دبئی: خلیجی اخبار نے انکشاف کیا ہے کہ سعودی عرب فرمانروا شاہ سلمان داعش کیخلاف کارروائی کیلئے وزیرِاعظم نواز شریف پر دباؤ ڈالیں گے کہ سلطنت میں پہلے سے موجود پاکستانی فوجیوں کی تعداد میں اضافہ کیا جائے۔
اخبار نے اپنی رپورٹ میں انکشاف کیا ہے کہ سعودی قیادت پاکستانی وزیرِاعظم نواز شریف پر دباؤ ڈالے گی کہ وہ داعش اور دیگر شدت پسندوں کیخلاف کارروائی کیلئے سلطنت میں پہلے سے موجود پاکستانی فوجیوں کی تعداد میں اضافہ کریں۔
اخبار کی رپورٹ کے مطابق نواز شریف کے اس دورے کو خاصا اہم تصور کیا جارہا ہے کیونکہ ریاض پہنچنے پر نواز شریف کا استقبال خود سعودی عرب کے شاہ سلمان نے کیا ۔
اخبار کا کہنا ہے کہ سعودی فرمانروا نواز شریف پر زور ڈالیں گے کہ داعش کیخلاف سعودی عرب کے دفاع کو مضبوط کرنے کیلئے انھیں پاک فوج کی مدد و حمایت درکار ہے اور وہ اس سلسلے میں سلطنت میں پہلے سے موجود پاکستانی فوجیوں کی تعداد میں اضافے کیلئے اقدامات کریں ۔
اخبار نے کہا ہے کہ نواز شریف کے اقتدار میں آنے کے بعد یہ ان کا تیسرا دورہ سعودی عرب ہے اور دونوں ملکوں کے تعلقات کے حوالے سے نہایت اہم ہے ۔
رپورٹ میں کہا گیا ہے کہ پاکستان اور سعودی عرب کے درمیان تعلقات میں باہمی فوائد کیساتھ کئی چیلنجز بھی درپیش ہیں، جن میں سعودی عرب میں مالدار عناصر کی جانب سے پاکستان میں شدت پسند تنظیموں کی فنڈنگ کا معاملہ بھی شامل ہے ۔
