Tag: سلمان خان

  • دبئی شاپنگ مال میں سلمان خان کا مٹر گشت، ویڈیو وائرل

    دبئی شاپنگ مال میں سلمان خان کا مٹر گشت، ویڈیو وائرل

    ممبئی: بالی ووڈ انڈسٹری کے نامور اداکار سلمان خان شوبز مصروفیات ختم ہونے کے بعد دبئی میں شاپنگ کے لیے نکلے جس کی ویڈیو سوشل میڈیا پر وائرل ہوگئی۔

    بھارتی میڈیا رپورٹ کے مطابق سلمان خان اور دیگر بالی ووڈ اداکاروں نے دبنگ ٹور مکمل کرلیا جس کے بعد کترینہ کیف اپنے اہل خانہ کے ساتھ چھٹیاں گزارنے انگلینڈ چلی گئیں جبکہ ٹائیگر زندہ ہے کے اداکار اور جیکولین فرنینڈس فراغت کے کچھ دن ایک ساتھ گزارنے کے لیے دبئی پہنچے۔

    دو روز قبل بالی ووڈ اداکار خریداری کے لیے دبئی شاپنگ مال پہنچے جہاں وہ گھوم پھر رہے تھے تو اسی دوران کسی مداح نے ویڈیو بناکر سوشل میڈیا پر شیئر کردی جو دیکھتے ہی دیکھتے وائرل ہوگئی۔

    واضح رہے کہ دبنگ خان وطن واپس آکر اپنی نئی آنے والی فلم بھارت کی شوٹنگ کا آغاز کریں گے جس میں اُن کے ساتھ پریانکا چوپڑا بھی مرکزی کردار ادا کرتی نظر آئیں گی، یہ فلم 2019 میں ریلیز کی جائے گی۔

    مزید پڑھیں: سیلفی سے انکار، سلمان کے مداحوں‌ کی کترینہ سے بدتمیزی، ویڈیو وائرل

    خیال رہے کہ سلمان خان، سوناکشی سنہا، کترینہ کیف، جیکولین فرنینڈس، دیزی سمیت کئی اداکار ’دبنگ ٹورز‘ کے سلسلے میں دبئی ، امریکا، لندن اور پھر انگلینڈ گئے تھے جہاں انہوں نے مختلف فلموں گانوں پر پرفارم کر کے شائقین کی داد سمیٹی تھی۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شاہ رخ‌ خان آخر کار سلمان خان کی نقالی پر مجبور ہوگئے

    شاہ رخ‌ خان آخر کار سلمان خان کی نقالی پر مجبور ہوگئے

    ممبئی: بالی وڈ کے کنگ بھی دبنگ خان کے مداح نکلے، سلمان خان کا انداز کاپی کر لیا۔

    تفصیلات کے مطابق ریس تھری فلاپ ہونے کے باوجود دبنگ خان کی مقبولیت میں کوئی کمی نہیں آئی اور ان کا انداز، چال ڈھال آج بھی پہلے کی طرح مقبول ہے۔

    البتہ اب بالی وڈ کے چلبل پانڈے کو نیا مداح مل گیا ہے، جس نے ان کی فلم دبنگ کے انداز کو کاپی کرکے سب کو حیران کر دیا۔

    یہ مداح کوئی اور نہیں، خود شاہ رخ خان ہیں، جنھوں نے اپنی فلم زیرو کے ڈائریکٹر آنند ایل رائے کے ساتھ اپنی تصویر شیئر کی، جس میں ان کی عینک پرفلم کا ٹائٹل زیرو لکھا ہوا ہے۔

    یاد رہے کہ سلمان خان نے دبنگ میں ایسی عینک استعمال کی تھی، جس میں دل کا عکس بنا ہوا تھا۔اب سلمان خان زیرو کے سیٹ پر ایسی ہی عینک میں نظر آئے۔

    واضح رہے کہ ماضی میں اختلافات کا شکار رہنے والے شاہ رخ اور سلمان خان اب قریبی دوست ہیں۔ سلمان خان زیرو کے ٹیزر میں بھی دکھائی دیے تھے۔ فلم میں وہ مختصر رول کر رہے ہیں۔

    شاہ رخ کی میگا بجٹ فلم زیرو کرسمس پر ریلیز ہوگئی، جس میں انوشکا شرما اور کترینا کیف بھی اہم کردار ادا کر رہے ہیں۔


    کیا کرن جوہر شاہ رخ خان اور کاجول کے لیے اسکرپٹ لکھ رہے ہیں؟


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریںْ۔

  • پاکستان کے بوم بوم آفریدی کی بھارت کے سپر اسٹار سلمان خان سے ملاقات

    پاکستان کے بوم بوم آفریدی کی بھارت کے سپر اسٹار سلمان خان سے ملاقات

    کراچی: قومی ٹیم کے سابق کپتان بوم بوم شاہد خان آفریدی نے کینیڈا میں ایک تقریب کے دوران بھارتی فلم انڈسٹری کے سپر اسٹار سلمان خان سے ملاقات کی۔

    تفصیلات کے مطابق جارحانہ بلے بازی کے لیے مشہور بوم بوم آفریدی کی بالی ووڈ کے بھائی جان سلمان خان کے ساتھ ملاقات کی تصاویر انٹرنیٹ پر وائرل ہوگئیں۔

    کرکٹ اور فلم کے سپر اسٹارز کی یہ ملاقات نہایت دل چسپ رہی، دنوں نے کینیڈا میں منعقد ہونے والی ایک خصوصی تقریب میں مل بیٹھ کر خوش گوار موڈ میں گفتگو کی۔

    آخری بار ’ریس تھری‘ میں نظر آنے والے سپر اسٹار سلمان خان بھی کینیڈا کے شہر ٹورنٹو میں ہونے والی تقریب میں پہنچ گئے، تقریب میں مختلف شعبوں سے تعلق رکھنے والے اہم افراد نے شرکت کی۔

    پاکستان کرکٹ کے آل راؤنڈر شاہد خان آفریدی کی سلمان خان کے ساتھ خوش گوار ملاقات کی تصاویر نے انٹرنیٹ کی دنیا میں دل چسپی کی لہر پیدا کر دی۔

    شاہد آفریدی نے ملاقات کے بعد اپنے ٹویٹر اکاؤنٹ سے ایونٹ میں سلمان خان کے ساتھ بنائی جانے والی تصاویر بھی شیئر کر دیں۔

    بوم بوم آفریدی نے ٹویٹ کرتے ہوئے کہا کہ ایونٹ میں کمیونٹی ممبر کے ساتھ مل کر سلمان خان کے ساتھ ملاقات زبر دست رہی۔ آفریدی نے ایونٹ کے لیے نیک تمناؤں کا بھی اظہار کیا۔

    چیف جسٹس بہترین طریقے سے عوام کی خدمت کررہے ہیں، شاہد آفریدی


    ملاقات کے دوران بالی ووڈ اداکار سلمان خان نے اپنے مخصوص انداز میں پینٹ کی جیبوں میں ہاتھ ڈال رکھے تھے، جب کہ شاہد آفریدی کے چہرے پر سنجیدگی تھی۔

    سلمان خان پاکستانی اداکاروں کے حق میں بول پڑے


    شاہد آفریدی نے سلمان خان کے ساتھ ملاقات کو ایک اچھی اور خوش گوار ملاقات قرار دیا، ایونٹ میں سلمان خان نے  ”Being“ پرنٹ والی شرٹ پہنی تھی۔ واضح رہے دبنگ اداکار سلمان ان دنوں کینیڈا میں اپنی چیریٹی فاؤنڈیشن ’بی اِنگ ہیومین‘ کے سلسلے میں شو کر رہے ہیں۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سلمان خان پاکستانی اداکاروں کے حق میں بول پڑے

    سلمان خان پاکستانی اداکاروں کے حق میں بول پڑے

    واشنگٹن: بالی ووڈ اداکار سلمان خان نے کہا ہے کہ پاکستانی فنکاروں کو انڈین فلموں میں موقع نہ دینا صرف سیاست ہے۔

    تفصیلات کے مطابق بالی ووڈ کے دبنگ خان آج کل امریکا کے مختلف علاقوں میں ایونٹ منعقد کرنے کے لیے موجود ہیں، گزشتہ روز انہوں نے پاکستانی کمیونٹی کی جانب سے واشنگٹن ڈی سی میں منعقد کی جانے والی تقریب میں شرکت کی۔

    میڈیا سے گفتگو کے دوران نمائندہ اے آر وائی نے سلمان خان سے سوال کیا کہ بالی ووڈ کی فلموں میں پاکستانی اداکاروں کو موقع نہیں دیا جاتا جس پر دبنگ خان کا کہنا تھا کہ یہ سیاسی پوائنٹ اسکورننگ ہے، سب کو موقع ملنا چاہیے، ویسے عاطف اسلم اور راحت فتح علی خان ہماری فلموں میں آواز کا جادو جگا رہے ہیں۔

    پاکستانی فلموں میں کام کرنے کے حوالے سے پوچھے جانے والے سوال پر ٹائیگر زندہ ہے کہ ہیرو کا کہنا تھا کہ ’وہاں یا پھر یہاں دونوں ممالک میں فلمیں ریلیز ہوتی ہیں تو میرے خیال سے یہ ایک ہی بات ہے‘۔

    سلمان خان کو پاکستانی کمیونٹی کی جانب سے سندھی اجرک بھی تحفے میں دی گئی۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سلمان خان کو بدترین شکست، رنبیر کپور کی حیران کن کامیابی

    سلمان خان کو بدترین شکست، رنبیر کپور کی حیران کن کامیابی

    ممبئی: نوجوان نسل کے اسٹار رنبیر کپور نے سپراسٹار سلمان خان کو شکست دے کر سب کو حیران کر دیا۔

    تفصیلات کے مطابق رنبیر کپور کی فلم سنجو نے فقط چھ روز میں دبنگ خان کی فلم ریس تھری کو پچھاڑ دیا ہے۔

    واضح رہے کہ سلمان خان کی میگا بجٹ فلم ریس تھری عید پر ریلیز ہوئی تھی اور اس سے تین سو کروڑ کے بزنس کی توقع کی جارہی تھی، مگر فلم توقعات پر پوری نہیں اتری۔

    سلمان خان کی اس فلم کو ناقدین اور ناظرین کی جانب سے منفی ردعمل ملا،عید جیسے بڑے فیسٹول پر ریلیز ہونے کے باوجود فلم باکس آفس پر پرفارم نہیں کرسکی اوربیس دن میں صرف 171 کروڑ کما سکی۔

    اس کے برعکس راج کمار ہیرانی کی فلم سنجو کو حیران کن ردعمل ملا اور یہ فلم صرف چھ دن میں 186 کروڑ کا بزنس کر چکی ہے۔

    توقع کی جارہی ہے کہ فلم بہ آسانی 300 کلب کا حصہ بن جائے گی۔ یہ اس کلب کا حصہ بننے والی راج کمار ہیرانی کی دوسری فلم ہوگی۔

    یاد رہے کہ سنجو سے قبل رنبیر کی کئی فلمیں پے درپے ناکام ہوئی تھیں اور یہ خیال کیا جارہا تھا کہ ان کا کیریر ختم ہوچکا ہے۔

    واضح رہے کہ یہ عید کے موقع پر سلمان خان کی دوسری فلاپ فلم ہے۔ گذشتہ برس ان کی فلم ٹیوب لائٹ بھی باکس آفس پر بری طرح ناکام ثابت ہوئی تھی۔


    راج کمار ہیرانی کی ’’سنجو‘‘ کے سامنے باکس آف ریکارڈز پاش پاش ہوگئے


  • کنگ اور دبنگ خان کی مداحوں کے لیے عیدی، ”زیرو“ کانیا ٹیزر ریلیز

    کنگ اور دبنگ خان کی مداحوں کے لیے عیدی، ”زیرو“ کانیا ٹیزر ریلیز

    ممبئی: کنگ خان اور دبنگ خان نے اپنے کروڑوں مداحوں کے لیے عیدی کا اہتمام کر دیا، ”زیرو“ کے ٹیزر میں ایک ساتھ جلوہ گر ہو کردونوں سپراسٹارز نے دھوم مچا دی۔

    تفصیلات کے مطابق کنگ خان کی رواں برس کرسمس پر ریلیز ہونے والی فلم”زیرو“ کا نیا ٹیرز جاری ہوگیا ، جس نے انٹرنیٹ پر تہلکہ مچا دیا ہے۔

    چند گھنٹوں میں صرف یوٹیوب پر اسے 70 لاکھ سے زاید افراد دیکھ چکے ہیں اور یہ سماجی رابطے کی ویب سائٹس پر ٹاپ ٹرینڈ بن گیا ہے۔ ٹیزر کی خاص بات شاہ رخ خان اور سلمان خان کا ایک نظر آنا ہے۔

    واضح رہے کہ سلمان خان کی فلم ریس 3 عید کے موقع پر ریلیز ہورہی ہے اور یہ ٹیزرسنیما گھروں میں فلم سے پہلے دکھایا جائے گا۔ اس سے قبل گذشتہ عید پر ریلیز ہونے والی سلمان خان کی فلم ”ٹیوب لائٹ“ میں شاہ رخ خان ایک مختصر کردار میں نظر آئے تھے۔

    یاد رہے کہ اس فلم کے ہدایت کار آنند ایل رائے ہیں، جو” تینو ویڈ منو“ جیسی بلاک بسٹر فلم بنا چکے ہیں۔ اس فلم میں کترینا کیف اور انوشکا شرما مرکزی کردار نبھا رہے ہیں۔ فلم میں پہلی بار کنگ خان ایک بونے کے روپ میں نظر آئیں گے۔

    فلم میں کئی معروف فلمی ہستیاں مختصر کردار کریں گی، جن میں سلمان خان بھی شامل ہیں۔ ”زیرو“ کے ٹیرز کو شان دار رسپانس ملا ہے اور اسے سال کی سب سے بڑی فلم قرار دیا جارہا ہے۔


    بالی ووڈ اسٹار شاہ رخ خان عیدالفطر کی نماز کہاں پڑھیں گے؟


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریںْ۔

  • سلمان خان کے قتل کی منصوبہ بندی کرنے والا بھارتی گرفتار

    سلمان خان کے قتل کی منصوبہ بندی کرنے والا بھارتی گرفتار

    ممبئی: بھارتی پولیس نے بالی ووڈ کے معروف اداکار سلمان خان کے قتل کی واردات کو  ناکام بناتے ہوئے مرکزی ملزم اور اُس کے ساتھیوں کو گرفتار کرلیا۔

    بھارتی میڈیا کے مطابق ریاست ہریانہ کی اسپیشل ٹاسک فورس نے حیدرآباد کے علاقے سے سنپت نہرا نامی شخص کو گرفتار کیا جو اجرتی قاتل ہے، ملزم نے سلمان خان کو قتل کرنے کی منصوبہ بندی کی تھی جس میں وہ ناکام رہا۔

    پولیس کے مطابق ابتدائی تفتیش میں یہ بات سامنے آئی کہ سنپت نہرا کا تعلق راجھستان کے بشنوئی قبیلے سے ہے اور یہ ایک منظم گینگ کا حصہ ہے جو بھارت میں پیسوں کے عوض لوگوں کو قتل کرتی ہے۔

    تفتیش کے دوران ملزم نے اعتراف کیا کہ اُسے سلمان خان کو قتل کرنے کی سپاری لارئنس بشنوئی نے دی تھی کیونکہ وہ دبنگ خان کو جنوری میں ہی ٹھکانے لگانے کی دھمکی دے چکا ہے۔

    ملزم نے دوران تفتیش یہ بھی اعتراف کیا کہ اُس نے 2 ماہ تک سلمان خان کے گھر کی ریکی کی اور سیکیورٹی سے متعلق بھی تمام معلومات حاصل کی تاکہ وہ آسانی کے ساتھ اداکار کو ہدف بنا سکے۔

    مزید پڑھیں: اداکار سلمان خان کی ضمانت منظور، جیل سے رہا کردیا گیا

    سنپت نہرا کا کہنا ہے کہ اُس نے پلان بنایا تھا کہ سلمان خان جیسے ہی رہائی کے بعد گھر پہنچیں گے اور مداحوں سے ملاقات کے لیے بالکونی سے باہر آئیں گے تو وہ فائرنگ کرکے انہیں نشانہ بنائے گا اس کے لیے اُس نے ماہر نشانے بازوں سے بھی رابطہ کرلیا تھا۔

    پولیس کے مطابق ملزم نے اس بات کا اعتراف بھی کیا کہ اُس نے سلمان خان کو قتل کرنے کی منصوبہ بندی اُس وقت تیار کی تھی جب وہ کالے ہرن کیس میں 2 دن جیل کاٹنے کے بعد واپس گھر لوٹے تھے۔

    پولیس کا مزید کہنا ہے کہ ملزم نے منصوبہ بنایا تھا کہ جب سلمان خان رہائی کے بعد اپنے گھر پہنچیں گے اور وہ بالکونی میں کھڑے ہوکر مداحوں کا شکریہ ادا کریں گے تو وہ اسی لمحے انہیں قتل کردے گا تاہم مذکورہ شخص اپنے ادارے میں ناکام رہا۔

    واضح رہے کہ رواں برس جنوری میں راجھستان کے بشنوئی قبیلے کے بااثر افراد نے سلمان خان کو قتل کرنے کی دھمکی دیتے ہوئے کہا تھا کہ ’اداکار نے اُس کالے ہرن کو نشانہ بنایا جس کی وہ پوجا کرتے ہیں‘۔

    اسے بھی پڑھیں: سلمان خان کو قتل کرنے کی کوشش ناکام، والد کی تصدیق

    خیال رہے کہ دبنگ خان کو رواں برس اپریل میں بھارتی ریاست راجھستان کی مقامی عدالت نے نایاب ہرن کے شکار کا جرم ثابت ہونے پر 5 سال قید اور 10 ہزار روپے جرمانے کی سزا سنائی تھی۔

    عدالتی فیصلے کے بعد بالی ووڈ اداکار کو جودھپور کے سینٹرل جیل منتقل کیا گیا تھا جہاں انہوں نے 2 دن قید میں گزارے بعد ازاں سلمان خان کو سیشن کورٹ نے ضمانت پر رہائی دے دی تھی۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سلمان خان اور شلپا سیٹھی کے خلاف مقدمے کی درخواست مسترد

    سلمان خان اور شلپا سیٹھی کے خلاف مقدمے کی درخواست مسترد

    ممبئی: بھارتی ریاست لدھیانہ کی عدالت نے بالی ووڈ اداکار سلمان خان اور ساتھی اداکارہ شلپا سیٹھی کے خلاف دائر درخواست مسترد کردی۔

    تفصیلات کے مطابق بالی ووڈ کے دبنگ خان اور اداکارہ شلپا سیٹھی پر الزام تھا کہ انہوں نے ’ایک تھا ٹائیگر‘ کی تشہیر کے دوران ہندوؤں کی نچلی ذات ’والمکی‘ کے لیے بھنگی کا لفظ استعمال کیا تھا۔

    راجھستان کی ولمیکی برادری نے دونوں اداکاروں کے خلاف شدید احتجاج کرتے ہوئے لدھیانہ کی عدالت میں درخواست دائر کی تھی کہ سلمان خان اور شلپا سیٹھی نے ’برادری کے جذبات کو ٹھیس پہنچایا لہذا دونوں کو بھارتی قوانین کے تحت کڑی سزا دی جائے‘ْ

    لدھیانہ کی عدالت نے درخواست کو مسترد کرتے ہوئے فیصلہ سنایا کہ ’اداکاروں کا ارادہ یا مؤقف کسی برادری کی تضحیک نہیں تھا بلکہ انہوں نے اس لفظ کو فلمی کردار کے لیے استعمال کیا جبکہ دونوں نے والمکی برادری سے غیر مشروط معافی بھی مانگی‘۔

    مزید پڑھیں: سلمان خان اور شلپا شیٹھی کے خلاف مقدمہ درج

    واضح رہے کہ راجستھان کے ضلع چھورو میں بسنے والی والمکی برادری نے گذشتہ برس دسمبر میں سلمان خان کی فلم کے خلاف احتجاجی مظاہرہ کرتے ہوئے مؤقف اختیار کیا تھا کہ ’ٹائیگر زندہ ہے‘ کی تشہیر کے دوران بالی ووڈ ادکار نے نچلی ذات کے ہندوؤں کو بھنگی کہہ کر تضحیک کا نشانہ بنایا‘۔

    والمکی برادری نے راجھستان کے پولیس اسٹیشن کوٹ ولی میں بالی ووڈ اداکارہ اور سلمان خان کے خلاف مقدمہ درج کرایا تھا جس میں اشتعال انگیزی کی دفعات شامل کی گئی تھیں، ایف آر کے متن میں لکھا گیا تھا کہ ’اداکاروں نے ایسی بات کی جس کے باعث ہمارے دلوں کو بہت زیادہ ٹھیس پہنچی‘۔

    دوسری جانب شلپا سیٹھی نے سماجی رابطے کی ویب سائٹ ٹوئٹر پر معافی مانگتے ہوئے کہا ہے کہ ’میرے انٹرویو کی وجہ سے جن لوگوں کی دل آزاری ہوئی اُن سے معذرت کرتی ہوں، کوئی بھی لفظ بولنے کا یہ مقصد نہیں تھا کہ کسی کا دل ٹوٹے کیونکہ میں سب کی عزت کرتی ہوں‘۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سلمان خان کی "ریس”: سپر اسٹار کشمیر پہنچ گئے

    سلمان خان کی "ریس”: سپر اسٹار کشمیر پہنچ گئے

    ممبئی : جیل سے رہائی پانے والے بالی وڈ کے سپراسٹار سلمان خان کشمیر پہنچ گئے، معروف ہدایت کار ریمو ڈی سوزا بھی ان کے ہمراہ ہیں۔

    تفصیلات کے مطابق دبنگ خان مقبوضہ کشمیر کے مشہور ہل اسٹیشن پہنچ گئے ہیں، جہاں ریس تھری کی شوٹنگ جاری ہے۔

    یاد رہے کہ سلمان خان اس وقت سپرہٹ فلم سیریز ”ریس“ کے تیسرے پارٹ کی شوٹنگ میں مصروف ہیں، اس فلم کے گذشتہ دو پارٹس میں سیف علی خان نے مرکزی کردار نبھایا تھا، مگر اس فلم میں دبنگ خان کی انٹری نے فلم کی اہمیت دو چند کر دی۔

    فلم میں سلمان کے ساتھ ساتھ جیکولین فرنانڈس، انیل کپور، بوبی دیول مرکزی کردار نبھا رہے ہیں، فلم عید پر بڑے پردے پر ریلیز کی جائے گی۔

    اس ایکشن تھرلر فلم کے ہدایت کار ریمو ڈی سواز ہیں، جنھوں نے بہ طور ڈانس ڈائریکٹر اپنے کیریر کا آغاز کیا اور اس میدان میں جھنڈے گاڑنے کے بعد ہدایت کاری کی دنیا میں قدم رکھا۔ ریمو ”اے بی سی ڈی“ کے نام سے دو سپرہٹ فلمیں بنا چکے ہیں۔

    خبریں گردش میں ہیں کہ انھوں نے دبنگ خان کو ”اے بی سی ڈی“ کے تیسرے حصے میں کام کرنے پر راضی کر لیا ہے۔

    ریس تھری کی کاسٹ سلمان خان کے ہمراہ کشمیر کی جنت نظیر وادی میں پہنچ چکی ہے، یہ شیڈول تین روز پر مشتمل ہے۔

    فلمی پنڈتوں کو یقین ہے کہ یہ فلم باکس آفس پر بلاک بسٹر ثابت ہوگی۔


    جیل سے نکلتے ہی سلمان خان ریس تھری کے سیٹ پر پہنچ گئے


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سابق حسینہ عالم پرینکا چوپڑا اب سپراسٹار سلمان خان کی ہیروئین بنیں‌ گی

    سابق حسینہ عالم پرینکا چوپڑا اب سپراسٹار سلمان خان کی ہیروئین بنیں‌ گی

    بولی وڈ: سابق مس ورلڈ پرینکا چوپڑا طویل عرصے بعد دبنگ خان سلمان خان کے مدمقابل جلوہ گر ہوں گے۔

    تفصیلات کے مطابق پرینکا چوپڑا اور سلمان خان عباس ظفر کی فلم آنے والی فلم ’’بھارت‘‘ میں ایک ساتھ دکھائی دیں گے۔ یہ 2014 میں ریلیز ہونے والی مشہور کورین فلم Ode to My Father کا ہندی ورژن ہے۔

    یاد رہے کہ سلمان خان کا شمار اس عہد کے کامیاب ترین اداکاروں میں ہوتا ہے، ان کی آخری فلم ’’ٹائیگر زندہ ہے‘‘ نے بڑے پردے پر شان دار بزنس کیا تھا۔

    دوسری طرف پرینکا چوپڑا کی گنتی اب بین الاقوامی اسٹارز میں ہونے لگی ہے، وہ ہالی وڈ میں بھی جلوے دکھائی چکی ہیں، فلم ”بے واچ“ میں پرینکا منفی کردار میں دکھائی دی تھیں۔ اس کے علاوہ وہ امریکی ٹی وی سیریز ”کوانٹیکو“ میں بھی مرکزی کردار نبھا رہی ہیں، جس کا تیسرا سیزن 26 اپریل سے اے بی سی پر شروع ہو رہا ہے۔

    فلم پنڈتوں کے مطابق سلمان خان کے فین فالوئنگ اور پرینکا کی بین الاقوامی شہرت کو دکھاتے ہوئے یوں لگتا ہے کہ یہ عباس ظفر کی فلم سپرہٹ ثابت ہوگی۔اپنے ایک تازہ بیان میں پرینکا نے فلم کی شوٹنگ کے آغاز اور سلمان خان کے مدمقابل دوبارہ کام کرنے پر خوشی کا اظہار کیا ہے۔

    فلمی پنڈت اس فلم سے متعلق بہت پرامید ہیں، توقع کی جارہی ہے کہ فلم بلاک بسٹر ثابت ہوگی۔ یاد رہے کہ پرینکا آخری بار 2016میں ریلیز ہونے والے جے گنگا جل میں نظر آئی تھیں۔


    جیل سے نکلتے ہی سلمان خان ریس تھری کے سیٹ پر پہنچ گئے


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔