ریاض: سعودی نائب ولی عہد شاہ سلمان بن عبدالعزیز نے شامی مہاجرین کی امداد کے لیے سعودی شہریوں سے 10 کروڑ ریال عطیات جمع کروانے کی اپیل کی تو شہریوں نے بھی مہاجرین کی امداد میں بڑھ چڑھ کر حصہ لیا اور صرف ایک روز میں کروڑوں روپے جمع کروادیے۔

عرب میڈیا کے مطابق سعودی شاہ سلمان بن عبدالعزیز نے شامی مہاجرین کی امداد کے لیے شہریوں سے دس کروڑ ریال عطیات جمع کرنے کی اپیل کی تھی جس کے بعد سعودی شہریوں نے ایک دن میں شامی عوام کی امداد کے لیے چودہ کروڑ اکتیس لاکھ ریال سے زیادہ کے عطیات جمع کروائے۔

شاہ سلمان نے اس مہم کے لیے اپنی جیب سے دو کروڑ ریال کا عطیہ دیا تو ولی عہد شہزادہ محمد بن نایف نے ایک کروڑ اور نائب ولی عہد شہزادہ محمد بن سلمان نے 80 لاکھ ریال شامی بھائیوں کی امداد کے لیے عطیہ کیے۔

پڑھیں: ’’ شامی مہاجرین کی مشکلات میں اضافہ ‘‘

سعودی امداد اور ریلیف مرکز کے نگرانِ اعلیٰ ڈاکٹر عبداللہ نے کہا کہ ”شامی مہاجرین کی امداد کے لیے صرف نقدی کی شکل میں عطیات جمع کیے جارہے ہیں جبکہ دیگر اشیاء کی صورت میں امدادی سامان جمع نہیں کررہے کیونکہ سعودی عرب اور شام کے درمیان کافی فاصلہ حائل ہے اور سامان پہنچانا مشکل ہوگا”۔

انہوں نے کہا کہ ’’مختصر وقت میں بھاری رقم کا جمع ہونا اس بات کا مظہر ہے کہ سعودی عوام میں انسانیت نوازی اور مصیبت میں گھرے مسلمان بھائیوں کا درد آج بھی باقی ہے اور وہ مصیبت کی اس گھڑی میں متاثرین کے شانہ بشانہ کھڑے ہیں‘‘۔

مزید پڑھیں: ’’ شام میں ترکی کے14 فوجی جاں بحق ‘‘

سعودی حکام نے کہا کہ ’’عطیات کی شامی مہاجرین میں تقسیم کے لیے متعلقہ اداروں اور فریقوں سے رابطہ کیا جارہا ہے،یہ مہم شامی ریلیف کے ساتھ مل کر شروع کی گئی جو تین روز تک جاری رہی‘‘۔

ڈاکٹر عبداللہ نے مزید کہا کہ ’’یہ مہم سعودی مملکت کے شامی مہاجرین کے انسانی امدادی پروگرام کا حصہ ہے ، جس کا مقصد شدید سردی کے موسم میں شامی مہاجرین کی مشکلات میں کمی لانا ہے‘‘۔

ریاض: سعودی وزارت داخلہ نے شہریوں کو ہدایات کی ہے کہ وہ کسی غیرملکی سے شادی کرنے کے سے قبل ڈرگ ٹیسٹ ضرور کروائیں۔

عرب میڈیا کے مطابق ملک کی سپریم اتھارٹی نے شکایات موصول ہونے کے بعد شہریوں کو ہدایات جاری کی ہیں کہ وہ شادی کرنے اور خصوصاً غیر ملکی سے شادی کرنے سے قبل ڈرگ ٹیسٹ ضرور کروائیں۔

سپریم اتھارٹی کی ہدایت کے بعد سعودی وزارتِ داخلہ نے تمام شہریوں کو پابند کیا ہے کہ وہ اس ہدایت پر عمل کرتے ہوئے شادی کرنے سے قبل مذکورہ ٹیسٹ کی  رپورٹ ضرور جمع کروائیں۔

پڑھیں: ’’ سعودی عرب: ایڈز سے متاثرہ افراد کی تعداد میں اضافہ ‘‘

عرب اخبار کے مطابق سعودی عرب کے اعلیٰ حکام کی جانب سے ہدایات جاری کی گئی ہیں کہ ایسے سعودی مرد جو غیر ملکی خواتین سے شادی کے خواہشمند ہیں یا غیر ملکی مرد جو سعودی خواتین سے شادی کی خواہش رکھتی ہیں ان سب کیلئے لازم ہے کہ وہ شادی کے بندھن میں بندھنے سے قبل متعلقہ حکام سے اجازت لیں اور شادی سے پہلے ڈرگ ٹیسٹ کے عمل سے گزریں۔

اخبار کے مطابق ان ہدایات کا مقصد لوگوں کو اس شرمندگی سے بچانا ہے جو وہ عموما اس قسم کا ٹیسٹ انفرادی طور پر کرانے سے کتراتے تھے تاہم سرکاری احکامات کے بعد اس پر عملدرآمد میں شرمندگی کا احساس غالب نہیں آئے گا۔

مزید پڑھیں: ’’ سعودی عرب میں سائبر قانون کی خلاف ورزی سے بچیں ‘‘

اخبار کے مطابق حکام کا کہنا ہے کہ گزشتہ کئی سال سے اس حوالے سے کئی درخواستیں موصول ہو رہی تھیں جن میں مطالبہ کیا جا رہا تھا کہ ڈرگ ٹیسٹ کو یقینی بنایا جائے۔ اس سے کسی بھی شخص کو نشہ کا عادی ہونے سے بچانے میں بھی مدد ملے گی۔