ریاض : سعودی عرب اور متحدہ عرب امارات نے بھی عالمی پابندیوں کو خاطر میں نہ لاتے ہوئے روس سے سستا پٹرول خریدنے کا آغاز کردیا۔
تفصیلات کے مطابق عرب ممالک نےبھی روس سے سستے تیل کی خریداری شروع کر دی، سعودی عرب اور متحدہ عرب امارات پابندیوں کے باوجود روس سے سستی پیٹرولیم مصنوعات خریدنے میں مصروف ہیں۔
روس سے سعودی عرب یومیہ ایک لاکھ بیرل اور متحدہ عرب امارات ساٹھ ملین بیرل کی ریکارڈ خریداری کررہا ہے۔
امریکی اخبار وال اسٹریٹ جنرل کا کہنا ہے دونوں ملک روس سے سستا تیل خرید کرزیادہ قیمتوں میں فروخت کرسکتے ہیں۔۔ خلیجی ممالک کی روس سے غیرمتوقع پٹرول کی خریداری کا مطلب ہے کہ مشرق وسطی پر امریکا کا اثر و رسوخ کم ہورہا ہے۔
امریکی اخبار نے کہا کہ امریکا سمجھتا ہے کہ سعودی عرب، متحدہ عرب امارات کی روس سے تیل، ایندھن کی خریداری مغربی اتحاد کی پالیسیوں کو نقصان پہنچانے کے مترادف ہے۔
وال سٹریٹ جرنل کے حوالے سے اعداد و شمار کے مطابق 2022 میں روس کی متحدہ عرب امارات کو تیل کی برآمدات ریکارڈ 60 ملین بیرل تک پہنچ گئی، جو پچھلے سال کے مقابلے میں تین گنا زیادہ ہے، فجیرہ، متحدہ عرب امارات کا سب سے بڑا تجارتی مرکز ہے،جو اب بہت زیادہ روسی تیل کی مصنوعات حاصل کر رہا ہے، جس کا حجم اب سعودی عرب سے گیس کے تیل کے بعد دوسرے نمبر پر ہے۔
