Tag: سلمان خان

بالی وڈ سپراسٹار سلمان خان کے گھر پر فائرنگ کے الزام میں گرفتار ہونے والا ملزم پولیس کی حراست میں ہلاک ہوگیا۔

غیرملکی میڈیا رپورٹس کے مطابق دبنگ خان کے گھر گلیکسی اپارٹمنٹس پر فائرنگ کرنے والے ملزم انوج تھاپن کی پولیس حراست میں موت واقع ہوگئی ہے جبکہ پولیس حکام نے موت کی وجہ خودکشی بتائی ہے۔

بھارتی پولیس کا کہنا ہے کہ انوج تھاپن نامی ملزم نے ممبئی پولیس کی کرائم برانچ کے لاک اپ میں خودکشی کی کوشش کی جس پر اسے اسپتال لے جایا گیا۔

حکام نے بتایا کہ اس نے بدھ کو جیل میں خودکشی کی کوشش کی اسے فوری طور پر اسپتال منتقل کیا گیا تھا تاہم اسے بچایا نہ جاسکا۔ 23 سالہ انوج تھاپن نے بیڈ شیٹ کا استعمال کرتے ہوئے لاک اپ کے ٹوائلٹ کے اندر خود کو پھانسی لگائی۔

اہلکار نے بتایا کہ متوفی کو سرکاری جی ٹی اسپتال لے جایا گیا تھا جہاں علاج کے دوران اسے مردہ قرار دے دیا گیا۔ جنوبی ممبئی کے آزاد میدان پولیس اسٹیشن میں اس کی حادثاتی موت کی رپورٹ درج کی جائے گی۔

خیال رہے کہ تھاپن کو پنجاب سے سونو کمار بشنوئی کے ساتھ مبینہ طور پر شوٹر ساگر پال اور وکی گپتا کو ہتھیار فراہم کرنے کے الزام میں گرفتار کیا گیا تھا۔

بالی وڈ کے بھائی جان سلمان خان اپنے گھر کے باہر ہونے والی فائرنگ کے بعد پہلی بعد منظر عام پر آگئے ہیں۔

سلمان خان کو جمعہ کو ممبئی ایئرپورٹ پر دیکھا گیا، اس وقت وہ ایک ایونٹ کے سلسلے میں دبئی میں موجود ہیں۔ پچھلے ہفتے باندرہ میں گلیکسی اپارٹمنٹ کے باہر ہونے والی فائرنگ کے بعد انھوں نے اپنی پہلی انسٹاگرام پوسٹ شیئر کی ہے۔

اداکار نے ہفتے کو دبئی میں اپنی موجودگی کی ایک کلپ شیئر کی ہے جبکہ پس منظر میں دبئی کا نظارہ واضح ہے۔ وہ اس ویڈیو میں خوش نظر آرہے ہیں اور ان کے چہر پر کسی طرح کے تناؤ کے آثار نہیں ہیں۔

ویڈیو کلپ میں سلمان خان نے کہا کہ وہ دبئی میں کراٹے کی ایک تقریب میں شرکت کے لیے آئے ہیں۔ بلیک ٹی شرٹ میں ملبوس سلمان نے مداحوں کو کہا کہ ’کل آپ سے ملنے کی امید ہے۔‘

View this post on Instagram

A post shared by Salman Khan (@beingsalmankhan)

ممبئی کے اپارٹمنٹ کے باہر شوٹنگ کے بعد اداکار کی پہلی انسٹاگرام پوسٹ کا بہت سارے لوگوں نے جواب دیا۔

ایک مداح نے کہا کہ ’سلمان خان نے یہ ویڈیو دبئی میں بنائی ہے، اس میں ان کے چہرے پر تناؤ کی کوئی علامت نہیں دکھائی دے رہی ہے۔ وپہ ہمیشہ کی طرح بہادر نظر آرہے ہیں۔‘

سلمان کی پوسٹ پر تبصرہ کرتے ہوئے ایک اور شخص نے لکھا کہ ’اتنا بڑا اسٹار، سلمان خان کے بارے میں ان کی یہی بات پسند آتی ہے!‘ ایک مداح نے لکھا کہ ’محفوظ رہیں سلمان!‘

ممبئی: بالی ووڈ کے دبنگ اسٹار سلمان خان کی رہائش گاہ پر فائرنگ کے واقعے کے بعد اُن کی اگلی نئی فلم سے متعلق اہم خبر سامنے آگئی۔

بھارتی میڈیا رپورٹ کے مطابق بالی ووڈ کے اداکارہ سلمان خان کی عید 2025 کے موقع پر ریلیز ہونے والی فلم ’سکندر‘ کی شوٹنگ کی تاریخ کا اعلان کردیا گیا۔

اداکار سلمان خان اپنے کیریئر میں پہلی بار بلاک بسٹر فلم ’گجنی ‘ کے ہدایتکار اے آر مروگادوس کے ساتھ اپنی نئی فلم میں کام کریں گے۔

 

View this post on Instagram

 

A post shared by Salman Khan (@beingsalmankhan)

بھارتی میڈیا کے مطابق ساجد ناڈیا ڈوالا اور اے آر مروگاداس کی ہدایتکاری میں بننے والی فلم ’سکندر‘ کی شوٹنگ کا آغاز رواں سال مئی سے ہوگا۔

اے آر مروگاداس اس وقت ایک اور ایکشن فلم کی ہدایتکاری میں مصروف ہے جو کہ جون تک جاری رہے گی، اسی وجہ سے بھارتی ہدایتکار سلمان خان کی فلم ’سکندر‘ کی شوٹنگ کا آغاز مئی سے ہوگا۔

سپر اسٹار سلمان خان کی یہ فلم سال 2025 میں عیدالفطر کے موقع پر ریلیز کی جائے گی، اداکار نے انسٹاگرام پر اس فلم کا پوسٹر بھی شیئر کیا ہے۔

پوسٹر شیئر کرتے ہوئے اداکار نے لکھا کہ ’ اس عید پر فلم ’بڑے میاں چھوٹے میاں ‘ اور ’میدان ‘ دیکھ لو، اگلی عید ’سکندر‘ سے آکر ملو۔

واضح رہے کہ فلم سلمان خان کی نئی فلم میں ہیروئن، دیگر کاسٹ اور ٹیم کے حوالے سے تفصیلات ابھی تک سامنے نہیں آئی ہیں۔

ممبئی میں بالی ووڈ سُپر اسٹار سلمان خان کے گھر کے باہر فائرنگ کا واقعہ پیش آیا۔

بھارتی میڈیا کے مطابق آج صبح 5 بجے موٹر سائیکل سوار ملزمان نے بالی ووڈ کے اسٹار سلمان خان کے گھر کے باہر فائرنگ کی اور فرار ہو گئے۔

پولیس کا کہنا ہے کہ ملزمان نے پانچ راؤنڈز فائر کیے، ایک گولی گھر کی پہلی منزل پر بھی لگی جس میں سلمان خان رہتے ہیں۔

رپورٹ کے مطابق واقعے کی اطلاع ملتے ہی ممبئی پولیس کی کرائم برانچ فورا جائے وقوعہ پہنچ گئی اور اہلکاروں کو تعینات کردیا۔ پولیس نے واقعے کی تحقیقات شروع کردی ہیں۔

واضح رہے کہ بھارتی گینگسٹر کی جانب سے سلمان خان کو قتل کی دھمکیاں دی جارہی تھیں جس کے بعد ان کی سیکیورٹی بڑھادی گئی تھی تاہم اب یہ واقعہ ان کے گھر کے باہر پیش آیا ہے۔