Tag: سلمان آغا

نیوزی لینڈ کیخلاف دوسرے ٹی ٹوئنٹی میچ میں پاکستانی کپتان سلمان علی آغا اسٹار بیٹر بابر اعظم کا ریکارڈ توڑتے توڑتے رہ گئے۔

ڈنیڈن میں کھیلے گئے دوسرے ٹی 20 میچ میں نیوزی لینڈ نے پاکستان کو پانچ وکٹوں سے شکست دے دی۔ قومی ٹیم کی جانب سے دیا گیا 136 رنز کا ہدف نیوزی لینڈ نے پانچ وکٹوں کے نقصان پر حاصل کیا۔

اس میچ میں پاکستانی کپتان نے مشکل صورتحال میں 28 گیندوں پر 46 رنز کی اننگ کھیلی۔ تاہم صرف چار رنز کی کمی سے وہ اسٹار قومی بیٹر اور سابق کپتان بابر اعظم کا ریکارڈ توڑنے میں کامیاب نہ ہوسکے۔

وہ اگر نصف سنچری بنا لیتے تو وہ نیوزی لینڈ کے خلاف ٹی 20 میچ میں ففٹی پلس اسکور کرنے والے دوسرے پاکستانی کپتان بن جاتے۔

بابر اعظم نے 2023 میں لاہور کے قذافی اسٹیڈیم میں کھیلے گئے ٹی ٹوئنٹی سیریز کے دوسرے میچ میں بطور کپتان ففٹی پلس اسکور کیے تھے اور 58 گیندوں پر 101 رنز کی شاندار اننگ کھیلی تھی۔

واضح رہے کہ رواں پانچ ٹی 20 میچوں کی سیریز میں نیوزی لینڈ کو دو صفر کی برتری حاصل ہوچکی ہے۔ تیسرا میچ آکلینڈ میں جمعہ 21 مارچ کو کھیلا جائے گا۔

https://urdu.arynews.tv/new-zealand-beat-pakistan-in-the-second-t20-match/

سابق بھارتی کرکٹر روی چندرن ایشون کا کہنا ہے کہ چیمپئنز ٹرافی میں دو پاکستانی کھلاڑیوں کی بیٹنگ دیکھنے لائق ہوگی۔

یوٹیوب چینل پر گفتگو کرتے ہوئے سابق بھارتی اسپنر روی چندرن ایشون نے کہا کہ نائب کپتان سلمان آغا اور مڈل آرڈر بیٹر طیب طاہر کی بیٹنگ دیکھنے کے لیے پرجوش ہوں۔

انہوں نے کہا کہ آغا سلمان کا پہلے ذکر کیا جانا چاہیے وہ ایسے کھلاڑی ہیں جو دباؤ میں حالات کو سنبھال سکتے ہیں اور کریز پر ان کی موجودگی ہے جو میں نے طویل عرصے سے کسی پاکستانی کھلاڑی میں نہیں دیکھی۔

سابق بھارتی کرکٹر نے کہا کہ میں امید کرتا ہوں کہ وہ دیگر کھلاڑیوں کے راستے پر نہیں چلیں گے اگر وہ اسی طرح کھیلتے رہے تو وہ پاکستان کرکٹ کے لیے پوسٹر بوائے بن سکتے ہیں، میرا یقین ہے کہ آغا سلمان میں بابر اعظم اور محمد رضوان کو بھی پیچھے چھوڑنے کی صلاحیت ہے۔

روی چندرن ایشون نے کہا کہ آغا سلمان گراؤنڈ کے چاروں طرف شاٹس کھیل سکتے ہیں اور ان کے پاس بڑی مہارت ہے، محمد رضوان ایک اہم کھلاڑی ہوں گے لیکن میری رائے میں آغا سلمان کی بیٹنگ ہی دیکھنے لائق ہوگی۔

انہوں نے نوجوان بیٹر طیب طاہر کو غیرمعمولی مڈل آرڈر کھلاڑی قرار دیتے ہوئے کہا کہ پاکستان کو طویل عرصے کے بعد ایک کھلاڑی ملا ہے۔

واضح رہے کہ آغا سلمان نے 33 ون ڈے میچز کھیلے ہیں جس میں 45.75 کی شاندار اوسط سے 915 رنز بنائے ہیں جس میں پانچ نصف سنچریاں اور ایک سنچری شامل ہے۔

جنوبی افریقا کے خلاف حال ہی میں ختم ہونے والی سہ فریقی ون ڈے سیریز میں پاکستان نے آغا سلمان اور کپتان محمد رضوان کی شاندار کارکردگی کی بدولت 49 اوورز میں 352 رنز کا مشکل ہدف حاصل کیا تھا۔

پاکستان ٹیم کے نائب کپتان سلمان علی آغا کا کہنا ہے کہ امید ہے صائم ایوب کی کمی کو خوشدل شاہ پورا کریں گے۔

سہ فریقی سیریز سے قبل نائب کپتان سلمان علی آغا نے میڈیا سے گفتگو کرتے ہوئے کہا کہ ہمیں کنڈیشن کے ساتھ ایڈجسٹ کرنا ہوگا، صائم ایوب کی کمی محسوس کریں گے لیکن امید ہے خوشدل شاہ ان کی کمی کو پورا کریں گے۔

انہوں نے کہا کہ کمبی نیشن بنا ہوا ہے اس میں زیادہ تبدیلی کی ضرورت نہیں پڑے گی۔

سلمان علی آغا کا کہنا تھا کہ سب کھلاڑی پاکستان میں چیمپئنز ٹرافی کا ایونٹ کھیلنے کے لیے پرجوش ہیں۔

دوسری جانب نیوزی لینڈ کرکٹ ٹیم کے ہیڈ کوچ جیکب اورم نے کہا کہ چیمپئنز ٹرافی سے قبل ٹرائی نیشن سیریز بہت اہم ہے، میگا ایونٹ میں سب ٹیموں کے پاس برابر کا موقع ہوتا ہے۔

انہوں نے کہا کہ ہم بھارت اور پاکستان کے گروپ میں ہیں، دونوں ٹیموں کے خلاف اچھے مقابلے کی امید ہے۔

واضح رہے کہ پاکستان، جنوبی افریقا اور نیوزی لینڈ کے درمیان چیمپئنز ٹرافی سے قبل ٹرائی نیشن سیریز کا آغاز ہفتے سے ہوگا۔