ARYNews.tv | Urdu – Har Lamha Bakhabar

Tag: سعودی عرب روانہ

  • وزیراعظم شہباز شریف سعودی عرب روانہ

    وزیراعظم شہباز شریف سعودی عرب روانہ

    اسلام آباد : وزیراعظم شہباز شریف ریاض میں منعقدہ ہونے والی واٹر سمٹ میں شرکت کے لئے سعودی عرب روانہ ہوگئے۔

    تفصیلات کے مطابق وزیراعظم شہباز شریف 2 روزہ دورے پر سعودی عرب روانہ ہوگئے، وزیراطلاعات عطا تارڑ اور معاون خصوصی طارق فاطمی بھی وزیراعظم کے ہمراہ ہیں۔

    وزیراعظم سعودی ولی عہد اور وزیراعظم کی دعوت پر دورہ کریں گے۔

    وزیراعظم سعودی ولی عہد اور وزیراعظم کی دعوت پر دورہ کر رہے ہیں، وہ ریاض میں منعقدہ ہونے والی واٹر سمٹ میں بھی شرکت کریں گے۔

    اس کے ساتھ وزیراعظم یو این سی سی ڈی کی کانفرنس آف دی پارٹیزاجلاس میں شریک ہوں گے، یہ کانفرنس زمین کی بحالی کے لیے ایک عالمی پلیٹ فارم ہے۔

    دورے کے دوران وزیر اعظم سعودی ولی عہد محمد بن سلمان سےبھی ملاقات کریں گے، ملاقات میں خطے کی بدلتی صورتحال سمیت دیگر اہم امور زیر غور آئیں گے۔

    اس کے علاوہ وزیر اعظم یو این سیکریٹری جنرل اور دیگر عالمی رہنماؤں سے بھی ملاقات کریں گے۔

  • وزیراعظم شہباز شریف 10 نومبر کو سعودی عرب روانہ ہوں گے

    وزیراعظم شہباز شریف 10 نومبر کو سعودی عرب روانہ ہوں گے

    اسلام آباد : وزیراعظم شہباز شریف او آئی سی سربراہان مملکت ہنگامی اجلاس میں شرکت کے لئے 10 نومبر کو سعودی عرب روانہ ہوں گے۔

    تفصیلات کے مطابق وزیراعظم شہباز شریف 10 نومبر بروز اتوار سعودی عرب روانہ ہوں گے ، ذرائع نے بتایا کہ جہاں وہ 11 نومبر کو او آئی سی سربراہان مملکت ہنگامی اجلاس میں شرکت کریں گے۔

    وزیراعظم کا سعودی عرب کا دورہ 2روزہ ہوگا، ان کے ہمراہ وفاقی وزرا اسحاق ڈار ،عطا تاڑر بھی ہوں گے۔

    او آئی سی سربراہان مملکت کا ہنگامی اجلاس مشرق وسطیٰ ،وسطی ایشیاکی صورتحال پر بلایا گیا ہے ، اس دوران وزیراعظم کی مختلف ممالک کےسربراہان مملکت سےملاقاتیں بھی طے کی جارہی ہیں۔

    وزیراعظم کا دورہ سعودی عرب مکمل کرنے کے بعد آذربائیجان جانے کا امکان ہے ، ذرائع نے بتایا کہ آذربائیجان میں وزیراعظم موسمیاتی تبدیلی پر کاپ سربراہان مملکت اجلاس میں شرکت کریں گے۔

  • ’ کہا سُنا معاف‘ ندا یاسر حج کی سعادت حاصل کرنے سعودی عرب روانہ

    ’ کہا سُنا معاف‘ ندا یاسر حج کی سعادت حاصل کرنے سعودی عرب روانہ

    پاکستانی ڈرامہ انڈسٹری کی معروف اداکارہ و میزبان ندا یاسر اس سال حج کی سعادت حاصل کرنے سعودی عرب روانہ ہوگئیں۔

    اے آر وائی ڈیجیٹل مورننگ شو کی ہوسٹ ندا یاسر نے فوٹو اینڈ شیئرنگ ایپ پر اپنے مداحوں کو بتایا کہ وہ اس سال حج کی سعادت حاصل کریں گی۔

     

    View this post on Instagram

     

    A post shared by Nida Yasir (@itsnidayasir.official)

    ندا یاسر نے عبایا پہنے اپنی چند تصویریں شیئر کی ہیں اور اس پوسٹ کے کیپشن میں لکھا ہے کہ ’دعاؤں میں یاد رکھیے گا، حج کے لیے جا رہی ہوں، کہا سنا معاف ‘۔

    میزبان ندا یاسر نے گزشتہ روز اپنا مارننگ شو بھی عبائے میں کیا تھا، جس میں انہوں نے بتایا تھا کہ وہ آج رات کی فلائٹ سے حج کی سعادت حاصل کرنے کے لیے سعودی عرب روانہ ہو رہی ہیں۔

  • نگراں وزیراعظم 11 نومبر کو سعودی عرب روانہ ہوں گے

    نگراں وزیراعظم 11 نومبر کو سعودی عرب روانہ ہوں گے

    اسلام آباد : نگراں وزیراعظم انوارالحق کاکڑ فلسطین ایشو پر او آئی سی ہنگامی سربراہ اجلاس میں شرکت کے لیے 11 نومبر کو سعودی عرب روانہ ہوں گے۔

    تفصیلات کے مطابق نگراں وزیراعظم انوار الحق کاکڑ11 نومبر کو سعودی عرب روانہ ہوں گے، ذرائع نے بتایا ہے کہ جہاں نگراں وزیراعظم او آئی سی سربراہی اجلاس میں شریک ہوں گے، او آئی سی سربراہی اجلاس میں فلسطین کی صورتحال زیر غور آئے گی۔

    یاد رہے فلسطین کی صورتحال پر اسلامی تعاون تنظیم کا غیر معمولی اجلاس طلب کرلیا گیا ہے ، سعودی عرب کی دعوت پر اجلاس اتوار کو ریاض میں ہوگا۔

    اسلامی ملکوں کے سربراہان اجلاس میں غزہ میں جنگ کے متاثرین کے لیے انسانی امداد کی فراہمی اور سیز فائر کے لیے آواز اٹھائیں گے۔

  • وزیر اعظم عمران خان کی روضہ رسولؐ پر حاضری ،نوافل ادا

    وزیر اعظم عمران خان کی روضہ رسولؐ پر حاضری ،نوافل ادا

    اسلام آباد : وزیراعظم عمران خان مدینہ منورہ پہنچ کر روضہ رسولﷺپرحاضری دی ، نوافل ادا کئے اور امت مسلمہ، ملکی امن و استحکام کیلئے خصوصی دعائیں بھی کیں۔

    تفصیلات کے مطابق وزیر اعظم عمران خان مدینہ منورہ پہنچ گئے ، مدینہ کےڈپٹی گورنراورجدہ میں پاکستانی قونصل جنرل خالدمجید نے ان کا استقبال کیا، اس موقع پرسعودی پروٹوکول کے حکام اور پاکستان قونصلیٹ کے افسران بھی  موجود تھے جبکہ سیکریٹری خارجہ سہیل محمود بھی وفد میں شامل ہیں۔

    وزیر اعظم عمران خان نے روضہ رسولؐ پر حاضری دی اور نوافل ادا کئے جبکہ امت مسلمہ، ملکی امن و استحکام کیلئے خصوصی دعائیں بھی کیں۔

    وزیراعظم عمران خان آج ہی سرکاری مصروفیات کے لئے ریاض روانہ ہوں گے، جہاں وہ سعودی فرمانروا اور ولی عہد سے ملاقاتیں کریں گے۔

    ترجمان دفترخارجہ کا کہنا ہے کہ وزیراعظم کا دورہ دوطرفہ تعلقات کا تسلسل ہے، دورےمیں باہمی تعاون اورخطے کی صورتحال پر مشاورت ہوگی۔

    یاد رہے وزیراعظم عمران خان کا رواں ماہ بحرین ، سوئٹزرلینڈ اور ملائیشیا کے دورے کا امکان ہے، ذرائع کا کہنا تھا کہ وزیراعظم15 دسمبر سے 21 دسمبر تک 3غیر ملکی دورے کریں گے، عمران خان 16 دسمبر کو 2 روزہ دورے پر بحرین ، 17 دسمبرکو 2روزہ دورےپرسوئٹزرلینڈجائیں گے، جہاں وہ جنیوا میں پناہ گزینوں پرعالمی کانفرنس میں شریک ہوں گے۔

    مزید پڑھیں : مہاجرین پر کانفرنس ، وزیراعظم عمران خان 17 اور 18 دسمبر جنیوا جائیں گے

    ذرائع کے مطابق وزیراعظم عمران خان 19 دسمبر کو 3روزہ دورے پر ملائشیا جائیں گے اور 21 دسمبر کو وطن واپس پہنچیں گے۔

    خیال رہے کہ رواں سال اکتوبر میں وزیراعظم عمران خان خلیج میں امن اور استحکام کے فروغ کے لیے سعودی عرب کے ایک روزہ دورے پر ریاض پہنچے تھے، شاہ خالد ایئر پورٹ کے رائل ٹرمینل پر گورنر ریاض نے ان کا استقبال کیا تھا۔

    وزیراعظم عمران خان نے سعودی فرماں روا شاہ سلمان بن عبدالعزیز اور سعودی ولی عہد محمد بن سلمان سے ملاقاتیں کی تھیں۔

  • ایران سعودی عرب کشیدگی ختم کرانے کا مشن ، وزیراعظم سعودی عرب روانہ

    ایران سعودی عرب کشیدگی ختم کرانے کا مشن ، وزیراعظم سعودی عرب روانہ

    اسلام آباد : وزیراعظم عمران خان سعودی عرب کےلئے روانہ ہوگئے ، جہاں وہ سعودی قیادت کو دورہ ایران میں پیش رفت پراعتماد میں لیں گے ، عمران خان کا دورہ خطے میں امن و سلامتی کے اقدام کا حصہ ہے۔

    تفصیلات کے مطابق وزیراعظم عمران خان خصوصی طیارے سے سعودی عرب روانہ ہوگئے ، وزیرخارجہ شاہ محمود قریشی، معاون خصوصی زلفی بخاری ،سیکرٹری خارجہ اور دیگر حکام بھی ان کے ہمراہ ہیں۔

    وزیراعظم عمران خان دورے کے دوران سعودی فرمانروا شاہ سلمان بن عبدالعزیز اور سعودی ولی عہد محمد بن سلمان سے ملاقاتیں کریں گے اور دورہ ایران میں پیش رفت پراعتماد میں لیں گے جبکہ دوطرفہ تعلقات اورعلاقائی امور پر بات ہوگی۔

    وزیراعظم عمران خان کادورہ خطے میں امن و سلامتی کے اقدام کا حصہ ہے۔

    یاد رہے اتوار کو وزیراعظم عمران خان نے خلیج میں امن اور استحکام کے فروغ کے لیے ایران کا دورہ کیا تھام جس کے مشترکہ اعلامیہ میں کہا گیا تھا کہ وزیراعظم کی ایرانی سپریم لیڈر آیت اللہ خامنہ ای اور صدر حسن روحانی کے ساتھ ملاقات ہوئی۔

    مزید پڑھیں: ’’ایران سعودی کشیدگی کا حل، اسلام آباد مذاکرات کی میزبانی کو تیار ہے

    ملاقات میں وزیراعظم نے دونوں ملکوں میں تاریخی اورثقافتی تعلقات کو اجاگر کیا اور مختلف شعبوں میں باہمی تعاون کے فروغ کا عزم دہرایا گیا۔

    وزیراعظم عمران خان کا کہنا تھا کہ ایران کے ساتھ تعلقات میں مضبوطی پاکستان کی ترجیح ہے، مسئلہ کشمیر پر ایران کی جانب سے حمایت پر شکرگزار ہیں، دونوں رہنماؤں کے درمیان علاقائی سیکیورٹی امور پر بھی گفتگو ہوئی جبکہ وزیراعظم نے خلیجی ملکوں کو کسی جنگی تنازع سے بچانے پر زور دیا۔

    وزیراعظم نے کہا تھا کہ خلیج کی موجودہ صورتحال پر تنازعات سے بچنے کی ضرورت ہے، فریقین بات چیت سے مسائل حل کریں، سعودی عرب اور ایران میں کشیدگی کم کرنے کیلئے سہولت کاری کرسکتے ہیں، مذاکرات سے مسائل حل کرنے میں سہولت کاری کے لیے تیار ہیں۔

    وزیر اعظم کا کہنا تھا کہ ایران پڑوسی اور دوست ملک جب کہ سعودی عرب ہمارے بہت قریب ہے، دونوں ممالک کے تنازع کی وجہ سے خطے اور دنیا کو نقصان ہوگا کیوں کہ تیل کی قیمتیں بڑھیں گی اور پھر دیگر ممالک پیسے کو لوگوں پر خرچ کرنے کی بجائے تیل خریدنے پر لگائیں گے۔

  • چیف جسٹس آصف کھوسہ کل عمرے کی ادائیگی کے لیے سعودی عرب روانہ ہوں گے

    چیف جسٹس آصف کھوسہ کل عمرے کی ادائیگی کے لیے سعودی عرب روانہ ہوں گے

    اسلام آباد :چیف جسٹسس سپریم کورٹ آصف سعید خان کھوسہ عمرہ کی ادائیگی کے لیے کل روانہ ہوں گے، جسٹس گلزاراحمد 26 ستمبر کو قائم مقام چیف جسٹس کاحلف اٹھائیں گے۔

    تٖفصیلات کے مطابق چیف جسٹس آصف سعید کھوسہ کل عمرے کی ادائیگی کے لیے سعودی عرب روانہ ہوں گے ، چیف جسٹس آصف کھوسہ کے سعودی عرب دورے کے دوران جسٹس گلزاراحمدقائم مقام چیف جسٹس کے فرائض انجام دیں گے۔

    جسٹس گلزاراحمد 26 ستمبر کوقائم مقام چیف جسٹس کاحلف اٹھائیں گے ، سپریم کورٹ کے سینئر جج جسٹس مشیر عالم اور جسٹس گلزار احمد سے حلف لیں گے۔

    حلف برداری کی تقریب صبح نو بجے سپریم کورٹ میں ہو گی،جس میں سینیئر وکلاء اور تمام ایڈیشنل اور ڈپٹی اٹارنی جنرل تقریب میں شرکت کریں گے۔

    واضح رہے 18 جنوری 2019 کو جسٹس آصف سعید خان کھوسہ نے چیف جسٹس کا عہدہ سنبھالا تھا اور وہ اسی سال 20 دسمبر کو ریٹائر ہوجائیں گے۔

    ان کے بعد جسٹس گلزار احمد اس عہدہ پر فائز ہوں گے اور وہ یکم فروری 2022 تک چیف جسٹس کے عہدہ سے ریٹائر ہوجائیں گے۔

  • وزیراعظم عمران خان سرکاری دورے پر سعودی عرب روانہ

    وزیراعظم عمران خان سرکاری دورے پر سعودی عرب روانہ

    اسلام آباد: وزیراعظم عمران خان سرکاری دورے پر سعودی عرب روانہ ہوگئے ، جہاں وہ او آئی سی کےاجلاس میں شرکت کریں گے اور خطاب کریں گے، جس میں مسلم امہ میں اتحاد اور یکجہتی پرزور دیں گے جبکہ مسلم دنیاکومقبوضہ کشمیرکی صورت حال سےآگاہ کریں گے۔

    تفصیلات کے مطابق وزیراعظم عمران خان 2روزہ دورے پرسعودی عرب روانہ ہوگئے ، مشیرتجارت رزاق داؤد، وفاقی وزیرمرادسعید، وزیراعلیٰ کےپی محمودخان اور وزیرمنصوبہ بندی ان کے ہمراہ ہیں۔

    وزیراعظم آج شام سعودی عرب کے شہرمدینہ پہنچیں گے ، جہاں وہ روضہ رسول پرحاضری دیں گے، جس کے بعد رات مکہ روانہ ہوجائیں گے اور آج رات وفد کے ہمراہ عمرہ ادا کریں گے۔

    وزیراعظم کل اوآئی سی کے14ویں سربراہ اجلاس میں شریک ہوں گے، اجلاس کا عنوان "مکہ سمٹ” رکھاگیا ہے، اس اجلاس کا مقصد اسلامی دنیا کو درپیش مسائل کے حل کے لئے مشترکہ لائحہ عمل اختیار کرناہے۔

    وزیراعظم عمران خان اوآئی سی کے 14ویں سربراہ اجلاس سے خطاب بھی کریں گے ، جس میں مسلم امہ میں اتحاد اور یکجہتی پر زور دیں گے جبکہ مسلم دنیا کو مقبوضہ کشمیر کی صورت حال سےآگاہ کریں گے۔

    خیال رہے وزیراعظم عمران خان سعودی فرمانرواشاہ سلمان کی دعوت پردورہ کررہے ہیں۔

    مزید پڑھیں : کشمیریوں کے حقِ خود ارادیت کو بزوربازو دبانےکی کوشش کی جارہی ہے: وزیرخارجہ

    یاد رہے سعودی عرب میں اوآئی سی کےوزرائے خارجہ کونسل کےاجلاس میں وزیرخارجہ شاہ محمودنےمسئلہ کشمیراورمسئلہ فلسطین کا معاملہ اٹھادیا اور مطالبہ کیا کہ اقوام متحدہ آزادانہ انکوائری کمیشن بنائے جو مقبوضہ کشمیرمیں انسانی حقوق کی خلاف ورزیوں کی تحقیقات کرے۔

    بھارت کی شمولیت پر تحفظات کا اظہارکرتے ہوئے شاہ محمود قریشی نے کہاکہ او آئی سی میں بھارت کی شمولیت کسی طورقبول نہیں۔

    شاہ محمودقریشی نےجدہ میں او آئی سی کےسیکریٹری جنرل سمیت دیگراہم شخصیات سے ملاقاتیں کیں اورمسلم امہ کودرپیش چیلنجز پرتبادلہ خیال کیا۔

  • وزیراعظم عمران خان 30 مئی کو سعودی عرب روانہ ہوں گے، ذرائع

    وزیراعظم عمران خان 30 مئی کو سعودی عرب روانہ ہوں گے، ذرائع

    اسلام آباد : وزیراعظم عمران خان30 مئی کوسعودی عرب روانہ ہوں گے، جہاں وہ اوآئی سی کانفرنس میں شرکت اور سربراہ اجلاس سےکلیدی خطاب کریں گے جبکہ مکہ پہنچ کرعمرہ کی ادائیگی کریں گے۔

    تفصیلات کے مطابق ذرائع کا کہنا ہے وزیراعظم عمران خان30 مئی کوسعودی عرب روانہ ہوں گے، سعودی عرب میں وزیر اعظم او آئی سی سربراہ مملکت کے اجلاس میں شرکت کریں گے اور مکہ پہنچ کرعمرہ کی ادائیگی کریں گے۔

    سفارتی ذرائع کا کہنا ہے وزیراعظم عمران خان کیساتھ وفدبھی سعودی عرب جائےگا، او آئی سی سربراہ اجلاس 30 اور 31 مئی کو ہوگا، وزیر اعظم 31 مئی کو او آئی سی اجلاس سے کلیدی خطاب کریں گے جبکہ سعودی قیادت سے بھی ملاقاتیں کریں گے۔

    کانفرنس میں دیگرسربراہوں سےسائیڈلائن ملاقاتوں کاشیڈول ترتیب دیاجارہاہے، وزیر اعظم عمران خان یکم جون کوپاکستان واپس آئیں گے۔

    دوسری جانب وزیر خارجہ شاہ محمود قریشی سعودی عرب پہنچ گئے ہیں ، سعودی وزارت خارجہ کے چیف آف پروٹوکول جمال ناصر نے ان کا استقبال کیا، اس موقع پر پاکستان کے سفیر علی اعجاز اور جدہ قونصل خانےکےقونصل جنرل شہریار اکبر موجود تھے۔

    وزیر خارجہ شاہ محمود قریشی اسلامی تعاون تنظیم کےوزرائےخارجہ کونسل کےاجلاس میں شرکت کریں گے۔

    مزید پڑھیں : وزیرخارجہ شاہ محمود قریشی سعودی عرب روانہ

    وزیرخارجہ شاہ محمود قریشی نے سعودی عرب روانگی سے قبل میڈیا سے بات چیت کرتے ہوئے کہا تھاکہ اوآئی سی سربراہ اجلاس کے ایجنڈے کوحتمی شکل دی جائے گی، جلاس میں مشرق وسطیٰ کی صورت حال پرتبادلہ خیال کیا جائے گا، ایران کی صورت حال اورخطے میں کشیدگی پربات چیت ہوگی۔

    وزیرخارجہ شاہ محمود قریشی  کا کہنا تھا جلاس کی سائیڈ لائنزپرکچھ وزرائے خارجہ سے ملاقاتیں بھی طے ہیں، سعودی عرب میں کشمیررابطہ گروپ کا اجلاس بھی متوقع ہے، کشمیر رابطہ گروپ کے ارکان اپنا نقطہ نظر پیش کریں گے۔

  • وزیراعظم عمران خان پہلے سرکاری دورے پر سعودی عرب روانہ

    وزیراعظم عمران خان پہلے سرکاری دورے پر سعودی عرب روانہ

    اسلام آباد : وزیرِ اعظم عمران خان اپنے پہلے غیر ملکی دورے پر سعودی عرب روانہ ہوگئے، وزیراعظم سعودی عرب کےبعد ابوظہبی کا دورہ کریں گے۔

    تفصیلات کے مطابق وزیراعظم عمران خان 2 روزہ سرکاری دورے پر سعودی عرب روانہ ہوگئے، وزیرخارجہ شاہ محمود قریشی، وزیر خزانہ اسد عمر، رزاق داؤد اور وزیر اطلاعات فوادچوہدری بھی وزیراعظم کے ہمراہ ہیں۔

    دو روزہ سرکاری دورے میں وہ سعودی عرب کے بعد متحدہ عرب امارات بھی جائیں گے۔

    ترجمان دفترخارجہ کا کہنا ہے کہ وزیراعظم عمران خان سعودی فرمانروا سلمان بن عبدالعزیز اور ولی عہد محمد بن سلمان سے الگ الگ ملاقاتیں کریں گے جبکہ سعودی فرمانروا وزیراعظم کے اعزاز میں شاہی محل میں ضیافت بھی دیں گے۔

    ترجمان کے مطابق وزیراعظم کے ہمراہ جانے والے وزرا اپنے سعودی ہم منصب سے ملاقاتیں کریں گے جبکہ وزیراعظم او آئی سی کے سیکریٹری جنرل سے بھی ملاقات کریں گے۔

    دورے کے دوران مدینہ منورہ میں زیارت اور عمرہ کی سعادت بھی حاصل کریں گے۔

    وزیراعظم بدھ کی شام وفد کے ہمراہ متحدہ عرب امارات پہنچیں گے، جہاں متحدہ عرب امارات کے ولی عہد وزیراعظم کا ایئرپورٹ پراستقبال کریں گے۔

    دوسری جانب وزیراعظم عمران خان کا کل پاک بھارت کرکٹ میچ دیکھنے کا امکان ہے، ایشیا کپ میں پاکستان اور بھارت کا ٹاکرا کل دبئی میں ہوگا۔

    واضح رہے کہ وزیراعظم سعودی عرب کے بادشاہ سلمان بن عبدالعزیز اور ولی عہد محمد بن سلمان کی دعوت پر یہ دورہ کر رہے ہیں، جبکہ متحدہ عرب امارات کے ولی عہد نے بھی دورے کی دعوت دی تھی۔

    ذرائع کے مطابق اقتصادی صورتحال کے پیش نظر وزیر اعظم عمران خان کا دورہ غیر معمولی اہمیت اختیار کر گیا ہے۔ ان کے دورے کے بعد سعودی ولی عہد محمد بن سلمان کے دورہ پاکستان کا بھی امکان ہے۔

    خیال رہے واضح رہے کہ 7 ستمبر کو سعودی وزیراطلاعات عواد بن صالح اور دیگر پرمشتمل وفد پاکستان پہنچا تھا۔

    وزیراعظم عمران خان نے سعودی وزیراطلاعات سے ملاقات کی تھی، ملاقات میں  پاک سعودی عرب تعلقات سمیت اہم امور پرتبادلہ خیال کیا جبکہ دہشت گردی کےخلاف پاکستان کی خدمات پربھی بات چیت کی گئی

    اس موقع پر سعودی وزیراطلاعات عواد بن صالح نے پاکستان کی خدمات کو سراہا۔