چاول دنیا کی آبادی کے بڑے حصے کی غذائی ضروریات پوری کرنے کے لیے بہت اہم ہوتے ہیں، چاول کو نہ صرف پانی میں اگایا جاتا ہے بلکہ اسے بہت ہی آسانی سے پانی ہی میں پکایا جاتا ہے۔
چاول کو پوری دنیا کے لوگ باقاعدگی سے کھاتے ہیں، اگرچہ بھورے چاول کو سفید چاولوں سے زیادہ صحت بخش سمجھا جاتا ہے کیونکہ یہ وٹامنز اور منرلز سے بھرپور ہوتے ہیں، پھر بھی لوگ سفید چاولوں کو غذا میں شامل رکھنے کو ترجیح دیتے ہیں۔
تاہم چاول کو روزانہ کھانے سے شوگر بلڈ کا خطرہ بڑھ جاتا ہے کیوں کہ سفید چاول میں گلیسیمک انڈیکس زیادہ ہوتا ہے، تحقیق سے یہ بات سامنے آئی ہے کہ اسے مستقل استعمال کرنے سے ٹائپ ٹو زیابیطس کا خطرہ بڑھ سکتا ہے۔
اس کے علاوہ سفید چاول کو روزنہ کھانے سے پیٹ کی چربی میں اضافہ ہوتا ہے، سفید چاول ایک پراسیس شدہ غذا ہے، جس سے وزن کو کم کرنے میں بھی مشکل پیش آسکتی ہے۔
نہار منہ چائے پینا صحت کے لئے کیسا؟ جانئے اہم انکشاف
کیوں کہ سفید چاول میں فائبرکی مقدار کا کم ہونا ہے، فائبر کم ہونے کی بناپر غذا فوری ہضم ہوکربھوک کو بڑھاتی ہے، اگر آپ کے پیٹ کی چربی کو کم کرنا چاہتے ہیں تو سیاہ یا بھورے چاول کھائیں، جن میں فائبر کی مقدار زیادہ ہوتی ہے۔
سفید چاول زیادہ کھانا اس لیے بھی مفید نہیں کیوں کہ اس سے کولیسٹرول میں اضافہ ہوتا ہے۔
اگرچہ چاول میں کولیسٹرول نہیں پایا جاتا، پھر بھی یہ ٹرائگلیسرائڈز یا کولیسٹرول کی سطح میں اضافہ کا سبب بن سکتا ہے۔
زیادہ مقدار میں چاول کھانے سے خون میں شوگر کی سطح بلند ہونے لگتی ہے جو ٹرائگلیسرائیڈز میں اضافے کا باعث بنتی ہے، جس سے کولیسٹرول کی سطح بڑھ جاتی ہے۔
