودی خواتین اپنی ہی طلاق سے لاعلم نہیں رہیں گی۔

برطانوی خبررساں ادارے کے مطابق نئے قانون کے تحت عدالت کی جانب سے خواتین کو ان کی طلاق سے متعلق فیصلے کے بارے میں موبائل پر پیغام بھیج کر آگاہ کیا جائے گا۔

قانون کے ذریعے اس بات کو یقینی بنایا جائے گا کہ خواتین اپنی ازدواجی رشتے سے مکمل آگاہ ہوں گی اور اپنے نان نفقہ کے حقوق کا مکمل تحفظ کرسکیں گی۔

مقامی خاتون وکلاء کے مطابق اس اقدام سے خفیہ طلاقوں کا خاتمہ ہوگا، اس سے قبل مرد اپنی بیویوں کو آگاہ کیے بغیر شادی ختم کردیتے تھے۔

طلاق سے متعلق تفصیلات وزارت انصاف کی ویب سائٹ پر بھی دستیاب ہوں گی جبکہ فیملی کورٹ خواتین کو ازدواجی حیثیت میں تبدیلی جیسے مطلقہ یا بیوہ ہونے سے بھی آگاہ کرنے کی پابند ہوگی۔

مزید پڑھیں: سعودی عرب میں پسند کی مختصر ترین شادی کتنی دیر برقرار رہی؟

سعودی وکیل نصرین الغامدی کے مطابق اس نئے اقدام کی مدد سے طلاق کے بعد خواتین کے نان نفقہ کے حق کو مضبوط بنایا جائے گا، اس کے ذریعے اس بات کو بھی یقینی بنایا جائے گا کہ طلاق سے قبل جاری کیے جانے والے کسی بھی پاوور آف اٹارنی کا غلط استعمال نہ کیا جائے۔

سعودی وکیل سمیہ ال ہندی نے کہا کہ کئی خواتین پہلے ہی عدالتوں میں بنا آگاہ کیے طلاق کے حوالے سے درخواست جمع کرواچکی ہیں۔

دوسری جانب یہ نیا اقدام سعودی ولی عہد محمد بن سلمان کی جانب سے کی جانے والی معاشی اور سماجی اصلاحات کا حصہ قرار دیا جارہا ہے جن کے تحت پہلے ہی خواتین کو فٹ بال میچ دیکھنے اور ان جگہوں پر ملازمت کی اجازت دینا ہے جو عام طور پر مردوں کے لیے مختص سمجھی جاتی رہی ہیں۔