Tag: سلمان بٹ

  • بھارتی ٹیم پاکستان نہ آئی تو آئی سی سی ان سے نمنٹ لے گا، سابق پاکستانی کپتان

    بھارتی ٹیم پاکستان نہ آئی تو آئی سی سی ان سے نمنٹ لے گا، سابق پاکستانی کپتان

    پاکستان کرکٹ ٹیم کے سابق کپتان نے کہا ہے کہ اگر بھارت کی کرکٹ ٹیم چیمپئنز ٹرافی کے لیے پاکستان نہیں آئی تو آئی سی سی ان سے نمٹ لے گا۔

    قومی ٹیم کے سابق اوپنر و کپتان سلمان بٹ کا خیال ہے کہ یہ آئی سی سی کا فرض ہے کہ وہ اس بات کو یقینی بنائے کہ بھارت اور دیگر تمام تمام ٹیمیں شو پیس ایونٹ کے لیے پاکستان کا دورہ کریں، یہ آئی سی سی کی ذمہ داری ہے اور اسے یہ مسئلہ ہینڈل کرنا ہے۔

    اپنے یوٹیوب چینل پر اظہار خیال کرتے ہوئے سابق پاکستانی کپتان سلمان بٹ نے کہا کہ کچھ ایسی رپورٹس آئی ہیں جن سے پتہ چلتا ہے جے شاہ نے مثبت اشارہ دیا ہے، تاہم مجھے ایسا نہیں لگتا کہ جے شاہ نے اس سلسلے میں کوئی اشارہ دیا ہے۔

    انھوں نے کہا کہ اگر جے شاہ ایسا کوئی اشارہ دے بھی دیتے تو اس حوالے سے بالکل بھی پُرجوش نہیں ہوتا کیونکہ یہ آئی سی سی کا فرض ہے کہ وہ اس بات کو یقینی بنائے کہ تمام ٹیمیں پاکستان کا دورہ کریں۔

    سلمان بٹ کا کہنا تھا کہ اگر بھارتی ٹیم پاکستان آتی ہے تو انھیں خوش آمدید کہیں گے، اگر وہ نہیں آتے ہیں تو آئی سی سی کو اس سے نمٹنا ہوگا۔

    انھوں نے کہا کہ ہمیں یہ پتا چل جائے گا کہ وہ صرف دیگر تمام ممالک کے ساتھ ڈیل کر سکتے ہیں یا بھارت کے ساتھ بھی ایسا ہی کر سکتے ہیں، اس سے آئی سی سی کی اتھارٹی کا پتا چل جائے گا۔

    خیال رہے کہ آئی سی سی چیمپئنز ٹرافی آئندہ سال فروری 2025 میں پاکستان میں شیڈول ہے جبکہ امکان ہے کہ بھارت کے آنے کے صورت میں وہ اپنے تمام میچز لاہور میں ہی کھیلے گا۔

  • سلمان بٹ کو سلیکشن کمیٹی کا ممبر مقرر کرنے پر رمیز راجا بورڈ پر برس پڑے

    سلمان بٹ کو سلیکشن کمیٹی کا ممبر مقرر کرنے پر رمیز راجا بورڈ پر برس پڑے

    پاکستان کے سابق کھلاڑی سلمان بٹ کو سلیکشن کمیٹی کا ممبر مقرر کرنے پر سابق پی سی بی چیئرمین رمیز راجا نے تنقید کی ہے۔

    قومی کرکٹ ٹیم کے سابق کھلاڑی سلمان بٹ کو سلیکشن کمیٹی کا ممبر مقرر کرنے پر سابق پی سی بی چیئرمین رمیز راجا کہتے ہیں ایک ایسے کھلاڑی کو سلیکشن کمیٹی میں شامل کرنا جو میچ فکسنگ کی وجہ سے جیل جا چکا ہے پاگل پن ہے۔

    رمیز راجا نے کہا کہ  جن کرکٹرز نے ملک کا نام بدنام کیا انہیں اپنی گروسری کی دکانیں کھولنی چاہیے، ان کھلاڑیوں کو موقع دینے سے پاکستان کرکٹ کا نقصان ہوگا۔

    پی سی بی نے پاکستان کرکٹ ٹیم کے سلیکشن پینل کا اعلان کر دیا

    واضح رہے کہ پی سی بی نے سابق پاکستانی کرکٹرز کامران اکمل، راؤ افتخار انجم اور سلمان بٹ کو چیف سلیکٹر وہاب ریاض کے کنسلٹنٹ ممبرز کے طور پر تعینات کیا ہے۔

    پاکستان کرکٹ بورڈ کا کہنا ہے کہ چیف سلیکٹر کے کنسلٹنٹ ممبران اسکلز کیمپ میں اضافی ذمہ داریاں بھی نبھائیں گے۔

    یاد رہے کہ سلمان بٹ 2010 میں اسپاٹ فکسنگ اسکینڈل کے مرکزی کردار رہے تھے، انھیں اپنے دو ساتھی کرکٹرز محمد آصف اور محمد عامر کے ساتھ نہ صرف آئی سی سی کی جانب سے پابندی کا سامنا کرنا پڑا تھا۔

    سلمان بٹ کو لندن کی عدالت نے قید کی سزا بھی سنائی تھی اور وہ ڈھائی سال جیل میں رہے تھے، جبکہ اس کیس میں وہاب ریاض وہ چوتھے کرکٹر تھے جن سے اسکاٹ لینڈ یارڈ نے پوچھ گچھ کی تھی مگر پر کوئی الزام ثابت نہیں ہوا تھا۔

    2015 میں تینوں کھلاڑیوں کی سزا مکمل ہوئی تھی، انہیں کرکٹ کی عالمی تنظیم (آئی سی سی) اور پاکستان کرکٹ بورڈ کی جانب سے کرکٹ میں واپسی کی اجازت مل گئی تھی لیکن محمد عامر کے برعکس سلمان اور آصف کی دوبارہ قومی ٹیم میں واپسی نہیں ہو سکی تھی۔

  • نیشنل ٹی20 کپ کی ڈرافٹنگ مکمل، محمد آصف اور یونس خان نظر اندار

    نیشنل ٹی20 کپ کی ڈرافٹنگ مکمل، محمد آصف اور یونس خان نظر اندار

    اسلام آباد: نیشنل ٹی ٹوئنٹی کپ کی ڈرافٹنگ مکمل ہوگئی، محمد آصف اوریونس خان کو کسی ریجنل ٹیم نے نہیں لیا۔

    آٹھ ٹیموں پر مشتمل نیشنل ٹی ٹوئنٹی کپ کی ڈرافٹنگ مکمل ہوگئی، ہر ٹیم نے پندرہ پندرہ کھلاڑیوں کا چناؤ کرلیا، کراچی اور لاہور کی دو دو، اسلام آباد ، راولپنڈی ، پشاور اور فاٹا کی ایک ایک ٹیم ایونٹ میں حصہ لے گی۔

    مصباح الحق کراچی وائٹس کی نمائندگی کریں گے، ٹیم کے کپتان اکبر رحمان ہوں گے، شاہد آفریدی کو اسلام آباد ریجن نے لیا ہے اور کپتانی عمرگل کو دی گئی ہے۔

    سلمان بٹ لاہور وائٹس کا حصہ ہوں گے، محمد آصف اوریونس خان کو کسی ریجنل ٹیم نے نہیں لیا، دورہ انگلینڈ میں ون ڈے سیریز کے باعث قومی کرکٹرز کو نہیں لیا گیا۔

    ایونٹ پچیس اگست سے راولپنڈی میں شروع ہوگا، نیشنل کپ کا دوسرا اور آخری مرحلہ ملتان میں کھیلا جائے گا۔

    Coi7ph9WYAURXaW

    Coi7QzgWIAAiAQs

    Coi8UVgWIAAqWLS

    Coi78R3WIAAw3JN

    Coi87_nWcAEYOMK

    CoiltwbWgAAdVUZ

    CoimDXMUEAELCfR

    CoimP37W8AAiOp1

  • انگلینڈ کو سلمان بٹ اورآصف پر تحفظات ہے، شہریارخان

    انگلینڈ کو سلمان بٹ اورآصف پر تحفظات ہے، شہریارخان

    لاہور: چیئرمین پی سی بی شہریارخان کہتے ہیں انگلینڈ عامرکومعاف کرنے کوتیار ہے، سلمان بٹ اورمحمد آصف پر تحفظات ہے،دونوں کی سلیکشن ہوئی تو ویزوں کی بات کی جائے گی۔

    قذافی اسٹیڈیم میں فیلڈنگ اینڈ فٹنس کیمپ کی افتتاحی تقریب کے موقع پر میڈیا سے گفتگو کرتے ہو ئے شہریارخان نےعامرکو ویزہ جاری کرنےکیلئے مثبت جواب ملاہے، سلمان بٹ اورمحمدآصف پرتحفظات کااظہارکیاہے۔

    شہریارخان نےکہاکہ تین مئی کو ہونے والے بورڈ آف گورننس کے اجلاس کے بعد ہیڈ کوچ کا اعلان کر دیا جائے گا۔

    شہریار خان شہریار نے کہا ویسٹ انڈیزیو اے ای میں پنک گیندسےڈےنائٹ ٹیسٹ کھیلنے کیلئے تیارہے، پاکستان سپرلیگ میں زیادہ ٹیمیں ہونے سے زیادہ فائدہ ہوگا،اضافی ٹیم کاحتمی فیصلہ پی ایس ایل کے چئیرمین نجم سیھٹی کریں گے۔

  • سلمان بٹ مستعفی، اشتراوصاف نئے اٹارنی جنرل مقرر

    سلمان بٹ مستعفی، اشتراوصاف نئے اٹارنی جنرل مقرر

    اسلام آباد : اشتراوصاف نئے اٹارنی جنرل مقرر کردیئے گئے، تفصیلات کے مطابق وزیراعظم نوازشریف نے اٹارنی جنرل سلمان بٹ کا استعفیٰ منظور کرکے اشتراوصاف کو نیا اٹارنی جنرل مقرر کردیا ہے۔

    ترجمان وزیراعظم ہاؤس کے مطابق وزیراعظم نواز شریف نے وفاقی وزیر زاہد حامد کو ایک بار پھر وزارت قانون و انصاف کا قلمدان سونپ دیا ہے۔

    وزارت موسمیاتی تغیرات کا اضافی چارج بھی زاہد حامد کے پاس ہی رہے گا۔ واضح رہے وفاقی وزیراطلاعات ونشریات سینیٹر پرویز رشید کے پاس وزیرقانون وانصاف کا اضافی چارج تھا۔

     

  • محمد آصف اور سلمان بٹ کی ڈومیسٹک کرکٹ میں شاندار واپسی

    محمد آصف اور سلمان بٹ کی ڈومیسٹک کرکٹ میں شاندار واپسی

    حیدرآباد : سلمان بٹ اور محمد آصف کی ڈومیسٹک کرکٹ میں دھماکہ خیز واپسی ہوگئی، سلمان بٹ نے واپڈا کی طرف سے فاٹا کے خلاف سنچری بناڈالی۔ جبکہ محمد آصف نے دو وکٹیں اپنے نام کیں۔

    تفصیلات کے مطابق سزا یافتہ کرکٹرز سلمان بٹ اور محمد آصف نے ڈومیسٹک کرکٹ کا آغاز کرلیا ہے۔ حیدرآباد میں جاری قومی ون ڈے ٹورنامنٹ میں سلمان بٹ اور محمد آصف واپڈا کی نمائندگی کررہے ہیں۔

    پانچ سالہ پابندی کے بعد سلمان بٹ نے فاٹاکےخلاف اپنے پہلے ہی میچ میں بلے بازی کے جوہر دکھاتے ہوئے سنچری اسکورکی۔

    اے آر وائی نیوزسے خصوصی بات چیت کرتے ہوئے محمد آصف نے کہا کہ ڈومیسٹک کرکٹ کاپہلامیچ کھیل کرخوشی محسوس کررہاہوں۔ جوغلطی کی اس کی پانچ سال تک سزا بھگتی۔ پابندی کاعرصہ بہت مشکل سے گزارا۔

    انہوں نے کہا کہ سوئنگ بالر ہوں اس لئےجلد ردھم میں آجاؤں گا، ڈومیسٹک کرکٹ کی کارکردگی سےسلیکڑکی توجہ حاصل کرنےکی کوشش کروں گا۔

    واضح رہے کہ لارڈز ٹیسٹ میں اسپاٹ فکسنگ میں ملوث پائے جانے پر آئی سی سی نے سلمان بٹ اور محمد آصف پر پانچ سال کی پابندی عائد کردی تھی۔

  • سلمان بٹ، آصف اورعامر نے پی سی بی کے بحالی پروگرام کا آغاز کردیا

    سلمان بٹ، آصف اورعامر نے پی سی بی کے بحالی پروگرام کا آغاز کردیا

    لاہور: اسپاٹ فکسنگ کیس میں سزا مکمل کرنے والے کھلاڑی سلمان بٹ، محمد آصف اور محمد عامر نے پی سی بی کے بحالی پروگرام کا آغاز کر دیا ہے۔

    تفصیلات کے مطابق محمد عامر کے بعد اسپاٹ فکسنگ کیس میں سزا پانے والے کرکٹرز سلمان بٹ اور محمد آصف کو بھی ڈومیسٹک اور انٹرنیشل کرکٹ کھیلنے کی اجازت مل چکی،آئی سی سی نے پابندی ختم ہونے کا اعلان کرتے ہوئے مستقبل کا معاملہ پی سی بی پر چھوڑ دیا ہے، مگر بورڈ حکام دونوں کو فوری طور پر کسی ریجنل ٹیم میں بھی شامل نہ کرنے کا فیصلہ کرچکے ہیں۔

    ذرائع کا کہنا ہے کہ سابق کپتان اور پیسر کو ابھی مزید امتحانوں سے گزرنا ہے جس کیلیے پلان بنایا جاچکا،انھیں 26 اگست سے 1 ستمبر تک ایجوکیشن پروگرام کے تحت ریجنز میں جاکر نوجوان کھلاڑیوں کو کرپشن کے حوالے سے آگاہی دینا ہوگی، بعد ازاں وہ اینٹی کرپشن کے حوالے سے کوچز، پلیئرزاور آفیشلز کو لیکچرز دینگے، ماہر نفسیات کے ساتھ سیشن بھی ہوں گے۔

    چیئرمین پی سی بی شہریار خان نے کہا کہ آئی سی سی چاہتی ہے کہ ان کھلاڑیوں کا بحالی پروگرام شروع  کیا جائے، وہ دیگرکرکٹرز کو آگاہ کریں کہ کس طرح کرپشن کی دلدل میں گرکر ملک کی بدنامی کا باعث بنے، اس دوران دونوں کلب اور گریڈ ٹو کرکٹ کھیلیں گے۔

    محمد عامر کے حوالے سے بھی یہی پالیسی اختیار کی گئی تھی، انھوں نے کہا کہ سلمان بٹ اور محمد آصف کو صرف ماضی کی کارکردگی کی بنیاد پر منتخب نہیں کیا جاسکتا، یہ بھی دیکھنا ہوگا کہ 5سال کے وقفے اور بڑھتی عمر نے ان پر کتنا اثر کیا ہے۔

    چیئرمین بورڈ نے کہا کہ کہ ماضی میں ملک کو بڑی بدنامی کا سامنا کرنا پڑا تھا، اہم نکتہ یہ ہے کہ عوام اور خاص طور پر ساتھی کرکٹرز ان کو قبول کریں، کئی کھلاڑیوں نے کہا ہے کہ ان کے ساتھ نہیں کھیلیں گے، بحالی پروگرام میں شرکت  سے ڈریسنگ روم میں ان کی آمد گوارا ہوسکتی ہے۔

  • سلمان بٹ اور محمد آصف پر کرکٹ کے دروازے کھل گئے

    سلمان بٹ اور محمد آصف پر کرکٹ کے دروازے کھل گئے

    دبئی: سلمان بٹ اور محمد آصف پر کرکٹ کے دروازے کھل گئے، آئی سی سی نےدونوں کھلاڑیوں کی معطلی یکم ستمبر کو ختم کرنے کا اعلان کردیا۔

    سلمان بٹ کوپانچ سال اور محمد آصف کودوسال معطلی سے چھوٹ مل گئی،آئی سی سی نے دونوں کرکٹرز کو کلین چٹ دیتے ہوئے یکم ستمبر سے پابندی ہٹانے کا اعلان کردیا۔

    سلمان بٹ اور محمد آصف دو ستمبر سے ڈومیسٹک اور انٹرنیشنل کرکٹ کھیلنے کے اہل ہوں گے،دوہزاردس میں اسپاٹ فکسنگ اسکینڈل کے منظر عام پر آنے کے بعد سلمان بٹ پر دس، محمد آصف پر سات اور محمد عامر پر پانچ سالہ کی پابندی لگائی گئی تھی اورساتھ ہی انھیں جیل کی ہوا بھی کھانا پڑی تھی۔

    معطلی ختم ہونے کے بعد سلمان بٹ ڈومیسٹک ٹی ٹوئنٹی ٹورنامنٹ میں لاہور بلیوز کی نمائندگی کرینگے،سلمان بٹ، محمد آصف کی معطلی کے ساتھ محمدعامر کی پابندی بھی آئندہ ماہ ختم ہوجائے گی۔ لیکن قواعد وضوابط میں ترمیم کے بعد عامر کو رواں سال اپریل میں ڈومیسٹک کھیلنے کی اجازت مل چکی ہے۔

    سلمان بٹ اور آصف نے محمد عامر کی طرح کی اسپاٹ فکسنگ کو کھلے دل سے تسلیم نہیں کیاتھا جس وجہ سے دونوں کھلاڑیوں کے بحالی پروگرام میں تاخیر ہوئی۔

  • آئی سی سی نے کرکٹر سلمان بٹ کو طلب کرلیا

    آئی سی سی نے کرکٹر سلمان بٹ کو طلب کرلیا

    دبئی : آئی سی سی اینٹی کرپشن یونٹ نے سلمان بٹ کو طلب کرلیا، سلمان کو ڈومیسٹک کرکٹ کھیلنے کا اجازت ملنے کا امکان ہے۔

    تفصیلات کے مطابق انٹرنیشنل کرکٹ کونسل کے اینٹی کرپشن یونٹ نے اسپاٹ فکسنگ کیس میں پابندی کے شکار پاکستانی کرکٹر سلمان بٹ کو طلب کرلیا۔ محمد عامر کے بعد اسپاٹ فکسنگ اسکینڈل کے مرکزی کردار سلمان بٹ کی بھی مشکلات آسان ہونے کا امکان پیدا ہوگیا۔

    چیئرمین پاکستان کرکٹ بورڈ (پی سی بی) شہریار خان کی خصوصی دلچسپی پر آئی سی سی کے اینٹی کرپشن یونٹ نے سلمان بٹ کو طلب کرلیا ہے۔

    ٹیسٹ اوپنر جلد دبئی میں اینٹی کرپشن یونٹ سے ملاقات کریں گے۔ امکان ظاہر کیا جارہا ہے سلمان بٹ کو ڈومیسٹک کرکٹ کھیلنے کی اجازت مل سکتی ہے۔

  • سلمان بٹ نے پی سی بی کو تحریری معافی نامہ جمع کروادیا

    سلمان بٹ نے پی سی بی کو تحریری معافی نامہ جمع کروادیا

    لاہور: سابق کپتان سلمان بٹ نے چئیرمین پی سی بی شہریار خان سے ملاقات کی، جس میں انھوں نے اعتراف کیا کہ انگلینڈ کیخلاف میچ کے دوران فاسٹ بولر محمد آصف اور محمد عامر کی جانب سے کرائی گئی نو بالز سے وہ پہلے سے آگاہ تھے،  سلمان بٹ نے پی سی بی کو تحریری معافی نامہ جمع کروادیا۔

    ذرائع کے مطابق ملاقات میں چیئرمین پی سی بی نے سلمان بٹ کو مقدمہ آئی سی سی میں لیجانے کی یقین دہانی کرائی اور کہا کہ وہ سلمان بٹ کی پابندی کے معاملے پر ان سے ہر ممکن تعاون کریں گے۔

    پی سی بی کی جانب سے سلمان بٹ کا اعترافی بیان جلد آئی سی سی میں جمع کرادیا جائے گا۔

    اسپاٹ فکسنگ کیس میں پابندی کا شکار سلمان بٹ نے پی سی بی کے بحالی پروگرام میں بھی بھرپور تعاون کیا تھا۔ سلمان بٹ کو اسپاٹ فکسنگ میں آئی سی سی کی جانب سے دس سال کی پابندی کا سامنا ہے۔