مریدکے: گھریلو جھگڑے پر سفاک شوہر نے تیل چھڑک کر بیوی کو جلا ڈالا، جھلسنے والی خاتون کی حالت تشویشناک ہے۔

تفصیلات کے مطابق پنجاب کے علاقے مریدکے میں گھریلو جھگڑے نے ہولناک رخ اختیار کر لیا، جہاں ایک شوہر نے مبینہ طور پر اپنی بیوی پر تیل چھڑک کر آگ لگا دی۔

پولیس نے بتایا کہ متاثرہ خاتون کی عمر 25 سال ہے اور اس کا 40 فیصد جسم جھلس گیا ہے تاہم خاتون کو فوری طور پر ٹی ایچ کیو اسپتال مریدکے منتقل کیا گیا، جہاں ابتدائی طبی امداد کے بعد اسے تشویشناک حالت میں لاہور ریفر کر دیا گیا۔

حکام نے کہا کہ واقعہ منوں آباد میں پیش آیا اور واقعے کے بعد ملزم شوہر موقع سے فرار ہوگیا، جس کی تلاش کے لیے پولیس نے کارروائی شروع کر دی ہے۔

بیوی کو قتل کر کے جلانے والا سفاک شوہر 12 گھنٹے میں گرفتار

پولیس کا کہنا تھا کہ واقعہ گھریلو ناچاقی کا نتیجہ معلوم ہوتا ہے، تاہم مکمل تفتیش کے بعد حقائق سامنے لائے جائیں گے۔

خاتون کے اہل خانہ کی جانب سے پولیس کو بیان ریکارڈ کروایا گیا ہے، جس کی روشنی میں مقدمہ درج کر لیا گیا ہے۔

لاہور میں بیوی کو قتل کر کے لاش کو بے دردی سے جلانے کے بعد فرار ہونے والے قاتل شوہر کو پولیس نے 125 گھنٹے بعد گرفتار کر لیا۔

اے آر وائی نیوز کے مطابق لاہور شہر میں نذیر نامی ملزم نے گزشتہ روز اپنی بیوی نجمہ کو قتل کرنے کے بعد اس کی لاش جلا دی تھی اور خود گھر سے فرار ہو گیا تھا۔

ڈی آئی جی آپریشنز لاہور نے ملزم کی گرفتاری کے لیے ایس پی سٹی کی سربراہی میں ٹیم تشکیل دی تھی جس نے ایف آئی آر میں نامزد مقتولہ کے شوہر نذیر اور اس کی دوسری بیوی کو گجرات سے گرفتار کر لیا۔

پولیس کے مطابق نذیر کی 20 سال قبل مقتولہ نجمہ سے شادی ہوئی تھی اور اس اہلیہ سے ملزم کے دو بیٹے ہیں۔

تاہم نذیر نے تین سال قبل دوسری شادی کر لی تھی اور دوسری بیوی کے ساتھ کرائے کے گھر میں رہ رہا تھا۔

پولیس کا کہنا ہےکہ گھریلو ناچاقی پر ملزم نے پہلی بیوی کو قتل کیا اور لاش جلانے کے بعد گھر سے فرار ہو گیا تھا۔

کراچی : کورنگی مہران ٹاون میں سفاک شوہر نے بیوی کو پیٹرول چھڑک کر آگ لگا دی، جس سے رابعہ خاتون 60سے70فیصد جھلس گئی۔

رابعہ خاتون 60سے70فیصد جھلس گئی ہے جو اس وقت سول اسپتال کے برنس وارڈ میں زیر علاج ہے پولیس نے مقدمہ درج کرکے ملزم کی تلاش شروع کردی،اس واقعے کے حوالے سے ہمارے رپورٹر افضل خان نے متاثرہ خاتون کے اہل خانہ سے گفتگو کی ہے آیئے دیکھتے

تفصیلات کے مطابق کراچی کے علاقے کورنگی مہران ٹاون میں سفاک شوہر نے بیوی کو تشدد کا نشانہ بنانے کے بعد پیٹرول چھڑک کر آگ لگا دی۔

جس سے خاتون 60سے70فیصد جھلس گئی ہے جو اس وقت سول اسپتال کے برنس وارڈ میں زیر علاج ہے تاہم پولیس نے مقدمہ درج کرکے ملزم کی تلاش شروع کردی ہے۔

کورنگی انڈسٹریل ایریاتھانےمیں متاثرہ خاتون کی مدعیت میں مقدمہ درج کیاگیا، جس میں بتایا کہ 2 سال قبل وقاص سےپسندکی شادی کی تھی، شوہر کا رویہ ٹھیک نہیں تھا، میری اولاد نہیں، شوہر کے دوسری خواتین سے تعلقات تھے مجھ پرتشدد کرتا تھا۔

مقدمے کے متن میں کہا گیا کہ 14مارچ کی رات شوہر گھر نہیں آیا تو لڑکی کے نمبر پر کال کی، وقاص نے فون اٹھا کر گالیاں دیں، وقاص رات 11:45پر گھر آیا، تشدد کیا اور پیٹرول چھڑک کرآگ لگائی۔

اہلخانہ کا کہنا ہے کہ ملزم کیخلاف شاہ لطیف ٹاوٴن میں پہلے بھی تشدد کا مقدمہ درج کرایا تھا۔

پولیس نے بتایا کہ واقعہ14مارچ کوپیش آیا،مقدمہ16مارچ کودرج کیاگیا، ملزم فرارہے، گرفتاری کی کوششیں جاری ہیں۔

بھکر : سفاک شوہر  نے بچوں کیلئے دس روپے مانگنے پر بیوی کی دونوں ٹانگیں کاٹ دیں جبکہ ایک بازو بھی ٹوٹ گیا۔

تفصیلات کے مطابق بھکر کی تحصیل کلورکوٹ کے علاقہ ذمے والا میں سفاک شوہر نے معمولی تلخ کلامی پر کلہاڑی کے وار کرکے بیوی کی دونوں ٹانگیں کاٹ دیں۔

کلہاڑی کی زد میں آ کر خاتون کا ایک بازو بھی ٹوٹ گیا، ڈی ایچ کیو بھکر میں زیر علاج زہرہ نامی متاثرہ خاتون نے اے آر وائی نیوز کو بتایا کہ شوہر سے بچوں کے اسکول خرچ کیلئے دس روپے مانگے تھے، پیسے نہ دینے پر تلخ کلامی ہوئی۔

خاتون نے کہا کہ تلخ کلامی پر ملزم نے طیش میں آکر کلہاڑی سے حملہ کردیا، جس کے نتیجے میں اس کی دونوں ٹانگیں کاٹ ڈالی جبکہ کلہاڑی کی زد میں آکر اس کا ایک بازو بھی ٹوٹ گیا۔

متاثرہ خاتون نے پولیس پر الزام عائد کرتے ہوئے کہا کہ واقعہ کو چار روز گزرنے کے باوجود پولیس نے ابھی تک مقدمہ درج نہیں کیا اور نہ ہی ملزم کو گرفتار کیا۔

متاثرہ خاتون نے وزیر اعلی مریم نواز سے انصاف کی اپیل کرتے ہوئے کہا کہ ملزم کے خلاف مقدمہ درج کرکے اسے گرفتار کیا جائے۔