ARYNews.tv | Urdu – Har Lamha Bakhabar

Tag: سلمان اقبال

  • پی ایس ایل ڈرافٹ: میڈیا نے پی ایس ایل کووہ بنا دیا، جو کوئی سوچ بھی نہیں سکتا تھا: سلمان اقبال

    پی ایس ایل ڈرافٹ: میڈیا نے پی ایس ایل کووہ بنا دیا، جو کوئی سوچ بھی نہیں سکتا تھا: سلمان اقبال

    اسلام آباد: پی ایس ایل سیزن فور کی ڈرافٹنگ کی تقریب کا آغاز ہوگیا ہے ، تقریب سے خطاب کرتے ہوئے کراچی کنگز کے مالک مسٹر سلمان اقبال کا کہنا ہے کہ پی ایس ایل کی کامیابی میں میڈیا نے انتہائی اہم کردار ادا کیا ہے، صدر وسیم اکرم کا کہنا تھا کہ ڈرافٹنگ میں بہترین کھلاڑیوں کا انتخاب کریں گے۔

    پی ایس ایل ڈرافٹنگ کی تقریب آج وفاقی دارالحکومت اسلام آباد میں منعقد ہورہی ہے ، کراچی کنگز کی جانب سے ٹیم کے مالک مسٹرسلمان اقبال اور صدرو سیم اکرم نے میڈ یا سے خصوصی گفتگو کی ۔

    میڈیا کانفرنس سے خطاب کرتے ہوئےکراچی کنگز کے مالک مسٹر سلمان اقبال کا کہنا تھا کہ کراچی کنگز پی ایس ایل کی سب سے پسندیدہ ٹیم ہے ، کوشش کریں اس سال بھی پی ایس ایل کی اچھی ٹیم بنائیں۔

    انہوں نے اعلان کیا کہ اس سال بھی کراچی کنگزکےکپتان عمادوسیم ہی ہوں گے۔ہماری ٹیم بہترین کھلاڑیوں پرمشتمل ہے اور ہمارےپاس3بلےبازہیں جبکہ کپتان عمادوسیم آل راؤنڈرہیں۔گزشتہ سال بھی ہماری ٹیم مضبوط تھی4میچ جیتےاور2میچ ہارے۔

    گزشتہ سال ہمارےکپتان عمادوسیم انجرڈہوگئے تھے ،شاہدآفریدی کپتان بنے تاہم وہ بھی انجری کا شکار ہوئے۔

    مسٹر سلمان اقبال کا کہنا تھا کہ میڈیانےپی ایس ایل کووہ بنادیاہےجوکوئی سوچ بھی نہیں سکتاتھا،پی ایس ایل کے8میچزکراچی اورلاہورمیں ہوں گے۔

    پریس کانفرنس سے قبل مسٹر سلمان اقبال نے کراچی کنگز کے مداحوں کے لیے سوشل میڈیا پر ویڈیو پیغام بھی جاری کیا تھا۔

    دریں اثنا کراچی کنگز کے حال ہی میں منتخب کیے جانے والے صدر اور سابق آل راؤنڈر وسیم اکرم کا کہنا تھا کہ کوشش ہوگی بہترین ٹیم بنائیں،ڈرافٹ میں بہترین کھلاڑیوں کومنتخب کریں گے۔

    ان کا کہنا تھا کہ کوئی بھی جیت سکتا ہے اور ہار سکتا ہے ، ہماری کوشش ہوگی کہ آخری گیند تک لڑ کر عمدہ کھیل پیش کریں۔ وسیم اکرم کا مزید کہنا تھا کہ پی ایس ایل ایک کامیاب ایونٹ بن گیا ہے۔پی ایس ایل میں غیرملکی کھیلناچاہتےہیں اور اس کی تعریف بھی کرتےہیں۔

    کراچی کنگز کے صدر وسیم اکرم نے بھی پریس کانفرنس سے قبل ٹیم کے مداحوں ے لیے ویڈیو پیغام جاری کیا تھا۔

  • میڈیا کا کام اچھا اور برا جو بھی ہو اسے دکھانا ہے: سلمان اقبال

    میڈیا کا کام اچھا اور برا جو بھی ہو اسے دکھانا ہے: سلمان اقبال

    کراچی: اے آر وائی ڈیجیٹل نیٹ ورک کے سربراہ سلمان اقبال کا کہنا ہے کہ میڈیا اچھا اور برا جو بھی ہوتا ہے دکھاتا ہے، اس کا کردار یہی ہے۔ میڈیا نے قدرتی آفات سے متاثرہ علاقوں کی نشاندہی اور کام کیا۔

    تفصیلات کے مطابق ورلڈ میمن آرگنائزیشن پاکستان چیپٹر کے تحت بزنس کانفرنس 2018 کا آغاز ہوگیا۔ بزنس کانفرنس کا عنوان ’چینجنگ گلوبل اکانومی دی پاکستان آپرچیونٹی‘ ہے۔

    کانفرنس سے خطاب کرتے ہوئے اے آر وائی ڈیجیٹل نیٹ ورک کے سربراہ سلمان اقبال کا کہنا تھا کہ میں دو دن پہلے وزیر اعظم سے ملا۔ وزیر اعظم نے کہا بزنس مین پیدائشی ہوتا ہے بنا نہیں سکتے۔

    سلمان اقبال نے کہا کہ ہم بچپن سے ہی کام کر رہے ہوتے ہیں۔ 10 لاکھ میمن اپر مڈل کلاس سے ہیں۔ پاکستان میں تمام شعبوں میں میمن کام کر رہے ہیں۔

    انہوں نے کہا کہ میڈیا میں پاکستان میں کام کرنے والوں میں بہت اضافہ ہوا۔ اربوں روپے کی سرمایہ کاری ہوئی ہے۔ میڈیا کا کردار بہت اہم ہے۔ کنسورشیم نے مجھے میڈیا میں کام کرنے کا مشورہ دیا تھا۔

    سلمان اقبال نے کہا کہ پاکستانی میڈیا میں ذرائع بہت اہم ہیں۔ عوامی رائے کو میڈیا مینیج کرتا ہے۔ مختلف ممالک میں میڈیا کنٹرول ہے۔ ہم میڈیا سیکٹر کو لیڈ کر رہے ہیں۔

    انہوں نے کہا کہ میمن ہر شعبے میں بہترین کارکردگی دکھا رہے ہیں، میمن کمیونٹی کا میڈیا انڈسٹری میں بہت مضبوط کردار ہے۔ میمن خواتین بھی اب میڈیا میں خدمات انجام دے رہی ہیں۔ ’ہمیں فخر ہے اپنے پاکستانی اور اپنے میمن ہونے پر‘۔

    سلمان اقبال نے کہا کہ میڈیا پوری دنیا کے حالات عوام تک پہنچاتا ہے۔ آئندہ سب سےزیادہ مواقع میڈیا خاص کر سوشل میڈیا میں ہوں گے۔ میڈیا میں سب سے زیادہ مواقع پروڈکشن میں ہیں۔ ہمیں میڈیا میں نئے اور اچھے لوگوں کی ضرورت ہے۔ اوور سیز میمن اس فیلڈ میں کام کر سکتے ہیں۔

    انہوں نے کہا کہ اسپورٹس میں بھی سرمایہ کاری کے مواقع موجود ہیں، ہماری میڈیا انڈسٹری ابھی ارتقا سے گزر رہی ہے۔ ہمیں اپنے ملک اور معیشت سے برے عناصر کو نکالنا ہے۔

    انہوں نے کہا کہ میڈیا اچھا اور برا جو بھی ہوتا ہے دکھاتا ہے، اس کا کردار یہی ہے۔ میڈیا نے قدرتی آفات سے متاثرہ علاقوں کی نشاندہی اور کام کیا۔ میڈیا انڈسٹری میں کام شروع کرنے کے لیے پہلے ایک چھوٹا قدم لینا ہوتا ہے۔

    سلمان اقبال کا کہنا تھا کہ ابھی بھی میڈیا انڈسٹری میں پاکستان کافی پیچھے ہے، ابھی بھی پاکستان میں ڈیجٹائزیشن نہیں ہوئی۔ میڈیا انڈسٹری کا ریونیو 45 ارب روپے کا ہے۔

    انہوں نے مزید کہا کہ میڈیا میں صرف ایک کمپنی ہے جو اسٹاک مارکیٹ میں لسٹڈ ہے، امریکا میں بھی مختلف چینل مختلف سیاسی جماعتوں کی طرفداری کرتے ہیں۔

  • مسلمان کھلاڑی امن کے سفیر بن کر اسلام کا مثبت چہرہ سامنے لارہے ہیں، سلمان اقبال

    مسلمان کھلاڑی امن کے سفیر بن کر اسلام کا مثبت چہرہ سامنے لارہے ہیں، سلمان اقبال

    کراچی: اے آر وائی ڈیجیٹل نیٹ ورک کے صدر اور سی ای او سلمان اقبال نے کہا ہے کہ مسلمان کھلاڑی  دنیا بھر میں امن کے سفیر بن کر اسلام کا مثبت چہرہ سامنے لارہے ہیں، ہم کھیلوں کے فروغ کےلیے اپنا کردار ادا کرتے رہیں گے۔

    اے آر وائی کے پروگرام میں گفتگو کرتے ہوئے سلمان اقبال کا کہنا تھا کہ کوشش ہے کہ کھیلوں کے ذریعے اسلام کا مثبت چہرہ دنیا میں اجاگر کریں کیونکہ کھیلوں میں حصہ لینے والے مسلمان کھلاڑی دنیا بھر میں امن کے سفیر بن کر ابھرتے ہیں۔

    چیئرمین بریو پاکستان سلمان اقبال کا کہنا تھا کہ گزشتہ برس سپرباکسنگ لیگ کا اعلان کیاتھا جس کا رواں سال انعقاد کیا گیا، مکسڈ مارشل آرٹس میں 6 پاکستانی فائٹرز نے حصہ لیا جو ہمارے لیے خوشی کی بات ہیں۔

    سلمان اقبال کا کہناتھا کہ  کھیلوں کےفروغ کیلئے اپنا کردار  اسی طرح اداکرتے رہیں گے، انٹرٹینمنٹ میں میڈیا انڈسٹری اب آگے بڑھ رہی ہے، ماضی میں امن وامان کے باعث کھیلوں کوفروغ نہیں ملا سکا، اب انشاء اللہ پاکستان سپر لیگ کے میچز بھی پاکستان میں ہوں گے۔

    چیئرمین بریو کا کہنا تھا کہ کوشش ہےمکسڈمارشل آرٹس کراچی اور اسلام آبادمیں کرائیں، آئندہ برس اس سے بڑا ایونٹ منعقد کریں گے تاکہ 8 سے 10 ہزار لوگ اسے دیکھ سکیں۔

    اُن کا مزید کہنا تھا کہ کھیلوں کےذریعے دنیا بھر میں  پاکستان کانام روشن کرنا چاہتے ہیں اور اسی کے ذریعے ملک کا نام مزید روشن کرنے کے خواہش مند ہیں اس ضمن میں جو کچھ بھی ممکن ہوا وہ تعاون جاری رہے گا۔

  • بلاؤں سے نبرآزما ’تین بہادر‘ دوستوں کی کہانی، نیا ٹریلر جاری

    بلاؤں سے نبرآزما ’تین بہادر‘ دوستوں کی کہانی، نیا ٹریلر جاری

    کراچی: اے آر وائی فلمز اور وادی اینیمیشن کی مشترکہ پیش کش فلم ’تین بہادر رائز آف دی واریئرز‘ کا ٹریلر جاری کردیا گیا۔

    تفصیلات کے مطابق اے آر وائی فلمز اور وادی اینیمیشن کے بینر تلے بنائی جانے والی فلم تین بہادر رائز آف دی واریئرز میں ہدایت کاری کے انجام آسکر ایوارڈ یافتہ شرمین عبید چنائے اور ایگزیکٹو ڈائریکٹر کے فرائض اے آر وائی سی ای او سلمان اقبال نے انجام دے رہے ہیں۔

    رائز آف واریئرز میں اداکار فہد مصطفیٰ اور نامور پاکستانی اداکارہ مہوش حیات نے اپنے صلاحیتوں کے جوہر دکھائے جبکہ دیگر کاسٹ میں بہروز سبزواری، ثروت گیلانی، نمرہ بُچہ اور خالد ملک شامل ہیں۔

    تین بہادر کا نیا پارٹ 14 دسمبر سے ملک بھر کے سینیما گھروں میں نمائش کے لیے پیش کی جائے گی۔

    مزید پڑھیں: فہد مصطفیٰ ’تین بہادر‘کے سیکوئل میں صداکاری کریں گے

    تین بہادر ایسے باہمت تین بچوں کی کہانی ہے جو ناقابل یقین طاقت کی مدد سے اپنے معاشرے کو جرائم کے شر سے نجات دلانے کی کوشش کرتے ہیں۔

    ٹریلر کے آغاز میں دیکھا جاسکتا ہے کہ بچے آپس میں کرکٹ کھیل رہے ہوتے ہیں تو اسی دوران بیٹسمین اونچا شارٹ کھیلتا ہے جس پر فیلڈر اپنی پوشیدہ طاقت استعمال کرتے ہوئے فضا میں بلند ہوکر گیند کو پکڑ لیتا ہے اور پھر سب آؤٹ ہونے کا جشن مناتے ہیں، اسی دوران کھیلنے والی ٹیم کا ایک کھلاڑی اعتراض اٹھاتا ہے کہ ’اس (فیلڈر) نے اپنی پاور استعمال کی ہے‘۔

    جس کے بعد وہ گھر واپس آتاہے تو دیگر دو دوست اُسے سمجھاتے ہیں کہ ’اپنی طاقت کا غلط استعمال نہیں کرو‘۔ اس پر ننھا اداکار شکوہ کرتا ہے کہ ’اب پاور کا کیا کریں، نہ باہر بچے اپنے ساتھ کرکٹ کھیلاتے ہیں اور نہ ہی لڑنے کے لیے غنڈے باقی ہیں‘۔

    یہ بھی پڑھیں: فلم تین بہادر باکس آفس پر سپرہٹ

    قبل ازیں کراچی کے مقامی سینیما میں ٹریلر لانچ کی تقریب کا انعقاد کیا گیا جس میں اے آر وائی ڈیجیٹل کے چیف ایگزیکٹو آفیسر جرجیس سیجا، ہدایت کارہ شرمین عبید چنائے، اداکار فہد مصطفیٰ سمیت فلم کی پوری کاسٹ نے شرکت کی۔

    واضح رہے کہ شرمین عبید چنائے کی ہدایت کاری میں بننے والی فلم ’تین بہادر‘ پاکستان کی پہلی اینیمیٹد فلم تھی جسے ملک بھر میں نہ صرف بچوں بلکہ بڑوں میں بھی بھرپور پذیرائی ملی تھی۔

  • پاکستان میں مکسڈ مارشل آرٹس کے عالمی ایونٹس کرانے کے لیے سی ای او اے آر وائی سلمان اقبال کا 3 کمپنیوں کے ساتھ معاہدہ

    پاکستان میں مکسڈ مارشل آرٹس کے عالمی ایونٹس کرانے کے لیے سی ای او اے آر وائی سلمان اقبال کا 3 کمپنیوں کے ساتھ معاہدہ

    دبئی: پاکستان میں مکسڈ مارشل آرٹس کے عالمی ایونٹس کرانے کے لیے بڑی پیش رفت ہوئی ہے، اے آر وائی کے صدر، سی ای او سلمان اقبال اور 3 کمپنیوں میں معاہدہ طے پا گیا۔

    تفصیلات کے مطابق پاکستان میں مکسڈ مارشل آرٹس کے فروغ کے لیے بڑا اقدام سامنے آ گیا، صدر و سی ای او سلمان اقبال اور تین کمپنیوں کے مابین معاہدہ طے پا گیا۔

    [bs-quote quote=”ہمارا مقصد پاکستانی کھیلوں کو دنیا بھر میں روشناس کرانا ہے: سی ای او اے آر وائی سلمان اقبال” style=”style-7″ align=”left” color=”#dd3333″][/bs-quote]

    بریو کامبیٹ فیڈریشن، راک ولے، اور ایم آر جی نے معاہدے پر دستخط کیے، معاہدے کے تحت پاکستان میں مکسڈ مارشل آرٹ کے عالمی ایونٹس منعقد ہوں گے۔

     سی ای او اے آر وائی سلمان اقبال کو بریو پاکستان لمیٹڈ کا بورڈ چیئرمین منتخب کیا گیا، بریو پاکستان کے تحت مکسڈ مارشل آرٹ کا پہلا عالمی ایونٹ 27 اکتوبر کو لاہور میں ہوگا، مکسڈ مارشل آرٹ کامبیٹ کی پاکستان کی تاریخ کی بڑی نشریات ہوگی۔

    صدر و سی ای او اے آر وائی سلمان اقبال نے اس موقع پر کہا کہ ہمارا مقصد پاکستان میں کھیلوں کا فروغ ہے، ہمارا ارادہ پاکستانی کھیلوں کو دنیا بھر میں روشناس کرانا ہے۔

    انھوں نے مزید کہا کہ ایونٹ سے مکسڈ مارشل آرٹ کے پاکستانی کھلاڑیوں کی حوصلہ افزائی ہوگی، بریو پاکستان سے پاکستانی کھلاڑیوں کو عالمی پلیٹ فارم میسر آ سکے گا۔

    افغانستان پریمیئر لیگ، کراچی کنگز کے مالک سلمان اقبال میچ دیکھنے شارجہ پہنچ گئے

    خیال رہے کہ بریو کامبیٹ فیڈریشن کی بنیاد شیخ خالد بن حماد الخلیفہ نے رکھی، شیخ خالد بن حماد الخلیفہ بحرین ایتھلیٹ ایسوسی ایشن کے صدربھی ہیں۔

    بریو کامبیٹ فیڈریشن کے تحت بحرین، برازیل اور دیگرممالک میں مقابلے ہو چکے ہیں، بریو کامبیٹ کے تحت مقابلوں میں 45 ممالک سے 250 ایتھلیٹس حصہ لے چکے ہیں۔

  • افغانستان پریمیئر لیگ، کراچی کنگز کے مالک سلمان اقبال میچ دیکھنے شارجہ پہنچ گئے

    افغانستان پریمیئر لیگ، کراچی کنگز کے مالک سلمان اقبال میچ دیکھنے شارجہ پہنچ گئے

    شارجہ: افغانستان پریمیئر لیگ کے میچز شارجہ میں جاری ہیں، کراچی کنگز کے مالک سلمان اقبال بھی افغانستان پریمیئر لیگ کا میچ دیکھنے شارجہ اسٹیڈیم پہنچے۔

    تفصیلات کے مطابق شارجہ میں افغان پریمیئر لیگ کا دسواں میچ پکتیا پینتھرز اور قندھار نائٹس کے درمیان کھیلا گیا، کراچی کنگز کے مالک سلمان اقبال نے بھی شارجہ میں میچ دیکھا۔

    کراچی کنگز کے مالک سلمان اقبال نے شارجہ اسٹیڈیم کے ایم ڈی مظہر خان اور بزنس مین عمران چوہدری کے ساتھ میچ دیکھا، دونوں شخصیات ان کے دائیں بائیں بیٹھے تھے۔

    شارجہ کے کرکٹ اسٹیڈیم میں افغان کرکٹ بورڈ کے سی ای او شفیق اسٹینک زئی بھی موجود تھے، میچ کے دوران شارجہ کرکٹ اسٹیڈیم کے وائس چیئرمین والید بُخاطر بھی سلمان اقبال کے ساتھ نظر آئے۔

    خیال رہے کہ اسٹار آل راؤنڈر بوم بوم شاہد آفریدی بھی پکتیا پینتھرز کا حصہ ہیں۔ افغان پریمئیر لیگ 05 اکتوبر سے شروع ہوئی ہے جو 21 اکتوبر تک جاری رہے گی۔

    یہ بھی پڑھیں:  کراچی کنگز : سوات سے ٹیلنٹ ہنٹ پروگرام کا آغاز، نوجوانوں کا زبردست جوش وخروش

    افغان پریمئیر لیگ میں قندہار نائٹس، بلخ لیجینڈز، کابل زوان، پکتیا پینتھرز اور ننگر ہار لیوپرڈز شامل ہیں، شاہد آفریدی پکتیا پینتھرز کی جانب سے کھیل رہے ہیں۔

    شارجہ اسٹیڈیم میں کھیلے جانے والا میچ آفریدی کی ٹیم پکتیا پینتھرز نے سنسنی خیز مقابلے کے بعد 9 رنز سے جیتا، شاہد آفریدی نے چار اوورز میں صرف تیرہ رنز دے کر ایک وکٹ حاصل کی۔

  • ڈیم فنڈ : سی ای او اے آر وائی سلمان اقبال نے ایک لاکھ ڈالرکا چیک چیف جسٹس کو پیش کردیا

    ڈیم فنڈ : سی ای او اے آر وائی سلمان اقبال نے ایک لاکھ ڈالرکا چیک چیف جسٹس کو پیش کردیا

    اسلام آباد : اے آر وائی نیٹ ورک کے صدر اور سی ای او سلمان اقبال نے ڈیم فنڈ کیلئے چیف جسٹس ثاقب نثار کو ایک لاکھ ڈالر کا چیک پیش کردیا۔

    تفصیلات کے مطابق اے آر وائی نیٹ ورک کے صدر اور سی ای او سلمان اقبال نے اپنا وعدہ پورا کردیا، انہوں نے دیامر بھاشا ڈیم کی تعمیر کیلئے ایک لاکھ ڈالر دینے کا وعدہ کیا تھا۔

    سلمان اقبال نے آج چیف جسٹس پاکستان جسٹس ثاقب نثار سے ملاقات کی اور انہیں ایک لاکھ ڈالر کا چیک پیش کردیا۔

    واضح رہے کہ صدر اے آر وائی نیٹ ورک سلمان اقبال نے گزشتہ ماہ ستمبر میں ڈیمز فنڈ کے لیے ایک لاکھ ڈالر دینے کا اعلان تھا، ان کا کہنا تھا کہ یہ رقم زیادہ نہیں ہے مگر مقصد بہت بڑا ہے، یہ فنڈ ملک کے بچوں کا مستقبل سنوارنے کے لیے اہم کردار ادا کرے گا۔ سلمان اقبال نے تمام پاکستانیوں سے اپیل کی ہے ڈیمز فنڈ کے لیے چیف جسٹس اور وزیر اعظم کا بھرپور ساتھ دیں۔

    مزید پڑھیں: صدر اے آر وائی نیٹ ورک سلمان اقبال کا ڈیمز فنڈ کے لیے ایک لاکھ ڈالر کا اعلان

    اس سے قبل وزیراعظم عمران خان نے قوم سے خطاب کرتے ہوئے پانی کے بحران اور ڈیموں کی تعمیر سے متعلق گفتگو کی جس میں انہوں نے اوورسیز پاکستانیوں سے ڈیمز فنڈز میں حصہ لینے کی اپیل کی تھی۔

  • سلمان اقبال ٹی 10 لیگ کی صدارت سے مستعفی ہوگئے

    سلمان اقبال ٹی 10 لیگ کی صدارت سے مستعفی ہوگئے

    کراچی : اے آروائی ڈیجیٹل نیٹ ورک  کے سربراہ اور سی ای او سلمان اقبال نے ٹی 10 لیگ کے صدر کے عہدے سے استعفیٰ دے دیا ہے۔

    تفصیلات کے مطابق اے آر وائی نیٹ ورک کے صدراورسی ای او سلمان اقبال  نے ٹی 10 لیگ کی صدارت سے استعفیٰ دینے کا اعلان کرتے ہوئے کہا ہے کہ باقاعدہ اسٹرکچر کی کمی کے سبب مزید اس عہدے پر نہیں رہ سکتا۔

    سلمان اقبال نے سماجی رابطے کی ویب سائٹ ٹویٹر پراپنے پیغام میں کہا ہے کہ لیگ کے معاملات میں عدم شفافیت، غیرپیشہ وارانہ امور اور باقاعدہ اسٹرکچر کی کمی کے باعث صدارت کے عہدے پرکام جاری نہیں رکھ سکتا۔

    سی ای او اے آر وائی ڈیجیٹل نیٹ ورک کا کہنا تھا کہ ٹی 10 لیگ میں شمولیت اختیار کرنے کا مقصد یہ تھا کہ پاکستان کرکٹ کی بہتری کے لیے کچھ کرسکیں۔

    سلمان اقبال کا یہ بھی کہنا تھا کہ ان کی خواہش تھی کہ ٹی 10 لیگ کے باعث پاکستانی کرکٹرز کا فائدہ ہو، تاہم لیگ کے موجودہ معاملات منفی سمت میں جا رہے ہیں، ایسی صورت حال میں پاکستانی کرکٹرز کوغیرملکی قوتوں کے لیے استعمال ہونے نہیں دے سکتے۔

    سی ای او اے آر وائی ڈیجیٹل نیٹ ورک کا مزید کہنا تھا کہ ایسی نجی کرکٹ لیگزمیں نگرانی کا باقاعدہ انتظام ہونا چاہیے۔انہوں نے مطالبہ کیا کہ آئی سی سی کو ایسی کرکٹ لیگز کی نگرانی کے لیے معاملات اپنے ہاتھ میں لینا چاہیے۔

  • صدر اے آر وائی نیٹ ورک سلمان اقبال کا ڈیمز فنڈ کے لیے 1 لاکھ ڈالر کا اعلان

    صدر اے آر وائی نیٹ ورک سلمان اقبال کا ڈیمز فنڈ کے لیے 1 لاکھ ڈالر کا اعلان

    کراچی: صدر اے آر وائی نیٹ ورک سلمان اقبال نے ڈیمز فنڈ کے لیے ایک لاکھ ڈالر دینے کا اعلان کردیا۔

    تفصیلات کے مطابق اے آر وائی نیٹ ورک کے صدر سلمان اقبال نے ڈیمز فنڈز کے لیے ایک لاکھ ڈالر دینے کا اعلان کرتے ہوئے کہا کہ تمام پاکستانیوں سے اپیل ہے ڈیمز فنڈ کے لیے چیف جسٹس، وزیر اعظم کا ساتھ دیں۔

    سلمان اقبال نے کہا کہ اے آر وائی نیٹ ورک واحد ادارہ ہے جو ڈیمز فنڈ کے لیے ٹیلی تھون بھی کرچکا ہے، پاکستانیوں نے اے ار وائی نیٹ ورک کی ٹیلی تھون میں کروڑوں روپے دینے کے وعدے کیے۔

    صدر اے آر وائی نیٹ ورک نے کہا کہ رقم زیادہ نہیں ہے مگر مقصد بہت بڑا ہے، یہ فنڈ ملک کے بچوں کا مستقبل سنوارنے کے لیے اہم کردار ادا کرے گا۔

    سلمان اقبال کا اقدام سب کے لیے مشعل راہ ہے، فیصل جاوید

    تحریک انصاف کے رہنما فیصل جاوید نے سلمان اقبال کا شکریہ ادا کرتے ہوئے کہا کہ خطیر رقم عطیہ کرنے پر سلمان اقبال کو خراج تحسین پیش کرتے ہیں، سلمان اقبال کا اقدام متاثر کن ہے۔

    فیصل جاوید نے کہا کہ سلمان اقبال نے بڑا عطیہ دے کر تمام پاکستانیوں کو کچھ کرنے کی تحریک دی ہے، سلمان اقبال کا اقدام سب کے لیے مشعل راہ ہے۔

    واضح رہے کہ وزیراعظم عمران خان نے پانی کے بحران سے متعلق آج قوم سے اہم خطاب کیا تھا جس میں انہوں نے اوورسیز پاکستانیوں کے ڈیمز فنڈز میں حصہ لینے کی اپیل کی تھی۔

    عمران خان کا کہنا تھا کہ ڈیم نہ بنائے گئے، تو 2025 میں پاکستان میں خشک سالی شروع ہوجائے گی، قحط کا خدشہ ہے. ملک کےلئے ڈیم ناگزیر ہے۔

    ان کا کہنا تھا کہ 90لاکھ بیرون ملک پاکستانی ایک ایک ہزار ڈالر بھیجیں ، بیرون ملک پاکستانیوں نے پیسہ بھیجا تو ڈیمز جلد بننا شروع ہوجائے گا، معاشی صورتحال بھی بہترہوگی، یاد رہے کہ اگر ڈیمز نہ بنائےتواناج اگانےکے لئے بھی پانی نہیں ہوگا۔

  • آئیں ہم سب شہدا کے اہل خانہ کیساتھ وقت گزاریں، ہمیں پیار ہے پاکستان سے، صدر اے آروائی نیٹ ورک

    آئیں ہم سب شہدا کے اہل خانہ کیساتھ وقت گزاریں، ہمیں پیار ہے پاکستان سے، صدر اے آروائی نیٹ ورک

    کراچی : اے آروائی نیٹ ورک کے صدر سلمان اقبال نے اپنے پیغام میں کہا آئیں ہم سب شہدا کے اہل خانہ کیساتھ وقت گزاریں ، یوم شہدا پر اےآروائی اور اس کی ٹیم شہدا کے اہلخانہ کے ساتھ دن گزارے گی، ہمیں پیار ہے پاکستان سے ۔

    تفصیلات کے مطابق اے آروائی نیٹ ورک کے صدر سلمان اقبال نے پاک فوج کے یوم دفاع و شہدا منفرد انداز میں منانے کے اعلان کے بعد سماجی رابطے ویب سائٹ ٹوئٹر پر اپنے پیغام میں کہا کہ ہمیں پیار ہے پاکستان سے، آئیں ہم سب شہدا کے اہل خانہ کیساتھ وقت گزاریں۔

    سلمان اقبال کا کہنا تھا کہ یوم شہدا پر اے آر وائی اور اس کی ٹیم شہدا کے اہل خانہ کے ساتھ دن گزارے گی اور شہدا کو فقید المثال خراج تحسین پیش کریں گے، ہیروز کو سلام۔

    یاد رہے گذشتہ روز ڈی جی آئی ایس پی آر میجر جنرل آصف غفور نے 6 ستمبر کو یوم دفاع و شہدا پر آئی ایس پی آر میں پلاننگ کانفرنس کرتے ہوئے کہا تھا کہ یوم دفاع و شہداء منفرد انداز میں ہمیں پیار ہے پاکستان سے کے نام سے منایا جائے گا۔، کوئی شہادت بھولی نہیں جائے گی اور وطن کی حفاظت کے لیے جانیں دینے والوں کو سلام پیش کیا جائے گا۔

    مزید پڑھیں : ہمیں پیار ہے پاکستان سے‘ کے نام سے یوم دفاع وشہداء منایا جائے گا ،ڈی جی آئی ایس پی آر

    ڈی جی آئی ایس پی آر کا کہنا تھا کہ جی ایچ کیومیں منعقد تقریب براہ راست نشر کی جائے گی، جس کے لئے سول سوسائٹی ، میڈیا اور افواجِ پاکستان کے نمائندوں کو آگاہ کیا گیا ہے، وزارت اطلاعات ،آئی ایس پی آر مہم کا فوکل پوائنٹ ہوں گے،شرکاء کو شہیدوں کی فہرست اور پتے مہیا کیے گئے ہیں، قوم کے نمائندے ہر شہید کے گھر جائیں گے۔

    میجر جنرل آصف غفور نے قوم سے بھرپور شمولیت کی درخواست کرتے ہوئے کہا آئیے زندہ قوم کی طرح اپنے شہداکو یاد رکھیں ، ہمارےشہدا نے اپنا آج ہمارے محفوظ کل کے لیےقربان کیا ، شہید ہمارے اصل ہیرو ہیں ، شہیدوں کو سلام ، ہمیں پیار ہے پاکستان سے۔