ARYNews.tv | Urdu – Har Lamha Bakhabar

Tag: سفارت کار

  • غیر ملکی سفیروں اور سفارت کاروں کو ملک کی سیکیورٹی صورتحال پر بریفنگ

    اسلام آباد: پاکستان میں موجود غیر ملکی سفیروں اور سفارت کاروں کو ملک کی سیکیورٹی صورتحال پر بریفنگ دی گئی، بریفنگ میں بتایا گیا کہ وفاقی دارالحکومت کے سیکیورٹی انتظامات بہتر ہیں، غیر ملکی شہری آزادانہ طور پر نقل و حرکت کر سکتے ہیں۔

    تفصیلات کے مطابق پاکستانی حکام کی جانب سے غیر ملکی سفرا اور سفارت کاروں کو ملک کی سیکیورٹی صورتحال پر بریفنگ دی گئی، بریفنگ میں 100 سے زائد غیر ملکی سفرا اور سفارت کاروں نے شرکت کی۔

    بریفنگ سیکریٹری خارجہ، سیکریٹری داخلہ اور سکیورٹی حکام کی جانب سے دی گئی، انسپکٹر جنرل (آئی جی) اسلام آباد ناصر اکبر خان نے سیکیورٹی صورتحال سے آگاہ کیا۔

    بریفنگ میں بتایا گیا کہ وفاقی دارالحکومت کے سیکیورٹی انتظامات بہت بہتر ہیں، غیر ملکی شہری آزادانہ طور پر نقل و حرکت کر سکتے ہیں۔

    اجلاس میں مختلف سفیروں کی جانب سے سوالات کیے گئے جن کے حکام نے جوابات دیے، اجلاس کو سیکٹر آئی ٹین میں ہونے والے دھماکے میں تحقیقات کی پیشرفت سے بھی آگاہ کیا گیا۔

    سفارت کاروں کی جانب سے بریفنگ کو تسلی بخش قرار دیا گیا۔

  • لہو لہو کشمیر میں خوش آمدید: سفارت کاروں کے دورے کے موقع پر مقبوضہ کشمیر میں بینرز آویزاں

    لہو لہو کشمیر میں خوش آمدید: سفارت کاروں کے دورے کے موقع پر مقبوضہ کشمیر میں بینرز آویزاں

    اسلام آباد: پارلیمنٹری کمیٹی کشمیر کے چیئرمین شہریار خان آفریدی کا کہنا ہے کہ مقبوضہ کشمیر میں سفارت کاروں کے اسکرپٹڈ دورے کے پیش نظر کشمیریوں نے بینرز آویزاں کیے ہیں جن پر درج ہے لہو لہو کشمیر میں خوش آمدید۔

    تفصیلات کے مطابق پارلیمنٹری کمیٹی کشمیر کے چیئرمین شہریار خان آفریدی نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ مقبوضہ کشمیر میں سفارت کاروں کے اسکرپٹڈ دورے کے پیش نظر سفارت کاروں کی گزر گاہوں سے فوجی بنکر ہٹائے گئے ہیں۔

    شہریار آفریدی کا کہنا تھا کہ بنکر ہٹانے کا مقصد سفارت کاروں کے سامنے امن کا جعلی عکس پیش کرنا ہے۔ بھارت جان لے سچ چھپانے سے نہیں چھپتا، بار بار جھوٹ بولنے سے وہ سچ نہیں بن جاتا۔

    یورپی یونین کے ارکان کو مخاطب کرتے ہوئے انہوں نے کہا کہ زخمی کشمیر میں آپ کو خوش آمدید، بھارت کے زیر تسلط کشمیر میں کشمیریوں نے سفارت کاروں کے اسٹیجڈ دورے پر بطور احتجاج کاروبار زندگی بند کردیا ہے۔

    شہریار آفریدی نے کہا کہ کشمیریوں نے بینرز بھی آویزاں کیے ہیں، انہوں نے مقبوضہ کشمیر کی موجودہ تصاویر بھی ٹویٹ کیں۔

    یاد رہے کہ اس سے قبل وزارت خارجہ نے سفارت کاروں کو مقبوضہ کشمیر کا ایک اور دورہ کروانے کی منصوبہ بندی کو گمراہ کن قرار ‏دیتے ہوئے کہا تھا کہ بھارت کا مقصد عالمی برادری کو گمراہ کرنا ہے۔

    ترجمان دفتر خارجہ نے ردعمل میں کہا ہے کہ ایسے دورے عالمی برادری کی توجہ انسانی حقوق کی پامالی ‏سے ہٹانے کے لیے ہے، صورتحال معمول پر ہونے کا جھوٹا تاثر دینے کی کوشش ہے۔

  • کم جونگ ان کوما میں ہیں: سابق سفارتکار کا سنسنی خیز دعویٰ

    کم جونگ ان کوما میں ہیں: سابق سفارتکار کا سنسنی خیز دعویٰ

    جنوبی کوریا کے ایک سفارت کار نے دعویٰ کیا ہے کہ شمالی کوریا کے رہنما کم جونگ ان کوما میں ہیں اور جلد ہی ان کی بہن ملک کا کنٹرول سنبھال لیں گی۔

    جنوبی کوریا کے سابق صدر کے ایک سابق مشیر چانگ سونگ من کا کہنا ہے کہ شمالی کوریا کے حکام اپنے رہنما کی صحت کی بگڑتی صورتحال کو چھپا رہے ہیں، ان کا خیال ہے کہ کم جونگ ان کوما میں جاچکے ہیں۔

    رواں برس کم جونگ ان کو بہت کم مختلف تقریبات میں دیکھا گیا لہٰذا ان کی صحت کے بارے میں مختلف قیاس آرائیاں جاری ہیں۔

    مقامی میڈیا کو انٹرویو دیتے ہوئے سابق سفارت کار کا کہنا تھا کہ وہ سمجھتے ہیں کہ کم جونگ ان زندہ تو ہیں تاہم ان کی صحت تشویشناک حالت میں ہے۔

    کم جونگ ان کی بہن

    ان کا یہ بھی کہنا ہے کہ اس وقت کم جونگ ان کی بہن ہی ایک موزوں ترین شخصیت ہیں جو ان کی جگہ ملک پر حکمرانی کر سکتی ہیں۔

    سابق سفارت کار کا دعویٰ ہے کہ حالانکہ سرکاری طور پر کم جونگ ان کی کچھ تصاویر جاری کی گئی ہیں جن میں انہیں جمعرات کے روز ایک اجلاس کی صدارت کرتے دیکھا جاسکتا ہے، تاہم آزادانہ ذرائع سے ان کی تصدیق نہیں کی جاسکی۔

    یہ بھی یاد رہے کہ اسی ہفتے کم جونگ ان نے اپنی بہن کو شمالی کوریا کا سیکنڈ ان کمانڈ مقرر کردیا ہے جس کے بعد وہ ملک کے کچھ امور خارجہ کو دیکھ رہی ہیں، گویا اس طرح وہ اپنے بھائی کی بطور نائب کام انجام دے رہی ہیں۔

    اس حوالے سے شمالی کورین میڈیا کی جانب سے کہا گیا کہ یوں تو مملکت کے تمام امور کم جونگ ان ہی کی زیر نگرانی ہیں تاہم بدلتے ہوئے سیاسی حالات کے سبب ذمہ داریاں بانٹنے کے لیے انہیں کسی مددگار کی ضرورت تھی لہٰذا یہ فیصلہ کیا گیا۔

    36 سالہ کم جونگ کے بارے میں یہ بھی کہا جارہا تھا کہ رواں برس اپریل میں ان کا دل کا ایک آپریشن ہوا جس کے بعد ان کی صحت بہت زیادہ بگڑ گئی یا پھر وہ دم توڑ گئے، تاہم مئی میں یہ قیاس آرائیاں اس وقت دم توڑ گئیں جب انہوں نے ایک فرٹیلائزر فیکٹری کاا فتتاح کیا۔

  • پاکستان میں سفارتی اہلکاروں کےساتھ اچھا سلوک نہیں کیا جا رہا‘ مائیک پومپیو

    پاکستان میں سفارتی اہلکاروں کےساتھ اچھا سلوک نہیں کیا جا رہا‘ مائیک پومپیو

    واشنگٹن : امریکی وزیرخارجہ مائیک پومپیو نے الزام عائد کرتے ہوئے کہا ہے کہ پاکستان میں سفارتی اہلکاروں کے ساتھ اچھا سلوک نہیں کیا جا رہا۔

    تفصیلات کے مطابق امریکہ کی خارجہ امور کمیٹی کو بریفنگ دیتے ہوئے وزیرخارجہ مائیک پومپیو نے کہا کہ 2018ء کے دوران پاکستان کو بہت کم فنڈ جاری کیے گئے۔

    امریکی وزیرخارجہ مائیک پومپیو نے کہا کہ پاکستان کی اقتصادی امداد کا جائزہ لے رہے ہیں۔

    انہوں نے خارجہ امورکمیٹی کو بریفنگ دیتے ہوئے الزام عائد کیا کہ پاکستان میں امریکی سفارت کاروں کے ساتھ اچھا سلوک نہیں کیا جا رہا۔

    امریکی وزیرخارجہ نے ڈو مور کا مطالبہ کرتے ہوئے کہا کہ پاکستان پناہ گاہوں اور دہشت گردی پراکسانے والوں کے خلاف کارروائی کرے۔

    مائیک پومپیوخارجہ امورکمیٹی کو بریفنگ میں مزید کہا کہ ڈاکٹرشکیل آفرید کا معاملہ میرے دل کے قریب ہے۔

    سفارتی پابندیوں کے بعد پاکستان کا سپر پاؤر کو کرارا جواب

    خیال رہے کہ رواں ماہ امریکہ نے پاکستان کے سفارت کاروں پر پابندیاں عائد کی تھیں جس کی تصدیق دفتر خارجہ کے ترجمان نے کی تھی۔

    ترجمان دفتر خارجہ ڈاکٹر فیصل کا کہنا تھا کہ 11 مئی سے امریکہ میں تعینات سفارتی عملے پر پابندیاں عائد ہوں گی جس کے بعد عملہ سفارت خانے سے 40 کلومیٹر کی حدود میں رہیں گے۔

    پاکستان نے بھی امریکی سفارت کاروں پرجوابی پابندیاں عائد کردیں

    بعدازاں پاکستانی وزرات خارجہ نے امریکہ میں پاکستانی سفارت کاروں کی نقل وحرکت محدود کرنے کے امریکی اقدام کے جواب میں پاکستان میں امریکی سفارت کاروں پرپابندیاں عائد کیں تھیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کرنل جوزف نے پاکستانی شہری کو قتل کیا مگر مقدمہ درج نہ ہوسکا: سراج الحق

    کرنل جوزف نے پاکستانی شہری کو قتل کیا مگر مقدمہ درج نہ ہوسکا: سراج الحق

    کراچی: جماعت اسلامی کے امیر اور سینیٹر سراج الحق نے کہا ہے کہ امریکی سفارت خانے میں تعینات کرنل جوزف نے پاکستانی شہری کو شہید کی لیکن افسوس کے مقدمہ تک درج نہ ہوسکا۔

    کراچی میں خطاب کرتے ہوئے سراج الحق کا کہنا تھا کہ ملکی نظام میں چالاکی اور ملاوٹ شامل ہے شاید اس لیے انصاف کا حصول ناممکن ہے، کرنل جوزف نے پاکستانی شہری کو شہید کیا لیکن ایف آئی آر تک درج نہیں ہوسکی۔

    اُن کا کہنا تھا کہ مقدمہ درج ہونے کی وجہ دریافت کی تو کہا گیا کہ سفیر اور عملے کو استثنیٰ حاصل ہے۔

    خیال رہے کہ 8 اپریل کو اسلام آباد کے رہائشی نوجوان عتیق کی ہلاکت اس وقت ہوئی جب امریکی سفارت کار کرنل جوزف مبینہ طور پر نشے کی حالت میں تیز رفتاری سے گاڑی چلا رہا تھا۔

    امریکی سفارت کار کی گاڑی سے شہری کی ہلاکت، والد کی عدالت میں درخواست

    امریکی شہری کو نشے کی حالت میں ٹریفک اشارہ نہ دکھا اور اُس نے گاڑی بھگا دی جس کے نتیجے میں موٹرسائیکل سوار اسلام آباد کے شہری کو زور دار ٹکر لگی اور وہ موقع پر ہی جاں بحق ہوگیا۔

    واقعے کے تھوڑی دیر بعد ایک اور گاڑی سفارتکار کو لینے پہنچی جبکہ جائے وقوعہ پر موجود پولیس اہلکاروں نے امریکی سفارت کار کا میڈیکل چیک اپ کروانے کی کوشش کی تو سفارتی عملے نے اپنی شناخت ظاہر کی جس کے بعد پولیس اہلکار مجبوراً کوئی ایکشن نہ لے سکے۔

    امریکی سفارت کار کا نام ای سی ایل میں ڈالنے سے متعلق فیصلہ محفوظ

    بعد ازاں دفتر خارجہ نے امریکی سفیر ڈیوڈ ہیل کو طلب کر کے واضح کیا کہ شہری کی ہلاکت کے معاملے پر پاکستان کے قانون اور ویانا کنونشن کے مطابق عمل کیا جائے گا، امریکی سفیر نے ملکی قوانین کی خلاف ورزی کی جسے کسی صورت نظر انداز نہیں کیا جاسکتا۔

    وفاقی حکومت نے عدالتی حکم پر کرنل جوزف کا نام واچ لسٹ میں ڈالنے کے بعد اس کا ڈرائیونگ لائسنس بھی منسوخ کردیا جبکہ بے گناہ پاکستانی نوجوان کا قاتل نے تاحال اسلام آباد میں موجود امریکی سفارتخانے میں پناہ لے رکھی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • برطانوی سفارت کاروں کو ملک بدر کرنے سے حقائق نہیں چھپ سکتے: برطانوی وزیر اعظم

    برطانوی سفارت کاروں کو ملک بدر کرنے سے حقائق نہیں چھپ سکتے: برطانوی وزیر اعظم

    لندن: برطانوی وزیر اعظم تھریسا مے نے کہا ہے کہ روس کی جانب سے 23 برطانوی سفارت کاروں کو ملک بدر کرنے سے حقائق تبدیل نہیں کیے جاسکتے، برطانوی سرزمین پر دو افراد پر قاتلانہ حملے کی روسی ریاست ہی ذمہ دار ہے۔

    ان خیالات کا اظہار انہوں نے برطانوی حکمراں جماعت کنزر ویٹو پارٹی کے فورم سے خطاب کرتے ہوئے کیا، گذشتہ دنوں برطانوی وزیر اعظم تھریسا مے نے سابق روسی جاسوس اور اس کی بیٹی کو زہر دینے پر روس کے23 سفارت کاروں کو ملک بدر کرنے کا اعلان کیا تھا۔

    برطانوی حکومت کے اس اقدام کے نتیجے میں روس نے بھی رد عمل میں اپنی سرزمین سے 23 برطانوی سفارت کاروں کو ملک چھوڑنے کا حکم دیا تھا جس کے بعد روس اور برطانیہ کے تعلقات میں شدید تناؤ کی کیفیت پیدا ہوگئی ہے۔

    برطانیہ نے 23 روسی سفارت کاروں کو ملک بدرکرنے کا حکم جاری کر دیا

    برطانوی وزیر اعظم تھریسا مے نے جاری تنازعات سے متعلق کہا ہے کہ روس نے برطانوی سفارت کاروں کو ملک بدر کرنے کا اعلان کیا ہے لیکن اس سے سابق روسی جاسوس اور اس کی بیٹی کو قتل کرنے سے متعلق حقائق تبدیل اور نہ ہی چھپائے جاسکتے ہیں۔

    انہوں نے کہا کہ روس بین الا قوامی قانون کی کھلی خلاف ورزی کر رہا ہے، اس کے خلاف ہم مزید اقدامات کے بارے میں آئندہ دنوں میں فیصلہ کریں گے، برطانوی سرزمین پر دو افراد پر قاتلانہ حملے کی روسی ریاست ہی ذمہ دار ہے اور اس کا کوئی متبادل نتیجہ اخذ نہیں کیا جاسکتا۔

    روس کا برطانیہ کے 23 سفارت کاروں کو ملک بدر کرنے کا اعلان

    ان کا مزید کہنا تھا کہ شہریوں کو روسی حکومت کی جانب سے حملوں کے درعمل میں کوئی رعایت نہیں برتیں گے، دنیا بھر سے ہمارے اتحادی ممالک کی جانب سے ہمیں بھرپور حمایت حاصل ہے۔

    واضح رہے کہ گذشتہ دنوں برطانیہ میں سابق روسی جاسوس اور اس کی بیٹی کو زہر دے کر قتل کرنے کی کوشش کی گئی تھی جس کا براہ راست ذمہ دار برطانوی حکومت کی جانب روس کو ٹھرایا گیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کینیڈا کا وینزویلا کےسفیرکوملک چھوڑنے کا حکم

    کینیڈا کا وینزویلا کےسفیرکوملک چھوڑنے کا حکم

    اوٹاوا: کینیڈا نے وینزویلا کے سفیر کو نا پسندیدہ شخصیت قرار دے کر ملک چھوڑنے کا حکم دے دیا۔

    تفصیلات کے مطابق کینیڈا نے وییزویلا کے سفیر کو نا پسندیدہ شخصیت قرار دے کر ملک چھوڑنے کا حکم دے دیا، دو روز قبل وینزویلا نے کینیڈا اوربرازیل کے سفیروں کوملک چھوڑنےکاحکم دیا تھا۔

    غیرملکی خبررساں ادارے کے مطابق برازیل اور کینیڈا پر ملک کے اندورنی معاملات میں مداخلت اورقوانین کی خلاف ورزی کرنے کا الزام عائد کرتے ہوئے برازیل کے سفیر روئے پریرا اور کینیڈا کے سفارت خانے کے ناظم الامور کریب کوالک کو ملک بدر کردیا تھا۔

    وینزویلا نے برازیل اور کینیڈا کے سفارت کاروں کو ملک بدر کردیا

    خیال رہے کہ برازیل کے سفارت کار کو ملک بدرکرنے کا فیصلہ ان کے حالیہ الزام کے بعد آیا جس میں برازیل کے سفیر نے وینزویلا کے صدر نکولس مادورو پرحزب اختلاف کے اراکین کو ہراساں کرنے کا الزام عائد کیا تھا۔

    دوسری جانب کینیڈا نے چند ماہ قبل وینزویلا کے اعلیٰ حکام کے ملک میں داخلے پرپابندی لگائی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جلال آباد، پاکستانی سفارت کار نیئراقبال کو قتل کردیا گیا

    جلال آباد، پاکستانی سفارت کار نیئراقبال کو قتل کردیا گیا

    جلال آباد : افغانستان میں تعینات پاکستانی سفارت کار رانا نیئراقبال کو فائرنگ کرکے قتل کردیا گیا وہ بہ طوراسسٹنٹ پرائیوٹ سیکرٹری کے فرائض انجام دے رہے تھے.

    تفصیلات کے مطابق افغانستان کے شہر جلال آباد میں مقیم پاکستان کے سفارت کار رانا نیئراقبال کو ان کی رہائش گاہ کے قریب نامعلوم مسلح موٹر سائیکل سواروں نے فائرنگ کرکے ہلاک کردیا.

    افغان میڈیا کے مطابق افغان سفارت کار رانا نیئر اقبال کو مغرب کی نماز کے بعد نشانہ بنایا گیا جب وہ نماز کی ادائیگی کے بعد اپنی رہائش گاہ کی جانب آرہے تھے کہ راستے میں مسلح افراد کی بربریت کا نشانہ بن گئے.

    سفارتی ذرائع کا کہنا ہے کہ دو موٹرسائیکل سوار ملزمان نے پاکستانی سفارت کار نیئر اقبال پر 9 گولیاں برسائیں جس سے وہ جانبر نہیں ہوسکے اور موقع پر  ہی دم توڑ گئے انہیں 6 گولیاں لگیں.

    واقع کی اطلاع ملتے ہی ریسکیو اداروں نے جائے وقوعہ پر پہنچ کر مقتول سفارت کار کی لاش کو جلال آباد اسپتال منتقل کیا جہاں ان کا پوسٹ مارٹم کیا جائے گا اور بعد ازاں ضروری کارروائی کے بعد میت پاکستان بھیجوا دی جائے گی.

    رانا نیئر اقبال کا تعلق پنجاب کے شہر سیالکوٹ سے تھا اور ان کے پانچ بیٹے ہیں اور حال ہی میں انھیں جلال آباد میں قائم پاکستانی قونصل خانےمیں تعینات کیا گیا تھا.

    دفترخارجہ پاکستان نے رانا نیئر اقبال کے قتل کی مذمت کرتے ہوئے کہنا تھا کہ افغان حکومت پاکستانی سفارتکاروں کی سیکیورٹی سخت کرے اور ملزمان کو گرفتار کرکے قرار واقعی سزا دی جائے.

    ترجمان دفتر خارجہ نے کہا کہ وہ افغانستان میں پاکستانی سفارت خانے میں اسسٹنٹ پرائیوٹ سیکریٹری کے طور پر فرائض انجام دے رہے تھے اور سیالکوٹ کے رہائشی تھے جہاں اُن کے اہل خانہ کو قتل کی اطلاع دے دی گئی ہے.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قندھار بم دھماکا، متحدہ عرب امارات کے5 سفارت کار جاں بحق

    قندھار بم دھماکا، متحدہ عرب امارات کے5 سفارت کار جاں بحق

    قندھار : متحدہ عرب امارات نے قندھار بم دھماکے میں اپنے پانچ افراد کے جاں بحق ہونے کی تصدیق کردی۔

    تفصیلات کے مطابق افغانستان کے صوبے قندھار میں صوبائی گورنر کے دفتر کے احاطے میں ہونے والے دھماکے میں جاں بحق ہونے والے افراد میں متحدہ عرب امارات کے 5 سفارت کار بھی شامل تھے ، یو اے ای کے حکام نے ہلاکتوں کی تصدیق کردی۔

    *کابل اور قندھار میں‌ دھماکے، 37 افراد جاں بحق، 98 زخمی

    جب کہ اسی دھماکے میں متحدہ عرب امارات کے سفیر اور قندھار کے گورنر زخمی ہوگئے تھے جو مقامی اسپتال میں زیر علاج ہیں اور تیزی سے صحت یابی حاصل کر رہے ہیں۔

    واضح رہے قندھار دھماکے میں جاں بحق ہونے والے عام افراد کے علاوہ قندھار کے نائب گورنر، افغانستان کی وزارتِ خارجہ کے دو اعلیٰ اہلکار اور دو اراکینِ پارلیمنٹ بھی شامل ہیں۔

    یاد رہے گزشتہ روز کابل میں افغان پارلیمان کے نزدیک اور قندھار میں صوبائی گورنر کے دفتر کے احاطے میں چار خودکش دھماکوں کے نتیجے میں 50 افراد جاں بحق اور 95 سے زائد زخمی ہوگئے تھے۔

  • غیر ملکی سفیروں کی پاکستانی ملبوسات میں منفرد کیٹ واک

    غیر ملکی سفیروں کی پاکستانی ملبوسات میں منفرد کیٹ واک

    لاہور میں پیپرز مریکل اور الحمرا آرٹس کونسل کے تعاون سے چوتھے سالانہ فنڈ ریزنگ شو کا انعقاد کیا گیااس شو سے حاصل آمدنی پاکستان میں موجود معذور افراد کی اعانت میں استعمال کی جائے گی۔

    fashion-post-1

    چوتھے سالانہ فنڈ ریزنگ پروگرام میں 45 فنکاروں نے 35 مختلف فن پارے پیش کیے اور حیران کن طور پر یہ تمام فنکار کوئی پیشہ ور ماڈلز یا گلوکار نہیں بلکہ غیر ملکی سفیر اور سفارت کار تھے جن کو سفارتی امور کی انجام دہی کا تو خوب تجربہ تھا تا ہم شو بز سے دور دورتک تعلق نہ تھا لیکن محض معذور افراد کی مدد و اعانت کے لیے پروگرام کا حصہ بنے۔

    modeling-1

    پیپرز مریکل اور الحمرا آرٹس کونسل کے اشتراک سے معذور افراد کے لیے چندہ اکھٹے کرنے کے لیے رکھی گئی پیش کیے گئے کلر آف فیوژن میں جرمنی، آسٹریلیا، جاپان، بوسنیا، ڈنمارک اور پولینڈ کے سفیر شامل تھے جنہوں نے اپنی بیگمات کے ساتھ پاکستان کے روایتی ملبوسات زیب تن کر کیٹ واک کی۔

    modeling-2

    یہی نہیں بلکہ امریکہ، بلجیئم، اٹلی، تھائی لینڈ اور سری لنکا کے سفارت کاروں نے بھی پروگرام میں روایتی ٹیبلیو، نغمے اور خاکے پیش کیئے جس سے حاضرین محظوط ہوئے۔

    modeling-4

    جب کہ جاپانی موسیقی پر رقص نے ماحول کو مزید خوشگوار بنادیا جب کہ مختلف ممالک کی دھنوں پر سفیروں اور سفارت کاروں کے بچوں نے بھی ٹیبلو اور رقص پیش کیئے۔

    modeling5

    تاہم مشہور پاکستانی ملی نغمی دل دل پاکستان پیش کر کے بوسنیا کے سفیر اور ان کی اہلیہ نے سب سے زیادہ داد و تحسین سمیٹی اور تقریب اپنے نام کر لی۔

    modeling-3

    واضح رہے مریکل پیپرز اپنی نوعیت کی منفرد پلیٹ فارم ہے جو فالتو ردی سے مار آمد اور خوبصورت چیزیں تیار کرتے ہیں اور یہ ہنر غریب خواتین کو بھی سیکھاتے ہیں جس سے وہ خواتین نہ صرف باعزت روزگار حاصل کر پاتی ہیں بلکہ معاشی و سماجی تحفظ کا احساس بھی رہتا ہے۔