ARYNews.tv | Urdu – Har Lamha Bakhabar

Tag: سنجے دت

  • فلم ’سنجو‘ میں انوشکا شرما کا منفرد روپ

    فلم ’سنجو‘ میں انوشکا شرما کا منفرد روپ

    ممبئی: معروف بالی ووڈ اداکار سنجے دت کی زندگی پر مبنی فلم ’سنجو‘ کا ایک اور پوسٹر جاری کردیا گیا جس میں انوشکا شرما نہایت مختلف اور منفرد روپ میں نظر آرہی ہیں۔

    فلم سنجو کے ہدایت کار راج کمار ہیرانی کی جانب سے جاری کردہ پوسٹر میں یہ نہیں بتایا گیا کہ انوشکا شرما کس کا کردار نبھائیں گی تاہم ان کا کردار مختصر ہوگا۔

    سنجے دت کی زندگی پر بننے والی فلم میں رنبیر کپور مرکزی کردار ادا کر رہے ہیں جن کا گیٹ اپ سنجے دت سے اس قدر مماثلت رکھتا ہے کہ لوگوں کے لیے فرق کرنا مشکل ہے کہ اصل سنجے دت کون سا ہے۔

    فلم کے ہدایت کار کے مطابق فلم کا ٹریلر آج ریلیز کیا جائے گا۔ اس سے قبل فلم کا ٹیزر ٹریلر ریلیز کیا گیا تھا جس نے آتے ہی مقبولیت کے ریکارڈ قائم کردیے تھے۔

    فلم کی دیگر کاسٹ میں پاریش راول، منیشا کوئرالا، سونم کپور اور دیا مرزا شامل ہیں۔ فلم رواں برس 29 جون کو سنیما گھروں میں نمائش کے لیے پیش کی جائے گی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • انتظار ختم، سنجے دت کی زندگی پر فلم 29 جون 2018 کو ریلیز ہوگی

    انتظار ختم، سنجے دت کی زندگی پر فلم 29 جون 2018 کو ریلیز ہوگی

    ممبئی: سنجے دت کے مداحوں‌ کا انتظار ختم ہوا، ان کی زندگی پر مبنی فلم ’سنجے دت بائیو پک‘ 29 جون 2018 کو ریلیز کی جائے گی۔

    تفصیلات کے مطابق معروف ہدایت کار راج کمار ہیرانی کی اس فلم میں‌ رنبیر کپور سنجے دت کا کردار نبھا رہے ہیں. فلم میں‌ سنجے دت کی زندگی کے مختلف واقعات اور ادوار کا احاطہ کیا گیا ہے۔

    یہ بھی پڑھیں: رنبیر کپور، سنجے دت کے روپ میں کیسے لگ رہے ہیں؟

    فلم میں‌ وکی کوشل، منیشاکوئرالا، دیا مرزا اور سونم کپور بھی اداکاری کے جوہر دکھائیں‌ گے. ہدایت کار راج کمار ہیرانی کو یقین ہے کہ سنجے دت بائیوپک 2018 کی سب سے کامیاب فلم ثابت ہوگی۔

    یاد رہے، ابتدا میں یہ خیال کیا جارہا تھا کہ مذکورہ فلم اسی سال 30 مارچ کو ریلیز کی جائے گی، لیکن تمام قیاس آرائیاں اس وقت دم توڑ گئیں، جب انتظامیہ نے ریلیز کیلئے حتمی تاریخ 29 جون 2018 کا اعلان کیا۔

    فلم کی شوٹنگ مخلف مملک میں کی گئی۔ جنوبی افریقہ کے دارالحکومت کیپ ٹاؤن میں شوٹنگ کے دوران اداکاروں نے ہدایت کار و دیگر لوگوں کے ساتھ تصویریں بھی بنوائیں۔ واضح رہے کہ منیشا کوئرالا فلم میں‌ سنجے دت کے کی والدہ نرگس کا کردار نبھا رہی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستانی اداکارہ کا سنجے دت کو سالگرہ پر محبت بھرا پیغام

    پاکستانی اداکارہ کا سنجے دت کو سالگرہ پر محبت بھرا پیغام

    لاہور: پاکستانی اداکارہ حمائما ملک نے سنجے دت کی سالگرہ کے موقع پر محبت بھرا پیغام ارسال کرتے ہوئے کہا ہے کہ میں بہت خوش قسمت ہوں جسے آپ جیسے اداکار کے ساتھ کام کرنے کا موقع ملا۔

    سماجی رابطے کی ویب سائٹ انسٹاگرام پر سنجے دت کو سالگرہ کے موقع پر محبت بھرا پیغام اور مبارک باد پیش کرتے ہوئے حمائما ملک نے ایک تصویر شیئر کی جس میں لکھا کہ یہ تصویر ہمارے رشتے کی اہمیت کو  اجاگر کرتی ہے۔

    انہوں نے سنجے دت کی تعریف کرتے ہوئے کہ آپ کی روح خالص اور دل سونے کا ہے، میں نے آپ جیسا باصلاحیت اداکار آج تک نہیں دیکھا، آپ کا والدہ کو پیار کرنا مجھے بے حد پسند ہے۔

    حمائما نے کہا کہ آپ نے اپنے کریئر میں کئی مشکلات کا سامنا کیا اور ثابت قدم رہے، میری اللہ سے دعا ہے کہ وہ آپ کو تمام ترمشکلات سے نجات دلائے اور آپ ترقی کی منازل کو طے کریں۔

    پاکستانی اداکارہ نے کہا کہ میں نے آپ کے ساتھ کام کیا جو میرے لیے بہت فخر کی بات ہے، مجھے کچھ نہیں چاہیے بس آپ کو مبارک باد پیش کرتے ہوئے یہ کہنا چاہوں گی کہ اللہ آپ کو اور آپ کے گھر والوں کو خوشیاں نصیب کرے۔

    یاد رہے بالی ووڈ اداکار نے گزشتہ روز اپنی سالگرہ منائی اس پرمسرت موقع پر بالی ووڈ ستاروں نے سنجو بابا کو زندگی کی 58 بہاریں دیکھنے پر مبارک باد پیش کرتے ہوئے ان کی کامیابی کے لیے بھی دعا کی۔

  • رنبیر کپور، سنجے دت کے روپ میں کیسے لگ رہے ہیں؟

    رنبیر کپور، سنجے دت کے روپ میں کیسے لگ رہے ہیں؟

    ممبئی: بالی ووڈ اداکار رنبیر کپور جو سنجے دت کی زندگی پر بننے والی فلم میں کام کر رہے ہیں،ان کی حال ہی میں منظر عام پر آنے والی کچھ تصاویر نے سب کو چونکا دیا ہے جن میں وہ بالکل سنجے دت کی طرح نظر آرہے ہیں۔

    سنجے دت کی زندگی پر بننے والی فلم ’دت‘ راج کمار ہیرانی کی ہدایت کاری میں بن رہی ہے جو اس سے قبل تھری ایڈیٹس، پی کے، اور منا بھائی جیسی فلمیں بنا چکے ہیں۔

    فلم میں سنجے دت کا کردار رنبیر کپور ادا کر رہے ہیں، اور حال ہی میں منظر عام پر آنے والی ان کی ایک اور جھلک نے ان کے مداحوں کو چونکا کر رکھ دیا ہے۔

    رنبیر کپور نے بالی ووڈ میں قدم رکھنے کے بعد متعدد فلموں میں مخصوص کردار ادا کیے تھے جن میں وہ عموماً وہ ایک نٹ کھٹ اور نوعمر لڑکے کے روپ میں نظر آتے تھے۔

    تاہم اب آہستہ آہستہ ان کی اداکاری میں نکھار آرہا ہے اور وہ سنجیدہ کردار بھی ادا کر رہے ہیں جس کی ایک مثال فلم دت میں سنجے دت کا کردار ہے۔

    یاد رہے کہ اس سے پہلے بھی فلم کی شوٹنگ کی کچھ تصاویر منظر عام پر آئی تھیں جن میں رنبیر نے بالوں کو بڑھا کر سنجے دت کی نوجوانی کا بہروپ دھارا ہوا تھا۔

    مزید پڑھیں: سنجے دت کی سوانح حیات میں‌ رنبیر کپور کی پہلی جھلک

    اب موجودہ تصاویر میں وہ سنجے دت کی درمیانی عمر کا حلیہ اپنائے ہوئے ہیں۔

    اس سے قبل ایک انٹرویو میں رنبیر کے فٹنس ٹرینر کنال نے بتایا تھا کہ اس کردار کے لیے رنبیر نے اپنا وزن بھی کافی بڑھا لیا ہے۔ انہوں نے اپنے مسلز بھی بنائے ہیں جس کے لیے وہ سخت محنت کر رہے ہیں۔

    انہوں نے بتایا کہ ورزش کے لیے رنبیر کپور صبح 3 بجے اٹھتے ہیں۔

    فلم دت میں سنجے دت کے والد سنیل دت کا کردار پاریش راول ادا کر رہے ہیں۔ فلم کی عکس بندی کا آغاز رواں سال جنوری سے کیا گیا تھا۔

  • سنجےدت نےسلمان خان کو مغرور قراردے دیا

    سنجےدت نےسلمان خان کو مغرور قراردے دیا

    نئی دہلی: بالی ووڈ اسٹار سنجے دت نے اپنے قریبی دوست سپراسٹار سلمان خان کو ’مغرور‘ کہہ کرسب کوحیران کردیا۔

    تفصیلات کےمطابق سنجو بابا اوربالی ووڈ کےسلطان سلمان خان کی دوستی سے جہاں بہت لوگ ناخوش ہیں وہیں دونوں اسٹارز ایک دوسرے کواپنااچھا دوست مانتے ہیں۔

    بھارتی میڈیا رپورٹس کے مطابق سنجے دت نے دہلی میں ایک تقریب میں شرکت کی جہاں ان سے ان کے قریبی دوست اور منہ بولے بھائی سلمان خان کی شخصیت کے بارے میں سوال کیا گیاجس پر اداکار نےسلمان خان کو’مغرور‘ کہہ دیا۔

    sanjy-dutt-post-1

    سنجے دت نے سلمان خان سے متعلق اپنے بیان کی وضاحت کرتےہوئے کہاکہ سلو ان کے چھوٹے بھائی کی طرح ہےاور دونوں کےدرمیان کوئی جھگڑا نہیں سب کچھ ٹھیک ہے۔

    بالی ووڈ میں کھل نایک کےنام سے مشہور اداکار سنجے دت نے کہاکہ ’مغرور‘ کوئی برا لفظ نہیں ہےیہ ایک طرح سے جذبات کا اظہار ہے۔انہوں نےکہاکہ میں مغرور ہوسکتا ہوں لیکن ایک پیارا مغرور۔

    s2

    سنجوبابا اور سلمان خان کی دوستی دشمنی میں تبدیل ہونے کی خبریں ایک طویل عرصے سے میڈیا میں گردش کررہی ہیں تاہم دونوں اسٹارز کی جانب سے ان خبروں کی تردید کی جاتی رہی ہے۔

    خیال رہےکہ سنجے دت اور سلمان خان نے متعدد فلموں میں بھی ایک ساتھ اداکاری کے جوہر دکھائے ہیں جس میں فلم’چل میرے بھائی‘،’ساجن‘ ،’جلوہ‘، ’دس‘ اور ’سن آف سردار‘شامل ہیں۔

    sanjay-dutt-post-4

    مزید پڑھیں:سنجے دت کی زندگی میرے بغیر مکمل نہیں،سلمان خان

    یاد رہےکہ گزشتہ سال بالی ووڈسُپراسٹار سلمان خان نے سنجے دت کی زندگی پر بننے والی فلم کے حوالے سے کہا تھا کہ یہ پروجیکٹ ان کے بغیر مکمل نہیں ہوسکتا۔

    مزید پڑھیں:سلمان خان میرا چھوٹا بھائی ہے،سنجے دت

    سلمان خان کے بیان کےبعد سنجے دت نےدونوں کےدرمیان اختلافات کی تمام خبروں کی تردید کرتے ہوئے کہا تھاکہ بالی ووڈ کے سلطان ان کے چھوٹے بھائی ہیں۔

    s3

    مزید پڑھیں:سنجے دت کی سوانح حیات میں‌ رنبیر کپور کی پہلی جھلک

    واضح رہےکہ ان دنوں معروف بالی ووڈ اداکار سنجے دت کی زندگی پر بننے والی فلم ’دت‘ کی شوٹنگ جاری ہےاور فلم میں سنجے دت کا کردار رنبیر کپور نبھا رہے ہیں۔

  • میری بیٹی اداکارہ بنتی تواس کی ٹانگیں توڑ دیتا‘ سنجےدت

    میری بیٹی اداکارہ بنتی تواس کی ٹانگیں توڑ دیتا‘ سنجےدت

    ممبئی : بالی ووڈ اداکار سنجےدت کا کہناہےکہ ان کی بیٹی اداکارہ بننا چاہتی تھی اگروہ اداکارہ بن جاتی میں اس کی ٹانگیں توڑ دیتا۔

    تفصیلات کےمطابق بالی ووڈ اداکارسنجےدت نےکہاکہ ان کی بڑی بیٹی ترشلا اداکارہ بننےکےخواب دیکھنےلگی تھی اگر وہ اداکارہ بن جاتی تومیں اس کی ٹانگیں توڑ دیتا۔

    سنجے دت کا کہناتھاکہ اداکارہ بننا آسان کام نہیں خاص کر ان کی بیٹی کے لیےجسےصحیح ہندی تک نہیں بولناآتی اوراس زبان کوسیکھنا ترشلا کےلیے بہت مشکل ہوتا۔

    بالی ووڈ کےکھل نایک نےکہاکہ انہوں نےترشلا کی تعلیم کےلیے بہت وقت اور توانائی صرف کی ہےاوراس کا امریکہ کےاچھے کالج میں داخلہ کروایاجہاں سے ان کی بیٹی نےفارنزاک سائنس میں تعلیم حاصل کی۔

    بالی ووڈ اسٹار نے1981میں اپنےفلمی کیریئر کا آغاز بائیس سال کی عمر میں فلم ’راکی‘سے کیا جوایک سپرہٹ فلم ثابت ہوئی۔اس فلم کےہدایت کار ان کے والد سنیل دت تھے۔

    سنجے دت کوفلمی کیریئرشروع کیے30 برس سے زیادہ عرصہ ہو چکا ہےاس دوران انہوں نے’سڑک‘، ’منا بھائی ایم بی بی ایس‘، ’کھل نایک‘ جیسی یادگار فلمیں دیں اور اب فلم ’بھومی‘سےان کی بالی ووڈ میں واپسی ہوئی ہے۔

    سنجے دت کی فلم ’بھومی‘باپ بیٹی کےتعلقات پر بن رہی ہے اور اس فلم میں اداکار والد کےکردار میں نظر آئیں گے۔

    یاد رہےکہ گزشتہ سال سنجے دت کا کہناتھاکہ’مجھے اپنی زندگی کا ایسا کوئی وقت یاد نہیں جب مجھے مشکلات کا سامنا نہ رہا ہو‘۔ان کا کہناتھاکہ جب وہ جیل میں تھے انہیں بالی ووڈ انڈسٹری بہت یاد آتی تھی۔

    مزید پڑھیں:سنجے دت کی سوانح حیات میں‌ رنبیر کپور کی پہلی جھلک

    واضح رہےکہ معروف بالی ووڈ اداکار سنجے دت کی زندگی پر بننے والی فلم ’دت‘ کی شوٹنگ جاری ہے اور اس میں سنجے دت کا کردار رنبیر کپور نبھا رہے ہیں۔

  • سنجے دت کی سوانح حیات میں‌ رنبیر کپور کی پہلی جھلک

    سنجے دت کی سوانح حیات میں‌ رنبیر کپور کی پہلی جھلک

    ممبئی: معروف بالی ووڈ اداکار سنجے دت کی زندگی پر بننے والی فلم کی شوٹنگ جاری ہے اور اس میں سنجے دت کا کردار ادا کرنے والے رنبیر کپور کی پہلی جھلک منظر عام پر آگئی ہے۔

    سنجے دت کی زندگی پر بننے والی فلم ’دت‘ راج کمار ہیرانی کی ہدایت کاری میں بن رہی ہے جو اس سے قبل تھری ایڈیٹس، پی کے، اور منا بھائی جیسی فلمیں بنا چکے ہیں۔

    فلم میں سنجے دت کا کردار رنبیر کپور ادا کر رہے ہیں، اور حال ہی میں منظر عام پر آنے والی ان کی جھلک سے ظاہر ہوتا ہے کہ وہ سنجے دت کی نوجوانی کا بہروپ بھرنے میں کافی کامیاب رہے ہیں۔

    ranbir-3

    ranbir-2

    رنبیر کے فٹنس ٹرینر کنال کا کہنا ہے کہ اس کردار کے لیے رنبیر نے اپنا وزن بھی کافی بڑھا لیا ہے۔ انہوں نے اپنے مسلز بھی بنائے ہیں جس کے لیے وہ سخت محنت کر رہے ہیں۔

    انہوں نے بتایا کہ ورزش کے لیے رنبیر کپور صبح 3 بجے اٹھتے ہیں۔

    فلم دت میں سنجے دت کے والد سنیل دت کا کردار پاریش راول ادا کر رہے ہیں۔ فلم کی عکس بندی کا آغاز رواں سال جنوری سے ہوچکا ہے۔

  • سنجے دت بالی ووڈ میں کام نہ ملنے پرپریشان

    سنجے دت بالی ووڈ میں کام نہ ملنے پرپریشان

    ممبئی: بالی ووڈ اداکار سنجے دت جنہوں نے فلموں میں منفرد کردار نبھا کر خوب نام کمایا لیکن اداکار اب جیل سے رہائی کے بعد سے بالی ووڈ میں کام نہ ملنے پرپریشان ہیں۔

    تفصیلات کے مطابق بالی ووڈ اداکار سنجے دت جنہوں نے اپنے پورے کرئیر میں منفرد قسم کے کردار ادا کیے اور انڈسٹری کو بلاک بسٹر فلمیں دیں تاہم ساڑھے تین سال قید کے بعد رہا ہونے والے اداکار کو اب تک کام کی تلاش ہے۔

    اداکارکی رہائی کو 6 ماہ بیت گئے لیکن ان کی کسی بھی فلم کی شوٹنگ کا آغاز نہیں کیا گیا جبکہ ان کی فلم “مارکو بھاؤ” کی کہانی پر بھی ابھی کام جاری ہے۔

    فلم“منا بھائی 3″ کے حوالے سے بھی تاحال کچھ نہیں کیا گیا کیونکہ فلم کے ہدایت کار “راج کمار ہیرانی” اداکار کی زندگی پر مبنی فلم میں مصروف ہیں جس میں سنجو بابا کا مرکزی کا کردار رنبیر کپور ادا کرتے نظر آئیں گے۔

    اس حوالے سے سنجے دت کے ترجمان کا کہنا ہے کہ وہ کوئی بھی فلم ابھی سائن کر نے نہیں جارہے ہیں،اداکار آج کل اپنے خاندان کو وقت دے رہے ہیں جبکہ وہ گھومنے پھرنے پر بھی توجہ دے رہے ہیں۔

  • عامر خان نے سنجے دت کےوالدکا کردار کرنے سے انکار کردیا

    عامر خان نے سنجے دت کےوالدکا کردار کرنے سے انکار کردیا

    ممبئی: بالی ووڈ مسٹرپرفیکشنسٹ عامرخان نے سنجے دت کی زندگی پر بننے والی فلم میں ان کے باپ کا کردار ادا کرنے سے معذرت کر لی.

    تفصیلات کے مطابق بالی ووڈ سپر اسٹار عامرخان کے بارے میں کہا جاتا ہے کہ وہ جس فلم کاحصہ بن جائیں وہ سپرہٹ ہوجاتی ہے یہی وجہ ہے کہ مداحوں کو ان کی فلوں کا شدت سے انتظار رہتا ہے تاہم عامر خان نے سنجے دت کی زندگی پر بننے والی فلم میں ان کے باپ کا کردار ادا کرنے سے انکار کردیا.

    میڈیا رپورٹس کے مطابق عامرخان نے کچھ روزقبل اداکارسنجے دت کی زندگی پربننے والی فلم میں ان کے باپ اور اپنے وقت کے لیجنڈ اداکارسنیل دت کا کردارادا کرنے کے لیے حامی بھر لی تھی تاہم اب بالی ووڈ سپر اسٹار نے سنیل دت کا کردارادا کرنے سے معذرت کرلی.

    مسٹرپرفیکشنسٹ عامرخانکی جانب سے سنیل دت کا کردار ادا کرنے سے انکارکی وجہ نہیں بتائی گئی جبکہ ان کے انکار کے بعد فلم کے ہدایت کار نےسنجےدت کے باپ کے کردارکے لیے دوسرے اداکارکی تلاش شروع کردی ہے.

    واضح رہےکہ سنجے دت کی زندگی پربننے والی فلم کے لیے اداکارہ سونم کپور سے بھی رابطہ کیا گیا ہے جبکہ عامر خان خان کے منع کرنے کے بعد فلم 2017 تک کے لیے ملتوی کردی گئی ہے.

  • رہائی کے بعد سنجے دت نئی فلم میں جلوہ گر ہونے کے لئے تیار

    رہائی کے بعد سنجے دت نئی فلم میں جلوہ گر ہونے کے لئے تیار

    ممبئی: بالی ووڈ کے مشہور اداکار سنجے دت فلم دھمال کے تیسرے حصے میں نظر آئیں گے۔

    غیر قانونی طور سے اسلحہ رکھنے کے معاملے میں جیل کی سزا پوری کرکے رہا ہوئے سنجے دت بالی ووڈ میں واپسی کرنے کی تیاریوں میں مصروف ہیں،لیکن ابھی تک یہ واضح نہیں ہوسکا ہے کہ سنجے دت کی کم بیک فلم کب اور کون سی ہوگی۔

    اطلاعات کے مطابق بالی ووڈ کی کئی فلموں میں سنجے دت کی ہونے کی خبریں سامنے آچکی ہیں، لیکن اب تک کسی کی شوٹنگ شروع نہیں ہوئی ہے، تاہم ایسی خبریں ہیں کہ اندر کمار کی فلم دھمال میں فرنچائزی کی آئندہ فلم ’ٹوٹل دھمال‘میں سنجے دت کام کرنے والے ہیں۔

    بتایا جاتا ہے کہ گریٹ گرینڈ مستی کے بعد اندر کمار نے دھمال 3 پر کام کرنا شروع کردیا ہے،جس سے اس فرنچائزی میں سنجے کی واپسی ہوسکتی ہے، سنجے دت کو فلم کی اسکرپٹ پسند آئی ہے اور اس میں کام کرنے کے سلسلے میں انہوں نے اپنی رضامندی بھی دے دی ہے۔

    وہیں دھمال میں ساتھ نظر آچکے ریتیش دیشمکھ اور ارشد وارسی کےساتھ بھی بات چیت جاری ہےتاہم فلم ٹوٹل دھمال کی شوٹنگ آئندہ سال شروع ہوگی۔