کراچی : سفاری پارک میں مرنے والے ہتھنی سونیا کی موت سے متعلق بڑا انکشاف سامنے آیا، پوسٹ مارٹم رپورٹ تیار کرلی گئی۔

تفصیلات کے مطابق کراچی کے سفاری پارک میں مرنے والے سونیا ہتھنی کی پوسٹ مارٹم رپورٹ تیارکرلی گئی، پوسٹ مارٹم رپورٹ لاہورکی یونیورسٹی آف وٹرنری اینڈاینیمل سائنسز نے تیار کی۔

لیبارٹری ذرائع نے بتایا کہ ہتھنی کی موت ٹی بی سےہوئی اور سونیا کی بیماری سےفور پاز ٹیم بھی لاعلم رہی تاہم بلدیہ عظمیٰ کی جانب سے ہتھنی کی پوسٹ مارٹم رپورٹ آج جاری کی جائے گی۔

مزید پڑھیں : سفاری پارک میں ’سونو‘ نامی ہتھنی مرگئی

یاد رہے گذشتہ سال دسمبر میں یاد رہے گذشتہ 15 سال سے سفاری پارک میں بچوں اور بڑوں کی توجہ کا مرکز بننے والی سونیا ہتھنی 18سال کی عمر میں اپنے انکلوژر میں مردہ حالت میں پائی گئی تھی۔

سفاری پارک کی انتظامیہ کے مطابق ہتھنی سونیا صحت کے حوالے سے صحیح تھی رات کو اچانک اس کی طبیعت بگڑی ڈاکٹر عامر نے صبح ساڑھے6بجے اس کی موت کی تصدیق کی۔

امجد زیدی ڈائریکٹر سفاری پارک کا کہنا تھا کہ افریقی نسل کی 4 ہتھنیوں کو 2009ء میں لایا گیا تھا، نورجہاں اور مدھوبالا کراچی چڑیا گھر جبکہ ملائیکہ اور سونیا کوسفاری پارک میں رکھا گیا تھا، ابتدائی تحقیقات کے دوران معائنہ کرنے والے ڈاکٹرعامر نے سونیا کی ہلاکت کو ہارٹھ اٹیک قرار دیا ہے۔

کراچی : سفاری پارک میں مرنے والی ہتھنی سونیا کے پوسٹ مارٹم کی تیاریاں مکمل کرلی گئیں، پوسٹ مارٹم کے بعد معلوم چل سکے گا کہ موت کی وجوہات کیا ہیں۔

تفصیلات کے مطابق گزشتہ روزمرنےوالی ہتھنی سونیا کا پوسٹ مارٹم آج ہوگا، سفاری پارک انتظامیہ کی جانب سے پوسٹ مارٹم کی تیاریاں مکمل کرلی گئیں ہیں۔

ہتھنی سونیا کے انکلوژر کے قریب بڑاسا گڑھا کھود دیا گیا ہے، ڈاکٹر غلام حسین اپنی ٹیم کے ساتھ ہتھنی سونیا کا پوسٹ مارٹم کریں گے ، ڈاکٹر غلام مصطفی ایک ماہر ویٹی رینین اور پیتھالوجی میں پی ایچ ڈی ہیں۔

ہتھنی کے مرنے سے متعلق سفاری پارک انتظامیہ کی تحقیقات جاری ہے ، پوسٹ مارٹم کے بعد معلوم چل سکے گا کہ موت کی وجوہات کیا ہیں۔

یاد رہے گذشتہ 15سال سے سفاری پارک میں بچوں اور بڑوں کی توجہ کا مرکز بننے والی سونیا ہتھنی 18سال کی عمر میں اپنے انکلوژر میں مردہ حالت میں پائی گئی تھی۔

سفاری پارک کی انتظامیہ کے مطابق ہتھنی سونیا صحت کے حوالے سے صحیح تھی رات کو اچانک اس کی طبیعت بگڑی ڈاکٹر عامر نے صبح ساڑھے6بجے اس کی موت کی تصدیق کی۔

امجد زیدی ڈائریکٹر سفاری پارک کا کہنا تھا کہ افریقی نسل کی 4 ہتھنیوں کو 2009ء میں لایا گیا تھا، نورجہاں اور مدھوبالا کراچی چڑیا گھر جبکہ ملائیکہ اور سونیا کوسفاری پارک میں رکھا گیا تھا۔

سونیا کے مرنے کے بعد تحقیقات کا آغاز کردیا گیا ہے، ابتدائی تحقیقات کے دوران معائنہ کرنے والے ڈاکٹرعامر نے سونیا کی ہلاکت کو ہارٹھ اٹیک قرار دیا ہے تاہم پوسٹ مارٹم کی رپورٹ کے بعد اس کی موت کا تعین کیا جائے گا۔

کراچی: سفاری پارک میں موجود سونیا عرف ’سونو‘ نامی ہتھنی مرگئی۔

پارک انتظامیہ کا کہنا ہے کہ ہتھنی سونو بالا صحت مند تھی،کھانا پینا بھی جاری تھا لیکن جب عملہ صبح سفاری پارک پہنچا تو ہتھنی کو مرا ہوا دیکھا۔

انتظامیہ کا کہنا ہے کہ پوسٹ مارٹم کے بعد ہی ہتھنی کی موت کی وجوہات کا تعین ہوسکے گا، 2 دن بعد جانوروں کی عالمی تنظیم فورپاز سفاری پارک کا دورہ کرے گی۔

دوسری جانب سفاری پارک کے عملے نے ڈاکٹرز کی ٹیم کو طلب کرلیا ہے جس نے ہتھنی سونو کی ہلاکت کی تصدیق کردی ہے تاہم اب انکلوژر کو سیل کردیا گیا ہے۔

واضح رہے کہ اس سے قبل کراچی چڑیا گھر کی علیل ہتھنی ’نور جہاں‘ 17 سال کی عمر میں 3 سال قبل مرگئی تھی، نورجہاں عرصہ دراز سے علیل تھیں تاہم 13 اپریل کو چڑیا گھر کے تالاب میں گِرنے کے بعد سے وہ اپنے پیروں پر کھڑی نہیں ہو سکیں تھیں۔

یاد رہے کہ نورجہاں اور مدھوبالا دونوں کو دو دیگر سفاری ہاتھیوں کے ساتھ 2010 میں تنزانیہ میں بہت چھوٹی عمر میں پکڑ کر ان کی ماؤں سے الگ کر دیا گیا تھا اور ایک متنازع معاہدے کے تحت کراچی لایا گیا تھا۔

پاکستان کے چڑیا گھروں پر اکثر جانوروں کی فلاح و بہبود کو نظر انداز کرنے کا الزام لگتا رہا ہے اور 2020 میں ایک عدالت نے دارالحکومت اسلام آباد میں موجود واحد چڑیا گھر کو خستہ حالی اور جانوروں کی مناسب دیکھ بھال نہ کرنے کے سبب بند کرنے کا حکم دیا تھا۔

سفاری پارک میں مدھوبالا کے استقبال کی تیاریاں مکمل ہوگئی، کراچی چڑیا گھر میں موجود مدھوبالہ نامی ہتھنی کو کل سفاری پارک منتقل کیا جائے گا۔

تفصیلات کے مطابق کراچی چڑیا گھر میں موجود مدھوبالہ نامی ہتھنی کو کل سفاری پارک منتقل کیا جائیگا، عالمی تنظیم فور پاز کی ٹیم نے انتظامات کو حتمی شکل دے دی ہے۔

مدھوبالا نامی ہتھنی کو 15 سال بعد چڑیا گھر سے سفاری پارک منتقل کیا جائیگا جہاں خاص طور پر وسیع طرز پر تعمیر کردہ مقام پر سونیا اور ملائیکہ نامی ہتھنی پہلے سے موجود ہیں۔

فور پاز نامی تنظیم کے ڈاکٹرز اور دیگر ماہرین نے انتظامات کو حتمی شکل دے دی ہے۔ ترجمان کے مطابق مدھوبالا کو منقل کرنے سے قبل صحت کا جائزہ لیا جائیگا اور روٹ کی کلیئرنس دی جائیگی۔

منگل کی دوپہر سفاری پارک میں ایک تقریب کا اہتمام کیا گیا ہے جس میں میئر کراچی سمیت غیر ملکی سفیر بطور مہمان خصوصی شرکت کرینگے۔

کراچی : سفاری پارک میں مدھوبالاہتھنی کے نئے گھر کی تیاری شروع کردی گئی ، مدھوبالا کو جون کے وسط تک منتقل کردیا جائے گا۔

تفصیلات کے مطابق سفاری پارک میں مدھوبالا ہتھنی کے نئے گھر کی تیاری شروع کردی گئی ، مدھوبالا کو مقررہ وقت پر سفاری منتقل کردیا جائے گا۔

ڈائریکٹر چڑیا گھر و سفاری کنور ایوب کو 45 روز میں مدھو بالا کا گھر بنانے کا ٹاسک دے دیا تھا، جس کے بعد سفاری پارک میں مدھو بالا کا انکلوثر تعمیر کرنے کیلئے ڈیزائن تیار کرلیا گیا تھا ۔

سفاری پارک میں مدھو بالا کا انکلوثر سونیا اور ملکہ کے انکلوثر کے سامنے تعمیر کیا جارہا ہے ، جہاں مدھو بالا کو ابتدائی طور پر سونیا اور ملکہ ہتھنی سے علیحدہ رکھا جائے گا۔

تینوں ہتھنیوں کو ایک دوسرے سے مانوس ہونے پر ایک ساتھ کھولا اور رکھا جائے گا۔

ڈائریکٹر چڑیا گھر و سفاری کنور ایوب کا کہنا ہے کہ کراچی چڑیا گھر سے مدھو بالا کو جون کے وسط تک منتقل کردیا جائے گا، سفاری پارک میں ہتھنیوں کیلئے تین ایکٹر رقبہ پر ایلیفینٹ پلے ایریا بنایا جارہا ہے۔

کنور ایوب نے بتایا کہ سفاری پارک میں ملکہ اور سونیا کیلئے تین ایکٹر رقبہ پہلے ہی مختص ہے، مدھو بالا کیلئے 25 فٹ اونچا اور 38فٹ لمبا اور چوڑا انکلوثر آئرن اور فائبر سے تعمیر کیا جائے گا۔