Tag: سنجے دت

پاکستانی معروف اداکارہ مہوش حیات کی بھارتی سپر اسٹار سنجے دت کے ساتھ سیلفی وائرل ہوگئی۔

فوٹو اور ویڈیو شیئرنگ ایپ انسٹاگرام پر اداکارہ مہوش حیات نے سنجے دت کے ساتھ سیلفی شیئر کی جسے دونوں ملکوں کے مداحوں کی جانب سے سراہا جارہا ہے۔

مہوش حیات اور سنجے دت کی تصویر پر مداحوں نے چہ مگوئیاں شروع کردی ہیں کہ دونوں کسی ممکنہ پروجیکٹ میں نظر آئیں گے۔

View this post on Instagram

A post shared by Lollywoodsparkoffical_ (@lollywoodsparkofficial_)

اداکاروں کی جانب سے کسی نئے پروجیکٹ کی کوئی تصدیق نہیں کی گئی لیکن مداح اس سے متعلق پرامید ہیں۔

اس کے علاوہ نئے سال کے موقع پر بھارتی اداکارہ کریتی سینن کے ساتھ اداکارہ عروہ حسین کی تصویر بھی وائرل ہوئی تھی جو دبئی میں لی گئی تھی۔

عروہ حسین اور کریتی سینن کی تصویر کو بھی مداحوں نے پسند کیا تھا۔

View this post on Instagram

A post shared by T. Edit (@tribunedit)

واضح رہے کہ مہوش حیات آج اپنی 37ویں سالگرہ منارہی ہیں، انہوں نے فلم ’پنجاب نہیں جاؤں گی‘ اور ’جوانی پھر نہیں آنی‘ سمیت کئی سپر ہٹ فلموں میں اداکاری کی۔

اداکارہ نے فنی کیریئر کا آغاز ماڈلنگ سے کیا پھر ڈراموں اور فلموں میں اداکاری کے جوہر دکھائے۔

مہوش حیات کو حکومت پاکستان کی جانب سے 2019 میں تمغہ امتیاز سے نوازا گیا تھا۔

دلیپ کمار کی اہلیہ سائرہ بانو نے انکشاف کیا ہے کہ انھیں سپراسٹار سنجے دت نے ماضی میں شادی کی پیشکش کی تھی۔

ماضی میں بالی ووڈ پر راج کرنے والی خوبصورت اداکارہ سائرہ بانو نے سنجے دت کی 65 ویں سالگرہ کے موقع پر انسٹاگرام پر انھیں مبارکباد دی اور مرحوم شوہر دلیپ کمار کے ساتھ سنجے دت کی ایک تصویر بھی شیئر کی۔

سائرہ نے ننھے سنجے اور ان کی آنجہانی والدہ نرگس دت کے حوالے سے دلکش یادیں شیر کرتے ہوئے لکھا کہ ’مجھے اب بھی یاد ہے جب نرگس آپا ہمارے گھر فنکشنز کے لیے آتی تھیں اور سنجے دت بھی ساتھ ہوتے تھے، وہ پیارا، خوبصورت بچہ۔‘

دلیپ کمار کی اہلیہ نے بتیا کہ ’پھر نرگس جی ہاتھ ہلا کر کہتی تھیں، چلو، سائرہ جی کو بولو تم کیا بولتے ہو مجھے؟ اور پھر سنجو میری طرف دیکھ کر پیاری سی آواز میں کہتا، ‘میں شیلا بانو سے شادی کرونگا۔‘

سائرہ بانو نے ماضی میں ننھے سنجے دت کی اس خواہش پر ہنستے ہوئے کہا کہ ’بہت پیارا بچہ تھا! مجھے یقین ہے کہ شرمیلا ٹیگور اور میں سنجو کے سب سے زیادہ پسندیدہ تھے۔‘

سائرہ بانو نے یہ بھی بتایا کہ سنجے دت ہمیشہ سے ان کے خاندان کے قریب رہے ہیں، اماں جی سے لے کر آپا جی تک، صاحب سے لے ان تک، میری پوری فیملی نے انھیں ایک چھوٹے بچے سے جوان ہوتے اور اس عمر کو پہنچتے دیکھا ہے۔

خیال رہے کہ بالی ووڈ کے بابا سنجے دت نے حال ہی میں اپنی 65 ویں سالگرہ منائی ہے اور اس دن کو خاص بنانے کے لیے اداکار نے خود کو مہنگی ترین سیاہ کار بھی گفٹ کی ہے۔

مادھوری ڈکشٹ نے شہرت اور مقبولیت کے کئی برسوں پر محیط اپنے سفر میں بلاشبہ کروڑوں دلوں‌ پر راج کیا۔ بہترین اداکاری اور شان دار رقص کے بل بوتے پر مادھوری ایک عرصہ تک اسکرین پر چھائی رہی ہیں۔

آج بھی بولی وڈ فلم اسٹار کا جادو برقرار ہے۔ اداکارہ کی شہرت کا سفر 1990ء کی دہائی میں شروع ہوا تھا، جس میں مادھوری نے اپنے وقت کے لیجنڈ اداکاروں دلیپ کمار، جتیندر، امیتابھ بچن، ونود کھنہ کے ساتھ کام کیا اور بیسویں صدی کی آخری دو دہائیوں کے مقبول ترین ہیرو عامر خان، سلمان خاں، شاہ رخ خاں، انیل کپور، سنجے دت، متھن چکرورتی اور دیگر کے ساتھ ان کی جوڑی بہت پسند کی گئی۔

یہاں ہم اپنے وقت کے معروف و مقبول فلمی رسالے "شمع” کے 1990ء کے ایک شمارے میں مادھوری ڈکشٹ کے اپنے ساتھی مرد اداکاروں سے متعلق تاثرات شایع ہوئے تھے جس میں سے فلم اسٹار سنجے دت اور گوندا کے بارے میں ہم مادھوری ڈکشٹ کے خیالات یہاں‌ نقل کررہے ہیں۔

سنجے دت
سنجے بابا کو میں شرارتوں کی پوٹ کہتی ہوں۔ ہنسنے ہنسانے سے وہ کسی وقت بھی باز نہیں رہ سکتا۔ اس کی موجودگی میں ساتھی ستارے اپنی ہنسی پر قابو پا ہی نہیں سکتے۔ وہ خود خوشی کے پَروں پر اڑ رہا ہو یا کسی غم کے دور سے گزر رہا ہو۔ اس کی بشاشت کسی بھی حال میں اس کا ساتھ نہیں چھوڑتی۔ سنجو کے ساتھ بمبئی، مدراس، حیدرآباد، کہیں بھی سیٹ پر یا لوکیشن پر میری شوٹنگ ہوتی ہے تو وہ مجھے دل کھول کر قہقہے لگانے کے مواقع فراہم کر دیتا ہے۔ شکار اس کا پسندیدہ مشغلہ ہے اور اپنے شکار کے واقعات وہ اس انداز سے سناتا ہے کہ مزہ آ جاتا ہے۔ حوصلے کا یہ عالم ہے کہ جب اس کا کیریئر اسے ڈانوا ڈول ہوتا دکھائی دے رہا تھا تو بھی مسکراہٹ ہر آن اس کے ہونٹوں پر کھیلتی رہتی تھی۔

گووندا
سنجو کی طرح گووندا بھی ہمیشہ ہسنتا، مسکراتا دکھائی دیتا ہے۔ اس کے اندر برتری کا احساس نام کو بھی نہیں۔ انا اسے کبھی پریشان نہیں کرتی۔ زندگی کی حرارت اس کی رگ رگ میں رچی ہوئی ہے۔ اتنا چلبلا ہے کہ سیٹ پر ہر پل ایک سرے سے دوسرے سرے تک لپکتا نظر آئے گا۔ خوب قہقہے لگاتا ہے، خوب زندگی کا لطف اٹھاتا ہے۔ بہت اچھا ڈانسر ہے اس سے بھی بڑھ کر ایک اچھا انسان ، ایک چاہنے والا شوہر، ایک جان چھڑکنے والا باپ۔ پہلے دن جب میں ، ‘پاپ کا انت’ کے لئے اس کے ساتھ شوٹنگ کرنے کی غرض سے پہنچی تو دل ہی دل میں کافی ڈر رہی تھی۔ وجہ یہ تھی کہ میں نے فلم ‘سدا سہاگن’ میں اس کے ساتھ کام کرنے کی ٹی راما راؤ کی آفر نامنظور کر دی تھی اور اس واقعہ کے بعد پہلی مرتبہ اس کا اور میرا آمنا سامنا ہو رہا تھا۔ رسالوں، اخباروں نے اس واقعہ کو اس طرح اچھالا تھا کہ رائی کا پربت بنا دیا تھا، اور مجھے ویمپ کا درجہ دے ڈالا تھا۔ لیکن پاپ کا انت کے سیٹ پر گووندا کے رویہ میں رنجش کی کوئی جھلک نہ تھی۔ وہ بہت تپاک سے ملا اور اس طرح میری ساری بوکھلاہٹ دور ہو گئی۔ اس نے مجھ سے یہ کہا کہ اگر میری جگہ وہ ہوتا تو کسی آفر کے پرکشش نہ ہونے کی صورت میں وہ بھی صاف انکار کر دیتا۔ میں نے بھی اسے بتا دیا کہ اگر میں نے اس فلم میں کام کرنا قبول نہیں کیا تھا تو اس کا سبب رول کا غیر اہم ہونا تھا۔ گووندا کے خلاف میرے دل میں کوئی جذبہ نہ تھا۔ بعد میں یہ رول انورادھا پٹیل نے کیا اور دیکھنے والوں نے دیکھ ہی لیا ہوگا کہ یہ رول نہ ہونے کے برابر تھا۔