Tag: سلمان خان

بالی ووڈ کے سپراسٹار سلمان خان کو گینگسٹر لارنس بشنوئی کے نام کی دھمکی دینے والا شخص کوئی اور نہیں بلکہ جونیئر آرٹسٹ نکلا۔

ممبئی میں گزشتہ دنوں بالی ووڈ کے بھائی جان کو ان کے سیٹ پر بالواسطہ طور پر دھمکی کا سامنا کرنا پڑا تھا، 4 دسمبر کو سیشن نامی شخص اچانک شوٹنگ کے مقام پر پہنچا اور سیکیورٹی گارڈ کی جانب سے روکنے کی کوشش پر دھمکی آمیز لہجہ میں کہنے لگا ’لارنس کو بلاؤں کیا؟‘

سیٹ پر گینگسٹر کے نام سے ہنگامہ کرنے والے ستیش ورما نے پولیس کی تفتیش میں خود کو جونیئر آرٹسٹ بتایا ہے، پولیس کی حراست میں موجود اس شخص سے تفتیش کے دوران کوئی مشکوک معلومات سامنے نہیں آئیں۔

پولیس کے مطابق ستیش ورما سیٹ پر اس لیے پہنچا تاکہ وہ سلمان خان کے ساتھ تصویر کھنچوا سکے لیکن سکیورٹی اہلکاروں نے اسے روک دیا جس پر اس نے دھمکی دی۔

نامعلوم شخص کی شوٹنگ کے دوران سلمان خان کو دھمکی، کھلبلی مچ گئی

سلمان خان اس وقت سیٹ پر موجود نہیں تھے جس دوران یہ واقعہ رونما ہوا تھا، تاہم پولیس اس واقعے کی مختلف پہلوؤں سے تحقیقات کر رہی ہے۔

پولیس اس لیے بھی معاملے کی جان کررہی ہیے کہ ماضی میں لارنس بشنوئی نے ایک ٹی وی انٹرویو میں کہا تھا کہ اس کا واحد مقصد سلمان خان کو نقصان پہنچانا ہے۔

اس سے پہلے 12 نومبر کو ممبئی پولیس نے سلمان خان کو دھمکی آمیز پیغام بھیجنے کے الزام میں 24 سالہ شخص کو کرناٹک سے گرفتار کیا تھا، ملزم نام سہیل پاشا نے مشہور ہونے کے لیے یہ اقدام کیا تھا۔

شوبز انڈسٹری کی ابھرتی ہوئی اداکارہ حنا طارق کا کہنا ہے کہ بالی ووڈ سپر اسٹار سلمان خان شادی کے لیے ان کا انتظار کررہے ہیں۔

اے آر وائی ڈیجیٹل کے نئے ڈرامہ سیریل ’بھرم‘ کی کاسٹ نے دو روز قبل پروگرام ’گڈ مارننگ پاکستان‘ میں شرکت کی جس میں حنا طارق، زینب رضا، رابعہ کلثوم، اور عمر شہزاد شامل تھے۔

میزبان نے پوچھا کہ حنا طارق کون سے سیلبرٹی کا پیچھا کرتی ہیں؟۔

جواب میں عمر شہزاد اور رابعہ کلثوم نے بتایا کہ یہ سلمان خان کو فالو کرتی ہیں جو کہ سب کو پتا ہے، یہ باتیں بھی سلمان خان کی ہی کرتی ہیں زینب رضا نے کہا کہ مجھے بھی وہ بہت پسند ہیں۔

ندا یاسر نے پوچھا کہ حنا بتاؤ سلمان خان شادی کب کررہے ہیں؟ اداکارہ نے مسکراتے ہوئے کہا کہ وہ میرا انتظار کررہے ہیں جب میں تھوڑی سی بڑی ہوجاؤں گی تو شادی کرلیں گے۔

شوبز میں آنے کے سوال پر حنا طارق نے بتایا کہ مجھے شروع سے ہی شوق تھا میں خود کو اسکرین پر دیکھنا چاہتی تھی لیکن لوگ پسند کرتے ہیں کہ نہیں۔

انہوں نے کہا کہ اشتہار سے شروعات کی تھی اس کے بعد اداکاری شروع کی۔

حنا طارق نے کہا کہ شروع سے ہی ڈرامہ انڈسٹری میں آنے کا شوق تھا لیکن اس وقت پڑھائی چل رہی تھی جب تعلیم مکمل ہوگئی تو کراچی آئی اداکاری شروع کی۔

اداکارہ نے کمرشل کے لیے انسٹاگرام سے اپروچ کیا گیا تھا جس کے بعد اشتہار ملا تھا، گھر میں کسی فرد کا بھی شوبز سے تعلق نہیں ہے۔

حنا طارق کا کہنا تھا کہ شوبز میں آنے کے لیے ایک سال تک گھر والوں کو منانا پڑا اب سب خوش ہیں اور کہتے ہیں جو کرنا چاہتی ہو کرلو، بھائی، والدین بھی سپورٹ کرتے ہیں۔

ممبئی پولیس نے بالی وڈ سُپر اسٹار سلمان خان کو قتل کی دھمکی دینے اور 5 کروڑ روپے بھتہ مانگنے کی جرم میں نوجوان نغمہ نگار کو گرفتار کر لیا۔

انڈین میڈیا کے مطابق ریاست کرناٹک سے تعلق رکھنے والا نغمہ نگار پاشا چاہتا تھا کہ سلمان خان کی فلم کیلیے اس کا لکھا گانا مشہور ہو جائے۔

ممبئی ٹریفک پولیس کی واٹس ایپ ہیلپ لائن کو 7 نومبر 2024 کو متعدد پیغامات موصول ہوئے تھے جن میں کہا گیا تھا کہ ’میرا تعلق بشنوئی گینگ سے ہے۔ اگر سلمان خان نے 5 کروڑ روپے ادا نہیں کیے تو اسے قتل کر دیا جائے گا اور ساتھ ’میں سکندر ہوں‘ کے مصنف کو بھی مار ڈالیں گے‘۔

پولیس کو پتا چلا کہ وینکٹیش نارائن کے فون پر واٹس ایپ انسٹالیشن کا OTP موصول ہوا ہے۔ نارائن نے پولیس کو بتایا کہ 3 نومبر کو ایک اجنبی نوجوان فون کال کرنے کیلیے مجھ سے فون مانگا تھا۔

تحقیقات میں پتا چلا کہ ملزم نے او ٹی پی حاصل کرنے کیلیے نارائن کے موبائل نمبر کا استعمال کر کے اپنے موبائل پر واٹس ایپ انسٹال کیا تھا۔

اس کے بعد کرائم برانچ کی ٹیم نے رائچور کے قریب مناوی گاؤں سے پاشا کو گرفتار کیا۔ پولیس کے مطابق ملزم ’میں سکندر ہوں‘ گانے کا مصنف ہے جو گیت کی مشہوری چاہتا تھا اور اسی لیے اس نے سلمان خان جیسی نامور شخصیت کو دھمکی دی۔

پاشا کو ممبئی لایا کر مزید تفتیش کیلیے ورلی پولیس کے حوالے کیا گیا۔ ممبئی ٹریفک پولیس ہیلپ لائن کو حالیہ مہینوں میں سلمان خان کیلیے چار دھمکی آمیز پیغامات موصول ہوئے۔

بالی ووڈ کے سپر اسٹار اداکار سلمان خان کو نامعلوم شخص نے ایک بار پھر بھاری تاوان نہ دینے کی صورت قتل کردینے کی دھمکی دی ہے۔

بھارتی میڈیا رپورٹس کے مطابق سلمان خان کو ایک بار پھر جان سے ماردینے کی دھمکی موصول ہوئی ہے، دھمکی دینے والے نامعلوم افراد نے اس بار اداکار سے 2 کروڑ تاوان کا مطالبہ کیا ہے۔

رپورٹس کے مطابق ممبئی ٹریفک پولیس کو بھیجے گئے واٹس ایپ پیغامات میں کہا گیا ہے کہ اگر پیسے ادا نہیں کیے گئے تو سلمان خان کو قتل کردیا جائے گا۔

بھارتی میڈیا کا کہنا ہے کہ نئی دھمکی کے بعد واٹس ایپ پیغامات بھیجنے والے نامعلوم شخص کے خلاف مقدمہ درج کرلیا گیاہے  اور پولیس ملزم کو تلاش کررہی ہے۔

واضح رہے کہ دو روز قبل بھی بالی وڈ اسٹار سلمان خان کو قتل کی دھمکیاں دینے والے 20 سالہ نوجوان کو ریاست اترپردیش کے شہر نوائیڈہ سے گرفتار کیا گیا تھا ۔