Tag: سعید اجمل

انضمام الحق شاہد آفریدی سعید اجمل عمران نذیر سمیت پاکستان کے کئی سابق کرکٹ اسٹارز ایک بار پھر کھیل کے میدان میں ایکشن میں نظر آئیں گے۔

پاکستان کے سابق کپتانوں انضمام الحق، شاہد آفریدی، محمد حفیظ سمیت سعید اجمل، عمران نذیر اور دیگر کئی نامور کھلاڑیوں کو انٹرنیشنل کرکٹ چھوڑے عرصہ گزر چکا لیکن کرکٹ شائقین آج بھی ان کے دیوانے ہیں۔

ایسے ہی کرکٹ شائقین کے لیے بڑی خبر ہے کہ انضمام الحق، شاہد آفریدی، محمد حفیظ، سعید اجمل، عمران نذیر، سہیل تنویر، شرجیل خان، عمر اکمل سمیت پاکستان کرکٹ کے کئی بڑے کھلاڑی ایک بار پھر ایکشن میں دکھائی دینے والے ہیں۔

رپورٹ کے مطابق یہ تمام کھلاڑی تمام کھلاڑی شارجہ میں منعقدہ ایک ٹیپ بال ایونٹ میں حصہ لیں گے، جس میں کئی غیر ملکی کرکٹرز بھی شامل ہیں۔

اس حوالے سے انضمام الحق اور شاہد آفریدی کا کہنا ہے کہ انہوں نے اپنے کیریئر کا آغاز ٹیب بال سے کیا تھا۔ شارجہ اسٹیڈیم میں کھیلنا پرانے دن یاد دلائے گا۔

مذکورہ ٹورنامنٹ میں کئی غیر ملکی سابق کرکٹرز بھی ایکشن میں دکھائی دیں گے۔

ایونٹ کے منتظمین کا کہنا ہے کہ نوجوان ٹیلنٹ کو کھیل کی جانب راغب کرنے کیلیے اقدام اٹھایا ہے۔

پاکستانی نوجوان اسپنر سفیان مقیم نے زمبابوے کے خلاف میچ میں صرف عمر گل ہی نہیں بلکہ سعید اجمل کا ریکارڈ بھی توڑ دیا ہے۔

زمبابوے کے خلاف دوسرے ٹی ٹوئنٹی میچ میں پاکستان کے نوجوان اسپنر سفیان مقیم نے تین رنز دے کر پانچ وکٹیں حاصل کر کے صرف سابق فاسٹ بولر عمر گل کا ہی ریکارڈ نہیں توڑا بلکہ سابق نامور اسپنر سعید اجمل کو بھی پیچھے چھوڑ دیا ہے۔

زمبابوے کے خلاف بلاوائیو میں کھیلے گئے دوسرے ٹی 20 میچ میں سفیان مقیم نے 2.4 اوورز میں صرف تین رنز دے کر 5 وکٹیں حاصل کیں۔

25 سالہ لیفٹ آرم کا یہ ساتواں ٹی ٹوئنٹی میچ تھا جس میں انہوں نے اپنی حاصل کردہ مجموعی وکٹوں کی تعداد 14 تک پہنچا دی جب کہ سعید اجمل نے 2009 میں اپنے ابتدائی سات میچز کھیل کر 13 وکٹیں حاصل کی تھیں۔ اس حوالے سے پاکستانی بولرز کی فہرست میں محمد سمیع پہلی پوزیشن پر ہیں۔

دوسری جانب اس میچ کی پرفارمنس کے بعد سفیان مقیم نے فل ممبر ملک کے کسی بھی بولر کی جانب سے کم ترین رنز دیکر 5 وکٹیں لینے والے گیند بازوں کی فہرست میں اپنا نام درج کروایا۔

یہ ریکارڈ اب مشترکہ طور پر سابق سری لنکن سپنر رنگنا ہیراتھ ، افغان لیگ سپنر راشد خان اور سفیان مقیم کے پاس ہے۔ رنگنا ہیراتھ نے ٹی 20 ورلڈ کپ 2016 میں نیوزی لینڈ کیخلاف۔ راشد خان نے 2017 میں آئرلینڈ کیخلاف اور سفیان مقیم نے دو روز قبل زمبابوے کیخلاف دوسرے ٹی 20 میں صرف 3 رنز دیکر 5 وکٹیں لیں۔

بھارتی پیسر بھونیشور کمار 4 رنز کے عوض 5 وکٹیں اور سابق پاکستانی فاسٹ بولر عمر گل 6 رنز کے عوض دو بار پانچ، پانچ وکٹیں حاصل کر چکے ہیں۔

https://urdu.arynews.tv/pakvszim-sufiyan-muqeem-breaks-umer-gul-record/

بھارتی لیجنڈ سچن ٹنڈولکر نے پاکستانی جادوگر اسپنر سعید اجمل کو وکٹیں لینے سے منع کردیا تھا، اس بات کا انکشاف خود آف اسپنر نے کیا۔

لارڈز میں 2014 میں ایک نمائشی میچ منعقد کیا گیا تھا جس میں پاکستان اور بھارت کے لیجنڈ کرکٹرز ایک ہی ٹیم میں موجود تھے، اس میچ میں میرلیبون کرکٹ کلب کی کپتانی سچن ٹنڈولکر کررہے تھے جبکہ شین وارن ورلڈ الیون کے قائد تھے۔

سابق پاکستانی اور بھارتی کرکٹرز ایک ہی ڈریسنگ روم شیئر کررہے تھے جبکہ اس ٹیم میں جادوگر اسپنر سعید اجمل بھی موجود تھے جبکہ اس میچ میں ٹنڈولکر نے سعید کو یاد دہانی کروائی تھی کہ یہ ایک نمائشی میچ ہے اس لیے زیادہ وکٹیں نہ لو اور مخالف بیٹرز کو رنز بنانے دو۔

سعید اجمل کے بہترین اسپیل کے باوجود اس میچ میں مخالف ٹیم نے پچاس اوورز میں 7 وکٹوں پر 293بنائے تھے تاہم ایم سی سی الیون نے کامیابی سے 294 رنز کا ہدف چار اوورز قبل ہی حاصل کرلیا تھا۔

پاکستانی آف اسپنر نے بتایا کہ 2014 سے قبل میں اور سچن 2010 میں اس کے ساتھ ایک لیگ میں کھیلا تھے اس دوران انھوں نے مجھے ’دوسرا‘ کر کے پیٹرسن کو آؤٹ کرنے کو کہا، میں نے پیٹرسن کو آؤٹ کردیا، وہ بہت خوش ہوئے۔

سعید اجمل نے بتایا کہ پھر جب میں نے 4 اوورز میں 4 وکٹیں لیں تو سچن ٹنڈولکر نے مجھے کہا کہ اب میچ میں 6 وکٹیں باقی ہیں اور آپ کو اس میچ کو جلدی ختم نہیں کرنا، انھوں نے ہمیشہ ہی ہمیں عزت دی۔

سابق آف اسپنر نے مزید کہا کہ وہ بھی ٹنڈولکر کا بہت احترام کرتے ہیں اور وہ انہیں اب بھی ’’سر‘‘ کہتے ہیں، سچن ایک عظیم کرکٹر ہیں، وہ ایماندار اور مہربان شخص اور ایک لیجنڈ ہیں۔