سعودی وزیر توانائی شہزادہ عبدالعزیز بن سلمان نے کہا ہے کہ مملکت کے مشرقی ریجن میں دو نئی گیس فیلڈز کی دریافت ہوئے ہیں۔
سعودی کی سرکاری خبررساں ادارے ایس پی اے کے مطابق شہزادہ عبدالعزیز بن سلمان نے کہا کہ سعودی آرامکو نے مملکت کے مشرقی ریجن میں قدرتی گیس کی غیر روایتی دو فیلڈز کی دریافت میں کامیابی حاصل کی ہے۔
وزیر توانائی نے کہا کہ ’ایک آئل فیلڈ ’اوتاد‘ الغوار فیلڈ کے جنوب مغرب میں دریافت ہوئی، یہ الھفوف شہر سے 142 کلو میٹر جنوب مغرب میں واقع ہے۔
اوتاد کنویں سے یومیہ 10 ملین مکعب فٹ کے تناسب سے گیس نکلنے لگی ہے، اس سے 740 بیرل کنڈینسیٹ نکل رہا ہے۔اس کنویں سے یومیہ 16.9 ملین مکعب فٹ گیس اور 165 بیرل کنڈینسیٹ نکل رہا ہے۔
شہزادہ عبدالعزیز بن سلمان نے بتایا کہ دوسری گیس فیلڈ الدھنا فیلڈ ظہران شہر کے جنوب مغرب میں 230 کلو میٹر کے فاصلے پر دریافت ہوئی ہے۔
انہوں نے کہا کہ’ الدھنا-4 کنویں سے یومیہ 8.1 ملین مکعب فٹ گیس نکل رہی ہے، الدھنا کنویں سے یومیہ 17.5 ملین مکعب فٹ گیس اور 362 بیرل کنڈینسیٹ نکل رہی ہے۔
شہزادہ عبدالعزیز بن سلمان نے کہا کہ قدرتی گیس کی دو نئی فیلڈز کی دریافت اہم ہیں، اس سے سعودی عرب کی قدرتی گیس کے ذخائر کی پوزیشن مضبوط ہوگی، مملکت کی اسٹراٹیجک حیثیت مستحکم ہوگی اور سیال فیول پروگرام کے اہداف حاصل ہوں گے۔
سعودی وزیر توانائی نے کہا کہ اللہ کا شکر اور احسان ہے کہ وہ وطن عزیز سعودی عرب کو نعمتوں سے مسلسل نواز رہا ہے۔
