Tag: سندھ حکومت

کراچی : سندھ حکومت کی وزرا کمیٹی نے بلدیاتی ایکٹ میں ترامیم کے معاملے پر سپریم کورٹ کے فیصلے پر نظرثانی اپیل نہ کرنے کی سفارش کردی۔

تفصیلات کے مطابق سندھ حکومت نے بلدیاتی ایکٹ میں ترامیم سے متعلق اہم فیصلے کرلیے اور وزرا کمیٹی نے سپریم کورٹ کے فیصلے پر نظرثانی اپیل نہ کرنے کی سفارش کردی۔

سندھ حکومت نے ماس ٹرانزٹ اتھارٹی،فوڈ اتھارٹی بلدیاتی اداروں کو منتقل نہ کرنے کا فیصلہ کرلیا جبکہ اداری تحفظ ماحولیات بھی صوبائی کنٹرول میں رہے گا۔

سپریم کورٹ کے فیصلے پر جائزے کیلئے بنائی گئی وزرا کمیٹی نے سفارشات تیار کرلیں، وزرا کمیٹی کی سفارشات وزیراعلی سندھ کابینہ کو پیش کی جائیں گی۔

یاد رہے سپریم کورٹ نے آئین کے آرٹیکل 140 اے کے تحت بلدیاتی اختیارات دینے کا حکم دیا تھا اور کہا سندھ حکومت با اختیار بلدیاتی ادارے قائم کرنے کی پابند ہے، ماسٹر پلان بنانااور اس پر عملدرآمد بلدیاتی حکومتوں کے اختیارات ہیں۔

سپریم کورٹ نے سندھ بلڈنگ کنٹرول اتھارٹی ایکٹ، کے ڈی اے قوانین، ملیر ڈویلپمنٹ اتھارٹی اور حیدرآباد ڈویلپمنٹ اتھارٹی کے قوانین بھی آئین کے مطابق تبدیل کرنے کا حکم دے دیا اور ساتھ ہی لیاری ڈویلپمنٹ اتھارٹی، واٹر بورڈ قانون، سہون ڈویلپمنٹ اتھارٹی اور لاڑکانہ ڈویلپمنٹ اتھارٹی کے قوانین میں بھی ضروری ترامیم کی ہدایت کر دی۔

کراچی : ترجمان چیف سیکریٹری سندھ نے سوشل میڈیا پر گردش کرنے والے کورونا سےمتعلق پابندیوں کے نوٹیفکیشن کو جعلی قرار دے دیا۔

تفصیلات کے مطابق سندھ حکومت کی جانب سے اومیکرون کے بڑھتے ہوئے کیسز کو روکنے کے لیے نئی پابندیوں پر غور کے اعلان کے ساتھ ہی محکمہ صحت سندھ کی جانب سے کورونا پابندیوں سے متعلق جاری کردہ ایک نوٹیفکیشن سوشل میڈیا پر گردش کرنے لگا۔

ترجمان چیف سیکریٹری نے سندھ میں پابندیوں کا سوشل میڈیا پر آنیوالا نوٹیفکیشن جعلی قرار دیتے ہوئے کہا سندھ میں کوروناکے حوالے سےپابندیوں کاکوئی نوٹیفکیشن جاری نہیں کیا گیا۔

محکمہ صحت کی جانب سے کہا گیا کہ براہ کرم فوٹو شاپ کی گئی تصاویر سے ہوشیار رہیں ، جو وبائی امراض کے دوران جعلی معلومات پھیلا رہی ہیں۔ یہ دستاویز جعلی ہے اور سندھ حکومت یا محکمہ صحت سندھ کی جانب سے ایسا کوئی نوٹیفکیشن جاری نہیں کیا گیا ہے۔ اگر آپ کو بھیج دیا جائے تو بھیجنے والے کو مطلع کریں کہ یہ غیر مستند ہے۔

Please be wary of photoshopped images that are spreading fake information during the pandemic. This document is fake & no such notification has been issued from the Sindh Government or Sindh Health Department. If forwarded to you, inform the sender it is inauthentic #SindhHealth pic.twitter.com/ZjKcXL0HMv

— Health and Population Welfare Department, Sindh (@SindhHealthDpt) January 7, 2022

یاد رہے کراچی میں گزشتہ 24 گھنٹوں کے دوران مزید 136 افراد اومیکرون ویرینٹ سے متاثر ہوئے ، جس میں کراچی کے ڈسٹرکٹ ساؤتھ میں 39، ڈسٹرکٹ ایسٹ میں 52، ملیر میں تین اور کورنگی میں دو کیسز کی تصدیق ہوئی۔

اسلام آباد، لاہور سمیت ملک بھر میں اومیکرون اور ڈیلٹا کی مختلف اقسام کے ذریعے کووڈ کیسز میں اضافہ ہو رہا ہے، پاکستان میں پچھلے 24 گھنٹوں میں 1,293 نئے انفیکشن رپورٹ ہوئے۔