کراچی: خلیج بنگال میں ہوا کا کم دباؤ سمندری طوفان کی شکل اختیار کر گیا ہے، محکمہ موسمیات نے خبردار کیا ہے کہ بحیرۂ عرب میں ہوا کا کم دباؤ بنا تو کراچی براہِ راست متاثر ہوگا۔
تفصیلات کے مطابق محکمہ موسمیات کا کہنا ہے کہ خلیج بنگال میں ہوا کا دباؤ کم ہو گیا ہے جس کے باعث سمندر میں طوفان بن گیا ہے، تاہم کراچی میں ہیٹ ویو کا اس طوفان سے کوئی تعلق نہیں ہے۔
ڈائریکٹر محکمہ موسمیات کا کہنا تھا کہ سمندری طوفان بھارتی شہر چنائے کے قریب پہنچ کر شمال مشرق کی طرف جائے گا۔
انھوں نے کہا کہ طوفان بھارت کی ساحلی پٹی پر تیز بارش کی صورت میں اثر انداز ہوگا، یہ طوفان پاکستان سے بہت دور ہے اور اس کے اثرات نہ ہونے کے برابر ہیں۔
ڈائریکٹر محکمہ موسمیات سردار سرفراز کا کہنا تھا کہ بحیرۂ عرب میں ہوا کا کم دباؤ بنا تو کراچی براہ راست متاثر ہوگا، جب کہ مئی اور جون میں مزید ہیٹ ویو کا امکان ہے۔
دریں اثنا، کراچی میں ممکنہ ہیٹ ویو کے پیش نظر پی ایم ڈی سی نے صوبائی محکموں کو خطوط لکھ کر کہا ہے کہ یکم سے 3 مئی تک کراچی میں ہیٹ ویو کی پیش گوئی ہے، تمام متعلقہ محکمے گرمی سے بچاؤ کے لیے احتیاطی تدابیر کریں۔
پی ایم ڈی سی کی جانب سے جن محکموں کو خطوط لکھے گئے ہیں ان میں سیکریٹری صحت، سیکریٹری اطلاعات، کمشنر کراچی، اور ڈی سیز شامل ہیں۔
ریاض : سعودی عرب کے بادشاہ شاہ سلمان بن عبد العزیز ریلیف مرکز نے یمن میں سمندری طوفان سے متاثرہ افراد کے لیے 15 ٹن وزنی امدادی سامان کو فراہم کردیا۔
تفصیلات کے مطابق سعودی عرب کے بادشاہ شاہ سلمان بن عبد العزیز کے امدادی مرکز کی جانب سے یمن میں سائیکلون کی زد میں آنے والے شہریوں کے لیے کئی ٹن خوراک اور امدادی سامان متاثرین میں تقسیم کردیا۔
سعودی حکام نے یمن بھیجے گئے امدادی سامان کے حوالے سے میڈیا سے گفتگو کرتے ہوئے کہا کہ ال ماہرہ پہچنے والے امدادی سامان میں کھانے کی اشیاء کمبل، ٹینٹ اور دیگر سامان شامل ہے۔
عرب میڈیا کا کہنا ہے کہ لوبان نامی سمندری طوفان کے باعث ساحلی علاقوں پر بسنے والے یمنی شہریوں بڑی تعداد میں متاثر ہوئے ہیں جبکہ لوبان نے الگیدا سٹی کو سب سے زیادہ متاثر کیا ہے۔
عرب خبر رساں ادارے کا کہنا تھا کہ سمندری طوفان لوبان نے شہر کا نظام زندگی درہم برہم کردیا ہے۔
خیال رہے کہ شاہ سلمان بن عبدالعزیز ریلیف مرکز سنہ 2015 میں قائم کیا گیا تھا جو دنیا بھر کے 42 ممالک میں 469 مختلف منصوبوں پر کام کررہا ہے۔
عرب میڈیا کا کہنا ہے کہ شاہ سلمان امدادی مرکز نے یمن جنگ میں استعمال ہونے والے 241 حوثی بچوں کو بحالی کے لیے کام کررہے ہیں جنہیں ایران نواز حوثی جنگجوؤں نے یمن کی آئینی حکومت کے لیے خلاف مسلح کیا تھا۔
یمن میں امدادی آپریشن میں مصروف عمل شاہ سلمان ریلیف مرکز کی طرف سے المھرۃ گورنری کے علاقوں سیحوت اور نشطون کے گیارہ ہزار شہریوں میں کھجوریں تقسیم کی گئیں۔
عرب میڈیا کے مطابق شاہ سلمان ریلیف مرکز کی طرف سے المھرۃ کے شہریوں میں کھجوروں کے 900 کارٹن تقسیم کیے گئے جن سے 10 ہزار 800 افراد مستفید ہوں گے۔
واشنگٹن : امریکی ریاست فلوریڈا میں تباہی مچانے سمندری طوفان مائیکل نے فلوریڈا اور الاباما سمیت طوفان سے متاثرہ دیگر علاقوں میں بھی 10 لاکھ گھروں کو بجلی سے محروم کردیا،طوفانی ہواؤں نے 30 ٹن وزنی ٹرین کو بھی کھلونے کی طرح توڑ دیا۔
تفصیلات کے مطابق امریکی ریاست فلوریڈا 2 اکتوبر کو آنے والے خطرناک سمندری طوفان مائیکل کے ساحلی علاقے سے ٹکرانے کے بعد متاثرہ علاقے کا نقشہ بدل گیا ہے، مائیکل نامی طوفان کے بارے میں کہا جارہا ہے کہ ’یہ تمام بم دھماکوں کی ماں ہے‘۔
غیر ملکی خبر رساں ادارے کا کہنا تھا کہ مائیکل نامی ہولناک سمندری طوفان بدھ کے روز ریاست کی شمال مغڑبی پٹی سے 250 کلومیٹر فی گھنٹہ کی رفتار سے چلنے والی ہواؤں کے ساتھ ٹکرایا تھا۔
برطانوی نشریاتی ادارے کا کہنا تھا کہ ہورکین ’مائیکل‘ امریکی تاریخ میں آنے والا اب تک کا تیسرا شدید ترین سمندری طوفان ہے جس نے 16 افراد کو لقمہ اجل بنایا جبکہ طوفان کے باعث اموات میں اضافے کا خدشہ ظاہر کیا جارہا ہے۔
امریکی تاریخ کے بدترین طوفان مائیکل نے میکسیکو کے ساحلی شہر پیر کو تہس نہس کردیا
ایمرجنسی صورتحال میں خدمات انجام دینے والے ادارے کے ترجمان کا کہنا تھا کہ ریسکیو ٹیمیں طوفان کی زد میں آکر سب سے زیادہ متاثر ہونے والے علاقوں میں اب تک نہیں پہنچ سکے ہیں۔
غیر ملکی خبر رساں ادارے کے مطابق سمندری طوفان سے متاثر ہونے والے میکیسکو کے ساحلی علاقے سے اموات کی اطلاعات موصول نہیں ہوئیں ہیں تاہم ایمرجنسی خدمات انجام دینے والی ٹیمیں متاثرہ علاقے میں ریسکیو آپریشن جاری رکھے ہوئے ہیں۔
امریکی میڈیا کا کہنا ہے کہ مائیکل نامی سمندری طوفان نے ریاست فلوریڈا، الاباما، جارجیا، ورجینیا اور کیرولینا میں 10 لاکھ گھروں کو بجلی کی فراہمی سے محروم کردیا ہے۔
خوفناک طوفان ’مائیکل‘ کی زد میں آکر تباہ ہونے والا میکسیکو کا ساحلی علاقہ
برطانوی خبر رساں ادارے کا کہنا تھا کہ ہورکین ’مائیکل‘ کی کڑکڑاتی ہواؤں اور پانی کی دیوار نے ساحل کنارے تعمیر گھروں کو بنیاد سے اکھاڑ دیا، ساحل پر موجود کشتیوں کو درمیان سے توڑا اور 30 ٹن وزنی ٹرین کو کھلونے کی مانند اٹھا کر زمین پر پٹخک دیا۔
مائیکل نامی سمندری طوفان سے متاثرہ 30 ٹن وزنی ٹرین
مقامی میڈیا کے مطابق امریکا کی معروف انشورنس ادارے ’کیرین کلارک اینڈ کمپنی‘ کا کہنا ہے کہ سمندری طوفان ’مائیکل‘ نے 8 ارب ڈالرز کے نقصانات کیے ہیں۔
ہوریکین کی درجہ بندی
اب ہم آتے ہیں ہورکین کی درجہ بندی کی طرف جس سے آپ کو علم ہوگا کہ کون سا درجہ کتنا شدید ہے۔
درجہ 1: کیٹگری 1 کے ہورکین میں ہوا کی رفتار 119 سے 153 کلومیٹر فی گھنٹہ ہوتی ہے۔ یاد رہے کہ جب ہوا کی رفتار 119 کلومیٹر فی گھنٹہ سے تجاوز کر جائے تو یہ طوفان کہیں ٹائی فون اور
کہیں ہورکین کا سبب بنتا ہے۔
یہ کچھ حد تک نقصان پہنچاتا ہے جبکہ بجلی کی فراہمی میں تعطل کا سبب بنتا ہے۔
درجہ 2: اس درجے میں ہوا کی رفتار 154 سے 177 کلو میٹر فی گھنٹہ ہوتی ہے اور یہ شدید نقصان کا سبب بنتا ہے۔
درجہ 3: ہوا کی رفتار 178 سے 208 کلو میٹر فی گھنٹہ ہوتی ہے جو پختہ تعمیر کیے گئے مکانات کو بھی نقصان پہنچاتی ہے۔
درجہ 4: ہوا کی رفتار 209 سے 251 کلومیٹر فی گھنٹہ جو زمین میں مضبوطی سے گڑے درختوں کو جڑ سے اکھاڑ پھینکتی ہے۔
درجہ 5: ہوا کی رفتار 252 کلو میٹر فی گھنٹہ یا اس سے زائد، یہ طوفان کی شدید ترین قسم ہے جو عمارتوں کو تباہ کردیتی ہے اور اس کے آخر میں تباہی و بربادی کے سوا کچھ نہیں بچتا۔
واشنگٹن : امریکی ریاست فلوریڈا سے خطرناک طوفان آج ٹکرائے گا، امریکی حکام نے ہوریکین مائیکل کے خطرے کے پیش نظر ریاست میں ایمرجنسی نافذ کرتے ہوئے شہریوں کو محفوظ ماقات پر منتقل ہونے کا حکم دے دیا۔
تفصیلات کے مطابق امریکی ریاست کیرولینا کے بعد ریاست فلوریڈا کو بھی خوفناک سمندری طوفان نے گہرے میں لے لیا، محکمہ موسمیات کا کہنا ہے کہ آگ فلوریڈا سے ٹکرانے والا سمندر طوفان ہوریکین مائیکل مزید شدت اختیار کرگیا ہے۔
امریکی خبر رساں ادارے کا کہنا ہے کہ خطرناک سمندری طوفان ہوریکین مائیکل کے باعث ریاست میں 130 کلومیٹر فی گھنٹہ کی رفتار سے ہوائیں چلنا شروع ہوگئی اور طوفان کسی وقت شہر سے ٹکرا جائے گا۔
امریکی حکام کی جانب سے شہریوں کو وارننگ جاری محفوظ مقامات پر منتقل ہونےکی ہدایات جاری کردی گئی جس کے بعد 3 لاکھ 70 ہزار سے زائد افراد محفوظ مقام کی جانب منتقل ہورہے ہیں۔
امریکی خبر رساں اداروں کا کہنا ہے کہ سیلاب اور طوفانی بارشوں کے نتیجے میں وسطی امریکا میں 13 افراد ہلاک ہوچکے ہیں۔
امریکی حکام نے خطرناک سمندری طوفان کے پیش نظر فلوریڈا میں جارجیا اور الاباما کی طرح ایمرجنسی نافذ کردی ہے۔ محکمہ موسمیات کا کہنا ہے کہ مستقبل قریب میں فلوریڈا سے ٹکرانے والا طوفان مائیکل کیٹیگری 4 میں تبدیل ہوگیا ہے جو انتہائی خطرناک ہے۔
امریکی میڈیا کا کہنا کہ مائیکل کے باعث ریاست میں شدید تباہی اور انسانی جانوں کو خطرات لاحق ہوگئے ہیں۔
خیال رہے کہ گذشتہ ماہ امریکی ریاست شمالی کیرولینا کے سمندر سے اٹھنے والے خطرناک طوفان ’فلورنس‘ امریکا کے مشرقی ساحل پر اپنی تباہ کاریوں کا آغاز کرتے ہوئے شیرخواربچے سمیت 14 افراد کو ہلاک کیا تھا۔ طوفان اور بارش کے باعث ہزاروں گھر اور گلیوں میں پانی بھر گیا تھا جبکہ متاثرہ علاقے کے شہری بجلی سے بھی محروم ہوگئے تھے۔
کرا چی : کراچی میں طوفان کا خطرہ ٹل گیا، ڈائریکٹر میٹ عبدالرشید کا کہنا ہے کہ بحیرہ عرب اور خلیج بنگال میں اٹھنے والے طوفان نے اومان کا رخ کرلیا ہے، کراچی کو کوئی خطرہ نہیں۔
تفصیلات کے مطابق محمکہ موسمیات نے واضح کیا کہ کراچی طوفان سےبچ گیا، سمندری طوفان نے رخ موڑ لیا، کراچی کو اب سمندری طوفان کا خدشہ نہیں۔
ڈائریکٹر میٹ عبدالرشید کا کہنا ہے کہ بحیرہ عرب اورخلیج بنگال سےاٹھنے والاطوفان کا رخ تبدیل ہوگیا ہے ، اب پاکستان کے ساحلی علاقوں سے نہیں ٹکرائے گا۔
ان کا کہنا تھا کہ بحرہ عرب میں سمندری طوفان لوبان کل تک بنے گا اور طوفان کا رخ شمال مغرب کی جانب ہوگا، طوفان عمان کے ساحلی علاقوں سے ٹکرا سکتا ہے۔
دوسری جانب محکمہ موسمیات نے خبردار کیا کہ کراچی میں سمندری ہوائیں آج بھی بند رہیں گی ،درجہ حرارت اڑتیس سے انتالیس ڈگری سینٹی گریڈ رہنے کا امکان ہے، دن بھر ہوا پانچ سے سات کلومیٹر کی رفتار سے چلے گی۔
سمندری ہواؤں کے رخ میں تبدیلی کے باعث شمال مغرب سے چلنے والی گرم اور خشک ہوائیں گرمی میں اضافے کا سبب بنیں گی۔
منگل سے سمندری ہوائیں معمول کے مطابق چلیں گی، جس سے گرمی کی شدت میں کمی آنے کا امکان ہے۔
یاد رہے 3 روز قبل ڈی جی میٹ غلام رسول کا نے سمندری طوفان کی پیشگوئی کرتے ہوئے کہا تھا خلیج بنگال اور بحیرہ عرب میں ہوا کا کم دباؤ بننا شروع ہوگیا جو سمندری طوفان میں تبدیل ہوسکتا ہے،8 اکتوبر تک صورتحال واضح ہو جائے گی۔
محکمہ موسمیات نے تمام صورتحال پرنظر رکھی ہوئی ہے، کسی بھی ممکنہ خطرے سے پہلے آگاہ کردیا جائے گا۔
کراچی : محکمہ موسمیات نے کراچی میں گرمی کی شدت میں اضافے کی پیشگوئی کی ہے، درجہ حرارت 38 سے 40 ڈگری تک پہنچ سکتا ہے۔
تفصیلات کے مطابق کراچی میں آج گرمی کی شدت برقرار رہے گی اور دن کے وقت درجہ حرارت 38 سے 40 ڈگری سینٹی گریڈ کے درمیان رہنے کا امکان ہے۔
محکمہ موسمیات نے شمال مغرب سے گرم، خشک ہواؤں کے باعث گرمی میں اضافے کی پیشگوئی کی ہے جبکہ شہر میں ہوا میں نمی کا تناسب زیادہ ہے۔
محکمہ موسمیات کا کہنا ہے کہ خلیج بنگال، بحیرہ عرب میں ہوا کا کم دباؤموجود ہے، ہوا کے کم دباؤ کے باعث آئندہ ہفتے سمندری طوفان کا بھی خدشہ ہے۔
محکمہ موسمیات کے مطابق آئندہ ہفتے تک ہوا کا کم دباؤ سمندری طوفان میں بدل سکتا ہے۔
دوسری جانب طبی ماہرین نے شہریوں کو دھوپ میں باہر نکلنے سے گریز کرنے کا مشورہ دیتے ہوئے کہا کہ اگرباہرجانا بھی پڑے تو چھتری استعمال کریں اور سر پر گیلا کپڑا رکھیں۔
یاد رہے کہ گزشتہ روز کراچی کا درجہ حرارت 38 ڈگری سینٹی گریڈ ریکارڈ کیا گیا اور ہوا میں نمی کا تناسب 11 فیصد رہا۔
محکمہ موسمیات کے مطابق دن ایک بجے کراچی کا درجہ حرارت 38.4 ڈگری سینٹی گریڈ ریکارڈ کیا گیا ہے اور ہوا میں نمی کا تناسب 11 فیصد رہا۔
ٹوکیو: جاپان میں ٹرامی کے بعد اب کونگ رے نامی سمندری طوفان کا خطرہ ہے، جس کے باعث سیکڑوں پروازیں منسوخ کر دی گئیں۔
تفصیلات کے مطابق گذشتہ دنوں ٹرامی نامی سمندری طوفان نے جاپان میں نظام زندگی درہم برہم کردی تھی، جبکہ اب ایک اور سمندری طوفان کے خطرات ہیں۔
غیر ملکی خبر رساں ادارے کے مطابق کونگ رے نامی طوفان کے ہمراہ تیز رفتار جھکڑ اور زور دار لہریں ساحلی علاقوں سے ٹکرائیں گی، شہروں کو محتاط رہنے کی بھی ہدایت کی گئی ہے۔
جاپانی محکمہ موسمیات کا کہنا ہے کہ اس سمندری طوفان کے دوران 200 ملی لٹرز تک بارش ہونے کے امکانات ہیں، جبکہ 150 کلو میٹر تک ساحلی پٹی طوفان کے زد میں آئے گی۔
گذشتہ دنوں جاپان میں ٹرامی نامی طاقتور سمندی طوفان کی وجہ سے کم از کم ايک ہزار پروازيں منسوخ ہوئی تھیں، طوفان کے باعث ٹرین سروس بھی بری طرح متاثر ہوئی تھی، جبکہ مختلف علاقوں میں لوگوں کے زخمی ہونے کی بھی اطلاعات آئی تھیں۔
خیال رہے کہ گذشتہ ہفتے ہی جاپان میں ’ٹائیفون جیبی‘ نامی سمندری طوفان اور تیز ہواؤں کے باعث مختلف حادثات میں 10 افراد ہلاک جبکہ 300 سے زائد زخمی ہوگئے تھے۔
یاد رہے کہ رواں برس جولائی میں جاپان میں طوفانی بارشوں اور سیلاب کے باعث مختلف حادثات میں مرنے والے افراد کی تعداد 200 سے زائد ہوچکی ہے، جبکہ اس قدرتی آفت کے باعث لاکھوں لوگ بےگھر بھی ہوئے۔
ٹوکیو: جاپان میں آنے والے سمندری طوفان نے تباہی مچادی جس کے باعث کئی پروازیں منسوخ ہوگئیں اور نظام زندگی بھی درہم برہم ہے۔
تفصیلات کے مطابق ’ٹرامی‘ نامی سمندری طوفان نے جاپان کے جنوبی حصوں میں تباہی مچانے کے بعد اب جاپانی ساحلوں تک پہنچ چکا ہے، طوفان نے معمولات زندگی مفلوج کردیا۔
غیر ملکی خبر رساں ادارے کے مطابق طاقتور سمندی طوفان کی وجہ سے کم از کم ايک ہزار پروازيں منسوخ ہو چکی ہيں جبکہ طوفانی ہواؤں کا سلسلہ پير تک جاری رہے گا۔
خبر رساں ادارے کا کہنا ہے کہ طوفان کے باعث ٹرین سروس بھی بری طرح متاثر ہوئی، جبکہ مختلف علاقوں میں لوگوں کے زخمی ہونے کی بھی اطلاعات ہیں۔
حکام کے مطابق لوگوں کو ریسکیو کرنے اور ہر ممکن سہولیات فراہم کرنے کے لیے بھرپور اقدامات کیے جارہے ہیں، اور لوگوں کو محفوظ مقامات پر منتقل کرنے کے بھی احکامات جاری کیے دیے ہیں۔
خیال رہے کہ گذشتہ ہفتے ہی جاپان میں ’ٹائیفون جیبی‘ نامی سمندری طوفان اور تیز ہواؤں کے باعث مختلف حادثات میں 10 افراد ہلاک جبکہ 300 سے زائد زخمی ہوگئے تھے۔
یاد رہے کہ رواں برس جولائی میں جاپان میں طوفانی بارشوں اور سیلاب کے باعث مختلف حادثات میں مرنے والے افراد کی تعداد 200 سے زائد ہوچکی ہے، جبکہ اس قدرتی آفت کے باعث لاکھوں لوگ بےگھر بھی ہوئے۔
ہانگ کانگ : مینگ کھٹ نامی خطرناک سمندری طوفان نے ہانگ کانگ سمیت جنوبی چین میں تباہی مچادی، طوفان کے باعث دو افراد ہلاک جبکہ سیکڑوں زخمی ہوگئے۔
تفصیلات کے مطابق خطرناک سمندری طوفان ’مینگ کھٹ‘ فلپائن میں تباہی مچانے کے بعد چینی شہر ہانگ کانگ پہنچ چکا ہے۔ سال کے سب سے خطرناک سمندری طوفان نے فلپائن میں 64 افراد کو لقمہ اجل بنایا ہے۔
ہانگ کانگ میں اتوار کے روز علی الصبح تیز ہواؤں کے ساتھ شدید بارش اور آندھی کا سلسلہ شروع ہوگیا تھا جس کے باعث سیکڑوں مکانات کی چھتیں آڑ گئیں اور لوگوں کی املاک کو بھی شدید نقصان پہنچا ہے، اس وقت ہانگ کانگ میں 173 کلو میٹر فی گھنٹہ کی رفتار سے ہوائیں چل رہی ہیں۔
امریکی خبر رساں ادارے کا کہنا ہے کہ طوفان کے باعث ہانگ کانگ میں بھی موسلا دھار بارشوں اور 223 کلومیٹر فی گھنٹہ کی رفتار سے آنے والے طوفانی جھکڑوں سے نمٹنے کے لیے چینی حکام کی جانب سے حفاظتی انتظامات اور متاثرہ افراد کو ریسکیو کرنے کا سلسلہ جاری ہے۔
غیر ملکی خبر رساں ادارے کا کہنا ہے طوفان کے باعث 550 سے زائد پروازیں منسوخ اور 200 سے زائد تاخیر کا شکار ہوئی ہیں جب کہ پبلک ٹرانسپورٹ مکمل طور پر بند ہے۔
غیر ملکی خبر رساں ادارے کا کہنا ہے کہ جنوبی چین سے تقریباً 30 لاکھ افراد اپنے گھروں کو چھوڑ کر محفوظ مقامات پر منتقل ہوچکے ہیں۔
امریکی میڈیا کا کہنا ہے تیز ہواؤں بارشوں اور طوفان کے نتیجے میں چین کے صوبے گونگ ڈانگ میں لینڈ سلائیڈنگ کے باعث 4 افراد ہلاک ہوئے ہیں۔
فلپائنی حکام کا کہنا ہے کہ طوفان کے باعث فلپائن میں 64 افراد ہلاک ہوئے ہیں ہلاک ہونے والے افراد میں 2 بچے بھی شامل ہیں۔
غیر ملکی خبر رساں ادارے کا کہنا ہے کہ طوفان کے باعث ہلاک ہونے والے افراد میں زیادہ تر لینڈ سلائیڈنگ کے باعث ہلاک ہوئے ہیں جبکہ 13 تاحال لاپتہ ہیں۔
فلپائنی حکام کا کہنا ہے کہ سلائیڈنگ طوفان کے بعد شروع ہوئی جب لوگ اپنے گھروں کو واپس آرہے تھے، حکام کے مطابق طوفان کے نتیجے میں 57 لاکھ افراد متاثر ہوئے ہیں۔
اس سے قبل گزشتہ سال سپر ٹائیفون ہیٹو نے ہانگ کانگ میں تباہی مچائی تھی۔
واشنگٹن : خطرناک سمندری طوفان فلورنس 150 کلومیٹر فی گھنٹہ کی رفتار سے کیرولینا میں پھیلانا شروع ہوگیا، طوفان اور بارش کے باعث شڑکیں اور گھر زیر آب آچکے ہیں۔
تفصیلات کے مطابق امریکا کے مشرقی ساحل کی سے خطرناک سمندری طوفان فلورنس ٹکرا چکا ہے، طوفان اور بارش کے باعث ہزاروں گھر اور گلیاں پانی سے بھر چکی ہے جبکہ بجلی بھی منقطع ہے۔
خطرناک سمندری طوفان فلورنس کے پیش نظر حکام نے علاقے سے لاکھوں لوگوں کو دوسری جگہ منتقل کردیا تھا۔
امریکی میڈیا کا کہنا ہے کہ سمندری طوفان مشرقی ساحل سے ٹکرا چکا ہے اور 150 کلومیٹر فی گھنٹہ کی رفتار سے زمین کی جانب بڑھ رہا ہے۔
The canopy of this BP gas station in Topsail Beach, North Carolina, collapsed overnight as strong winds from Hurricane Florence moved through. The storm continues to pound the Carolina coast with heavy wind and torrential rain.
غیر ملکی خبر رساں ادارے کا کہنا ہے کہ سمندری طوفان جنوبی اور شمالی کیرولینا کی جانب سے بڑھنے والے طوفان کی شدت میں کمی آگئی ہے لیکن اس کے باوجود فلورنس لاکھوں لوگوں کو موت کے گھاٹ اتارنے کی قوت رکھتا ہے۔
امریکی انشورنس کمپنیاں فلورنس سے ہونے والی تباہی کے باعث 27 ارب ڈالر کے نقصانات کا خدشہ ظاہر کررہی ہیں، شمالی کیرولینا کی ساحلی پٹی پر 8 ارب ڈالر سے زائد کے مکانات موجود ہیں جو طوفان کے نتیجے میں تباہ ہوسکتے ہیں۔
امریکی میڈیا کاکہنا ہے کہ خطرناک سمندر طوفان کے باعث رئیل اسٹیٹ کے شیئرز اور بانڈز کی قدر بہت زیادہ تنزلی کا شکار ہوئی ہے تو دوسری جانب جنیریٹرز اور خام تیل کی قیمتوں میں بے تحاشا اضافہ ہوا ہے۔
مقامی خبر رساں ادارے کا کہنا ہے کہ طوفان کے نتیجے لاکھوں افراد کو محفوظ مکانات پر منتقل کردیا گیا ہے۔
یاد رہے کہ دو روز قبل امریکی صدر ڈونلڈ ٹرمپ نے سماجی رابطے کی ویب سائٹ ٹوئٹر پر جاری اپنے پیغام میں کہا ہے کہ مذکورہ سمندری طوفان گذشتہ کئی برسوں کے مقابلے میں سب سے زیادہ خطرناک ہے۔
ان کا مزید کہنا تھا کہ شہری محتاط رہیں اور کسی بھی قسم کے خطرات کے پیش نظر اپنی حفاظت کو یقینی بنائیں۔
یاد رہے کہ گذشتہ سال ستمبر میں امریکی ریاست ٹیکساس میں سمندری طوفان ہاروے نے بڑی تباہی مچائی تھی، جس کے نتیجے میں 47 افراد زندگی کی بازی ہار گئے تھے، جبکہ امداری کارروائیوں کے لیے امریکی صدر نے بھاری رقوم خرچ کیے تھے۔یاد رہے کہ گذشتہ سال ستمبر میں امریکی ریاست ٹیکساس میں سمندری طوفان ہاروے نے بڑی تباہی مچائی تھی، جس کے نتیجے میں 47 افراد زندگی کی بازی ہار گئے تھے، جبکہ امداری کارروائیوں کے لیے امریکی صدر نے بھاری رقوم خرچ کیے تھے۔
