ARYNews.tv | Urdu – Har Lamha Bakhabar

Tag: سمندری طوفان

  • سمندری طوفان ملٹن کے باعث نظام زندگی مفلوج، ہزاروں پروازیں منسوخ

    سمندری طوفان ملٹن کے باعث نظام زندگی مفلوج، ہزاروں پروازیں منسوخ

    امریکی ریاست فلوریڈا میں سمندری طوفان ملٹن کے باعث نظام زندگی درہم برہم ہوگیا، مختلف حادثات میں ہلاک ہونے والوں کی تعداد 13 تک پہنچ گئی۔

    بین الاقوامی خبر رساں ادارے کی رپورٹ کے مطابق تازہ ترین فوٹیج میں ساحلی پٹی پر تباہ شدہ کشتیوں کا ملبہ بکھرا ہوا دکھائی دے رہا ہے۔

    امریکی میڈیا کے مطابق سمندری طوفان ملٹن کے باعث بننے والے طوفانی بگولوں کے باعث بجلی کے پول اکھڑ جانے سے 30 لا کھ سے زائد افراد بجلی سے محروم ہیں، دو ہزار سے زائد پروازیں منسوخ کردی گئیں۔

    ٹمپا بے اور سینٹ پیٹرز برگ کے ساٹھ فیصد پیٹرول پمپس پر پیٹرول بھی ختم ہوگیا ہے۔

    خبر ایجنسی کے مطابق امریکی صدر نے کہا ہے کہ یہ زندگی اور موت کا مسئلہ ہے، ساحلی علاقوں کے لوگ محفوظ مقامات پر چلے جائیں۔

    بائیڈن نے ممکنہ متاثرہ علاقوں کے شہریوں کو محفوظ مقامات پر منتقل ہونے کی ہدایت جاری کردی ہے، انہوں نے کہا صورتحال کے پیش نظر فوج بھی طلب کی جاسکتی ہے۔

    چین کی کمپنی کا افغانستان میں تانبے کی سب سے بڑی کان میں 5 ارب ڈالر کی سرمایہ کاری کا اعلان

    واضح رہے کہ اس سے قبل طوفان ہیلین فلوریڈا سے ٹکرایا تھا جس سے جنوبی ریاستوں میں تقریباً 250 افراد لقمہ اجل بن گئے تھے۔

  • سمندری طوفان کے بعد الیکٹرک کاروں میں آگ لگنے گی، ویڈیو سامنے آ گئی

    سمندری طوفان کے بعد الیکٹرک کاروں میں آگ لگنے گی، ویڈیو سامنے آ گئی

    امریکا میں سمندری طوفان ہیلین کے بعد کھارے پانی کی وجہ سے الیکٹرک کاروں میں آگ بھڑکنے لگی، اس سلسلے میں ایک ویڈیو بھی سامنے آئی ہے جو سوشل میڈیا پر وائرل ہو گئی ہے۔

    سمندری طوفان سے متاثرہ امریکی ریاستوں کے حکام نے خبردار کیا ہے کہ جن الیکٹرک گاڑیوں میں سمندر کا کھارا پانی چلا گیا ہے، ان میں آگ لگنے کا خطرہ ہے۔

    حکام نے شہریوں سے اپیل کی ہے کہ اگر انھوں نے الیکٹرک گاڑیاں یا گولف کارٹس کو گیراج یا عمارتوں کے نیچے کھڑا کر دیا ہے، اور وہ ان تک اب نہیں پہنچ پا رہے، تو حکام کو اطلاع دی جائے۔

    حکام کے مطابق نمکین پانی الیکٹرک گاڑیوں میں بیٹری کے اجزا کو نقصان پہنچا سکتا ہے، اور ممکنہ طور پر خطرناک کیمیائی رد عمل کا باعث بنتا ہے، جس کی وجہ سے گاڑی میں آگ لگ سکتی ہے۔ اس لیے حکام نے کہا کہ جو لوگ اپنی الیکٹرک گاڑیاں پیچھے چھوڑ کر متاثرہ علاقوں سے نکل گئے ہیں وہ ایمرجنسی سروسز سے رابطہ کریں۔

    حکام نے رہائشیوں کو یہ مشورہ بھی دیا ہے کہ وہ سیلاب زدہ الیکٹرک گاڑی کو خود منتقل نہ کریں، بلکہ مدد کے لیے حکام سے رابطہ کریں۔ واضح رہے کہ فلوریڈا، جارجیا، شمالی کیرولائنا، جنوبی کیرولائنا، الاباما اور ورجینیا نے تباہ کن سمندری طوفان کے پیش نظر ہنگامی حالات کا اعلان کر دیا ہے، اس طوفان نے جنوبی امریکا کو اپنی لپیٹ میں لے رکھا ہے۔

    ایک اندازے کے مطابق مختلف حادثات میں تقریباً 100 افراد ہلاک ہو چکے ہیں، اور لاکھوں افراد بجلی کی بندش سے متاثر ہوئے ہیں، حکام کے مطابق بہت سے لوگ پورے خطے میں پھنسے ہوئے ہیں یا پناہ کے بغیر ہیں۔

  • سمندری طوفان ’ہیلین‘ جارجیا کی جانب بڑھنے لگا، الرٹ جاری

    سمندری طوفان ’ہیلین‘ جارجیا کی جانب بڑھنے لگا، الرٹ جاری

    سمندری طوفان ’ہیلین‘ امریکی ریاست فلوریڈا میں اپنا اثر دکھانے کے بعد ریاست جارجیا کی طرف بڑھنے لگا ہے۔

    بین الاقوامی خبر رساں ادارے کی رپورٹ کے مطابق ہیلین سے امریکی ریاست فلوریڈا میں 1 اور جارجیا میں 2 افراد لقمہ اجل بن گئے، جبکہ طوفان کے زیر اثر 120 کلو میٹر فی گھنٹا کی رفتار سے ہوائیں چل رہی ہیں۔

    سمندری طوفان ’ہیلین‘ کمزور ہونے کے بعد کیٹیگری 1 کا ہوگیا ہے، جبکہ گزشتہ روز یہ کیٹیگری 4 سے ریاست فلوریڈا سے ٹکرایا تھا۔

    فلوریڈا، جارجیا اور کیرولیناس میں 22 لاکھ سے زائد افراد بجلی سے محروم ہیں، جارجیا کی تمام 159 کاؤنٹیز میں ہائی الرٹ جاری ہے۔

    یمنی افواج کا امریکی بحریہ کے جہازوں پر بڑا حملہ

    اس سے قبل ’ہیلین‘ فلوریڈا سے گزرا تھا، جس کے نتیجے میں ایک سو بیس کلومیٹر فی گھنٹہ کی رفتار سے چل رہی تھیں، طوفانی بارشوں کے باعث ٹمپا برج اور تمام ہوائی اڈے بند کرکے شہریوں کو گھروں میں رہنے کی ہدایت کی گئی تھی۔

  • چین میں طاقتور ترین سمندری طوفان سے تباہی

    چین میں طاقتور ترین سمندری طوفان سے تباہی

    چین کے شہر شنگھائی میں طاقتور ترین سمندری طوفان نے تباہی مچادی، جس کے باعث لاکھوں افراد کو محفوظ مقامات پر منتقل ہونا پڑا۔

    بین الاقوامی خبر رساں ادارے کی رپورٹ کے مطابق 151 کلومیٹر فی گھنٹہ کی رفتار سے چلنے والی طوفانی ہواؤں سے درخت، عمارتوں کی کھڑکیاں اور اشتہاری بورڈز اُڑگئے۔

    تیز رفتار طوفانی ہواؤں کے سبب سڑک پر چلتا ٹرک بھی اُلٹ گیا، راہ گیروں نے درختوں اور کھمبوں کا سہارا لے کر اپنے آپ کو محفوظ کیا۔

    چین کے شہر شنگھائی میں طوفان کے باعث 4 لاکھ سے زیادہ افراد محفوظ مقامات پر منتقل ہوگئے جبکہ 14 سو پروازیں منسوخ کردی گئیں، متاثرہ علاقوں میں 12 انچ تک بارش رکارڈ کی گئی۔

    اس سے قبل طاقت ور سمندری طوفان یاگی نے تھائی لینڈ و میانمار میں بھی تباہی مچادی۔

    رپورٹ کے مطابق طاقت ور طوفان یاگی نے چین، فلپائن اور ویتنام کے بعد اب تھائی لینڈ، لاؤس اور میانمار میں بھی تباہی مچائی ہے۔

    سمندری طوفان سے جنوب مشرقی ایشیاء میں شدید بارشیں، خطرناک لینڈ سلائیڈنگ اور سیلاب سے پورے خطے میں لاکھوں افراد متاثر ہیں۔

    میلاد النبیؐ میں شرکت کیلئے جانے والی بس حادثے کا شکار، 26 بچے جاں بحق

    طوفان کے باعث لاکھوں لوگ بجلی سے محروم ہیں، طوفان نے انفرااسٹرکچر بھی تباہ کر دیا ہے، ہزاروں افراد کے گھر سیلاب میں بہہ گئے جس کے سبب لوگ اسکول کی عمارتوں میں پناہ لینے پر مجبور ہو گئے ہیں۔

  • سمندری طوفان یاگی نے تھائی لینڈ و میانمار میں تباہی مچادی

    سمندری طوفان یاگی نے تھائی لینڈ و میانمار میں تباہی مچادی

    ایشیاء کے رواں سال کے سب سے طاقت ور سمندری طوفان یاگی کی تباہ کاریوں کا سلسلہ جاری ہے، طوفان نے تھائی لینڈ و میانمار میں بھی تباہی مچادی۔

    بین الاقوامی خبر رساں ادارے کی رپورٹ کے مطابق طاقت ور طوفان یاگی نے چین، فلپائن اور ویتنام کے بعد اب تھائی لینڈ، لاؤس اور میانمار میں بھی تباہی مچائی ہے۔

    سمندری طوفان سے جنوب مشرقی ایشیاء میں شدید بارشیں، خطرناک لینڈ سلائیڈنگ اور سیلاب سے پورے خطے میں لاکھوں افراد متاثر ہیں۔

    طوفان کے باعث لاکھوں لوگ بجلی سے محروم ہیں، طوفان نے انفرااسٹرکچر بھی تباہ کر دیا ہے، ہزاروں افراد کے گھر سیلاب میں بہہ گئے جس کے سبب لوگ اسکول کی عمارتوں میں پناہ لینے پر مجبور ہو گئے ہیں۔

    واضح رہے گزشتہ روز طوفان فرانسین (Francine) امریکی ریاست لوزیانا سے ٹکرایا تھا، جس کے نتیجے میں 160 کلومیٹر فی گھنٹہ کی رفتار سے طوفانی ہوائیں چلنے لگیں۔

    غزہ کے اسکولوں پر اسرائیلی حملے ہولناک ہیں، ملالہ یوسفزئی

    طوفان کے سبب لوزیانا میں 42 ہزار سے زائد صارفین بجلی سے محروم ہیں۔ طوفان کے اثرات کے باعث شہریوں کو گھروں پر رہنے کی ہدایت کی گئی ہے۔

  • چین میں سمندری طوفان ’یاگی‘ کی تباہ کاریاں، پروازیں منسوخ

    چین میں سمندری طوفان ’یاگی‘ کی تباہ کاریاں، پروازیں منسوخ

    ایشیا کا سب سے طاقتور سمندری طوفان ”یاگی” چین کے جنوبی حصے میں اپنا زور دکھا رہا ہے، جو چین کے صوبے ہینان کے ساحلی علاقے سے ٹکرا گیا۔

    بین الاقوامی خبر رساں ادارے کی رپورٹ کے مطابق سمندری طوفان ”یاگی” سے متاثر ہونے والے جنوبی چین میں شدید بارشوں کے باعث ساحلی علاقوں میں اسکول بند اور پروازوں کو بھی منسوخ کردیا گیا ہے۔

    ہانگ کانگ اسٹاک ایکسچینج سمیت دیگر کاروباری مراکز بھی سمندری طوفان کے پیش نظر بند کردیئے گئے ہیں۔

    سمندری طوفان چین کے بعد آج ہی ویتنام سے ٹکرائے گا، طوفان کے پیش نظر ویتنام میں 4 ائیر پورٹس کو بند کردیا گیا ہے۔

    چین سے قبل سمندری طوفان نے فلپائن میں تباہی مچائی تھی، سیلاب اور لینڈ سلائیڈنگ کے باعث 14 افراد ہلاک ہو گئے۔

    فلپائن میں سیلاب اور مٹی کے تودے گرنے سے چودہ افراد ہلاک ہوئے، سمندری طوفان یاگی نے دارالحکومت منیلا اور قریبی صوبوں میں شدید بارشوں کی وجہ بننے کے بعد تباہی پھیلا دی تھی۔

    بھارتی مسافر طیارے میں بم کی اطلاع پر ہنگامی لینڈنگ

    منیلا میں سڑکیں پانی میں ڈوب گئی، کچھ نشیبی علاقوں میں پانی گھروں کی چھتوں تک جمع ہو گیا، دفاتر اور اسکول بند کر دیے گئے، 105 کلو میٹر فی گھنٹہ کی رفتار سے چلنے والی ہوائیں ہر شے کو اڑا لے گئیں۔

  • فلپائن میں سمندری طوفان یاگی نے تباہی مچا دی، 14 افراد ہلاک

    فلپائن میں سمندری طوفان یاگی نے تباہی مچا دی، 14 افراد ہلاک

    منیلا: فلپائن میں سمندری طوفان یاگی نے کئی صوبوں میں تباہی مچا دی، سیلاب اور لینڈ سلائیڈنگ کے باعث 14 افراد ہلاک ہو گئے۔

    روئٹرز کے مطابق مقامی ڈیزاسٹر ایجنسی نے پیر کے روز بتایا کہ فلپائن میں سیلاب اور مٹی کے تودے گرنے سے چودہ افراد ہلاک ہو گئے ہیں، سمندری طوفان یاگی نے دارالحکومت منیلا اور قریبی صوبوں میں شدید بارشوں کی وجہ بننے کے بعد تباہی پھیلا دی ہے۔

    منیلا میں سڑکیں پانی میں ڈوب گئی ہیں، کچھ نشیبی علاقوں میں پانی گھروں کی چھتوں تک جمع ہو گیا، دفاتر اور اسکول بند کر دیے گئے، 105 کلو میٹر فی گھنٹہ کی رفتار سے چلنے والی ہوائیں ہر شے کو اڑا لے گئیں۔

    قدرتی حادثات کے ادارے کے سربراہ کا جانی نقصان کے بارے میں کہنا تھا کہ منیلا کے مشرق میں واقع علاقے اینٹی پولو ایک پہاڑی علاقہ ہے اور یہ لینڈ سلائیڈنگ کا شکار علاقہ ہے، مقامی رہائشیوں کو کافی عرصے سے ترغیب دی جا رہی ہے کہ وہ یہ علاقہ چھوڑ کر دوسرے مقامات پر منتقل ہوں۔

    حکام کے مطابق یاگی رواں سال فلپائن میں آنے والا پانچواں سمندری طوفان ہے۔ فلپائن میں عام طور پر سالانہ اوسطاً 20 سمندری طوفان ریکارڈ کیے جاتے ہیں، اور ان میں سے اکثر طوفانوں میں جو ہلاکتیں ہوتی ہیں اس کی بڑی وجہ لینڈ سلائیڈنگ ہوتی ہے۔

  • سمندری طوفان کا رخ کراچی کی طرف ؟ محکمہ موسمیات نے‌ خطرے کی گھنٹی بجادی

    سمندری طوفان کا رخ کراچی کی طرف ؟ محکمہ موسمیات نے‌ خطرے کی گھنٹی بجادی

    کراچی : محکمہ موسمیات نے‌ خطرے کی گھنٹی بجاتے ہوئے کہا کہ ساحل سے قریب ہوتے ہوئے سمندری طوفان کا رخ کراچی کی طرف بھی ہوسکتا ہے۔

    محکمہ موسمیات کی جانب سے کہا گیا ہے کہ سمندری طوفان اسنی اس وقت کراچی سے 200 کلومیٹر کے فاصلے پر موجود ہیں، طوفان کے زیر اثر آج شہرمیں تیز ہواؤں کےساتھ بارش ہوگی۔

    محکمہ موسمیات کا کہنا ہے  طوفان سے کراچی میں تیز ہواؤں اور گرج چمک کے ساتھ بارش کا امکان ہے تاہم ساحل سے قریب ہوتے ہوئے طوفان کا رخ کراچی کی طرف بھی ہوسکتا ہے۔

    سمندری طوفان ٹھٹھہ کے جنوب مغرب میں ایک سو اسّی کلو میٹر فاصلے پر ہے، جس کے باعث بدین، ٹھٹھہ، سجاول، حیدرآباد اور ٹنڈومحمدخان میں تیز ہواؤں کے ساتھ بارش کا امکان ہے۔

    محکمہ موسمیات کے مطابق ٹنڈو الہ یار،مٹیاری، جامشورو اوردادو میں آج بھی تیز بارش کا سلسلہ جاری رہے گا۔

    خیال رہے کراچی میں سمندری طوفان اسنیٰ کے زیر اثر مختلف علاقوں میں کہیں تیز اور کہیں معتدل بارش کا سلسلہ جاری ہے۔

    صدر، کلفٹن، شارع فیصل، گلبرگ، میٹروول سائٹ ایریا، بلدیہ، ملیر، ایئرپورٹ، قائدآباد اور اطراف میں بارش وقفے وقفے سے جاری ہے۔

    مون سون کےطاقتوراسپیل کےتحت شہر میں آج بھی گرچ چمک کے ساتھ بارشیں متوقع ہیں جبکہ زیادہ سے زیادہ درجہ حرارت 29 ڈگری سینٹی گریڈ تک جانے کا امکان ہے۔

  • سمندری طوفان کا خطرہ، کراچی پورٹ ٹرسٹ نے الرٹ جاری کردیا

    سمندری طوفان کا خطرہ، کراچی پورٹ ٹرسٹ نے الرٹ جاری کردیا

    کراچی : سمندری طوفان کے خطرے کے پیش نظر کراچی پورٹ پر عملے کو الرٹ رہنے کی ہدایت جاری کردی گئی۔

    تفصیلات کے مطابق کراچی پورٹ ٹرسٹ نے سمندری طوفان کے خطرے کے پیش نظر الرٹ جاری کردیا ، جس میں کراچی پورٹ پر تمام ڈیپارٹمنٹس اور عملے کو الرٹ رہنے کی ہدایت دی گئی ہے۔

    یڈوائزری میں کہا گیا کہ ناخوشگوار صورتحال سے بچنے کیلئے ضروری حفاظتی اقدامات کئے جائیں۔

    ترجمان کے پی ٹی کا کہنا تھا کہ بحری جہازوں کو مضبوطی سے باندھنے کی ہدایت کی گئی ہے، برتھوں پر لنگر انداز جہازون آئل ٹیکرز اور ٹگس کو مضبوط رسوں سے ڈبل باندھا جائے۔الرٹ

    ترجمان نے کہا کہ بندرگاہ کی برتھوں پر موجود تمام تنصیبات کی حفاظت کو یقینی بنایا جائے اور پورٹ پر کمزور تنصیبات کو مضبوط رسوں کے ساتھ باندھ دیا جائے۔

    پورٹ حکام کا کہنا تھا کہ چینل پر کھڑے تمام جہازوں کو باہر ہی روک دیا ہے۔

  • سمندری طوفان کے کراچی سے ٹکرانے کا خطرہ؟ چیف میٹرولوجسٹ کا اہم بیان آگیا

    سمندری طوفان کے کراچی سے ٹکرانے کا خطرہ؟ چیف میٹرولوجسٹ کا اہم بیان آگیا

    کراچی : چیف میٹرولوجسٹ سردار سرفراز نے بحیرۂ عرب میں اٹھنے والے سمندری طوفان کے کراچی سے ٹکرانے کے حوالے سے بتادیا۔

    تفصیلات کے مطابق بحیرۂ عرب میں اٹھنے والا سمندری طوفان اس وقت کراچی سے تقریباً 200 کلومیٹر دور ہے اور 60 سے 70 کلومیٹر فی گھنٹہ کی رفتار سے بڑھ رہا ہے اور آج شام تک شمال مشرقی بحیرہ عرب اور ملحقہ سندھ کی ساحلی پٹی میں داخل ہوسکتا ہے۔

    چیف میٹرولوجسٹ سردار سرفراز نے اس حوالے سے بتایا کہ طوفان کارخ ساوتھ ویسٹ کی جانب ہے اور کراچی اور سندھ کی ساحلی پٹی کا ممکنہ طوفان کے ٹکرانے کا کوئی امکان نہیں تاہم اس کےآثرات سے سندھ بھر تیز بارشیں ہوں گی۔

    سردار سرفراز کا کہنا تھا کہاس قبل 1976میں اگست کے مہینے میں طوفان بننا تھا ، کراچی اگست کے مہینے میں اس نوعیت امکانات کم ہوتے ہیں، ریڑھی گوٹھ ابراہیم حیدری اور بلوچستان کی ساحلی پٹی پر طوفان کے اثرات سے زیادہ ہوں گے اور سمندر میں طغیانی ہو سکتی ہے۔

    انھوں نے مزید بتایا کہ بلوچستان کی ساحلی پٹی پر بھی طوفان کے اثرات ہوں گے، طوفان بلوچستان کے قریب سے گزرتا ہوا عمان کی جانب بڑھے گا۔