Tag: سعید آباد

کراچی کے علاقے سعید آباد میں خاتون پولیس اہلکار پر شوہر نے تیزاب پھینک دیا، تیزاب گردی سے خاتون کا 30 فیصد چہرہ جل گیا۔

تفصیلات کے مطابق ایس ایس پی کیماڑی فیضان علی نے بتایا کہ سعید آباد میں خاتون پر شوہر نے تیزاب پھینک دیا جس سے خاتون کو 30 فیصد نقصان پہنچا ہے۔ خاتون بلوچستان میں پولیس کانسٹیبل ہے۔

ایس ایس پی نے کہا کہ شوہر تیزاب پھینک کر فرار ہوگیا، خاتون اسپتال میں زیرعلاج ہے، پولیس نے سول برنس وارڈ میں متاثرہ لیڈی پولیس اہلکار کا بیان لیا۔

فیضان علی نے کہا کہ متاثرہ خاتون کا شوہرحب کا رہائشی ہے، شوہر متاثرہ خاتون کو اسپتال لے جانے کے بہانے حب سے لیکر آیا تھا۔ شوہر خاتون پر تیزاب پھینک کر بچے سمیت فرار ہوگیا۔

پولیس نے کہا کہ متاثرہ خاتون کے والدین کراچی میں رہتےہیں، رابطے کی کوشش کررہے ہیں۔ ملزم کی گرفتاری کے لیے پولیس چھاپے مار رہی ہے۔

کراچی: ریٹائر انسپکٹر بشیرحسین نے پولیس اہلکاروں پرڈکیتی کا الزام عائد کیا ہے، گھر میں پولیس وردی اور سادہ لباس میں ملبوس اہلکار گھسے۔

تفصیلات کے مطابق ریٹائر انسپکٹر بشیرحسین کا کہنا ہے کہ سعید آباد میں گھر پر پولیس وردی اور سادہ لباس میں ملبوس اہلکاروں نے کارروائی کی۔ اہلکار گھر سے 4 تولے سونا اور 2 لاکھ روپے لے گئے۔

بشیر حسین نے ویڈیو بیان میں بتایا کہ 7 سے 8 اہلکار دو پولیس موبائلوں میں سوار تھے۔ پولیس اہلکاروں نے بیٹے کو زدوکوب بھی کیا۔

انھوں نے کہا کہ اہلکاروں سے پوچھنے پر بتایا گیا کہ ہم سی ٹی ڈی گارڈن سے آئے ہیں۔ اہلکاروں نے کہا کہ تمہارے بیٹے قمر کے پاس پستول ہے۔

بشیر حسین نے بتایا کہ اہلکاروں نے کہا کہ تمہارے بیٹے قمر کے پاس پستول ہے، جس پر میں نے جواب دیا کہ بیٹے کے پاس لائسنس یافتہ پستول ہے۔

سعید آباد کےعلاقے سیکٹر 14 سی میں پولیس پارٹی کی مبینہ ڈکیتی کے معاملے پر ایس ایس پی کیماڑی نے واقعے کی تحقیقات کیلئے انکوائری کمیٹی تشکیل دیدی ہے۔

ڈی ایس پی سعید آباد واقعے سے متعلق تحقیقات مکمل کر کے رپورٹ پیش کریں گے۔ ایس ایس پی کیماڑی نے کہا کہ تحقیقات کے بعد ملوث کرداروں کیخلاف قانونی کارروائی کی جائیگی۔