Tag: سندھ حکومت

پنجاب کے ٹی پی لنک کینال سے پانی لینے پر سندھ حکومت نے وفاقی حکومت اور ارسا کو احتجاجی مراسلہ ارسال کر دیا ہے۔

اے آر وائی نیوز کے مطابق پانی کے معاملے پر سندھ اور وفاق میں اختلاف مزید بڑھ گیا ہے اور سندھ حکومت نے پنجاب کے ٹی پی لنک کینال سے پانی لینے پر وفاق اور ارسا کو احتجاجی مراسلہ ارسال کر دیا ہے۔

اس مراسلہ میں کہا گیا ہے کہ سندھ حکومت کے اعتراضات کے باوجود ٹی پی لنک کینال سے پانی لیا جا رہا ہے۔ پنجاب حکومت نے گزشتہ رات ایک ہزار کیوسک پانی لینے کے سلسلے کو بڑھایا۔ دریائے سندھ سے 3800 کیوسک پانی لیا جا رہا ہے۔

سندھ حکومت کا کہنا ہے کہ پنجاب، جہلم چناب زون کو اپنا پانی دینے کے بجائے دریائے سندھ سے پانی فراہم کر رہا ہے۔ سندھ میں پانی کی قلت شدید ہو گئی ہے۔ سکھر بیراج پر 4 ہزار اور کوٹری پر 2300 کیوسک پانی کم مل رہا ہے اور صورتحال یہ ہے یہ صوبے میں کپاس اور چاول کی فصل کے لیے بھی پانی دستیاب نہیں ہے۔

اس حوالے سے صوبائی وزیر آبپاشی کا کہنا ہے کہ وفاق اور ارسا سندھ سے نا انصافیوں کا سلسلہ جاری رکھے ہوئے ہیں۔ تونسہ پنجند لنک کینال پر پانی کے بہاؤ کو بڑھانا سندھ کے ساتھ سراسر نا انصافی ہے۔

انہوں نے مزید کہا کہ سندھ کے عوام میں اس اقدام سے بے چینی بڑھ رہی ہے۔ پنجاب، وفاق اور ارسا کے رویے متعلق پیپلز پارٹی کی قیادت کو آگاہ کر دیا گیا ہے۔

سندھ حکومت کے محکمہ تعلیم میں انقلابی اقدامات کرتے ہوئے تعلیمی نظام کو جدید خطوط پر استوار کرنے کے لیے بڑا فیصلہ کر لیا ہے۔

اے آر وائی نیوز کے مطابق سندھ حکومت نے تعلیمی نظام کو جدید خطوط پر استوار کرنے کے لیے بڑا فیصلہ کر لیا ہے اور اب اساتذہ اور طلبہ کی حاضری مینوئل کے بجائے ڈیجیٹل ہوگی۔

تعلیمی اداروں میں چہرے کی شناخت پر مبنی سسٹم متعارف کرایا جائے گا جس کے ذریعے اساتذہ اور طلبہ کی حاضری لی جائے گی۔

اس کے علاوہ سندھ حکومت نے ہر اسکول کا اپنا بجٹ مختص کرنے کا فیصلہ کیا ہے اور ہیڈ ماسٹرز کو براہ راست اختیارات دیے جائیں گے کہ وہ اسکول کی بہتری کے لیے خود فیصلے کر سکیں۔

دوسری جانب وزیر اعلیٰ سندھ مراد علی شاہ نے وزیر تعلیم کو 78 لاکھ بچوں کے اسکول داخلے کا ہدف بھی دیا ہے۔ اس کے ساتھ ہی انہوں نے اسکولوں میں لڑکیوں کی بڑھتی ہوئی انرولمنٹ کو مثبت پیشرفت قرار دیا ہے۔

مراد علی شاہ کا کہنا تھا کہ اسکول ایجوکیشن پر خصوصی توجہ دے کر تعلیم کا نظام مزید بہتر کرنا ہے۔ حکومت کا یہ فیصلہ سندھ کے تعلیمی نظام میں شفافیت، خود مختاری اور بہتری کی جانب اہم قدم ہے، جو لاکھوں طلبہ کے مستقبل کو روشن کرنے میں مددگار ثابت ہوگا۔

کراچی : سندھ حکومت نے نوکری ڈھونڈنےوالے نوجوانوں کی بڑی مشکل آسان کردی ، ایپ میں نوجوان مفت رجسٹرڈ ہو کر اپنا روزگار کما سکتے ہیں۔

تفصیلات کے مطابق سندھ حکومتِ انفارمیشن ڈیپارٹمنٹ کے پورٹل کی افتتاحی تقریب کا انعقاد کیا گیا، چیئرمین پیپلز پارٹی بلاول بھٹو نے تقریب میں خصوصی شرکت کی۔

تقریب سے خطاب میں وزیر اطلاعات سندھ شرجیل میمن نے کہا کہ سندھ حکومت کی یہ ایپ بالکل مفت ہے، ہرنوجوان کواس ایپ میں اپلائی کرنےکاموقع ملےگا، اس ایپ میں اسکلز لیبر کو بھی چانس ملے گا، جس ادارے کو ضرورت ہوگی وہ پک کرلےگا۔

صوبائی وزیر نے بتایا کہ یہ جاب پورٹل صرف گورنمنٹ کا نہیں پرائیویٹ سیکٹر کیلئے بھی ہے، سندھ میں ملازمت کے خواہش مند لوگوں کیلئے یہ پورٹل بنایا گیا ہے، تمام لوگ اپنے متعلقہ شعبےسے متعلق سی وی اپلوڈ کرسکیں گے۔

ان کا کہنا تھا کہ اس ایپ سے سرکاری سمیت نجی اداروں میں بھی ملازمت کے مواقع ملیں گے ، سندھ میں ملازمت کے خواہش مند لوگوں کیلئے یہ پورٹل بنایا گیا ہے، اس ایپ سے سرکاری سمیت نجی اداروں میں بھی ملازمت کے مواقع ملیں گے۔

شرجیل میمن نے کہا کہ انفارمیشن ڈیپارٹمنٹ کا پورٹل گیم نوجوانوں کے لئے چینجر ثابت ہو گا، سندھ میں ترقی اور روزگار کےبہت مواقع ہیں،یہ ویژن چیئرمین پی پی کا ہے۔

انھوں نے مزید بتایا کہ اس پورٹل سے نوجوانوں کو روزگار ملے گا، اس ایپ میں نوجوان مفت رجسٹرڈ ہو کر اپنا روزگار کما سکتے ہیں، اس ایپ میں سرکاری کے ساتھ نجی ادارے بھی شامل ہیں۔

صوبائی وزیر کا کہنا تھا کہ ایپ پر نوجوان رجسٹرڈ ہوں گے تو انہیں کہیں اپلائی کرنے کی ضرورت نہیں، تاجر، صنعت کار اس ایپ پر آئیں اور لوگوں کو روزگار دیں، حکومت بلا واسطہ بھی ملازمتیں دیتی ہیں ، جو حکومت مفت گھر دے رہی اس میں لوگوں کو روزگار ملا ہے ۔

دوسری جانب وزیراعلیٰ سندھ مراد علی شاہ نے کہا کہ چیئرمین بلاول بھٹوکا شکر گزار ہوں کہ آج وہ پورٹل لاؤنچ کررہے ہیں، نوکری ڈھونڈنے والے اور دینے والیں خود کو پورٹل پر رجسٹر کریں، گریڈ1 سے 4 تک کی پوزیشن بھی اشتہار کر کے اس ایپ میں ڈالیں گے.

ان کا کہنا تھا کہ پورٹل کے ذریعے صاف شفاف طریقے سے نوکریاں دی جائیں گی جبکہ گریڈ 16 اور اس سے اوپر کی نوکریاں سندھ پبلک سروس کمیشن کےذریعے دیتے ہیں۔