دبنگ خان نے اپنے پروڈکشن ہاؤس کے خلاف جھوٹی خبریں پھیلانے پر برہمی کا اظہا کرتے ہوئے انتباہ جاری کردیا۔
اداکار کی جانب سے انسٹاگرام کے پلیٹ فارم سے ایک پوسٹ شئیر کی گئی جس میں اداے نے واضح کیا ہے کہ پروڈکشن ہاؤس کسی قسم کی کاسٹنگ نہیں کررہا ہے،
اس طرح کی جھوٹی خبریں پھیلانے والوں کے خلاف باضابطہ نوٹس شیئر کرتے ہوئے کہا گیا کہ اگر کوئی سلمان خان یا ان کے پروڈکشن ہائوس ایس کے ایف کا نام غلط طور پر استعمال کرے گا تو اسے قانونی کاروائی کا سامنا کرنا پڑے گا۔
View this post on Instagram
سوشل میڈیا پر جاری بیان کے مطابق ’’نہ تو وہ اور نہ ہی ان کا پروڈکشن ہاؤس فی الحال کسی فلم کے لیے کاسٹنگ کر رہے ہیں۔‘‘
قیاس آرائیوں کے حوالے سے مزید وضاحت دیتے ہوئے کہا گیا کہ برائے مہربانی کسی بھی ای میل یا پیغام پر بھروسہ نہ کریں جس میں اس قسم کا مواد موجود ہو، اگر کوئی ’سلمان‘ یا ’سلمان خان فلمز‘ کا نام استعمال کرتا پایا گیا تو اس کے خلاف قانونی کارروائی عمل میں لائی جائے گی۔