Tag: سلمیٰ آغا

نئی دہلی : پاکستانی نژاد برطانوی گلوکارہ سلمیٰ آغا کو بھارتی حکومت نے او آئی سی کارڈ جاری کردیا ہے،جو بھارت میں لائف ٹائم ویزہ کے برابر تصور کیا جاتا ہے۔

بھارتی اخبار ٹائمز آف انڈیا کے مطابق پاکستانی اداکارہ سلمیٰ آغا نے بھارتی وزیر داخلہ راجیناتھ سنگھ سے پیر کے روز ملاقت کی جس کے بعد بھارت کی جانب سے انہیں یہ ویزہ جاری کیا گیا۔

انہوں نے مزید بتایا کہ اداکارہ بھارتی ویزہ حاصل کرنے کے بعد کسی تھانے میں رپورٹ کرنے کی پابند نہیں ہوں گی اور وہ کسی بھی وقت بھارت آسکیں گی جیسے ان کے آباؤ اجداد بھارت کے شہر مہارشڑا شہر آتے جاتے ہیں۔

اس موقع پر سلمیٰ آغا نے میڈیا سے گفتگو کرتے ہوئے کہا کہ ’’ویزے کے مسئلے پر وزیراعظم مودی کی حکومت ان کی بہت مدد کررہی ہے، ویزہ حاصل کرنا میرا حق ہے۔ میرے آباؤاجداد کا تعلق بھارت کے شہر مہارشٹر سے تھا اور میں بھی بھارتی شہری بننا چاہتی ہوں‘‘۔

قبل ازیں اداکارہ نے بطور سمندر پار بھارتی شہری کی حیثیت سے بھارتی حکام کو ویزہ سے متعلق درخواست دائر کی تھی، جس کا بھارتی حکومت نے پاکستانی اداکارہ مثبت جواب دیا ہے۔

انہوں نے بھارتی وزیر اعظم نریندر موددی کے خواتین کے حوالے سے اقدامات میں کو سراہا اور اُن کے لیے نیک خواہشات کا اظہار بھی کیا۔

واضح رہے سلمیٰ آغا معروف بھارتی اداکار گُجل کشور اور انوری بیگم کی پوتی ہیں، جو اس وقت برطانوی میں شہریت حاصل کرنے کے بعد مقیم ہیں۔