ARYNews.tv | Urdu – Har Lamha Bakhabar

Tag: سعودی وزیردفاع

  • سعودی وزیر دفاع سرکاری دورے پر ایران پہنچ گئے

    سعودی وزیر دفاع سرکاری دورے پر ایران پہنچ گئے

    سعودی عرب کے وزیرِ دفاع شہزادہ خالد بن سلمان بن عبد العزیز اعلیٰ قیادت کی ہدایت پر سرکاری دورے پر تہران پہنچ گئے۔

    سعودی پریس ایجنسی کے مطابق سعودی وزیر دفاع شہزادہ خالد بن سلمان جمعرات کو سرکاری دورے پر ایرانی دارالحکومت تہران پہنچے جہاں وہ ایران کی اعلیٰ قیادت سے ملاقات کریں گے۔

    دورے کے دوران شہزادہ خالد متعدد ملاقاتیں کریں گے جس میں دونوں ممالک کے درمیان دوطرفہ باہمی تعلقات اور باہمی دلچسپی کے امور پر تبادلہ خیال کیا جائے گا۔

     رپورٹ کے مطابق پیر کو سعودی وزیر خارجہ شہزادہ فیصل بن فرحان نے اپنے ایرانی ہم منصب عباس عراقچی سے فون پر بات کی تھی جس کے دوران انہوں نے علاقائی پیش رفت اور ان سے نمٹنے کی کوششوں پر تبادلہ خیال کیا تھا۔

  • سعودی وزیردفاع کی پاکستان آمد، وزیراعظم اورآرمی چیف سے ملاقات

    سعودی وزیردفاع کی پاکستان آمد، وزیراعظم اورآرمی چیف سے ملاقات

    اسلام آباد : سعودی وزیر دفاع اسلام آباد پہنچ گئے، ایئرپورٹ پر ان کا پرتپاک استقبال کیا گیا۔

    تفصیلات کے مطابق سعودی وزیر دفاع شہزادہ محمد بن سلمان پاکستان کے دورے پر اسلام آباد پہنچ گئے، اسلام آباد ایئر پورٹ پر وزیر دفاع خواجہ آصف اور دیگر اعلیٰ حکام نے ان کا شایان شان استقبال کیا۔


    Saudi defence minister meets PM by arynews

    بعد ازاں سعودی وزیردفاع شہزادہ محمد بن سلمان وزیراعظم ہاؤس پہنچ گئے،جہاں وزیراعظم نواز شریف، مسلح افواج کے سربراہان، وفاقی وزراء اور ارکان پارلیمنٹ نے انہیں خوش آمدید کہا۔

    سعودی وزیر دفاع نے وزیراعظم نوازشریف سے ملاقات کی، اس موقع پر آرمی چیف جنرل راحیل شریف بھی موجود تھے۔

    ملاقات میں باہمی دلچسپی کے امور، دو طرفہ تعلقات اور خطے کی صورت حال پر تبادلہ خیال کیا گیا۔ سعودی وزیر کے دورے میں دفاعی شعبےمیں تعاون اور فروغ پر بھی بات چیت کی جائےگی۔

     

  • سعودی وزیردفاع شہزادہ محمد بن سلمان اسلام آباد پہنچ گئے

    سعودی وزیردفاع شہزادہ محمد بن سلمان اسلام آباد پہنچ گئے

    اسلام آباد : سعودی نائب ولی عہد شہزادہ محمد بن سلمان پاکستان پہنچ گئے، ایئر پورٹ پر خواجہ آصف اور سرتاج عزیز نے ان کا استقبال کیا۔

    تفصیلات کے مطابق سعودی نائب ولی عہد اور وزیر دفاع شہزادہ محمد بن سلمان دورہ پاکستان پر اسلام آباد پہنچ گئے ہیں۔

    نور خان ایئربیس پر وفاقی وزیر دفاع خواجہ آصف ، مشیر خارجہ سرتاج عزیز نے شہزادہ محمد بن سلمان کو خوش آمدید کہا، سعودی نائب ولی عہد وزیراعظم نواز شریف اور آرمی چیف جنرل راحیل شریف سے اہم امور پر تبادلہ خیال کریں گے۔

    ذرائع کے مطابق ملاقاتوں میں دو طرفہ دفاعی تعلق ،دہشت گردی کے خلاف جنگ ،سعودی اتحاد اور مشرق وسطیٰ کی صورتحال سمیت اہم معاملات پر بات چیت کی جائے گی۔

    علاوہ ازیں سعودی وزیردفاع کی آمد سے قبل وزیراعظم نواز شریف سے نیشنل سیکیورٹی ایڈوائزر ناصر جنجوعہ نے ملاقات کی اور ومی سلامتی کے اہم امور پر تبادلہ خیال کیا۔

    واضح رہے کہ دوروز قبل سعودی وزیرخارجہ عادل ابن الجبیر بھی پاکستان کا دورہ کرچکے ہیں۔ سعودی عرب میں شیعہ عالمِ دین شیخ باقرالنمرکی سزائے موت پرعمل درآمد کے نتیجے میں ایران کی جانب سے انتہائی سخت ردعمل کا مظاہرہ کیاگیا تھا جس کے بعد سے مشرقِ وسطیٰ میں کشیدگی کی نئی لہردوڑگئی ہے.