Tag: سلامتی کونسل

نیویارک: پاکستان نے سلامتی کونسل کو کالعدم ٹی ٹی پی سے خبردار کرتے ہوئے کہا کہ کالعدم ٹی ٹی پی افغانستان میں دہشت گرد گروہوں کیلئے ایک چھتری کے طور پر ابھر رہی ہے۔

تفصیلات کے مطابق پاکستانی مستقل مندوب منیر اکرم نے اقوام متحدہ کی سلامتی کونسل کے اجلاس سے خطاب کرتے ہوئے کہا کہ کالعدم ٹی ٹی پی افغانستان میں دہشت گرد گروہوں کیلئے چھتری بن رہی ہے۔

منیر اکرم کا کہنا تھا کہ افغان عبوری حکومت خطے اور عالمی امن کوخطرات سےنمٹنےمیں ناکام رہی ہے، القاعدہ، کالعدم ٹی ٹی پی، کالعدم بی ایل اے اور مجید بریگیڈ جیسی تنظیمیں شامل ہیں، یہ تنظیمیں پاکستان اور خطے کی سلامتی کو نقصان پہنچارہی ہے۔

مستقل مندوب نے کہا کہ ٹی ٹی پی کی القاعدہ کیساتھ وابستگی دہشت گردی کے عالمی خطرے میں تبدیل کرسکتی ہے، 6 ہزار جنگجوؤں پرمشتمل ٹی ٹی پی افغانستان میں سرگرم بڑی دہشت گرد تنظیم ہے۔

ان کا کہنا تھا کہ کالعدم ٹی ٹی پی افغانستان سے سرحدی محفوظ پناہ گاہوں سے پاکستان پرحملے کرتی ہے، ان حملوں میں پاکستانی فوجی، شہری اور ریاستی ادارے نشانہ بنے اور حملوں کے نتیجے میں سیکڑوں جانیں ضائع ہو چکی ہیں۔

پاکستانی مندوب نے مزید کہا کہ ٹھوس شواہد ہیں کابل حکام ان حملوں کی سرپرستی بھی کررہے ہیں، پاکستان روزانہ دہشت گرد حملوں کا سامنا کررہا ہے۔

نیویارک : پاکستان اقوام متحدہ کی سلامتی کونسل کے غیر مستقل رکن بننے کیلئے پُر امید ہے، اس سے قبل بھی سات مرتبہ سلامتی کونسل کاغیرمستقل رکن رہ چکا ہے۔

تفصیلات کے مطابق اقوام متحدہ کی جنرل اسمبلی  سکیورٹی کونسل (یو این ایس سی) کے پانچ غیر مستقل ارکان کا تقرر آج کرے گی۔

پاکستان اقوام متحدہ کی سلامتی کونسل کا غیر مستقل رکن بننے کیلئے پر امید ہے، اقوام متحدہ کی سکیورٹی کونسل کی غیر مستقل رکنیت کیلئے آٹھویں مدت کیلئے آج منتخب کیا جا سکتا ہے ۔

اس  کے علاوہ دیگر چار ممبران اگلے دو سال کیلئے خدمات انجام دیں گے، سلامتی کونسل پندرہ ممالک پر مشتمل ہے، جس میں پانچ مستقل ارکان میں چین، فرانس، روس، برطانیہ اور امریکا جبکہ دس غیرمستقل ارکان شامل ہیں۔

دس غیر مستقل اراکین کو جنرل اسمبلی دو سال کی مدت کیلئے منتخب کرتی ہے، سکیورٹی کونسل کی رکنیت کیلئے پاکستان کو تریپن رکنی ایشیائی گروپ سے توثیق ملی ہے۔

اقوام متحدہ کے تمام 193 رکن ممالک اس انتخاب میں شامل ہوتے ہیں، یہ انتخاب خطے کے لحاظ اور جغرافیائی تقسیم کی بنیاد پر کیا جاتا ہے۔ اس مقصد کے لیے ووٹنگ خفیہ بیلٹ کے ذریعے کی جاتی ہے۔

پاکستان کیلئے اقوام متحدہ کی سلامتی کونسل کا رکن منتخب ہونے کے امکانات روشن ہیں، پاکستان پہلے ہی ایشیائی ممالک کے گروپ سے متفقہ امیدوار کے طورپر حمایت حاصل کرچکا۔

منتخب ہونے کی صورت میں سیکیورٹی کونسل میں پاکستان کی رکنیت یکم جنوری 2025 سے شروع ہوکر31 دسمبر 2026 کو ختم ہوگی

ذرائع کے مطابق اقوام متحدہ کی سلامتی کونسل میں غیرمستقل ارکان کے انتخاب کے لیے پاکستان نے ایک مخصوص حکمت عملی بنا رکھی ہے ، جس کے تحت ووٹ کے حصول کے لیے چند مخصوص خطوں اور ممالک کے گروپس پر خصوصی کام کیا گیا ہے۔

خیال رہے پاکستانی وفد کی قیادت اقوام متحدہ میں مستقل نمائندہ منیر اکرم اور عثمان جدون کر رہے ہیں۔