ARYNews.tv | Urdu – Har Lamha Bakhabar

Tag: سلیم شہزاد

  • سلیم شہزاد کی عمران خان سے ملاقات، پی ٹی آئی میں شمولیت کا امکان

    سلیم شہزاد کی عمران خان سے ملاقات، پی ٹی آئی میں شمولیت کا امکان

    اسلام آباد: پاکستان تحریک انصاف نے ایک بار پھر کراچی میں‌ اپنی سیاسی پوزیشن مستحکم کرنے کی کوششوں‌ کا آغاز کر دیا، اسی سلسلے میں‌ عمران خان کی سلیم شہزاد سے ملاقات ہوئی ہے۔

    تفصیلات کے مطابق تحریک انصاف کے سربراہ نے بنی گالا میں ایم کیو ایم پاکستان کے بانی رہنما سے ملاقات کی، جس کے بعد سلیم شہزاد کی پی ٹی آئی میں‌ شمولیت کا امکان بڑھ گیا ہے۔

    اس ملاقات کی تصویر پی ٹی آئی کے ترجمان فواد چوہدری نے ٹویٹر پر شیئر کی، جس میں سلیم شہزاد کو پی ٹی آئی میں خوش آمدید کہا گیا۔

    اطلاعات کے مطابق عمران خان سے ہونے والی ملاقات کے بعد سلیم شہزاد نے کپتان کے قافلے میں شامل ہونے کا فیصلہ کیا ہے اور ان کی جانب سے پی ٹی آئی میں شمولیت کا اعلان جلد کیا جائے گا۔

    یہ بھی پڑھیں: ایم کیو ایم کے سابق رہنما سلیم شہزاد کا نئی سیاسی جماعت بنانے کا اعلان

    یاد رہے کہ ایم کیو ایم کے بانی رکن سلیم شہزاد نے 22 اگست کے بعد ایم کیو ایم پاکستان کے حمایتی کے طور پر سامنے آئے تھے، مگر پاکستان آمد کے موقع پر انھیں خوش آمدید نہیں کہا گیا، جس کے بعد گذشہ سال دسمبر میں انھوں نے سیاسی جماعت بنانے کا اعلان کیا تھا۔

    انھوں نے اورنگی ٹاؤن میں جلسہ کرنے کا اعلان بھی کیا تھا، مگر یہ جلسہ ملتوی ہوگیا۔ اب انھوں نے عمران خان سے ملاقات کی ہے، جس کے بعد ان کی پی ٹی آئی شمولیت کی خبریں گردش کر رہی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • ایم کیوایم پر بڑا مشکل وقت ہے،مستقبل میں مزید مشکلیں آئیں گی،سلیم شہزاد

    ایم کیوایم پر بڑا مشکل وقت ہے،مستقبل میں مزید مشکلیں آئیں گی،سلیم شہزاد

    کراچی : ایم کیو ایم کے سابق رہنما سلیم شہزاد نے کہا کہ ایم کیوایم پر بڑا مشکل وقت ہے، مستقبل میں مزید مشکلیں آئیں گی، 16دسمبر کو اورنگی ٹاون میں ایک جلسے سے خطاب کروں گا۔

    تفصیلات کے مطابق سٹی کورٹ میں جلاوٴ گھیراوٴ، ہنگامہ آرائی مقدمہ پر ایم کیو ایم کے سابق رہنما سلیم شہزاد کیخلاف مقدمے کی سماعت ہوئی، سلیم شہزاد،ایس ایس پی ملیر راو انوارعدالت میں پیش ہوئے۔

    اس موقع پر میڈیا سے گفتگو کرتے ہوئے سلیم شہزاد نے کہا کہ متحدہ لندن کی طرف سے یادگارشہدا پر جانے میں کوئی رکاوٹ نہیں ہونی چاہیئے، متحدہ لندن کے کارکن تصادم سے گریز کریں۔

    سلیم شہزاد کا کہنا تھا کہ 16دسمبر کو اورنگی ٹاون میں ایک جلسے سے خطاب کروں گا، ہماری پارٹی میں متحدہ کارکن ضرور شامل ہونگے، کوئی عہدیدار نہیں ہوگا، کورکمیٹی پریس کانفرنس میں پارٹی کا نام اورعہدوں کا اعلان کریگی۔

    ایم کیو ایم کے سابق رہنما نے مزید کہا کہ ایم کیوایم پر بڑا مشکل وقت ہے، مستقبل میں مزید مشکلیں آئیں گی۔

    مزید پڑھیں :  ایم کیو ایم کے سابق رہنما سلیم شہزاد کا نئی سیاسی جماعت بنانے کا اعلان

    سلمان مجاہد کے پی ایس پی میں شمولیت پر انکا کہنا تھا کہ سلمان مجاہد کی طرح اور بھی لوگ متحدہ کو چھوڑیں گے،جو لوگ نالاں ہیں وہ کہیں نہ کہیں تو جائیں گے۔

    یاد رہے چند روز قبل ایم کیو ایم کے سابق سینئر رہنماء سلیم شہزاد نے نئی سیاسی جماعت بنانے کا اعلان کرتے ہوئے کہا تھا کہ ہمارےدروازے سب کے لئے کھلے ہیں، ہماری پارٹی میں چائناکٹنگ والے ہونگے نہ ٹارگٹ کلر اور نہ ہماری پارٹی میں ڈرائی کلین والے شامل ہونگے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • ایم کیو ایم کے سابق رہنما سلیم شہزاد کا نئی سیاسی جماعت بنانے کا اعلان

    ایم کیو ایم کے سابق رہنما سلیم شہزاد کا نئی سیاسی جماعت بنانے کا اعلان

    کراچی:  پاک سرزمین پارٹی اور ایم کیو ایم پاکستان کے بعد ایم کیو ایم کے سابق سینئر رہنماء سلیم شہزاد نے نئی سیاسی جماعت بنانے کا اعلان کردیا اور کہا کہ ہمارےدروازے سب کے لئے کھلے ہیں۔

    تفصیلات کے مطابق ایم کیو ایم کے سابق سینئر رہنماء سلیم شہزاد نے نئی سیاسی جماعت بنانے کا اعلان کرتے ہوئے کہا کہ ہماری پارٹی میں چائناکٹنگ والے ہونگے نہ ٹارگٹ کلر اور نہ ہماری پارٹی میں ڈرائی کلین والے شامل ہونگے۔

    سلیم شہزاد کا میڈیا سے غیررسمی گفتگو کرتے ہوئے کہنا تھا کہ ہمارےدروازے سب کے لئے کھلے ہیں، 16دسمبرکو اورنگی میں جلسہ کرینگے۔

    ایم کیو ایم کے سابق رہنما نے کہا کہ اورنگی ٹاؤن سے میں خودالیکشن لڑوں گا، کراچی کےباقی حلقوں سےاپنی پارٹی کےامیدوار کھڑے کروں گا۔

    مزید پڑھیں : سیاست میں ہلچل مچا کر گیا تھا اب نئی جماعت بنا کر پھر ہلچل مچاؤں گا، سلیم شہزاد

    اس سے قبل جولائی میں بھی متحدہ کے سابق سینئر رہنماء سلیم شہزاد نے نئی سیاسی جماعت بنانے کا اعلان کرتے ہوئے کہا تھا کہ سیاست میں ہلچل مچا کر گیا تھا اب نئی جماعت بنا کر پھر ہلچل مچاؤں گا، عوامی خدمت اور قوم کے بہتر مفاد کو مدنظر رکھتے ہوئے نئی جماعت بنانے کا فیصلہ کیا۔

    انکا کہنا تھا کہ سیاسی جماعت کا نام کیا ہوگا یہ آئندہ چند روز میں فیصلہ کرلیا جائے گا، متحدہ کی موجودہ قیادت میں سب سے سینئر ہوں اس لیے خود کسی سے رابطہ نہیں کروں گا البتہ ایم کیو ایم پاکستان یا کسی اور جماعت کے رہنماء نے شمولیت کے لیے بات کی تو ضرور کروں گا۔

    واضح  رہے سلیم شہزاد 6 فروری کو جب وطن واپس آئے تو انہیں ائیرپورٹ سے ہی گرفتار کرلیا گیا تھا، ایم کیو ایم کے سابق رہنما کو دہشت گردوں کے علاج و معالجے سمیت دیگر مقدمات میں حراست میں لیا گیا تھا۔

    مزید پڑھیں : ایم کیوایم رہنما سلیم شہزاد کراچی ایئرپورٹ سے گرفتار

    سلیم شہزاد دہشت گردوں کے علاج سمیت 5 مقدمات درج تھے، مقدمات کی تفتیش کے لیےعدالت نے انہیں 7 فروری کو جوڈیشل ریمانڈ پر جیل بھیجا تھا، بعد ازاں عدالت نے پانچوں مقدمات میں ان کی ضمانت منظور کرلی جس کے بعد انہیں جیل سے رہا کردیا گیا تھا، بعد ازاں وہ کینسر کا علاج کروانے کے لیے لندن روانہ ہوگئے تھے۔

    خیال رہے سلیم شہزاد کا شمار اُن لوگوں میں ہوتا ہے جو الطاف حسین کے ساتھ ابتدائی ایام میں ہی منسلک ہوگئے تھے، ایم کیو ایم کی طلبہ تنظیم سے وابستہ ہونے کے بعد سلیم شہزاد نے مرکزی کمیٹی میں وائس چیئرمین سمیت دیگر اہم عہدوں پر فرائض انجام دیے، بعد ازاں وہ 1991 میں اپنے قائد کے ساتھ ہی خود ساختہ جلاوطنی اختیار کر کے لندن میں مقیم ہوگئے تھے اور وہ اب برطانیہ کے شہری بھی ہیں۔

    سلیم شہزاد نے لندن میں بھی تنظیمی سرگرمیاں جاری رکھیں اور وہ لندن رابطہ کمیٹی میں عہدوں پر براجمان رہے تاہم بعد میں پیدا ہونے والے اختلافات کے باعث 2000 کے بعد انہیں تنظیمی عہدوں سے بتدریج ہٹایا جاتا رہا اور گزشتہ چند سالوں سے گمنامی کی زندگی بسر کر رہے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • سابق متحدہ رہنما سلیم شہزاد جیل سے رہا

    سابق متحدہ رہنما سلیم شہزاد جیل سے رہا

    کراچی:سابق ایم کیو ایم رہنما سلیم شہزاد جیل سے ضمانت پر رہا ہوگئے ۔

    تفصیلات کے مطابق متحدہ قومی موومنٹ سے تعلق رکھنے والے سابق رہنما کراچی سینٹرل جیل سے آج رہا ہوگئے، رہائی کے بعد سلیم شہزاد گلستان جوہر اپنی رہائش گاہ پہنچ گئے، وہ کینسر کے عارضہ میں مبتلا ہیں۔

    سلیم شہزاد کو 7فروری کو عدالت نے جوڈیشل ریمانڈ پر جیل بھیجا تھا، ان پر دہشت گردوں کے علاج سمیت 5 مقدمات درج ہیں، عدالت نے ان پانچوں مقدمات میں ان کی ضمانت منظور کرلی ہے تب ہی ان کی رہائی ممکن ہوسکی ہے۔

    یہ پڑھیں : ایم کیوایم رہنما سلیم شہزاد کراچی ایئرپورٹ سے گرفتار

    قبل ازیں سلیم شہزاد نے گزشتہ ماہ 4 مقدمات میں ضمانتیں حاصل کی تھیں اب پانچویں مقدمے میں بھی ان کی ضمانت ہوئی تو ان کی رہائی ممکن ہوسکی ہے۔

    سلیم شہزاد کے خلاف لانڈھی تھانے میں مقدمات درج ہیں وہ جلاؤ گھیراؤ کے مقدمے میں نامزد ہیں، یہ مقدمات تقریباً 25 سال پرانے ہیں۔

    مزید پڑھیں: سلیم شہزاد کے طبی معائنے کی درخواست

    یاد رہے کہ سلیم شہزاد کو رواں برس پاکستان واپس آتے ہی ڈاکٹر عاصم حسین کیس میں دہشت گردوں کے علاج ومعالجہ کے الزام میں ائیر پورٹ سے گرفتار کرلیا گیا تھا۔

    اسی سے متعلق: سلیم شہزاد کی اپیل پر عمران خان نے ان کے علاج کی ہامی بھرلی 

    قبل ازیں 17 اپریل کو انہوں نے پاکستان تحریک انصاف کے چیئرمین عمران خان سے اپنا علاج کرانے کی اپیل کی تھی جسے عمران خان نے منظور کرتے ہوئے صوبائی قیادت کو سلیم شہزاد کے علاج کا حکم دیا تھا

  • سلیم شہزاد کی درخواست ضمانت منظور

    سلیم شہزاد کی درخواست ضمانت منظور

    کراچی: ایم کیو ایم کے سابق رہنما سلیم شہزاد کی درخواست ضمانت منظور کرلی گئی۔

    تفصیلات کے مطابق مقامی عدالت نے ایم کیو ایم کے سابق رہنما سلیم شہزاد کی درخواست ضمانت منظور کرلی۔

    سلیم شہزاد کے خلاف لانڈھی تھانے میں مقدمہ درج تھا۔ وہ جلاؤ گھیراؤ کے مقدمے میں نامزد تھے۔

    مزید پڑھیں: سلیم شہزاد کے طبی معائنے کی درخواست

    یاد رہے کہ سلیم شہزاد کو رواں برس پاکستان واپس آتے ہی ڈاکٹر عاصم حسین کیس میں دہشت گردوں کے علاج معالجے کے الزام میں ائیر پورٹ سے گرفتار کرلیا گیا تھا۔

    سلیم شہزاد کے خلاف جلاؤ گھیراؤ کا مقدمہ تقریباً 25 سال پرانا ہے جس میں اب ان کی ضمانت منظور کی جاچکی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سلیم شہزاد دوبارہ گرفتار، کامران فاروق کی رہائی

    سلیم شہزاد دوبارہ گرفتار، کامران فاروق کی رہائی

    کراچی : ایم کیو ایم کے سابق رہنما سلیم شہزاد کو جلاؤ گھیراؤ کے مقدمے میں گرفتار کرلیا گیا،جبکہ عدالت نے ایم کیوایم پاکستان کے رہنما کامران فاروق کو رہا کردیا، سلیم شہزاد دہشت گردوں کے علاج معالجے کے مقدمے میں پہلے ہی جیل میں ہیں۔

    تفصیلات کے مطابق ایم کیو ایم کے سابق رہنما جو گزشتہ دنوں پاکستان واپس آتے ہی ائیر پورٹ سے گرفتار کرلئے گئے تھے اور وہ ان دنوں ڈاکٹر عاصم حسین کیس کے سلسلے میں دہشت گردوں کے علاج معالجے کے الزام میں جیل میں ہیں۔

    سلیم شہزاد کو گزشتہ روز رہا کیا جانا تھا مگر شناختی کارڈ کے مسئلہ کی وجہ سے انہیں رہا نہیں کیا جا سکا تھا,عدالت نے آج پولیس کو سلیم شہزاد کی گرفتاری کی اجازت دی تھی۔

    جس کے بعد سینٹرل جیل کراچی سے تھانہ کھوکھرا پار پولیس نے سلیم شہزاد کو جیل کے اندر سے جلاؤ گھیراؤ کے مقدمے میں حراست میں لے لیا،  ان سے مقدمے سے متعلق پوچھ گچھ کی جائے گی۔ یاد رہے کہ سلیم شہزاد کے خلاف جلاؤگھیراؤ کا مقدمہ تقریباً 25 سال پرانا ہے۔

    علاوہ ازیں عدالت نے ایم کیوایم پاکستان کے رہنما کامران فاروق کو ضمانت پر رہا کردیا ہے، کامران فاروق نے 4 لاکھ کے ضمانتی مچلکے عدالت میں جمع کرا دیئے۔

    ایم کیوایم رہنما کامران فاروق پر اسلحہ اور دھماکا خیزمواد رکھنے کا الزام ہے، گزشتہ سال دسمبر میں قانون نافذ کرنے والے اداروں نے کامران فاروق کو نارتھ ناظم آباد میں ان کی رہائش گاہ سے حراست میں لیا تھا۔

    یہ کافی عرصے سے پولیس کو مطلوب تھے اور ان کی گرفتاری کے حوالے سے رینجرز نے ایم کیو ایم پاکستان کے سربراہ ڈاکٹر فاروق ستار کی رہائش گاہ پر بھی چھاپے مارے تھے تاہم وہاں سے گرفتاری عمل میں نہیں آئی۔

    رہائی کی خبر سنتے ہی ایم کیوایم رہنما حاجی انور رضا اور جمال احمد سینٹرل جیل کراچی پہنچ گئے، جس کے بعد ان کو ایم کیو ایم کے مرکز پی آئی بی کالونی لے جایا گیا ہے۔

    کامران فاروق تمام مقدمات میں رہا ہوئے، خواجہ اظہار

    اس حوالے سے سندھ اسمبلی میں اپوزیشن لیڈر خواجہ اظہارالحسن نے کہا ہے کہ کامران فاروق تمام مقدمات میں رہا ہوئے ہیں، ایم کیوایم پاکستان کا مقصد کراچی کی خدمت کرنا ہے۔

    انہوں نے کہا کہ تشدد اور تصادم کی پالیسی ہماری نہیں، 23 اگست کے بعد منفی سرگرمی رکھنے والوں کی ایم کیو ایم میں کوئی گنجائش نہیں۔

    خواجہ اظہارالحسن نے کہا کہ ہم پاکستان کے اندر سیاست کررہے ہیں، پاکستان سے باہرآنے والے بیان سے ہماراکوئی تعلق نہیں، ایک سوال کے جواب میں ان کا کہنا تھا کہ سلیم شہزاد ہمارے ساتھ رابطے میں نہیں ہیں۔

  • سلیم شہزاد کے خلاف مقدمات کی فائلیں تلاش کر رہے ہیں، راؤ انوار

    سلیم شہزاد کے خلاف مقدمات کی فائلیں تلاش کر رہے ہیں، راؤ انوار

    کراچی : ایس ایس پی ملیر راؤ انوار نے کہا ہے کہ ایم کیو ایم کے سابق رہنما سلیم شہزاد کے خلاف این آراو مقدمات کی فائلیں تلاش کر رہے ہیں تاہم ابھی دہشت گردوں کے علاج معالجے میں سہولت کار بننے پر ڈاکٹر عاصم کیس میں حراست میں ہیں۔

    ایس ایس پی ملیر نے میڈیا سے بات کرتے ہوئے کہا کہ ایم کیو ایم کے بانی رکن سلیم شہزاد کے خلاف درج مقدمات کی فائلیں غائب کردی گئی ہیں جنہیں تلاش کیا جا رہا ہے اور جلد نہ صرف یہ کہ مقدمات کی فائلیں بازیاب کرالیں گے بلکہ فائلیں غائب کرنے والوں کو بھی گرفتار کیا جائے گا۔

    ایم کیو ایم کے مرکزی رہنما سلیم شہزاد کراچی ایئر پورٹ سے گرفتار 

    انہوں نے کہا کہ سلیم شہزاد کے این آراو کے تحت بند ہونے والے تمام مقدمات کھولےجائیں گے اور اب این آر او سےکوئی ملزم فائدہ نہیں اٹھاسکےگا کیوں کہ پہلے ہی سابق چیف جسٹس افتخارچوہدری نےمقدمات دوبارہ کھول دیئےتھے۔

    ایس ایس پی ملیر نے مزید کہا کہ این آر او سےفائدہ اٹھانے والے تمام افراد کی فائلیں ڈھونڈ رہے ہیں اور سلیم شہزاد سمیت کسی بھی ملزم کو این آر او کے پیچھے چھپنے کی اجازت نہیں دیں گے جب کہ سلیم شہزاد کو کل تفتیشی پولیس عدالت میں پیش کرےگی۔

    واضح رہے کہ ایم کیو ایم کے سابق مرکزی رہنما سلیم شہزاد دو دھائیوں پر مشتمل خود ساختہ جلا وطنی ختم کر کے نئے سیاسی سفر کی بنیاد رکھنے آج ہی وطن واپس لوٹے تھے تا ہم انہیں کراچی ایئر پورٹ سے حراست میں لے لیا گیا تھا۔

  • پاکستان زندہ باد، لندن سے تعلق ختم کرچکا: سلیم شہزاد کا بیان

    پاکستان زندہ باد، لندن سے تعلق ختم کرچکا: سلیم شہزاد کا بیان

    کراچی: ایم کیو ایم رہنما سلیم شہزاد نے اپنا ویڈیو بیان ریکارڈ کروا دیا۔ سلیم شہزاد کو آج صبح پاکستان پہنچنے پر کراچی ایئرپورٹ سے گرفتار کیا گیا تھا۔

    تفصیلات کے مطابق پولیس نے ایم کیو ایم رہنما سلیم شہزاد کا ویڈیو بیان ریکارڈ کر لیا۔ اپنے بیان میں سلیم شہزاد کا کہنا تھا کہ 22 اگست 2016 کو ایم کیو ایم لندن سے لاتعلقی کا اعلان کر چکا ہوں۔ پاکستان زندہ باد کا نعرہ لگایا تو میرا لندن سے تعلق ختم ہوگیا۔ میں محب الوطن لوگوں کے ساتھ ہوں۔

    سلیم شہزاد کا کہنا تھا کہ ڈاکٹر عاصم کیس میں میرا نام آیا ہے، وہ کلیئر کروانے پاکستان آیا ہوں۔ سابق گورنر سندھ ڈاکٹر عشرت العباد کے بارے میں انہوں نے کہا کہ وہ اچھے انسان ہیں۔

    اس سے قبل آج صبح جب سلیم شہزاد دبئی سے کراچی پہنچے تو انہیں ایئر پورٹ پر گرفتار کرلیا گیا۔ سلیم شہزاد کو امیگریشن کاؤنٹر پر پوچھ گچھ کے بعد حراست میں لیا گیا اور ان کا پاسپورٹ بھی ضبط کرلیا۔

    سلیم شہزاد کو گرفتار کرنے والے ایس ایس پی ملیر راؤ انوار کا کہنا ہے کہ سلیم شہزاد کو مختلف مقدمات میں گرفتارکیا گیا ہے۔ گرفتاری کے وقت سلیم شہزاد کے وکلا کی ٹیم کو بھی ایئرپورٹ پر طلب کرلیا گیا تھا۔

    ذرائع کا کہنا ہے کہ ایس ایس پی ملیرراؤ انوار سلیم شہزاد کو گرفتار کرکے اپنے ہمراہ لے گئے ہیں ، انہیں بکتربند گاڑی کے ذریعے سخت سیکیورٹی میں کراچی ایئرپورٹ سے لے جایا گیا۔

    دوسری جانب ایڈیشنل آئی جی مشتاق مہر کا کہنا ہے کہ سلیم شہزاد کے خلاف مختلف تھانوں میں 20 سے زائد مقدمات ہیں۔ ان کے خلاف ملک دشمنی، قتل، جلاؤ گھیراؤ اور فائرنگ کے مقدمات ہیں جو گلشن اقبال، اورنگی ٹاؤن، لانڈھی، بلدیہ اور سرجانی تھانوں میں درج ہیں۔

    واضح رہے کہ سلیم شہزاد سنہ 1992 میں ایم کیو ایم کے خلاف ہونے والے آپریشن کے بعد خود ساختہ جلا وطنی اختیار کرگئے تھے۔ گذشتہ سال 22 اگست کے واقعے کے بعد سلیم شزاد نے اپنی رائے کا اظہار کرتے ہوئے بانی ایم کیو ایم سے لاتعلقی کا اعلان کیا تھا۔

    ایم کیو ایم رہنما سلیم شہزاد دہشت گردوں کا علاج کروانے کے مقدمے میں اشتہاری تھے اور انسداد دہشت گردی کی عدالت نے سلیم شہزاد کی گرفتاری کے لیے وارنٹ جاری کیے تھے۔ سلیم شہزاد کا نام ایگزٹ کنٹرول لسٹ میں بھی شامل تھا۔

  • لندن میں مقیم ایم کیو ایم رہنما سلیم شہزاد نے وطن واپسی کا اعلان کردیا

    لندن میں مقیم ایم کیو ایم رہنما سلیم شہزاد نے وطن واپسی کا اعلان کردیا

    لندن: ایم کیو ایم کے سابق رہنما سلیم شہزاد نے وطن واپس آنے کا اعلان کرتے ہوئے کہا ہے کہ آئندہ 48 گھنٹوں میں اپنے ملک پہنچ جاؤں گا اور واپس آکر بتاؤں گا  کہ کس کے ساتھ کھڑا ہوں گا۔

    تفصیلات کے مطابق لندن میں مقیم ایم کیو ایم کے سابق رہنما سلیم شہزاد نے وطن واپسی کا اعلان کردیا، انہوں نے کہا کہ تیس سالوں سے سیاست سے تعلق رہا وطن واپس آکر فیصلہ کروں گا کہ کس کا ساتھ دوں۔

    انہوں نے کہا کہ کراچی کی سیاست کراچی میں ہو گی، ایم کیو ایم پاکستان کے سربراہ ڈاکٹر فاروق ستار کی قیادت پر مکمل اعتماد ہے، پاکستان واپسی کا اصل مقصد وطن کی خدمت کرنا ہے۔

    پڑھیں: ’’ سلیم شہزاد کا ندیم نصرت اور دیگر اراکین کو رابطہ کمیٹی سے نکالنے کا خیرمقدم ‘‘

    یاد رہے 22 اگست کی متنازعہ تقریر کے بعد سلیم شہزاد نے ڈاکٹر فاروق ستار کی قیادت پر اعتماد کا اظہار کیا تھا اور لندن رابطہ کمیٹی کی رکنیت خارج ہونے کے فیصلے پر ایم کیو ایم پاکستان کو شاندار الفاظ میں سراہا تھا۔

    مزید پڑھیں: ’’ سلیم شہزاد منظر عام پر آگئے، الطاف حسین سے لاتعلقی اور وطن واپسی کا اعلان ‘‘

    واضح رہے چار سال قبل پارٹی نظم و ضبط کی خلاف ورزی کرنے پر بانی ایم کیو ایم اور رابطہ کمیٹی نے سلیم شہزاد کی بطور رہنما رکنیت ختم کی تھی اور انہیں گھر بھیج دیا تھا۔

  • سلیم شہزاد منظر عام پر آگئے، الطاف حسین سے لاتعلقی اور وطن واپسی کا اعلان

    سلیم شہزاد منظر عام پر آگئے، الطاف حسین سے لاتعلقی اور وطن واپسی کا اعلان

    کراچی: ایم کیو ایم لندن رابطہ کمیٹی کے رکن سلیم شہزاد دو برس بعد منظر عام پر آگئے اور جلد پاکستان آنے کا اعلان کردیا، ان کا کہنا تھا کہ ساڑھے تین برس سے ایم کیو ایم کا حصہ نہیں، را فنڈنگ کرتی ہے ایم کیو ایم کو لیکن یہ نہیں پتا کہ رقم ماہانہ آتی ہے یا ہفتہ وار،جلد پاکستان واپس آرہا ہوں، معاملات حل ہوجائیں گے۔


    Heard about RAW funding to MQM: Saleem Shahzad by arynews

    را سے فنڈنگ کے معاملے پر آواز بلند نہیں کی، سلیم شہزاد


    Saleem Shahzad vows to support Sattar, MQM… by arynews

    اے آر وائی نیوز کے پروگرام آف دی ریکارڈ میں میزبان کاشف عباسی سے ٹیلی فونک گفتگو میں لندن سے بات کرتے ہوئے سلیم شہزاد کا کہنا تھا کہ سننے میں آتا تھا کہ بھارتی خفیہ ایجنسی را ایم کیو ایم کو بھاری فنڈنگ کررہی ہے، تاہم یہ نہیں پتا کہ رقم ہفتہ وار آتی تھی یا ماہانہ بنیاد پر، سلیم شہزاد نے کہا کہ ایم کیو ایم میں اب کرپٹ اور دہشت گرد عناصرکی ضرورت نہیں، جرائم پیشہ عناصر سے کہتا ہوں کہ وہ ایم کیو ایم چھوڑ دیں۔

    الطاف حسین نے اپنی تقریر سے  سب کچھ ختم کردیا

    انہوں نے کہا کہ الطاف حسین نے اپنی تقریر کے ذریعے سب کچھ ختم کردیا،پاکستان مخالف بات کردیں تو باقی کیا رہ گیا، ہمیں مرنا جینا پاکستان میں ہے اور یہیں رہنا ہے، پہلے دن بھی پاکستان زندہ باد کا نعرہ لگایا اور آج بھی لگاتا ہوں، کرپشن کی نشاندہی کرنے پر رکن رابطہ کمیٹی سے آگے نہ بڑھ سکا۔

    جلد پاکستان آرہا ہوں، کئی معامالات حل ہوجائیں گے

    سلیم شہزاد نے کہا کہ فاروق ستار کچھ دنوں میں معاملات اپنے کنٹرول میں کرلیں گے اور فاروق ستار کے ہاتھ میں تمام معاملات ہوں گے۔الطاف حسین کے متعلق کنفیوژن کچھ دنوں میں دور ہوجائے گی، میں جلد پاکستان آرہا ہوں، کئی معامالات حل ہوجائیں گے، فاروق ستار اور میری ترجیح ہے کہ کراچی کے امن کو برقرار رکھا جائے، بانی ایم کیو ایم غدار ہیں اس کا جواب جلد مل جائے گا۔

    متحدہ میں دہشت گردوں کی ضرورت نہیں، سلیم شہزاد

    سلیم شہزاد نے کہا کہ ایم کیو ایم میں اب کرپٹ اور دہشت گرد عناصرکی ضرورت نہیں، جرائم پیشہ عناصر سے کہتا ہوں کہ وہ ایم کیو ایم چھوڑ دیں۔