Tag: سلامتی کونسل

اسلام آباد: وزیراعظم عمران خان نے سلامتی کونسل میں مسئلہ کشمیر اٹھانے پر خیرمقدم کرتے ہوئے کہا کہ کشمیریوں کو ان کاحق ملنے تک مکمل حمایت جاری رکھیں گے۔

تفصیلات کے مطابق وزیراعظم عمران خان نے سلامتی کونسل میں مسئلہ کشمیر اٹھانے پر خیرمقدم کرتے ہوئے کہا کہ جموں وکشمیر کا تنازع 70سال سے سلامتی کونسل ایجنڈے پر ہے، سلامتی کونسل عالمی امن اور قراردادوں پر عملدرآمد کی ذمہ دار ہے۔

انہوں نے انسانی حقوق کی پامالی زیر بحث لانے پر ممبران کا شکریہ ادا کرتے ہوئے کہا کہ سلامتی کونسل کے ارکان نے مقبوضہ کشمیر کے حالات پر آواز اٹھائی۔

عمران خان کا کہنا تھا کہ کونسل ارکان نے مقبوضہ کشمیرکے حالات خراب نہ کرنے پر زور دیا،کونسل نے عالمی قوانین کی پاسداری،تنازع کے پرامن حل پر زور دیا۔

وزیراعظم پاکستان نے کہا کہ مقبوضہ کشمیر پر پاکستان کا مؤقف واضح اور دوٹوک ہے،مسئلہ کشمیراقوام متحدہ کی قراردادوں کے مطابق حل کیا جائے اور کشمیریوں کو استصواب رائے کاحق دیں۔انہوں نے مزید کہا کہ کشمیریوں کو ان کاحق ملنے تک مکمل حمایت جاری رکھیں گے۔

سیکیورٹی کونسل اراکین مسئلہ کشمیر کو حل ہوتے دیکھنا چاہتے ہیں، منیر اکرم

دوسری جانب اقوام متحدہ میں پاکستانی مندوب منیراکرم نے کہا ہے کہ سیکیورٹی کونسل اراکین مسئلہ کشمیر کو حل ہوتے دیکھنا چاہتے ہیں، سیکیورٹی کونسل رکنیت کے لیے بھارت کی حمایت کا فیصلہ غلط تھا۔

نیویارک: اقوام متحدہ میں پاکستانی مستقل مندوب منیر اکرم نے کہا ہے کہ بھارت مکاری سے کشمیر میں زمینی حقائق تبدیل کر رہا ہے۔

تفصیلات کے مطابق اقوام متحدہ میں پاکستانی سفیر منیر اکرم نے سلامتی کونسل کے ورچوئل مباحثے میں شرکت کی۔مباحثے کا موضوع تنازعات میں گھرے سولین کی حفاظت تھا۔پاکستانی مستقل مندوب نے مباحثے میں پاکستان کا موقف پیش کیا۔

پاکستانی سفیر نے مباحثے سے خطاب کرتے ہوئے کہا کہ سلامتی کونسل کو کشمیر میں بھارتی جنگی جرائم کا نوٹس لینا چاہیئے،بھارت کشمیر میں انسانی حقوق کی سنگین خلاف ورزیاں کر رہا ہے۔

منیر اکرم کا کہنا تھا کہ سلامتی کونسل کے موثر اقدامات نہ کرنے کی قیمت کشمیریوں کو ادا کرنی پڑتی ہے۔انہوں نے کہا کہ بھارت مکاری سے کشمیر میں زمینی حقائق تبدیل کر رہا ہے۔

انہوں نے مباحثے کے دوران بتایا کہ گزشتہ ماہ میں بھارت نے33 کشمیریوں کو شہید کیا،ایل او سی پر بھارتی فائرنگ سے رواں سال 989 کشمیری شہید ہوئے۔منیر اکرم کا مزید کہنا تھا کہ بھارت جنیوا کنونشن کی کھلی خلاف ورزی کر کے کشمیرمیں تسلط قائم کیے ہوئے۔

یاد رہے کہ تین روز قبل مقبوضہ کشمیر کے ضلع کلگام میں نام نہاد آپریشن کے دوران بھارتی فورسز نے 2 کشمیری نوجوانوں کو شہید کیا تھا۔

بھارتی فوج نے مقبوضہ وادی کو 9 ماہ سے چھاؤنی بنا رکھا ہے، ان 9 ماہ کے دوران بھارتی فوج کی بربریت سے 100 سے زائد کشمیری شہید ہو چکے ہیں۔

بیجنگ: ترجمان چینی وزارت خارجہ نے کہا کہ مسئلہ کشمیر کا سلامتی کونسل قراردادوں کے تحت حل چاہتے ہیں، مسئلہ کشمیر پر چین کی پوزیشن میں کوئی تبدیلی نہیں ہے۔

تفصیلات کے مطابق ترجمان چینی وزارت خارجہ نے بریفنگ کے دوران کہا کہ مسئلہ کشمیر پر چین کی پوزیشن واضح ہے، مسئلہ کشمیر تاریخی تنازع ہے یو این چارٹر کے تحت حل کیا جانا چاہیے۔

ترجمان کا کہنا تھا کہ سلامتی کونسل نے مسئلہ کشمیرکا مفصل جائزہ لیا، رکن ممالک مقبوضہ کشمیر کی صورت حال پر تشویش میں مبتلا ہیں، رکن ممالک نے زور دیا مسئلہ عالمی قانون کے تحت حل کریں۔

چینی وزارت خارجہ کے ترجمان نے کہا کہ سلامتی کونسل کے ازسرنو جائزے سے کشیدگی میں کمی ممکن ہے، ازسرنو جائزے سے مسئلے کے حل پر پیشرفت ممکن ہے، چین علاقائی امن واستحکام کے لیے مثبت کردار ادا کرتا رہے گا۔

ترجمان کے مطابق بھارت کو توجہ کے ساتھ سلامتی کونسل کو جواب دینا چاہیے، روس سلامتی کونسل کا اہم رکن، مسئلہ کشمیر پر کھل کر بولا، سلامتی کونسل کے تمام ارکان نے کھل کر خدشات کا اظہار کیا۔

ترجمان چینی وزارت خارجہ کا کہنا تھا کہ چین کی سوچ شفاف اورمؤقف واضح ہے بھارت کو بھی علم ہے، چین مسئلہ کشمیر پر سلامتی کونسل میں بھرپور اندازسے شامل ہوا، جائزہ اجلاس میں شمولیت، خطے میں کشیدگی میں کمی کے لیے ہے۔

وزارت خارجہ کے ترجمان نے کہا کہ بھارت معاملے کا کوئی اور مطلب لے تو اور بات ہے، مسئلہ کشمیر پر چین کی پوزیشن میں کوئی تبدیلی نہیں، مسئلہ کشمیر پر چاہتے ہیں سلامتی کونسل حالیہ صورتحال پر توجہ دے۔

ترجمان نے مزید کہا کہ پاکستان بھارت کشیدگی کم اور تحمل کا مظاہرہ کریں، پاکستان اور بھارت سے رابطے میں ہیں، ہم مثبت کردار ادا کریں گے۔

اسلام آباد: معاون خصوصی برائے اطلاعات فردوس عاشق اعوان نے کہا کہ وزیراعظم عمران خان کی قیادت میں شاہ محمود قریشی کا کردار مثالی ہے۔

تفصیلات کے مطابق سماجی رابطے کی ویب سائٹ ٹویٹر پر ڈاکٹر فردوس عاشق اعوان نے اپنے پیغام میں کہا کہ 5 ماہ میں سلامتی کونسل کا دوسری بار اجلاس ہوناعالمی سطح پر کشمیرکے ایک مسلمہ تنازع ہونے کا واضح اعتراف ہے۔

فردوس عاشق اعوان نے کہا کہ 5اگست کے بھارتی اقدام کے بعد سلامتی کونسل کی دوسری بیٹھک سفارتی کامیابی ہے، مقبوضہ کشمیر کے عوام کے جائزحقوق کی گونج بڑے فورم پر سنائی دی۔

پانچ ماہ میں سلامتی کونسل کا دوسری بار اجلاس عالمی سطح پر کشمیر کے ایک مسلمہ تنازعہ ہونے کا واضح اعتراف ہے،جو سلامتی کونسل کے ایجنڈے پر موجود اور غور طلب ہے۔5 اگست کے بھارتی یکطرفہ اقدام کے بعد سلامتی کونسل کی دوسری بیٹھک ہماری سفارتی کامیابی ہے۔

— Dr. Firdous Ashiq Awan (@Dr_FirdousPTI) January 16, 2020

معاون خصوصی کا کہنا تھا کہ بھارتی دعوؤں کی پھر نفی ہوئی کہ کشمیر بھارت کا اندرونی معاملہ ہے، مطالبہ ہےعالمی برادری کشمیریوں سے حق خودارادیت کےعہد کو نبھائے۔

فردوس عاشق اعوان کے مطابق وزیراعظم عمران خان نے جرات اور دلیری سے کشمیریوں کا مقدمہ لڑا، کشمیریوں کا مقدمہ لڑنے کی مثال ماضی میں نہیں ملتی۔

معاون خصوصی کے مطابق وزیراعظم عمران خان کی قیادت میں شاہ محمود قریشی کا کردار مثالی ہے، شاہ محمود نے بہترین صلاحیتوں سے سفارتی محاذ پرکشمیریوں کی وکالت کی۔

انہوں نے مزید کہا کہ یواین سیکرٹری جنرل کی پاکستان کے کردارکی تعریف خوش آئند ہے، پاکستان عمران خان کی قیادت میں متحرک، فعال،امن پسند ملک کی شناخت پا رہا ہے۔

نیویارک: اقوام متحدہ میں پاکستان کی مستقل مندوب ملیحہ لودھی کا کہنا ہے کہ کشمیریوں کو اُن کا حق خودارادیت سلامتی کونسل نے دیا ہے، حق خودارادیت کا نہ ملناغیرقانونی تسلط، ظلم کو فروغ دیتا ہے۔

تفصیلات کے مطابق اقوام متحدہ میں پاکستان کی سفیر ملیحہ لودھی نے جنرل اسمبلی سے مسئلہ کشمیر پرخطاب کرتے ہوئے کہا کہ بھارت منظم اندازمیں کشمیریوں پرظلم کے پہاڑ توڑ رہا ہے۔

ملیحہ لودھی نے کہا کہ کہ نوآبادیت کے خاتمے کی بحث کشمیر کا مسئلہ ختم کیے بغیر نامکمل ہے۔

پاکستانی سفیر نے کہا کہ کشمیریوں کو اُن کا حق خودارادیت سلامتی کونسل نے دیا ہے، حق خودارادیت کا نہ ملناغیرقانونی تسلط، ظلم کو فروغ دیتا ہے۔

ملیحہ لودھی نے نوآبادیت کے خاتمے کی کمیٹی سے خطاب کرتے ہوئے مزید کہا کہ کشمیر یواین کے ایجنڈے پرتصفیہ طلب مسائل میں سے ایک ہے۔

اقوام متحدہ کو کشمیر میں بھارتی ظلم کا شکار بچوں کی مدد کرنا ہوگی، ملیحہ لودھی

یاد رہے کہ تین روز قبل ملیحہ لودھی نے جنرل اسمبلی کی انسانی حقوق کمیٹی میں مباحثے سے خطاب کرتے ہوئے کہا تھا کہ وقت آگیا ہے کہ عالمی برادری بھارتی ظلم کا حساب مانگے۔

ملیحہ لودھی کا کہنا تھا کہ اقوام متحدہ کو بھارت کی عالمی قوانین دلانے چاہئیں، بچوں کے حقوق کی خلاف ورزیوں پر خاموش بھی شریک جرم ہیں۔