Tag: سعید اجمل

پاکستان کرکٹ ٹیم کے اسٹار آف اسپنر سعید اجمل کا کہنا ہے کہ ما یوس نہیں، اچھی کارکردگی دکھاکر سیریز کا میچ جیتنے کی کوشش کرینگے۔

شارجہ میں میڈیا سے گفتگو کرتے ہوئے آف اسپنر سعید اجمل کا کہنا ہے کہ خراب کارکردگی پر مایوس نہیں اچھی کارکردگی دکھاکر سیریز کے تیسرا جیت کر سیریز برابر کرنے کی کوشش کرینگے۔

سعید اجمل کا کہنا ہے کہ چھ سال سے یو ے ای میں کرکٹ کھیل رہا ہوں لیکن کبھی ایسی وکٹ نہیں دیکھی، جس سے اسپنرز کو مدد نہ ملے، زیادہ کرکٹ کھیلنے یا توقعات پر پورا اترنے کو کوئی بوجھ نہیں ہے۔ سری لنکن بلے باز میری گیندوں کو نہایت احتیاط کے ساتھ کھیل رہے ہے۔

پاکستان کرکٹ ٹیم کے بولنگ کوچ محمد اکرم کا کہنا ہے کہ کھیل کے دوسرے روز پاکستانی بولرز نے جلد وکٹیں حاصل کرنے کی بھرپور کوشش کی تھی۔ پاکستان کے بولنگ کوچ محمد اکرم کا کہنا ہے کہ سری لنکن بیٹسمین مہیلا جے وردھنے کو جلد آؤٹ کرنے کی بھرپور کوشش کی مگر بولرز کو کامیابی حاصل نہیں ہوسکی۔

دبئی کی وکٹ پہلے روز کے برعکس خاصی مختلف دکھائی دے رہی ہے۔ انکا کہنا تھا کہ سعید اجمل کی کارکردگی کو برا نہیں کہہ سکتے۔ مہیلا جے وردھنے کا کہنا تھا کہ انکی سنچری سے سری لنکا کی پوزیشن میچ میں بہتر ہوگئی ہے۔ میچ سے پہلے درد ختم کرنے والی ادویات اور انجکشن کا استعمال کیا۔ دبئی ٹیسٹ میں سنچری بہترین اننگز میں شامل ہے

پاکستان کی رواں سال ون ڈے کرکٹ میں عمدہ کارکردگی کا سہرہ جادوگر اسپنر سعید اجمل اور مصباح الحق کو جاتا ہے، اجمل سال میں سب سے زیادہ وکٹیں اور مصباح سال میں سب سے زیادہ رنز بنانے والے کھلاڑی ہیں۔

دوہزار تیرہ کا سال پاکستانی ٹیم کے کپتان مصباح الحق اور سعید اجمل کے نام رہا، دونوں کھلاڑیوں نے ٹیم کے لئے متعدد فتوحات حاصل کیں، رواں سال ون ڈے میں پاکستان کی شاندار کارکردگی کا تمام کریڈٹ ماہر سعید اجمل کو جاتا ہے، جنھوں نے اپنی جادوگری سے بڑے بڑے بلے بازوں کو پریشان کیا اور تمام بیٹسمیوں کے لئے درد سر بنے رہے۔

سعید اجمل نے سال دو ہزار تیرہ میں ریکارڈ سب سے زیادہ چھپن شکار کئے، جادوگر اسپنر کے پاس اس ریکارڈ کو مزید مستحکم کرنے کے لئے ابھی دو میچز ا ور ہیں، بیٹنگ میں پاکستانی ٹیم کی بیٹنگ کا بوجھ اٹھانے والے کوئی اور نہیں بلکہ مصباح الحق ہیں، جو سال کے سب سے کامیاب بلے باز ہیں۔

ٹک ٹک کے نام سے مشہور مصباح بوم بوم بنے اور کئی ریکارڈ اپنے نام کر ڈالے، مصباح نے اب تک تیرہ سو بائیس رنز بنا لئے ہے، جس میں ریکارڈ چودہ نصف سنچریاں بھی شامل ہے، سری لنکا کے خلاف آخری دو ون ڈے میں دونوں کھلاڑی نہ صرف ریکارڈ مزید بہتر بناسکتے ہیں بلکہ سال کا اختتام بھی جیت کے ساتھ کرسکتے ہیں۔
   

پاکستانی کھلاڑیوں کی رواں سال ون ڈے کرکٹ میں کارکردگی سب سے نمایاں رہی۔ قومی ٹیم کے کپتان مصباح الحق اور سعید اجمل سال دوہزار تیرہ میں سب سے آگے رہے۔  پاکستان میں بین الاقوامی کرکٹ نہیں ہورہی لیکن اس کے باوجود کھلاڑیوں کی غیر ملکی سرزمین پر عمدہ کارکردگی کا سلسلہ جاری رہا۔

پاکستانی کپتان مصباح الحق نے سال دوہزار تیرہ میں ناقدین کو اپنی پرفارمنس سے خاموش کرادیا۔ وہ رواں سال سب سے زیادہ رنز بنانے والے بیٹسمین بن چکے ہیں۔  مصباح نے پچپن کی اوسط سے تیرہ سو بائیس رنز بنائے ہیں۔ جس میں سب سے زیادہ چودہ نصف سینچریاں بھی شامل ہیں۔

بولنگ کی بات کریں تو پاکستانی آف اسپنر سعید اجمل ون ڈے میں سب سے زیادہ وکٹیں لینے والے بولر بن گئے۔ اجمل نے اکتیس میچز میں چھپن شکار کئے۔ پاکستانی آل راؤنڈر شاہد آفریدی نے بولنگ میں کمال دکھایا۔ آفریدی نے ویسٹ انڈیز کے خلاف سات وکٹیں حاصل کیں جو کسی بھی بولر کی جانب سے ایک میچ میں بہترین بولنگ ہے۔ 

پاکستانی بیٹسمینوں نے موجودہ سال کی دوسری، چھٹی اور آٹھویں وکٹ کی بہترین شراکت بھی بنائی۔ محمد حفیظ پاکستان کی جانب سے سب سے زیادہ چار سینچریاں بنانے والے بیٹسمین رہے۔ پاکستان کو سری لنکا کے خلاف متحدہ عرب امارت میں ابھی مزید دو ون ڈے میچزاور کھیلنے ہیں۔ قومی کھلاڑی سال کی پرفارمنس کو اور بھی بہتربناسکتے ہیں۔