Tag: سعودی

ریاض: سعودی عرب کی حکومت نے مقامی شہریوں کو پانچ اہم شعبوں میں کاروبار کے نئے مواقع فراہم کرنے کا اعلان کردیا۔

تفصیلات کے مطابق سعودی عرب کے وزیر برائے مزدور اور سماجی ترقی نے اعلان کیا کہ حکومت مقامی شہریوں کو کاروبار کی طرف راغب کرنے کے لیے سرگرم ہے اور انہیں مکمل ترغیب فراہم کررہی ہے۔

اُن کا کہنا تھا کہ تجارتی اور کاروباری شعبے میں مقامی شہریوں کے لیے پانچ مختلف پیشوں میں سرمایہ کاری کا اعلان کیا گیا۔

مزید پڑھیں: سعودی عرب کا 583 پاکستانی طلبہ کو اسکالرشپس دینے کا اعلان

سعودی حکومت کی جانب سے شہریوں کو طبی آلات، تعمیراتی سامان، گاڑیوں کے اسپیئرپارٹس، قالین اور مٹھائی کے شعبوں میں سرمایہ کاری کی دعوت دی گئی۔

حکومتی وزیر کا کہنا تھا کہ ’نئی کاروباری اسکیم پر علمدرآمد شروع کردیا گیا، سرمایہ کاری کا اہم مقصد سعودی عرب کے مردوں اور خواتین کو روزگار کے مواقع فراہم کرنا اور تجارت میں مقامی شہریوں کی شرکت کو یقینی بنانا ہے‘۔

العربیہ کی رپورٹ کے مطابق ’حکومت سرمایہ کاروں کو ہر ممکن مدد فراہم کرے گی جبکہ انہیں خصوصی ریلیف بھی دیا جائے گا‘۔

یہ بھی پڑھیں: سعودی عرب: غیرملکی انجینئرز کے پیشہ تبدیل کرنے پر پابندی عائد

اسے بھی پڑھیں: سعودی عرب ملازمتی پابندیاں، غیرملکیوں پر مزید 41 پیشوں کے دروازے بند

رپورٹ کے مطابق وزارت لیبر و سماجی ترقی نے ایک بورڈ تشکیل دیا جس میں سرکاری فلاحی ادارے بورڈ کے ممبران بھی شامل ہیں۔

حکومتی کمیٹی مختلف سرمایہ کاروں سے رابطہ کر کے انہیں کاروبار شروع کرنے پر آمادہ کرے گی اور مختلف شعبوں میں کام کرنے والے غیر ملکیوں کی نشاندہی بھی کرے گی تاکہ اُن کے خلاف کارروائی عمل میں لائی جائے۔

کمیٹی کے اراکین بے روزگار نوجوانوں اور خواتین کے کوائف بھی جمع کریں گے تاکہ انہیں مختلف شعبوں میں ملازمت دی جاسکے۔

ریاض: سعودی حکومت نے سیاحت کو فروغ دینے کے لیے نئی اور آسان ویزہ پالیسی کا اعلان کردیا۔

تفصیلات کے مطابق سعودی عرب کے دارالحکومت میں فارمولا ون ریس کا میلا سج گیا جس کا افتتاح ولی عہد شاہ سلمان نے کیا، ایونٹ میں دنیا بھر سے ماہر ڈرائیور شرکت کررہے ہیں۔

اس ضمن میں سعودی حکومت نے غیر ملکی سیاحت کو فروغ دینے کے لیے نئی اور آسان ویزہ پالیسی کا اعلان کیا جس کا ایک اور مقصد فارمولا ون کو فروغ دینا بھی ہے۔

حکومتی ترجمان کے مطابق مذکورہ فیصلے کے ذریعے مذہبی سیاحت کو فروغ ملے گی، غیر ملکی شہری اسلام کی تعلیمات سے بھی استفادہ کرسکیں گے اور انہیں شرعی احکامات سمجھنے میں آسانی ہوگی۔

مزید پڑھیں: ابوظہبی، حکومت نے ویزہ پالیسی میں نرمی کردی

حکومت کی جانب اس سہولت کا اعلان گزشتہ ماہ کیا گیا تھا جس کے بعد 1000 سے زائد غیر ملکی سیاح ریاض پہنچے اور انہوں نے دارالحکومت سمیت مختلف شہروں کا دورہ کیا۔

سعودی حکومت کی جانب سے امریکا، یورپ، روس، جنوبی امریکا، افریقا، آسٹریلیا اور ایشیا کے تمام ممالک سے آنے والے سیاحوں کو سہولیات بھی دی جائیں گی۔

کھیل کے وزیر اور ولی عہد عبد العزیز بن ترکی الفیصل کا کہنا تھا کہ حکومت نے پائلٹ پروجیکٹ کی کامیابی کے لیے ویزہ پالیسی میں نرمی کی، اب آدھے گھنٹے کے اندر کسی بھی ملک کا شہری ویزہ حاصل کرسکتا ہے۔

اُن کا کہنا تھا کہ ’خواہش مند افراد اپنی ممالک میں موجود سفارت خانوں میں جیسے ہی درخواست دیں گے انہیں ویزہ لگا کر دے دیاجائے گا جبکہ آن لائن بھی ویزہ کی درخواست دی جاسکتی ہے جس پر زیادہ سے زیادہ تین دن میں عملدرآمد ہوگا۔

یہ بھی پڑھیں: دبئی میں سیاحت کے لیے نئی ویزہ پالیسی متعارف

ہانگ کانگ سے ریاض پہنچنے والے غیر ملکی شہری کا کہنا تھا کہ انہوں نے بہت آسانی سے ویزہ حاصل کیا، سعودی حکومت کا یہ اقدام بہت شاندار ہے۔

ولی عہد عبد العزیز کا کہنا تھاکہ ہم سعودی عرب کو ایساملک بنانا چاہتے ہیں جہاں ہر ملک کا شہری آئے اور سیر و تفریح کرے، اس اقدام کا مقصد روشن خیالی اور معیشت کو مستحکم کرنا ہے۔