Tag: سنجے دت

ممبئی: بالی وڈ اداکار سنجے دت اور سلمان خان کی دوستی دشمنی میں تبدیل ہونے کی خبریں ایک طویل عرصے سے میڈیا میں گردش کررہی ہیں تاہم سنجے دت نے ان تمام کی خبروں کی تردید کرتے ہوئے کہا کہ جیل کی زندگی آسان نہیں اور کبھی نہیں چاہوں گا سلمان جیل جائے.

تفصیلات کے مطابق بالی ووڈ اسٹار سنجے دت کا اپنی 57 ویں سالگرہ کے موقع پر سلمان خان کو اپنا چھوٹا بھائی بولتے ہوئے کہنا تھا کہ ’سلمان میرے چھوٹے بھائی کی طرح ہیں،خدا نے انہیں زندگی میں بےحد ترقی دی ہے،میں لوگوں سے گزارش کرتا ہوں کہ غلط خبریں نہ پھیلائیں،ہم دونوں اپنے کام میں مصروف ہیں‘.

سنجے دت نے کہا کہ جیل کی زندگی آسان نہیں اور میں کبھی نہیں چاہوں گا کہ سلمان جیل جائے جب کہ اس کے مقدمات سے بری ہونے پرخوش ہوں.

*ممبئی : سلمان خان میرا چھوٹا بھائی ہے،سنجے دت

اس سے قبل گزشتہ دنوں بالی ووڈ میں سنجو بابا کے نام سے مشہور اداکار سنجے دت نے سلمان خان سے اختلافات کی تمام خبروں کی تردید کرتے ہوئے کہا تھا کہ بالی ووڈ کے سلطان ان کے چھوٹے بھائی ہیں.

یاد رہے کہ حال ہی میں سلمان خان کو 1998 میں قائم کیے گئے نایاب ہرن کے شکار کے مقدموں سے باعزت بری کردیا گیا.

واضح رہے کہ 56 سالہ سنجے دت کو 1993 کے ممبئی حملہ کیس میں غیر قانونی ہتھیار رکھنے کا الزام ثابت ہونے پرمارچ 2013 میں ہندوستان کی سپریم کورٹ کی جانب سے پانچ سال قید کی سزا سنائی گئی تھی، تاہم یرواڈا کی جیل انتظامیہ کے ساتھ اچھے رویے کے باعث سنجے کو رواں برس 25 فروری کو رہا کردیا گیا تھا.

ممبئی: بالی ووڈ میں سنجو بابا کے نام سے مشہور اداکار سنجے دت نے سلمان خان سے اختلافات کی تمام خبروں کی تردید کرتے ہوئے کہا کہ بالی ووڈ کے سلطان ان کے چھوٹے بھائی ہیں.

تفصیلات کےمطابق بالی ووڈ اداکار سنجے دت کی رہائی کے بعد سےہی سلمان خان کے ساتھ اختلافات کی خبریں گردش کررہی ہیں جب کہ دونوں اداکار کئی تقریبات میں ایک دوسرے کو نظر انداز کرتے نظر آئے لیکن اب سنجو بابا نے ایسی تمام خبروں کو مسترد کردیا ہے.

سنجے دت کا کہنا تھا کہ سلمان سے اسپین کے شہر میڈرڈ میں آئیفا ایوارڈ کی تقریب کے دوران خوشگوار ماحول میں ملاقات ہوئی تھی اس لیے میڈیا اپنی مرضی کے مطابق منفی خبریں بنانا چھوڑ دے.

سنجو بابا نے کہا کہ سلمان میرا چھوٹا بھائی ہے اور جلد ہی میرے لیے فلم ’’سلطان‘‘ کی اسکریننگ کا اہتمام کرے گا.

واضح رہے کہ اداکار سنجے دت اور سلمان خان نے متعدد فلموں میں بھی ایک ساتھ اداکاری کے جوہر دکھائے ہیں جس میں فلم ’’چل میرے بھائی‘‘،’’ساجن‘‘ اور ’’سن آف سردار‘‘ شامل ہیں.

ممبئی : بالی ووڈسُپراسٹار سلمان خان نے سنجے دت کی زندگی پر بننے والی فلم کے حوالے سے کہا ہے کہ یہ پروجیکٹ ان کے بغیر مکمل نہیں ہوسکتا.

تفصیلات کےمطابق سنجے دت اور سلمان خان ایک دوسرے کو بھائی کا درجہ دیتے اور مانتے آئے ہیں اور دونوں کے درمیان گہری دوستی بھی ہے اور یہی وجہ ہے کہ بالی ووڈ کے سلطان نے کہا کہ ان کے دوست سنجے دت کی زندگی پر بننے والی فلم ان کے بغیر مکمل نہیں ہوسکتی.

کچھ ماہ قبل خبریں تھیں کہ سلمان خان اور سنجے دت کی دوستی میں بھی دڑار پڑ چکی ہے،خبروں کے مطابق سلمان خان سنجے دت سے ان کی زندگی پر بننے والی فلم میں رنبیر کپور کو مرکزی کردار کے طور پر شامل کرنے سے کافی ناراض تھے.

یاد رہے کہ راج کمار ہیرانی نے اعلان کیا تھا کہ سنجے کی سوانح حیات پر کام اگلے سال شروع کیا جائے گا تاہم اب تک اس فلم میں موجود اداکاراوں کے بارے میں کوئی خبر سامنے نہیں آئی.

واضح رہے کہ ہدایت کار راج کمار ہیرانی سنجے دت کی زندگی پر ایک فلم بنانے جارہے ہیں جس میں رنبیر کپور مرکزی کردار ادا کریں گے.

ممبئی: بالی ووڈ اداکار شنجے دت ایک بار پھر ’’بلو بل رام‘‘ کے روپ میں نظر آئیں گے،اداکار نے1993 میں ریلیز ہونے والی فلم’’کھل نائیک‘‘ کے سیکوئل میں کام کرنے کی پیش کش قبول کرلی.

تفصیلات کے مطابق بالی ووڈ اداکار سنجے دت کا شمار فلم نگری کے صف اول کے اداکاروں میں ہوتا ہے جنہوں نے اپنے فلمی کیرئیر میں متعدد بلاک بسٹر فلموں میں اداکاری کے جوہر دکھائے.

بالی ووڈ اسٹارایک بار پھر ’’بلو بل رام ‘‘ کا کردار نبھائیں گے،اداکار نے 1993 میں فلم ’’کھل نائیک‘‘میں یہ کردار نبھایاتھا جسے مداحوں نے بہت پسند کیا گیا تھا.

یاد رہے کہ سنجے دت نے رواں سال جیل سے رہائی کے بعد فلم نگری میں واپسی کا فیصلہ کیا تھا، اداکار کے فیصلے پر ان کے مداحوں کی جانب سے خوشی کا اظہار کیا گیا.

واضح رہے کہ بالی ووڈ اسٹار سنجے دت کو 1993 میں ممبئی حملوں اور غیر قانونی اسلحہ رکھنے کے جرم میں ساڑھے تین سال قید کی سزا دی گئی تھی.