Tag: سعودی عرب

ریاض: سعودی عرب میں 18سال سے کم عمر افراد کو سگریٹ فروخت کرنے پر پابندی عائد کردی گئی ہے ۔

سعودی میڈیا کے مطابق سعودی عرب میں سگریٹ نوشی کی ممانعت پر عملدرآمد شروع کر دیا گیا ہے اور پبلک ٹرانسپورٹ ، ہوائی اڈوں اور بندرگاہوں پر سگریٹ پینے پر پابندی عائد کر دی گئی ہے ۔

اس کے علاوہ دفاتر ، تعلیمی اداروں ، کارخانوں اور عوامی مقامات پر بھی سگریٹ نوشی کو ممنوع قرار دیدیا گیا ہے ۔

حکومت کی جانب سے کہا گیا ہے کہ ملک بھر میں 18سال سے کم عمر افراد کو سگریٹ فروخت کرنے پر بھی پابندی ہو گی اور ان احکامات کی خلاف ورزی کرنے پر اداروں کو 20ہزار ریال تک جرمانے کیا جائے گا۔

ریاض : سعودی عرب نے خالد الفالح کو اسٹیٹ آئل سعودی آرامکو کے چیئرمین مقرر کر دیا ہے، اس سے قبل علی النعیمی 1995 سے وزات پیٹرولیم کے عہدے پر فائز تھے.

تفصیلات کے مطابق سرکاری ٹی وی کے ذریعے ایک شاہی فرمان میں اعلان کیا گیا کہ سعودی وزارت پیٹرولیم کی وزارت کا نام تبدیل کر کے وزارت توانائی، صنعت اور معدنی وسائل کا نام دے دیا گیا، اور خالد الفالح کو وزارت توانائی، صنعت اور معدنی وسائل کا وزیر نامزد کردیا گیا.

ریاض نے تیل کی گرتی ہوئی قیمتوں کو مدنظررکھتے ہوئے 2014 میں تیل کے حوالے سے نئی ضکمت عملی متعارف کروائی ہے جس کے تحت سستے تیل کی فراہمی کو یقینی بنایا جائےگا تاکہ مارکیٹ میں توازن برقرار رکھا جاسکے.

سعودی تجزیہ کاروں کی نظر میں خالدالفالح کی وزارت توانائی، صنعت اور معدنی وسائل کے عہدے پر تقرری نئی متعارف کی جانے والی پالیسی اور عالمی مارکیٹ میں ہونے والی تبدیلیوں کو مدنظر رکھتے ہوئے کی گئی ہے.

سداد ابراہیم الحسینی سعودی توانائی مشیر کا کہنا تھا کہ خالد الفالح کی تقرری ایک طویل عرصے سے متوقع تھی،انہوں نے کہا کہ خالد الفالح کو توانائی اور بجلی کےشعبوں کی قیادت کرنے کا طویل تجربہ ہے.

خالدالفالح نے 1982 میں ٹیکساس اے اینڈ ایم یونیورسٹی سے میکینکل انجینئرنگ میں ڈگری گریجویشن کرنے کے بعد، آرامکو میں 30 سال تک خدمات انجام دیں، 2009 میں ان کو چیف ایگزیکٹو نامزد کیا گیا.

سابق پیڑولیم وزیر نعیمی جو اس سال آگست میں 80 سال کے ہوجائیں گے، انہوں نے اپنے کیرئیر کا آغاز 12 سال کی عمر میں سعودی اسٹیٹ آئل آرامکو سے کیا اور اعلی عہدے پر فائز رہے، نعمیی کو رائل کورٹ میں مشیر نامزد کردیا گیا.

نعیمی نے ہمیشہ تیل کی مارکیٹ میں حریفوں کا مقابلہ کیا اور انہوں نے سعودی تیل کی سپلائی اور کو ہمیشہ بڑھانے کی کوشش کی .

انہوں نے اوپیلک، تیل برآمد کرنے والی تنظیم کو اپنی قابلیت کے ساتھ عدم استحکام سے محفوث رکھنے کی کوشش کی باوجود اس کے کہ ریاض کےاہم اسٹریٹجک حریف، ایران پر عراق اور لیبیا، کو پابندیوں کے ساتھ جنگوں کا سامنا تھا.

ریاض : سعودی ثقافت اور فنون ایسوسی ایشن کے چیئرمین سلطان البازی کا کہنا ہے کہ سعودی عرب میں سنیما گھروں کا دوبارہ کُھلنا ملک ہونے والی سماجی تبدیلیوں کا نتیجہ ہے۔

تفصیلات کےمطابق توقع کی جارہی ہے کہ بہت جلد سعودی اعلی حکام کی جانب سے سنیما کمپنیوں کوسنیما گھر کھولنے کی اجازت دے دی جائے گی، اور ایک بار بھر سعودی عرب میں سنیما گھروں کو کھولا جائے گا.

سعودی عرب میں بہت جلد سنیما گھروں کو کھولنے کی اجازت مل جائے گی جس سے ملک کے سنیما گھروں میں رونقیں ایک بار پھر بحال ہو جائیں گی۔

سعودی ثقافت اور فنون ایسوسی ایشن کے چیئرمین سلطان البازی کا کہنا ہے کہ ملک میں بدلتی ہوئی سماجی تبدلیوں کو مدِ نظر رکھتے ہوئے یہ فیصلہ کیا گیا ہے اور یہ ایک حقیقت ہے کہ ملک میں ہونے والی سماجی تبدیلیوں کا مذہب سے تصادم نہیں ہوگا۔

موجودہ دور میں سعودی بادشاہت میں معاشرے میں بڑی سطح پر سماجی تبدیلیاں ہوتی ہوئی نظر آرہی ہیں، سعودی مقامی اخبار سے سعودی ثقافت اور فنون ایسوسی ایشن کے چیئرمین سلطان البازی نے اپنے خیالات کا اظہار کرتے ہوئے کہا میرا ماننا ہے کہ ملک میں سنیما گھروں کا دوبارہ کھلنا سماجی سطح پر ہونے والی تبدیلیوں کا حصہ ہے.

واضح رہے کہ سعودی عرب میں ماضی میں اسلامی اپوزیشن کی شدید مخالفت کے باعث ملک میں سنیما گھروں کو بند کر دیا گیا تھا.