ARYNews.tv | Urdu – Har Lamha Bakhabar

Tag: سعید اجمل

  • سعید اجمل کا چنائی میں آفیشل بولنگ ایکشن ٹیسٹ ہوگیا

    سعید اجمل کا چنائی میں آفیشل بولنگ ایکشن ٹیسٹ ہوگیا

    چنائی: پابندی کے شکار پاکستانی آف اسپنرسعید اجمل کاچنائی میں بولنگ ایکشن ٹیسٹ ہوگیا، جس کا نتیجہ ایک ہفتے میں متوقع ہے۔

    تفصیلات کے مطابق بھارت سے شہرچنائی میں آئی سی سی کی بائیو میکنک لیبارٹری میں اجمل کے ایکشن کی حتمی جانچ ہوگئی، رپورٹ ایک ہفتے میں آنے کا امکان ہے۔

     ذرائع کے مطابق ان کے ٹیسٹ سے متعلق رپورٹ آئندہ ہفتے تک آنے کا امکان ہے جس کے بعد ان کی ورلڈکپ میں شمولیت کا حتمی فیصلہ بھی ہو جائے گا۔

    اجمل کا ایکشن گزشتہ برس اگست میں سری لنکا کے خلاف سیریز میں رپورٹ ہوا تھا جس کے بعد ان پر پابندی عائد کردی گئی تھی۔ آف اسپنر کا چار مرتبہ انگلینڈ کی لیبارٹری میں غیر سرکاری ٹیسٹ ہوا جس میں بہتری تو آئی لیکن وہ قانونی ڈگری کے اندر نہ آسکے۔

    دوسری جانب سابق اسپن ماسٹر سقلین مشتاق کی زیرنگرانی سعید اجمل نے بیٹسمینوں کو پریشان کرنے کے لئے نیا ہتھیار تیار کرلیا ہے، نئے ایکشن کے ساتھ  اجمل کیرم بال کے علاوہ سیم اپ بال بھی کراسکیں گے۔

  • سعید اجمل نے بیٹسمینوں کو پریشان کرنے کے لئے نیا ہتھیار تیار کرلیا

    سعید اجمل نے بیٹسمینوں کو پریشان کرنے کے لئے نیا ہتھیار تیار کرلیا

    لاہور: جادوگر اسپنر سعید اجمل نے بیٹسمینوں کو پریشان کرنے کے لئے نیا ہتھیار تیار کرلیا ہے، نئے ایکشن کے ساتھ وہ کیرم بال کے علاوہ سیم اپ بال بھی کراسکیں گے۔

    اے آر وائی نیوز کے پروگرام اسپورٹس روم میں خصوصی بات چیت کرتے ہوئے سعید اجمل نے کہا کہ ایکشن درست کرنے کیلئے بہت محنت کی۔ نیا ایکشن ایسے سیکھا جیسے پہلے بار بولنگ کر رہا ہوں۔

    آف اسپنر نے کہا کہ چار مہینے میں بارہ ہزار سے زائد گیندیں کروائیں۔

     ایک سوال پر سعید اجمل کا کہنا تھا کہ نئے ایکشن کے ساتھ نئی ورائٹی بھی حاصل کرلی ہے۔

    انہوں نے کہا کہ اب کیرم بال کے علاوہ سیم اپ بال سے بھی بیٹسمینوں کو پریشان کروں گا۔

     سعید اجمل انہوں نے کہا ٹیسٹ کلئیر کرنے کے بعد بھرپور تیاری کے ساتھ کم بیک کریں گے۔

    سعید اجمل کو مکمل انٹرویو ناظرین جمعرات کو ساڑھے چار بجے اے آ روائی نیوز پر دیکھ سکتےہیں۔

     دوسری جانب آف اسپنر سعید اجمل آفیشل بولنگ ایکشن ٹیسٹ کیلئے کل بھارت جائیں گے۔

  • ٹیسٹ کلیئر بھی ہوگیا تو ورلڈ کپ میں شرکت نہیں کرونگا، سعید اجمل

    ٹیسٹ کلیئر بھی ہوگیا تو ورلڈ کپ میں شرکت نہیں کرونگا، سعید اجمل

    کراچی: پاکستان کرکٹ ٹیم کے معطل آف اسپنر سعید اجمل کا کہنا ہے کہ آفیشل ٹیسٹ کلیئر بھی ہوگیا تو ورلڈ کپ میں شرکت نہیں کرونگا، میچ پریکٹس اور بھرپور اعتماد کے بعد میدان میں واپس آؤنگا۔

    اے آر وائی نیوز سے ٹیلی فونک گفتگو کرتے ہوئے دوسرا اسپیشلسٹ سعید اجمل کا کہنا ہے کہ غیر سرکاری ٹیسٹ کلیئر کرنے کے بعد آفیشل ٹیسٹ کلیئر کرنے کی امیدیں مزید روشن ہوگئی ہے۔ دوسرا سمیت تمام گیندیں پندرہ ڈگری کی حد میں ہے۔

    سعید اجمل سعید اجمل نے کہا کہ آفیشنل ٹیسٹ کلیئر کرنے کی صورت بھی ورلڈ کپ میں حصہ نہیں لوں گا۔ میچ پریکٹس حاصل کرنے کے بعد انٹرنیشنل میچز میں کم بیک کرونگا۔

    اسپین جادوگر سعید اجمل نے مزید کہا کہ ٹیم پر بوجھ نہیں بناناچاہتا، پہلے جیسا کارآمد ثابت ہواتو عالمی کپ میں شرکت کرونگا۔

    واضح رہے کہ  پابندی کے شکار پاکستانی آف اسپنر سعید اجمل کا آج برطانیہ میں غیر سرکاری بولنگ ایکشن ٹیسٹ کلیئر قرار دے دیا گیا ہے

  • جادو گر اسپینر سعید اجمل غیر سرکاری بالنگ ٹیسٹ میں کلئیر ہوگئے

    جادو گر اسپینر سعید اجمل غیر سرکاری بالنگ ٹیسٹ میں کلئیر ہوگئے

    انگلینڈ :  سیعد اجمل کا غیر سرکاری بالنگ ایکشن ٹیسٹ کلیئر قرار دے دیا گیا۔

    پابندی کے شکار پاکستانی آف اسپنر سعید اجمل کا برطانیہ میں غیر سرکاری بولنگ ایکشن ٹیسٹ کلیئر قرار دے دیا گیا ہے ،  ذرائع کا کہنا ہے کہ سعید اجمل کا ’دوسرا‘ بھی 15 ڈگری کے اندر آگیا ۔

     ذرائع نے بتایاکہ یہ ٹیسٹ آئی سی سی کی منظورشدہ لیبارٹری سے نہیں کرایاگیاتاہم 24جنوری کو چنائی میں باضابطہ ٹیسٹ کرایاجائے گااورامکان ہے کہ باﺅلنگ ایکشن درست آئے گا۔ ذرائع نے بتایاکہ انگلینڈ میں ہونیوالے غیررسمی ٹیسٹ کا خرچ سعید اجمل نے خود کیا۔

    گزشتہ سال سری لنکا کے خلاف گال ٹیسٹ میں سعید اجمل کا ایکشن رپورٹ ہوا تھا جس کے بعد ان پر پابندی عائد کرد ی گئی تھی، اجمل کے ایکشن کی درستگی کے لئے پی سی بی نے لیجنڈ کھلاڑی ثقلین مشتاق کی خدمات حاصل کیں اور ان کے ایکشن میں کافی حد تک بہتری بھی دیکھنے میں آئی۔

    دوسری جانب پاکستان کرکٹ بورڈ نے کھلاڑیوں کے سینٹرل کنٹریکٹ میں مارچ 2015 تک توسیع کردی۔ جس میں یاسر شاہ اور سہیل خان کو بھی سینٹرل کنٹریکٹ میں شامل کرلیا گیا ہے، جس کے بعد سینٹرل کنٹریکٹ میں کھلاڑیوں کی تعداد 33 ہوگئی ہے۔

  • سعید اجمل کا بولنگ ٹیسٹ چنائی میں ہوگا

    سعید اجمل کا بولنگ ٹیسٹ چنائی میں ہوگا

    لاہور : پابندی کے شکار پاکستانی آف اسپنر سعید اجمل کا پہلا سرکاری بولنگ ایکشن ٹیسٹ چوبیس جنوری کو چنائی میں ہوگا۔ پاکستان کرکٹ بورڈ نے سعید اجمل کے آفیشل ٹیسٹ کے لئے آئی سی سی سے باقاعدہ تاریخ لے لی ہے۔

    چوبیس جنوری کو چنائی میں آف اسپنر کے بولنگ ایکشن کی جانچ ہوگی۔ ناکام ہونے کی صورت میں اجمل کو پابندی کا سامنا کرنا پڑسکتا ہے۔

    گزشتہ سال سری لنکا کے خلاف گال ٹیسٹ میں سعید اجمل کا ایکشن رپورٹ ہوا تھا جس کے بعد ان پر پابندی عائد کرد ی گئی تھی۔

    اجمل کے ایکشن کی درستگی کے لئے پی سی بی نے لیجنڈ کھلاڑی ثقلین مشتاق کی خدمات حاصل کیں اور ان کے ایکشن میں کافی حد تک بہتری بھی دیکھنے میں آئی۔

    اجمل کا تین سے چار مرتبہ غیر سرکاری ٹیسٹ بھی کرایا گیا لیکن ان کے بازو میں خم پندرہ ڈگری سےزائد ہی رہا۔ اجمل پُر اعتماد ہیں کہ آفیشل ٹیسٹ میں وہ کلئیر ہوجائیں گے۔

  • پی سی بی سے کوئی اختلاف نہیں،خبریں بے بنیاد ہیں،سعید اجمل

    پی سی بی سے کوئی اختلاف نہیں،خبریں بے بنیاد ہیں،سعید اجمل

    لاہور : پابندی کا شکار پاکستانی آف اسپنر سعید اجمل نے کہا ہے کہ باؤلنگ ایکشن سے متعلق میڈیا میں آنے والی خبریں بے بنیاد ہیں۔ پی سی بی نے مجھے ہمیشہ سپورٹ کیا ہے۔وہ جو بھی فیصلہ کریں گے پاکستانی کرکٹ کے مفاد میں ہی ہو گا۔

    تفصیلات  کے مطابق بولنگ ایکشن ٹیسٹ سے متعلق میڈیا پر چلنے والی خبروں نے قومی باؤلر سعید اجمل کو وضاحتی بیان دینے پر مجبور کر ہی دیا۔

    سماجی ویب سائٹ پرایک پیغام میں اجمل نے کہا کہ ان کے بورڈ کے درمیان کوئی اختلافات نہیں ہیں۔ میڈیا پر چلنے والی منفی خبریں بے بنیاد ہیں۔

    وہ اپنے مداحوں کو یقین دلاتے ہیں کہ ورلڈ کپ میں ان کی شرکت سے متعلق جو کچھ بھی ہو رہا ہے وہ ان کے اور کرکٹ ٹیم کے مفاد میں ہے۔

    سعید اجمل نے کہا کہ پاکستان کرکٹ بورڈ نے ہمیشہ ان کے مفاد کا خیال رکھا ہے۔ بورڈ نے پہلے بھی سپورٹ کیا اور امید ہے آئندہ بھی کرتا رہے گا۔

  • سعید اجمل نے ورلڈکپ میں شرکت نہ کرنے کا فیصلہ کرلیا

    سعید اجمل نے ورلڈکپ میں شرکت نہ کرنے کا فیصلہ کرلیا

    لاہور: پاکستان کرکٹ بورڈ کے چیئرمین شہر یار خان نے کہا ہے کہ آف اسپنر سعید اجمل نے آئندہ برس فروری سے شروع ہونے والے کرکٹ کے عالمی کپ میں شرکت نہ کرنے فیصلہ کیا ہے۔

    شہریار خان نے گزشتہ روز برطانوی نشریاتی ادارے سے گفتگو کرتے ہوئے اس بات کی تصدیق کی۔ ان کا مزید کہنا تھا کہ ورلڈ کپ میں حصہ نہ لینے کے حوالے سے آف اسپنر سعید اجمل ایک دو روز میں پریس کانفرنس کریں گے۔

    شہریار خان کا کہنا تھا ’آسٹریلیا اور نیوزی لینڈ میں ہونے والے کرکٹ ورلڈ کپ میں اور اپنا بائیو مکینک ٹیسٹ نہ کروانے کا فیصلہ سعید اجمل کا اپنا ہے اور اس وقت ان کے ساتھ ثقلین مشتاق اور دیگر ماہرین بھی موجود تھے۔

    ابھی سعید اجمل کو اپنے بولنگ ایکشن کو ری ماڈل کرنے کے لئے تھوڑا اور وقت چاہیئے۔‘ برطانوی نشریاتی ادارے نے جب شہر یار خان سے پوچھا کہ کیا اس دوران سعید اجمل ثقلین مشتاق کے ساتھ ہی پریکٹس کرتے رہیں گے تو انھوں نے کہا سعید اجمل ثقلین مشتاق کے ساتھ پریکٹس کر رہے ہیں۔

    انھوں نے مزید کہا کہ سعید اجمل کی کوشش ہو گی کہ جس طرح ثقلین مشتاق نے انھیں بتایا ہے اس طرح وہ اپنے بولنگ ایکشن کو ری ماڈل کریں۔

  • آف اسپنر سعید اجمل کی ورلڈ کپ میں شرکت مشکوک ہوگئی

    آف اسپنر سعید اجمل کی ورلڈ کپ میں شرکت مشکوک ہوگئی

    لاہور: آف اسپنر سعید اجمل کی ورلڈ کپ میں شرکت مشکوک ہوگئی،پاکستان کرکٹ بورڈ نے سعید اجمل کو بولنگ ایکشن کی غیر سرکاری جانچ کے لئے بھارت نہ بھیجنے کا فیصلہ کرلیا۔

    آئی سی سی کو ورلڈ کپ کے لئے حتمی ٹیم کے نام 7 جنوری تک بھجوانے ہیں، اجمل کا ایکشن اب تک ٹھیک نہ ہوسکا، بازو کا خم پندرہ ڈگری کے اندر نہ آسکا۔ بورڈ نے تمام ترکیبیں لڑا کر دیکھ لیں، ڈومیسٹک میچ بھی کھلالیا، برطانیہ میں غیر سرکاری ٹیسٹ بھی ہوگئے، لیکن ثقلین مشتاق اجمل کا ایکشن درست نہ کرسکے،ایسے میں پی سی بی نے کم وقت میں مشکل فیصلہ کرلیا۔

     آف اسپنر کو بالنگ ایکشن کی غیر سرکاری جانچ کے لئے بھارت نہیں بھیجا جائے گا، اس فیصلے کے بعد اجمل کی ورلڈ کپ میں شرکت کے امکانات نہ ہونے کے برابر رہ گئے، پاکستان کرکٹ بورڈ کا کہنا ہے کہ سعید اجمل ایکشن کی بہتری کے لئے مزید کام جاری رکھیں گے، وہ ایکشن کی جانچ کے لئے بھارت نہیں جارہے، بورڈ کا کہنا ہے کہ آل راؤنڈر محمد حفیظ کا آئندہ ہفتے چنائی میں غیر سرکاری بولنگ ایکشن ٹیسٹ ہوگا۔

    تاہم چیئرمین شہریارخان نے کھل کربتادیاکہ سعیداجمل ورلڈکپ نہیں کھیلیں گے، انہوں نے کہا کہ سعیداجمل نے ورلڈکپ نہیں کھیلنےکافیصلہ خودکیا۔

  • سعید اجمل کینیا کیخلاف پاکستان اے کی نمائندگی کرینگے

    سعید اجمل کینیا کیخلاف پاکستان اے کی نمائندگی کرینگے

    لاہور : پاکستان کرکٹ بورڈ نے سعید اجمل کے بولنگ ایکشن میں مزید بہتری لانے کیلئے انھیں کینیا کیخلاف پاکستان اے کے اسکواڈ میں شامل کرلیا ہے۔

    پاکستان اے اور کینیا کے درمیان ون ڈے سیریز کے آخری دو میچز انیس اور بیس دسمبر کو قذافی اسٹیڈیم لاہور میں کھیلے جائینگے۔

    پی سی بی نے قومی ٹیم کے تجربہ کار اسپنر سعید اجمل کو ایکشن میں مزید بہتری لانے کی وجہ سے پاکستان اے کے اسکواڈ میں شامل کیا ہے۔

    کرکٹ بورڈ پہلے ہی فیصلہ کرچکا ہے کہ سعید اجمل آئی سی سی کی بائیو میکینک لیب میں ہونے والے ٹیسٹ سے قبل ڈومیسٹک کرکٹ کھیلیں گے، جسکی وجہ سے انھیں انگلینڈ سے واپس بلوا لیا گیا تھا۔

    سعید اجمل کا بولنگ ایکشن ابھی بھی پندرہ ڈگری سے زیادہ ہے

  • سعید اجمل نے دوبارہ باؤلنگ پریکٹس کا آغاز کر دیا

    سعید اجمل نے دوبارہ باؤلنگ پریکٹس کا آغاز کر دیا

    لاہور: معطل آف اسپنر سعید اجمل نے انگلینڈ سے وطن واپس پہنچنے کے بعد لاہور میں دوبارہ پریکٹس کا آغاز کر دیا ہے۔سابق اسپنر ثقلین مشتاق کے ساتھ ایک ماہ سے زائد باؤلنگ ایکشن میں درستگی کے لئے پریکٹس کرنے کے بعد پی سی بی نے سعید اجمل کو بائولنگ ایکشن کی جانچ کے لئے دوبارہ انگلینڈ بھیجا۔

    جہاں ایک مرتبہ پھر ان کے بازو میں خم پندرہ ڈگری سے زائد آیا ہے۔ پی سی بی نے سعید اجمل کو وطن واپس بلا کر نیشنل کرکٹ اکیڈمی کے کوچز کی زیر نگرانی مزید پریکٹس کرنے کی ہدایت کی۔

    سعید اجمل نے قذافی اسٹیڈیم میں دوبارہ پریکٹس کا آغاز کر دیا ہے۔ اور وہ پرامید ہیں کہ وہ جلد اپنا باؤلنگ ایکش درست کر لیں گے۔