Tag: سلمان علی آغا

قومی ٹیم کے نائب کپتان سلمان علی آغا نے ناقابل یقین کیچ تھام لیا جس کی ویڈیو سوشل میڈیا پر وائرل ہوگئی۔

سہ فریقی سیریز کے تیسرے ون ڈے میچ میں جنوبی افریقا نے پاکستان کو جیت کے لیے 353 رنز کا ہدف دیا ہے جس کے تعاقب میں گرین شرٹس کی بیٹنگ جاری ہے۔

تاہم جنوبی افریقا کی اننگ کے دوران سلمان آغا نے شاندار کیچ پکڑا جسے سوشل میڈیا صارفین 2025 کا بہترین کیچ قرار دے رہے ہیں۔

میتھیو بریٹزی 83 رنز پر بیٹنگ کررہے تھے جب خوشدل شاہ کی گیند پر سلمان آغا نے کیچ پکڑ کر ان کی اننگز کا خاتمہ کردیا۔

ویڈیو میں دیکھا جاسکتا ہے کہ سلمان آغا ڈائیو لگا کر کیچ پکڑ رہے ہیں، کیچ کو دیکھ کر ناصرف کمنٹیٹر بلکہ میدان میں موجود شائقین کرکٹ بھی حیران رہ گئے۔

میچ میں ہینرک کلاسن نے 56 گیندوں پر 87 رنز کی جارحانہ اننگز کھیلی ان کی اننگ میں 11 چوکے اور تین بلند و بالا چھکے شامل تھے۔

کپتان ٹیمبا باوما 82 اور میتھیو بریٹزی 83 رنز کے ساتھ نمایاں رہے۔

کائل ویرینے 44 رنز کے ساتھ ناٹ آؤٹ رہے، کوربن بوش نے 15 رنز بنائے۔

پاکستان کی جانب سے شاہین شاہ آفریدی نے دو کھلاڑیوں کو آؤٹ کیا، نسیم شاہ اور خوشدل شاہ نے ایک، ایک وکٹ حاصل کی۔

پاکستان اور ویسٹ انڈیز کے درمیان پہلے ٹیسٹ میچ میں سلمان علی آغا کا سپرمین کیچ دیکھ کر ویسٹ انڈین بیٹر پچ پر گم سم کھڑے رہے۔

سوشل میڈیا پر سلمان علی آغا کے شاندار کیچ کی ویڈیو تیزی سے وائرل ہوگئی، ویسٹ انڈیز کے خلاف ملتان ٹیسٹ کی دوسری اننگز کے دوران 35ویں اوور میں آغا سلمان نے سنکلیئر کو آؤٹ کرنے کے لیے پہلی سلپ میں ایک غیر معمولی کیچ لیا۔

ابرار احمد نے ایک گھومتی ہوئی گیند کی جو تھوڑی سے آف اسٹمپ کی طرف اٹھی جسے ویسٹ انڈین بیٹر کیلون سنکلیئر سمجھ نہ سکے اور گیند بیٹ سے لگ کر سلپ کی طرف چلی گئی۔

https://youtu.be/xriw6yhHcAw?si=BCKTU285LYoH5fB6

سلپ پوزیشن پر سلما علی آغا کھڑے تھے انھوں نے اڑتے ہوئے تقریباً سپر مین کی طرح یہ کیچ تھاما اور شائقین سے خوب داد وصول کی۔

ویسٹ انڈین بیٹر کیلون سنکلیئر اس شاندار کیچ پر سکتے میں آگئے اور پچ پر کافی دیر تک حیران و پریشان کھڑے رہے، 10 رنز پر ان کی مزاحمتی اننگز کا خاتمہ ہوا۔

خیال رہے کہ ملتان ٹیسٹ میں پاکستان نے ویسٹ انڈیز کو 127 رنز سے شکست دیکر دو میچوں کی سیزیز میں ایک صفر کی سبقت حاصل کر لی ہے۔

پاکستانی آل راؤنڈر سلمان علی آغا جنوبی افریقا کیخلاف ریکارڈ قائم کرتے ہوئے بڑے بڑے کرکٹرز کے ہمسر ہوگئے اور ریکارڈ بک میں نام درج کروالیا۔

ون سیریز کے پہلے میچ میں گرین شرٹس نے عمدہ پرفارمنس دیتے ہوئے جنوبی افریقہ کو اس کی سرزمین پر 3 وکٹوں سے شکست دی تھی، جس میں اوپنر صائم ایوب اور سلمان علی آغا کا کافی اہم کردار تھا بلکہ سلمان نے تو اپنا ایوارڈ بھی صائم کے نام کیا تھا۔

سلمان نے پاکستان کیلئے آل راؤنڈر پرفارمنس پیش کرتے ہوئے محمد حفیظ کا ریکارڈ توڑ دیا، وہ کسی ون ڈے میچ میں 4 وکٹیں لینے اور 80 سے زائد رنز بنانے والے ساتویں بیٹر بن گئے۔

سب سے پہلے ویسٹ انڈیز کے سر ووین رچرڈز نے یہ کارنامہ نیوزی لینڈ کیخلاف 1987 میں انجام دیا تھا، پھر اس کے بعد انگلینڈ کے گریم ہک نے 2000 میں اس کارنامے کو دہرایا۔

ویسٹ انڈین کرس گیل اور سری لنکا کے سنتھ جےسوریا نے 2003 جبکہ پاکستان کے محمد حفیظ نے 2015 یہ یہ اعزاز حاصل کیا۔ اس کے علاوہ اے الیاس نے 2020 میں یہی اعداد و شمار حاصل کیے تھے۔

اب گزشتہ دنوں اپنی شاندار پرفارمنس سے پاکستان کرکٹ ٹیم کی جیت میں اہم کردار ادا کرنے والے سلمان آغا نے جنوبی افریقا کیخلاف یہ تاریخ دہرائی ہے۔

خیال رہے کہ اس میچ میں اوپنر صائم ایوب نے سینچری اسکور کی تھی جبکہ سلمان آغا نے 90 گیندوں پر 4 چوکوں اور 2 چھکوں کی مدد سے 82 رنز کی ناقابل شکست اننگز کھیلی، انھوں نے 8 اوورز میں 32 رنز کے عوض 4 کھلاڑیوں کو بھی آؤٹ کیا تھا۔

آسٹریلیا کے خلاف پہلے ٹی ٹوئنٹی میں شکست کے بعد سابق کرکٹر نے سوال اٹھایا ہے کہ کیا ٹی ٹوئنٹی فارمیٹ میں بابر اور سلمان فٹ بیٹھتے ہیں۔

پاکستان کے سابق کرکٹر کامران اکمل نے اے آر وائی نیوز کے پروگرام میں گفتگو کرتے ہوئے کہا کہ ٹی ٹوئنٹی ٹیم میں سابق کپتان بابر اعظم اور موجودہ نائب کپتان سلمان علی آغا کا کھیلنا بنتا ہے؟ اس کے بجائے ٹیم میں عامر جمال کو کیوں نہیں کھلاتے۔

انھوں نے کہا کہ اس میچ میں کم اوورز ہوئے تاہم اگر ٹی ٹوئنٹی میں پورے اوورز بھی ہوتے تو یہ کھلاڑی اس فارمیٹ کیلئے درست انتخاب نہیں تھے۔

مجھے یہ ٹیم دباؤ کا شکار نظر آئی، مجھے لگا نہیں یہ یہی ٹیم تین دن پہلے آسٹریلیا سے ون ڈے سیریز جیت کر آئی ہے، ٹیم میں وہ اعتماد اور پلیننگ نظر نہیں آئی، مجھے لگا کہ ہم لوگوں کو اچھی جیت مل جائے تو ہم الگے میچز کی اچھی منصوبہ بندی نہیں کرسکتے۔

View this post on Instagram

A post shared by ARY News (@arynewstv)

یہ چھوٹا میچ تھا، اگر محدود اوورز کے میچ میں آپ پہلے بیٹنگ کریں تو تھوڑی آسانی ہوتی ہے کیوں کہ تعاقب کرنے والی ٹیم پر پریشر آتا ہی آتا ہے۔

آپ نے 94 رنز کرنے ہیں تو کیا سنگلز کے ساتھ کرنے ہیں یہ تو پاور ہٹنگ کےساتھ کرنے تھے، جو آپ کے پاس اس وقت بہترین پاور ہٹر موجود ہیں آپ ان کو کھلائیں ان کو اوپر بھیجیں۔

اس میں کوئی شک نہیں کہ بابر ہمارا مین پلیئر ہے مگر وہ 7 اوورز پورے کھیلنا بنتا ہے، کیا سلمان علی آغا کا کھیلنا بنتا ہے؟ ایسا نہیں ہے کہ یہ آپ کے مین پلیئر ہیں یا وائس کپتان ہیں تو انھیں کھیلنا ہی کھیلنا ہے۔

آپ عامر جمال کو کھلائیں، یہاں پر آپ کو پاور ہٹنگ کی ضرورت ہے، آپ کو حسیب اللہ کو اوپر بھیجنا چاہیے تھا، یہ 11 پلیئرز تو شاید ٹی ٹوئنٹی کے پورے اوورز کے لیے بھی سوٹ ایبل نہیں تھے۔

ملتان: پاکستان کرکٹ ٹیم کے مڈل آرڈ بلے باز اور ملتان ٹیسٹ کے سنچری میکر سلمان علی آغا نے کہا ہے کہ مجھے لگتا ہے ٹیسٹ میچ کا رزلٹ آئے گا۔

ٹیسٹ کے دوسرے دن کے اختتام پر پاکستانی بیٹر سلمان علی آغا نے میڈیا سے گفتگو کرتے ہوئے کہا کہ وکٹ پرکافی کریکس کھل رہے ہیں، لگتا ہے اس میچ کا نتیجہ آئےگا، امید ہے اٹیکنگ کرکٹ میں انگلینڈغلطیاں کرے گا۔

ان کا مزید کہنا تھا کہ ہمیں اندازہ تھا کہ انگلش ٹیم تیز کرکٹ کھیلے گی، ہم چاہتے بھی یہی ہیں کہ انگلینڈ کل غلطیاں کرے۔

ملتان ٹیسٹ کے سنچری میکر نے کہا کہ اٹیکنگ کرکٹ کھیلنے کا کوئی پلان نہیں تھا، اسپنرز پر اٹیک کرنا میری گیم ہے، کوئی بھی اسپنر ہوں میں اس پر اٹیک کرتا ہوں۔

پاکستانی بلے باز نے کہا کہ مجھے باؤنڈری پر خود بھی لگا میں کیچ آؤٹ ہوگیا ہوں، میری کوشش یہی ہوتی ہے کہ میں اپنا بہترین کھیل پیش کروں۔

سلمان علی آغا کا گفتگو کرتے ہوئے مزید کہنا تھا کہ انگلینڈایک اچھی ٹیم ہے، جب آپ 500 رنز اسکور کرتے ہیں تو آپ پراعتماد ہوتے ہیں۔