ARYNews.tv | Urdu – Har Lamha Bakhabar

Tag: سمندری طوفان شاہین

  • عمان میں سمندری طوفان شاہین نے تباہی مچا دی، 11 جاں بحق

    عمان میں سمندری طوفان شاہین نے تباہی مچا دی، 11 جاں بحق

    مسقط: سلطنت عمان میں سمندری طوفان شاہین نے تباہی مچا دی ہے، بارشوں کی وجہ سے حادثات میں‌ 11 افراد جاں‌ بحق ہو گئے۔

    تفصیلات کے مطابق عمان میں بارشیں، سیلابی صورت حال، لینڈ سلائیڈنگ اور دیگر حادثات میں اب تک گیارہ افراد جاں بحق ہو چکے ہیں، سلطنت میں ٹریفک کا نظام درہم برہم ہو گیا ہے۔

    طوفانی ہواؤں اور خراب موسم کے باعث فلائٹ آپریشن بھی معطل کر دیا گیا، وزارت تعلیم نے پیر کو عام تعطیل کا اعلان کر کے اسکولوں کو تین دن کے لیے بند کر دیا ہے۔

    یو اے ای میں بھی طوفان شاہین سے نمٹنے کی تیاریاں کی جا رہی ہیں، حکام نے الرٹ جاری کر دیا۔

    دوسری طرف سلطنت عمان نے کہا ہے کہ سمندری طوفان شاہین کا خطرہ ٹل چکا ہے، تاہم متعدد افراد لا پتا ہیں، محکمہ موسمیات کا کہنا تھا کہ الرسیل علاقے میں لینڈ سلائیڈنگ کے باعث پہاڑ کا ملبہ لیبر کیمپ پر گرا، جس کے باعث دو افراد موقع پر جاں بحق ہوئے۔

    عمانی محکمہ موسمیات کا کہنا ہے کہ طوفان کی خطرناکی ٹل چکی ہے تاہم مابعد اثرات کے طور پر متعدد علاقوں میں تیز بارش کا سلسلہ جاری رہے گا۔

  • عمان میں تباہی مچانے کے بعد ‘سمندری طوفان شاہین’ کا زور ٹوٹ گیا

    عمان میں تباہی مچانے کے بعد ‘سمندری طوفان شاہین’ کا زور ٹوٹ گیا

    عمان :‌ عمان میں تباہی مچانے کے بعد طوفان شاہین کا زور ٹوٹ گیا، تاہم محکمہ موسمیات نے سو سے دو سو ملی میٹر بارش کی پیش گوئی کردی ہے۔

    تفصیلات کے مطابق عمان میں سمندری طوفان شاہین کی وجہ سے شدید بارشیں اور سیلاب نے تباہی مچادی ، مختلف حادثات کے نتیجے میں نو افراد جاں بحق ہوگئے ، مسقط اور ساحلی علاقوں میں ایک سو بیس سے ایک پچاس کلومیٹر فی گھنٹا کی رفتار سے ہوائیں چلیں۔

    عمان میں آج بھی عام تعطیل ہے جبکہ دارلحکومت مسقط سے تمام پروازیں منسوخ کر دی گئیں ہیں، طوفان کے باعث ایران میں چاہ بہا بندرگاہ پر چھ افراد ہلاک ہو گئے، سڑکیں پانی میں ڈوب گئیں جبکہ مواصلاتی نظام درھم برھم ہوگیا اور بنیادی ڈھانچے کو نقصان پہنچا۔

    عمان میں تباہی مچانے کے بعد طوفان شاہین کا زور ٹوٹ گیا ہے تاہم محکمہ موسمیات نے سو سے دو سو ملی میٹر بارش کی پیش گوئی کردی۔

    دوسری جانب عمان کی قومی کمیٹی برائے ایمرجنسی مینجمنٹ کا کہنا تھا کہ مسقط صوبے کے روسیل انڈسٹریل ایریا میں ایک گھر پر لینڈسلائیڈنگ کے بعد امدادی ٹیموں نے وہاں سے دو آدمیوں کی لاشیں نکالیں، اس ہی صوبے میں فلیش فلڈ کے نتیجے میں ایک بچہ ہلاک ہوا جبکہ ایک شخص لاپتہ ہے۔

    ایئرپورٹ حکام کے مطابق مسقط سے آنے اور جانے والی کچھ پروازوں کو معطل کردیا گیا تھا تاکہ خطرات سے بچا جاسکے۔

    خیال رہے خلیج میں مہلک طوفان وقتاً فوقاً آتے رہتے ہیں۔ مئی 2018 میں سمندری طوفان میکونو نے جنوبی عمان اور یمنی جزیرے سکوترا میں تباہی مچائی تھی، جس کے نتیجے میں کم از کم 11 افراد ہلاک ہوئے تھے۔

  • بحیرہ عرب موجود سمندری طوفان ‘شاہین’ کراچی کی ساحلی پٹی سے دور ہوگیا

    بحیرہ عرب موجود سمندری طوفان ‘شاہین’ کراچی کی ساحلی پٹی سے دور ہوگیا

    کراچی : محکمہ موسمیات کا کہنا ہے کہ بحیرہ عرب موجود سمندری طوفان ‘شاہین’ کراچی کی ساحلی پٹی سے دور ہوگیا ہے اور 6 گھنٹے میں شدید ترین ہوجائے گا۔

    تفصیلات کے مطابق محکمہ موسمیات کی جانب سے طوفان شاہین کا ساتواں الرٹ جاری ہے ، جس میں کہا گیا ہے کہ بحیرہ عرب کےجنوب اور شمال جنوب میں موجود طوفان 6 گھنٹے میں شدید ترین ہوجائے گا، طوفان شاہین اس وقت 10کلو میٹر فی گھنٹہ کی رفتار سے آگے بڑھ رہا ہے۔

    محکمہ موسمیات کا کہنا تھا کہ طوفان شاہین کراچی کی ساحلی پٹی سے دور ہوگیا ہے ، طوفان کراچی کے جنوب مغرب میں 470 کلومیٹر
    ، ماڑا  سے  طوفان 250 اور گودار کے جنوب مشرق سے 125 کلو میٹر دور ہے۔

    الرٹ میں کہا گیا کہ بحیرہ عرب میں شاہین کے گرد 120 سے 110کلو میٹر فی گھنٹہ کی رفتار سے ہوائیں چل رہی ہیں ، شام تک طوفان شاہین کی سمت جنوب اور جنوب مغرب رہے گی۔

    محکمہ موسمیات نے سمندر میں طغیانی کے باعث ماہی گیروں کو کھلے سمندر میں نہ جانے کی ہدایت کی اور کہا طوفان کے باعث گوادر، لسبیلہ، اور بلوچستان کے کچھ علاقوں میں کل گرج چمک کے ساتھ بارش کا امکان ہے۔

    الرٹ کے مطابق طوفان شاہین کے آج شام اومان کے ساحل مسقط سے ٹکرانے کا امکان ہے۔

  • کراچی: سمندری طوفان کا رخ مسقط کے ساحل کی طرف ہو گیا

    کراچی: سمندری طوفان کا رخ مسقط کے ساحل کی طرف ہو گیا

    کراچی: بحیرۂ عرب میں بننے والے سمندری طوفان کا رخ مسقط کے ساحل کی طرف ہوگیا۔

    تفصیلات کے مطابق کراچی میں طوفانی بارشوں اور اربن فلڈنگ کا خطرہ ٹل گیا ہے، محکمہ موسمیات کا کہنا ہے کہ کراچی میں پہلے کی پیش گوئی کے مطابق طوفانی بارشوں اور ہواؤں کے امکان میں کمی آ گئی ہے، کیوں کہ سمندری طوفان شاہین کا رُخ مسقط کے ساحل کی طرف ہو گیا ہے۔

    اس سلسلے میں یو ایس جوائنٹ ٹائیفون وارننگ سینٹر پرل ہاربر نے طوفان کی تازہ صورت حال جاری کی ہے، جی ایف ایس کے مطابق سمندری طوفان کراچی سے دور ہو رہا ہے۔ واضح رہے کہ جی ایف ایس سسٹم کو بین الاقوامی طور پر مستند مانا جاتا ہے۔

    سمندری طوفان ‘ شاہین’ کراچی سے چند سو کلومیٹر دور ، الرٹ جاری

    اس سسٹم کے مطابق طوفانی بارش کا امکان بلوچستان کی ساحلی پٹی پر ہو سکتا ہے، محکمہ موسمیات کی پیش گوئی کے مطابق شہر میں بوندا باندی کا سلسلہ جاری رہے گا۔

    کراچی میں آج ہوا میں نمی کا تناسب 94 فی صد، جب کہ درجۂ حرارت 26 ڈگری سینٹی گریڈ ریکارڈ کیا گیا، شمال مشرق سے 26 کلو میٹر فی گھنٹہ کی رفتار سے ہوائیں چل رہی ہیں۔