Tag: سعید غنی

کراچی : صوبائی وزیر سعید غنی نے دعویٰ کیا ہے کہ پیپلزپارٹی کےکراچی میں میئر اور ڈپٹی میئربھاری اکثریت سے کامیاب ہوں گے۔

تفصیلات کے مطابق کراچی میں میئر اور ڈپٹی میئر کے لیے انتخاب کا عمل جاری ہے، صوبائی وزیر سعید غنی نے بیان میں کہا ہے کہ پیپلزپارٹی کےکراچی میں میئر اور ڈپٹی میئربھاری اکثریت سے کامیاب ہوں گے۔

سعید غنی نے بتایا کہ اس وقت پولنگ اسٹیشن میں میری اطلاعات کے مطابق 331 ارکان موجود ہیں، پیپلز پارٹی اور حلیف جماعتوں کے173 ارکان پولنگ اسٹیشن میں موجود ہیں۔

صوبائی وزیر کا کہنا تھا کہ جماعت اسلامی اورپی ٹی آئی کے 158 ارکان پولنگ اسٹیشن میں موجود ہیں، یوان میں موجود331 ارکان ہی اپنا حق رائے دہی استعمال کریں گے اور آج شام پاکستان پیپلز پارٹی کے جیالے بھرپور جشن منائیں گے۔

خیال رہے میئر اور ڈپٹی میئر کے لیے انتخاب جاری ہے، پیپلز پارٹی اور جماعت اسلامی کے امیدوار میدان میں ہیں۔

میئر کے لئے پیپلز پارٹی کے مرتضیٰ وہاب اور جماعت اسلامی کے حافظ نعیم الرحمان کے درمیان مقابلہ ہے جبکہ ڈپٹی میئر کیلئے پیپلزپارٹی کے سلمان عبداللہ مراد اور جماعت اسلامی کے سیف الدین ایڈووکیٹ میدان میں ہیں۔

دونوں جماعتیں اپنے اپنے امیدوار کی کامیابی کیلئے پُرامید ہیں، انتخاب شو آف ہینڈز سے ہوگا۔

آرٹس کونسل کراچی آڈیٹوریم کو پولنگ اسٹیشن قرار دیا گیا ہے اورسیکیورٹی کے سخت انتظامات کیے گئے ہیں۔

ووٹ کاسٹ کرنے کیلئے تین سو بتیس ارکان وقت پر پہنچ گئے جبکہ چونتیس ارکان غیرحاضرہیں۔۔ کے ایم سی کے تین سو چھیاسٹھ ارکان کو ووٹ کاسٹ کرنا تھا۔

سٹی کونسل میں پیپلزپارٹی کے ایک سو پچپن اور جماعت اسلامی کے ارکان کی تعداد ایک سو تیس ہے، پی ٹی آئی باسٹھ ، مسلم لیگ نون چودہ ، جے یو آئی چار اور تحریک لبیک کی ایک نشست ہے۔

میئرکے انتخاب کے لیے پیپلز پارٹی کو مسلم لیگ نون اور جمعیت علمائے اسلام ف کی حمایت حاصل ہے جبکہ ووٹنگ میں حصہ لینے کیلئے فردوس شمیم نقوی سمیت پی ٹی آئی کے تین ارکان کو بکتربند میں آرٹس کونسل پہنچادیا گیا ہے۔

کراچی : صوبائی وزیرسعیدغنی کا کہنا ہے کہ سمندری طوفان نہ آیا تو 15 جون کی رات سی وی یوپرجشن کریں گے۔

تفصیلات کے مطابق صوبائی وزیر سعید غنی نے پریس کانفرنس کرتے ہوئے کہا کہ کل سے رونے دھونے کاسلسلہ شروع ہے، سراج الحق کوبھی تعزیتی پروگرام میں بلایاگیا، 9مئی کےواقعات کی مذمت بھی ہورہی ہے اورکارروائی کامطالبہ بھی، ان کو لگتا ہے کہ پی ٹی آئی رہنماؤں کی گرفتاری میئر بننےسے روکنے کیلئےہے، پی ٹی آئی کے یوسی چیئرمینزنے 9مئی سے پہلے ہی ووٹ نہ دینے کااعلان کیاتھا۔

سعید غنی کا کہنا تھا کہ جماعت اسلامی کونفرت،منافرت،لسانیت کی سیاست نہیں کرنی چاہئے ، آپ کےاپنےلوگ حافظ نعیم اورجماعت کی سیاست سےنالاں ہیں، دعویٰ سےکہتاہوں 155میں سےایک آدمی بھی ادھرادھرنہیں ہوگا۔

میئر کراچی کے انتخاب کے حوالے سے صوبائی وزیر نے کہا کہ حافظ نعیم کیلئے فردوس شمیم نے پی ٹی آئی کی طرف سےغیرمشروط حمایت کااعلان کیاتھا اور پی ٹی آئی کے کئی لوگوں کاردعمل بھی سامنے آیا تھا، پی ٹی آئی واٹس ایپ گروپ کے میسج وائرل ہیں، پی ٹی آئی کے لوگ خود کہہ رہے ہیں اب بالکل ووٹ نہیں دیں گے۔

انھوں نے بتایا کہ تین لوگ گرفتارہیں ان کوہم الیکشن کے دن پیش کریں گے، اکثریت ہوگی توحافظ نعیم جیتیں گےتومیں پھولوں کے ہارپہناؤں گا۔

سعید غنی نے کہا کہ ہم کسی ملک دشمن نیازی کے گھرپرنہیں جارہے، ہم توعوامی نمائندوں سے رابطہ کررہے ہیں، حافظ نعیم نے نفرت لسانی سیاست شروع کی جس کی مذمت کرتےہیں، صوبے میں ملک میں نفرتیں اورمنافرت پھیلارہے ہیں، جماعت اسلامی میں اس طرزعمل پربھی اختلاف ہے۔

صوبائی وزیر نے اعتراف کیا کہ میں نےخودپی ٹی آئی کےلوگوں سے رابطےکیےہیں، اکثرپی ٹی آئی کےلوگوں نےکہاپیپلزپارٹی کوووٹ نہیں دیں گے ، انہوں نےکہاکہ ہم حافظ نعیم الرحمان کوووٹ دیں گے، پی ٹی آئی کےکچھ لوگوں نےحافظ نعیم کوگالیاں بھی دیں۔

ان کا مزید کہنا تھا کہ حافظ نعیم کی بوکھلاہٹ ثابت ہےکہ15جون کوکیاہونےوالاہے،سیاست میں ایسا نہیں ہوتا کہ 193نمبر پورے ہوگئے اور اعلان کردیا کہ میئر بن گیا، ایسےتوالیکشن کرانےکی ضرورت نہیں وزیراعظم بھی ایسےہی منتخب کردیں۔

سعید غنی نے بتایا کہ کراچی میں جتنےانتخابات ہوئےجماعت اسلامی کی کارکردگی دکھادیں، پیپلزپارٹی ہرالیکشن میں جیتی ہے، جماعت اسلامی20سال میں جتنےانتخابات ہوئے کہیں بھی نہیں۔

صوبائی وزیر نے کہا کہ ہم کوشش کر رہے ہیں جس کا اعتراف کرتا ہوں ، میں پاکستان تحریک انصاف کےارکان سے ملا ہوں ، میں نے ان ارکان سے حمایت مانگی ہے، ہم پرپابندی نہیں ،کیوں پی ٹی آئی ارکان سے نہیں مل سکتے ، ہم پی ٹی آئی کےیوسی چیئرمین سے التجا کرینگے ہمیں ووٹ دیں، ووٹ دیں گے تو ان کی مہربانی ،نہ دیں تو ان کا اپنا فیصلہ ہوگا۔

انھوں نے مزید کہا کہ مرتضیٰ وہاب میئربنتےہیں تواگلے6ماہ کےاندراندرکےایم سی کاممبربنناہوگا،سلمان مرادجب ڈپٹی میئربنتےہیں توانہیں بھی 6ماہ میں کےایم سی ممبربنناہے۔

الخدمت ویلفئرٹرسٹ کے حوالے سے سعید غنی کا کہنا تھا کہ جماعت اسلامی نے الخدمت ویلفئرٹرسٹ کاپیشہ الیکشن پرخرچ کیاہے،الخدمت لوگوں کی فلاح وبہبودکاکام کرتاہےجواچھی بات ہے،مخیرحضرات الخدمت ٹرسٹ کوغریبوں کیلئےپیسہ دیتےہیں، جولوگ پیسہ دیتےہیں وہ ان لوگوں سےپوچھیں کہ انکاپیسہ کہاں خرچ ہوا، الخدمت ٹرسٹ کاآڈٹ کرواناچاہئے، باقی جماعتوں کےمقابلےمیں جماعت اسلامی نےالیکشن پراربوں روپےخرچ کیاہے۔

صوبائی وزیر نے بتایا کہ ن لیگ اورجےیوآئی مرتضیٰ وہاب اورسلمان مرادکوووٹ دیں گے ، 15جون کی رات پیپلزپارٹی جشن منائےگی، سمندری طوفان نہ آیا توسی وی یوپرجشن کریں گے۔

کراچی: صوبائی وزیر محنت سعید غنی نے کہا ہے کہ جماعت اسلامی کے امیر وہ  بن جائیں گے لیکن میئر کی لکیر حافظ نعیم کے ہاتھ میں نہیں ہے۔

تفصیلات کے مطابق کراچی میں ایک تقریب سے خطاب کرتے ہوئے پیپلز پارٹی کے رہنما سعید غنی نے کہا کہ پیپلز پارٹی کی کراچی میں کامیابی دیگر جماعتوں سے ہضم نہیں ہورہی، یہ سیاسی جماعتیں سمجھتی  ہیں کراچی ان کی جاگیر ہے۔

انہوں نے کہا کہ انتخابات میں ہار جیت ہوتی ہے، حافظ نعیم الرحمان بلدیاتی الیکشن سے پہلے کسی جادوگر کے پاس گئے تھے۔ جادو گرنے نے کہہ دیا کراچی کے میئر آپ ہونگے،  اب انکا جادو فیل ہوگیا تھا، جن کے پاس گئے تھے ان سے سوال کریں۔

سندھ کے وزیر کا کہنا تھا کہ جماعت اسلامی کے امیر وہ  بن جائیں گے لیکن میئر کی لکیر حافظ نعیم کے ہاتھ میں نہیں ہے، پی ٹی آئی  اکثر ممبران نے 9 مئی سے پہلے کہا تھا جماعت اسلامی کو ہرگز ووٹ نہیں دینگے،  حافظ نعیم الرحمان  160 کے قریب بھی پہنچ جائیں گے تو خوش ہوں، پیپلزپارٹی اور اتحادیوں کے ووٹ 173کے قریب ہیں۔

انہوں نے کہا کہ سندھ حکومت کی ترجیحات میں تعلیم اور شعبہ صحت ہے، سندھ حکومت نے تعلیم کے شعبے میں بہت کام کیا، کورونا کے دوران بہت اچھے پروپوزل آئے، ٹیکنالوجی کا استعمال ہمیں کوویڈ نے سکھایا، ہمیں ٹیکنالوجی کو ہر فیلڈ میں اپنانا ہے تب ہی ہم ترقی کر سکتے ہیں۔

کراچی : پی پی کے رہنما اور صوبائی وزیر افرادی قوت سندھ سعیدغنی نے کہا ہے کہ جماعت اسلامی کے کئی ممبرز حافظ نعیم کے رویے سے نالاں ہیں۔

پاکستان پیپلز پارٹی ( پی پی پی ) کے رہنما اور صوبائی وزیر افرادی قوت سندھ سعیدغنی نے ایک بیان میں کہا کہ 194 لوگ ہیں تو پھر حافظ نعیم کو پریشانی کس بات کی ہے، جو ممبر پولیس حراست میں ہوگا اسے ووٹنگ کیلئے پہنچایا جائے گا۔

انہوں نے کہا کہ حافظ نعیم کو یقین ہے کہ ان کے نمبرز پورے نہیں ہیں، 155 ممبرز تو پیپلزپارٹی کے اپنے ہیں، ن لیگ اور  جے یو آئی بھی  پیپلزپارٹی کے ساتھ ہیں، 99 فیصد یقین ہے ٹی ایل پی کے ممبرز بھی ہمارا ساتھ دینگے۔

رہنما پیپلز پارٹی سعید غنی  نے کہا کہ  دیگر ملا کر بھی ہمارے تقریبا 10 ممبرز کم ہوں گے لیکن کوشش جاری رکھیں گے، جماعت اسلامی کے کئی ممبرز حافظ نعیم کے رویے سے نالاں ہیں، پیپلزپارٹی اس وقت سنگل لارجسٹ پارٹی ہے۔

ان کا کہنا تھا کہ ایم کیوایم والے جس تقریب کاحوالہ دے رہے ہیں وہاں ان کے لوگ موجود تھے، ایم کیوایم کے وزرا نے تعریفوں کے پل باندھے، شکریہ بھی ادا کیا۔

کراچی : وزیر محنت و افرادی قوت سندھ سعید غنی کا کہنا ہے کہ حافظ نعیم عمران خان بننے کی کوشش کر رہا ہے، سن لیں کراچی کا میئر جیالا ہی ہوگا۔

تفصیلات کے مطابق وزیر محنت و افرادی قوت سندھ و صدر پاکستان پیپلز پارٹی کراچی ڈویژن سعید غنی نے امیر جماعت اسلامی کراچی حافظ نعیم کے بیان پر ردعمل دیتے ہوئے کہا کہ حافظ نعیم عمران خان بننے کی کوشش کر رہا ہے۔

سعید غنی کا کہنا تھا کہ جماعت اسلامی کو نہ تعلیمی اداروں میں امن پسند ہے نہ کراچی کی ترقی، کراچی کے عوام نے خدمت کی بنیاد پر پیپلزپارٹی کو مینڈیٹ دیا ہے۔

صوبائی وزیر نے کہا کہ جب آمر حکومت میں آتے ہیں تو کراچی جماعت اسلامی کو بخشش میں دیا جاتا ہے، جماعت اسلامی کراچی میں منافرت کی سیاست کو فروغ دینے کی کوشش کررہی ہے۔

ان کا مزید کہنا تھا کہ حافظ نعیم سن لیں کراچی کا میئر جیالا ہی ہوگا، پیپلزپارٹی کا میئر کراچی کے شہریوں کی بے مثال خدمت کرے گا۔

یاد رہے امیرجماعت اسلامی کراچی حافظ نعیم الرحمان نےبلاول بھٹو اوران کی پارٹی کوکراچی کی ترقی میں اسپیڈبریکرقرار دیا تھا۔