Tag: سلمان خان

ممبئی: بالی ووڈ سپر اسٹار سلمان خان کا کہنا ہے کہ پاکستانی اداکاروں کی فلمیں ریلیز کرنے کی اجازت دی جائے۔

تفصیلات کےمطابق بالی ووڈ کے حقیقی سلطان کروڑوں دلوں کی جان سپراسٹار سلمان خان پاکستانی اداکاروں کے حق میں بول پڑے اور کہا کہ پاکستانی اداکاروں کو فلموں میں کام کرنے دیا جائے۔

سپراسٹار سلمان خان نے انتہاپسند تنظیم کے رہنما راج ٹھاکرے کو فون کیا اور کہا کہ پاکستانی اداکار فواد خان اور ماہرہ خان سمیت دیگر پاکستانی اداکاروں کی فلمیں ریلیز کرنے کی اجازت دی جائے۔

مزید پڑھیں: پاک بھارت تناؤ،شاہ رخ اورکرن جوہرانتہاپسندوں کےنشانے پر

خیال رہے کہ اس سے قبل بھارتی ریاست مہاراشٹرا کی قوم پرست جماعت مہاراشٹرا نونرمن سنہا نےشاہ رخ خان اور کرن جوہر کو پاکستانی اداکاروں کےساتھ کام کرنے پر دھمکیاں دی تھیں۔

شالینی ٹھاکرے نےتمام فلم پروڈیوسرز کو وارننگ دی تھی کہ وہ پاکستانی اداکاروں کو فلموں میں کاسٹ نہ کریں ایسا کرنے پر ان کو اس کی بھاری قیمت چکانی ہوگی۔

مزید پڑھیں: پاکستانی فنکاروں‌ کو 48 گھنٹوں میں بھارت چھوڑنے کی دھمکی

واضح رہے کہ گزشتہ ہفتے ہندو انتہا پسند تنظیم ایم این ایس نے پاکستانی اداکاروں کو بھارت چھوڑنے کی دھمکی دے دی تھی۔

ممبئی: بالی ووڈ سلطان اور خوبروحسینہ کترینہ کیف چار سال کے طویل عرصے بعد ایک بار پھرفلم ’ایک تھا ٹائیگر‘ کے سیکوئل میں جلوہ گر ہوں گے۔

تفصیلات کے مطابق بالی ووڈ کے حقیقی سلطان کروڑوں دلوں کی جان سپراسٹار سلمان خان کےساتھ 4سال بعدایک بار پھر باربی ڈول کتریہ کیف ’ایک کا ٹائیگر‘ کے سیکوئل’ٹائیگر زندہ ہے‘ میں اداکاری کے جوہر دکھائیں گی۔

خوبرو اداکارہ کترینہ کیف نے حالیہ انٹرویو میں کہا کہ وہ سلمان خان کے ساتھ کام کرنے لیے بے تاب ہیں اور انہیں بہت خوشی ہے کہ وہ ایک بار پھر سپراسٹار سلمان خان کےساتھ بڑے پردے پر جلوہ گرہوں گی۔

بالی ووڈ اداکارہ کا اپنے اور سلمان خان کے رشتے کے حوالے سے کہنا تھا کہ سلمان خان کے ساتھ ان کا اب تک کا سفر بہت اچھا رہا وہ ایک سپٹراسٹار ہونے کے ساتھ ساتھ ایک اچھے انسان بھی ہیں اور ہمشیہ باصلاحیت اداکاروں کی حوصلہ افزائی بھی کرتے ہیں۔

باربی ڈول نے ایک سوال کے جواب میں کہا کہ سلمان خان کا شمار انڈسٹری کے بہترین اداکاروں میں ہوتا ہے اور وہ مانتی ہیں کہ وہ ان سے بہت بہتر اداکار ہیں۔

میڈیا میں سلمان خان سے متعلق افواہیں تھیں کہ بالی ووڈ سلطان پہلی بار اپنی فلم میں 70سالہ بوڑھےشخص کا کردار نبھائیں گے تاہم اداکارہ نے ان تمام تر افواہوں کو بے بنیاد قرار دیا اور کہا کہ ان خبروں میں کوئی صداقت نہیں ہے۔

واضح رہے کہ 2012 میں سلمان خان کی فلم ایک تھا ٹائیگر نے باکس آفس پر300 کروڑ سے زائد کما کر تہلکہ مچادیا تھا۔

ممبئی: بالی ووڈ کےسپراسٹار سلمان خان ایک بار پھر اپنی سابقہ دوست ایشوریا رائے کی خوبصورتی کےدیوانے ہوگئے.

تفصیلات کے مطابق فلم اندسٹری کے حقیقی سلطان کروڑوں دلوں کی جان سپراسٹارسلمان خان جب کسی کی تعریف کریں تو زمین آسمان ایک کر دیتے ہیں اور اگربات ہو اپنی سابقہ دوست ایشوریا رائے کی تو تعریف کرنے کا انداز ہی بدل جاتا ہے.

جی ہاں بات ہورہی ہے ایشوریا رائے کی جن پر کبھی سلمان خان کا دل بےایمان ہواتھالیکن ایسا لگتا ہے سالوں گزرنے کے بعد بھی کہیں نہ کہیں آج بھی دبنگ خان کے دل میں خوبرواداکارہ موجود ہیں.

میڈیا رپورٹس کے مطابق کرن جوہر کی ہدایت کاری میں بننے والی فلم اے دل ہے مشکل کا مداحوں کی جانب سے بے صبری سے انتطار کیا جارہاہے جبکہ فلم کے ٹیزرنے بھی آتے ہی دھوم مچادی ہے.

بالی ووڈ باکس آفس پر حکمرانی کرنے والے سپراسٹار سلمان خان کوبھی ڈائریکٹر کرن جوہر کی فلم کا ٹیزر بھا گیا لیکن اس کی وجہ کوئی اور نہیں اداکارہ ایشوریا رائے کی خوبصورتی تھی جس سے اداکار نظریں نہ چراپائے اور یہی وجہ تھی انہوں نے تعریفوں کے پل باندھتے ہوئے کہا کہ ٹریلر کے آغاز سے آخرتک اداکارہ نہایت خوبصورت لگ رہی ہیں.

*بالی ووڈ اداکارہ ایشوریا رائے سلمان خان کے حق میں بول پڑیں

یاد رہے اس سے رواں سال اپریل میں بھارتی اداکار سلمان خان کو خیر سگالی کے تحت اولمپک کھیلوں کا سفیر مقرر کیے جانے پر شدید تنقید کا سامنا کرنا پڑا. بلآخر ان کی سابقہ دوست سے یہ تنقید برداشت نہیں ہوئی اوراداکارہ نے کھل کر دبنگ خان کے حق میں بیان دے ڈالا تھا.

واضح رہے کہ ڈائریکٹر کرن جوہراپنی فلم “اے دل مشکل” رواں برس دیوالی کے موقع پرریلیز کرنے جارہے ہیں جس کا انڈسٹری میں فلم کی بہترین کاسٹ کے باعث بہت انتظارکیا جارہا ہے۔

ممبئی: بالی ووڈ کے سلطان سپراسٹارسلمان خان فلموں کے بعد اب ویڈیو گیم میں مداحوں کو محظوظ کرتے نظر آئیں گے.

تفصیلات کے مطابق بالی ووڈ کے حقیقی سلطان سلمان خان کے مداح ان کے ساتھ ویڈیو گیم کھیلنے کے لیے ہوجائیں تیار،اداکار نے اپنا آفیشل ویڈیو گیم ’بِینگ سلمان‘ (Being Salman) لانچ کردیا ہے.

ویڈیو گیم میں دبنگ خان کے 3 مشہور فلمی کردار،چلبل پانڈے، ٹائیگر اور پریم ناانصافی، برائی کا خاتمہ اور دشمنوں سے لڑتے نظر آئیں گے.

سلمان خان نے ٹوئٹر اکاؤنٹ پر اپنے مداحوں کے لیے گیم ’بِینگ سلمان‘ کی 30 سیکنڈز کی ویڈیو شیئر کی ہے جس میں وہ مداحوں کو گیم کھیلنے کی دعوت دیتے نظر آرہے ہیں.

My official game #BeingSalmanGame is out now! Khelo ! https://t.co/GZyHg06cx9 pic.twitter.com/dXf4rj3e0U

— Salman Khan (@BeingSalmanKhan) August 28, 2016

سلمان خان نے ویڈیو میں بتایا کہ ’چل بل پانڈے‘ کا مقصد دنیا سے نا انصافی کو ختم کرنا ہے،’ٹائیگر‘ کا مقصد دنیا سے دہشت گردی ختم کرنا اور ’پریم‘ کا مقصد دنیا سے برائی کو صاف کرنا ہے.

واضح رہے کہ سلمان خان ان دنوں اپنی فلم ’ٹیوب لائٹ‘ بنانے میں مصروف ہیں جو اگلے سال عید کے موقع پر ریلیز کی جائے گی.

ممبئی: بالی ووڈ کےسلطان سپر اسٹار سلمان خان نے اپنی ساتھی اور سینئر اداکار انوپم کھیر کا سماجی رابطے کی ویب سائٹ ٹوئٹر پر مذاق بنا ڈالا.

تفصیلات کےمطابق کروڑوں دلوں کی جان بالی ووڈ کے سلطان سلمان خان اپنے بے باک انداز اور سوشل میڈیا پر فعال رہنے کی وجہ سے مشہور ہیں جس سے وہ اپنی مصروفیات اور آنے والے پروجیکٹس کے بارے میں مداحوں کو آگاہ کرتے رہتے ہیں.

سلمان خان نے سماجی رابطے کی ویب سائٹ ٹوئٹر پر انوپم کھیر کی جم میں ورزش کرتے ہوئے تصویر شیئر کی اور مزاحیہ انداز میں کہا کہ اوپر والا باڈی بلڈرز کی خیر کرے.

Uper walla body builders ki kher Karen @AnupamPkher pic.twitter.com/qxjNWeQLwo

— Salman Khan (@BeingSalmanKhan) August 26, 2016

دبنگ خان کی ٹوئٹ کے بعد سوشل میڈیا پر مداحوں نے بھی انوپم کھیر کو آڑے ہاتھوں لینا شروع کردیا اور بعض نے اس عمر میں بھی اداکار کے فٹ ہونے کی تعریف کی تاہم انوپم کھیر نے ٹوئٹ کے جواب میں سلمان خان کا شکریہ ادا کرکے اپنی جان چھڑائی.

Thank you @BeingSalmanKhan 4 posting my pic on ur Instagram. Loved your comment. Jai Ho.:) beingsalmankhan's photo https://t.co/DP5RtlhaS0

— Anupam Kher (@AnupamPkher) August 26, 2016

یاد رہے کہ سلمان خان اور انوپم کھیر نے متعدد فلموں میں ایک ساتھ کام کیا ہے.

ممبئی : بالی ووڈ کی معروف خوبرو اداکارہ جیکولین فرنینڈز کا کہنا ہے فلم ’کک‘سے پہلے ان میں اعتماد کی کمی تھی لیکن بالی ووڈ فلم کک نے انہیں شہرت کی بلندیوں پر پہنچادیا.

تفصیلات کے مطابق سری لنکا سے تعلق رکھنے والی بالی ووڈ اداکارہ جیکولین فرنینڈز کا شمار ان چند اداکاراوں میں کیا جاتا ہےجنہوں نے بہت کم عرصے میں بالی ووڈ میں اپنی جگہ بنالی.

سری لنکن بیوٹی جیکولین فرنینڈز نے ناصرف اپنی خوبصورتی بلکہ اپنی بہترین اداکاری سے لوگوں کو اپنا دیوانہ بنادیااور یہی وجہ ہے کہ وہ اپنے فلمی کیریئر میں بہت کم عرصے میں شہرت کی بلندیوں پر پہنچ گئیں.

بالی ووڈ اداکارہ کا کہنا ہے فلم کک سے پہلے ان میں اعتماد کی کمی تھی اور ان کی اداکاری میں وہ کہی نہ کہی وہ بات نظر آتی تھی تاہم سلمان خان کے ساتھ فلم کک کا تجربہ شاندار تھا.اور یہ کہنا غلط نہ ہوگا کہ فلم کک میرے فلمی کیریئر میں ٹرننگ پوائنٹ ثابت ہوئی.

فلم کک کےبعد خوبرو اداکارہ نے ہاؤس فل تھری اور دھشوم جیسی کامیاب فلموں میں کام کیا اور اپنی بہترین اداکاری سے مداحوں کے دل جیت لیے.

جیکولین فرنینڈز ان دنوں اپنی آنے والی فلم فلائنگ جٹ کی پروموشن میں ٹائیگر شروف کے ساتھ مصروف ہیں.اداکارہ کا کہنا ہے کہ ٹائیگر کے ساتھ کام کرکے بہت مزہ آیا وہ ایک بہترین اداکار ہیں.

واضح رہے کہ خوبرواداکارہ جیکولن فرنینڈز کی فلم فلائنگ جٹ بہت جلد سنیما گھروں میں ریلیز کی جائے گی جس میں وہ ٹائیگر شروف کے ساتھ مرکزی کردار میں جلوہ گر ہوں گی.

ممبئی: بالی ووڈ کےسلطان سپر اسٹار سلمان خان اورگلوکارارجیت سنگھ کے درمیان سرد جنگ کا خاتمہ ہوگیا جس کے بعد اب وہ سلمان خان کی فلم ’’ٹیوب لائٹ‘‘ میں آواز کا جادو جگائیں گے.

تفصیلات کےمطابق کروڑوں دلوں کی جان بالی ووڈ کےحقیقی سلطان سپراسٹار سلمان خان نے ارجیت سنگھ کی معافی کی درخواست قبول کرلی اور اب نامور گلوکار ارجیت سنگھ سلمان خان کی فلم ٹیوب لائٹ کے لیےگانا گائیں گے.

یاد رہے اس سے قبل بالی ووڈاسٹار سلمان خان کی فلم ’’سلطان‘‘سے ارجیت سنگھ کی آواز میں گایا ہوا گیت ’’جگ گھومیا‘‘ نکال دیا گیا تھا جس پر گلوکار نے سوشل میڈیا پر دبنگ خان سے معافی مانگتے ہوئے گیت کو فلم میں شامل کرنے کی درخواست کی تھی.

*بھارتی گلوکارارجیت سنگھ کو سلمان خان کی توہین مہنگی پڑ گئی

دوسری جانب سلمان خان نے گلوکار کو پہچاننے سے انکار کرتے ہوئے فلم سے گیت نکلوانے کی تردید کی تھی لیکن اب دونوں شخصیات میں جاری سرد جنگ ختم ہوگئی جس کے باعث ارجیت سنگھ کو سلمان خان کی فلم میں گانے کا موقع مل گیا.

رپورٹس کے مطابق گلوکار ارجیت سنگھ ہدایت کارکبیر خان کی فلم ’’ٹیوب لائٹ‘‘ کے لیے اپنی آواز کا جادو جگائیں گےاورگانے کو فلم میں مرکزی کردار ادا کرنے والے سپر اسٹار سلمان خان پر فلمایا جائے گا.

واضح رہےکہ گلوکار ارجیت سنگھ نے بھی سلمان خان کی فلم کے لیے گیت گانے کی خبر کی تصدیق کردی ہے.

ممبئی : یش راج فلمز کی فلم ’دھوم 4‘ میں سلمان خان کی جگہ شاہ رخ خان کو ولن کا کردار کرنے کے لیے کاسٹ کرلیا گیا.

تفصیلات کے مطابق بالی ووڈ میں رومانس کی بات ہو اور کنگ خان کا نام نہ آئے ایسا ممکن نہیں شاہ رخ خان جو رومانوی فلموں میں اداکاری کے لیے انڈسٹری میں جانے جاتے ہیں تاہم اداکار نے اپنے کیریئر میں کئی منفی کرداروں کی فلموں سے بھی کامیابی حاصل کی.

شاہ رخ خان کی ان فلموں میں بازی گر‘ اور ’ڈر‘ شامل ہیں اور اب رپورٹس ہیں کہ شاہ رخ خان کو یش راج فلمز کی کامیاب سیریز ’دھوم‘ کے نئے حصے میں ولن کا کردار کرنے کے لیے کاسٹ کرلیا گیا ہے.

یادرہے کہ اس سے قبل سلمان خان کی اس کردار میں نظر آنے کی خبریں تھیں اور کہا جارہا تھا کہ رنویر سنگھ بھی مرکزی کردار کرتے نظر آئیں گے تاہم اب کہانی کچھ اور ہے.

شاہ رخ خان کو اس فلم میں منفی کردار ادا کرنے کے لیے کاسٹ کرلیا گیا ہے اور رنویر سنگھ مثبت کردار میں نظر آئیں گے.

سلمان خان کا اس سے قبل ایک انٹرویو میں کہنا تھا کہ وہ کسی بھی فلم میں ولن کا کردار ادا نہیں کرنا چاہتے کیوں کہ وہ نہیں چاہتے کہ ان کے مداحوں کے سامنے ان کا کوئی منفی کردار سامنے آئے.

واضح رہے کہ دھوم کے گزشتہ حصوں میں ابھیشیک بچن بھی کام کرتے آرہے ہیں تاہم ’دھوم 4‘ میں وہ نظر نہیں آئیں گے.