روس کے صدر ویلادیمیر پیوٹن کو دوبارہ صدرمنتخب ہونے پر سعودی بادشاہ شاہ سلمان اور ولی عہد شہزادہ محمد بن سلمان نے مبارکباد پیش کی ہے۔
غیر ملکی ذرائع ابلاغ کے مطابق سعودی میڈیا کا کہنا ہے کہ شاہ سلمان کی جانب سے روس کے صدر اور عوام کے لیے نیک خواہشات کا اظہار بھی کیا گیا ہے۔
سعودی قیادت کے علاوہ دیگر عالمی رہنماؤں کی جانب سے بھی روس کے صدر پیوٹن کو صدر بننے پر مبارکباد دی گئی ہے۔
دوسری جانب روسی صدر ولادیمیر پیوٹن نے انتخابات میں کامیابی حاصل کرنے کے بعد نیٹو اور مغربی ممالک کو ایک اور جنگ عظیم سے خبردار کرتے ہوئے کہا ہے کہ یوکرین میں مغربی فوج کی موجودگی دنیا کو تیسری جنگ عظیم میں دھکیل سکتی ہے۔
اپنے الیکشن ہیڈکوارٹرز میں پانچویں مرتبہ ملک کا صدر منتخب ہونے کے بعد صحافیوں سے گفتگو کرتے ہوئے روسی صدر نے کہا کہ میری جیت روس کو مضبوط بنادے گی، روس کوسوچنے کی ضرورت ہے کہ یوکرین میں امن کیلئے کس سے بات کی جاسکتی ہے۔
شمالی کوریا نے گولہ بارود کے ہزاروں کنٹینرز روس کو بھیجے
پیوٹن کا کہنا تھا کہ میرا نہیں خیال کے کوئی اس طرح کے منظر نامے میں دلچسپی رکھتا ہو، روسی فوج یوکرین میں ہر روز پیش قدمی کر رہی ہے اور ہر طرح سے تیار ہے، انہوں نے کہا کہ امید ہے کہ فرانس پرامن طریقے سے مسئلے کا حل نکالے گا۔
