Tag: سندھ حکومت

کراچی: وفاقی وزیر برائے آبی وسائل فیصل واوڈا نے کہا ہے کہ ہم سندھ حکومت کے ساتھ کھڑے ہیں، تنقید صرف ان کی مدد کے لیے کر رہے ہیں۔

اے آر وائی نیوز کے پروگرام الیونتھ آور میں گزشتہ رات گفتگو کرتے ہوئے فیصل واوڈا نے کہا کہ اندرون سندھ کرونا وائرس کے درجنوں مریض ہیں، سندھ حکومت سے درخواست ہے ان مریضوں پر توجہ دیں۔

وفاقی وزیر کا کہنا تھا ہم ساتھ چلتے ہیں یہ وقت ایک دوسرے پر تنقید کا نہیں ہے، ہم تنقید صرف ایک دوسرے کی مدد کے لیے کر رہے ہیں، سب متحد ہیں، سوالوں کا جواب ہمیں بھی اور اپوزیشن کو بھی دینا ہوگا۔ چیف جسٹس پاکستان نے جو کچھ کہا ہے اس کا خیر مقدم کرتے ہیں۔

پروگرام سے گفتگو کرتے ہوئے وزیر تعلیم سندھ سعید غنی نے کہا کہ فیصل واوڈا گزشتہ ڈیڑھ ماہ سے غائب تھے اب اچانک سامنے آ گئے، ان کو جس نے بھی معلومات دیں انتہائی غلط دی ہیں، سندھ حکومت کو پرائیویٹ لوگوں نے 15 کروڑ روپے کے فنڈز دیے، راشن کی تقسیم کے لیے ہم نے مجموعی 1 ارب 8 کروڑ ریلیز کیے، سندھ کی ہر یو سی میں 7 لوگوں کی ایک ایک کمیٹی بنائی گئی ہے۔

کتنا راشن کس کو دیا؟سپریم کورٹ کا سندھ حکومت سے جواب طلب

انھوں نے بتایا کہ صوبے میں فلاحی کام کرنے والے اداروں کو ایک ایپ کے ذریعے جوڑا گیا ہے، میں اس بات کا چیلنج قبول کرتا ہوں کہ ہم 6 لاکھ خاندانوں کو زکواۃ کی مد میں رقم دے چکے ہیں، ایک ایک آدمی کا شناختی کارڈ نمبر وفاقی وزیر فیصل واوڈا کو بھیجتا ہوں۔

لاہور: تحریک انصاف کے رہنما شہباز گل کا کہنا ہے کہ سندھ حکومت سے گزارش ہے سیاست کے بجائے کام پر توجہ دے۔

تفصیلات کے مطابق پی ٹی آئی رہنما شہباز گل نے کہا کہ چند دنوں سے ٹیسٹنگ کٹس پر باتیں ہو رہی ہیں، مرتضیٰ وہاب نے بھی ٹوئٹ کیا جس سے تاثر ملا ٹیسٹنگ کٹس معیاری نہیں ہیں۔

انہوں نے کہا کہ چینی کمپنیوں کی بھیجی گئی کٹس سندھ نے غیرمعیاری کہہ کر واپس کیں،سندھ کی جانب سے واپس کی گئی کٹس کو این آئی ایچ میں استعمال کیاگیا،واپس کی گئی کٹس میں اب تک کوئی مسئلہ سامنے نہیں آیا،سمجھ نہیں آیا سندھ کو کٹس غیرمعیاری کہنے میں 2 ہفتے کیوں لگے۔

تحریک انصاف کے رہنما کا کہنا تھا کہ این ڈی ایم اے کے ذریعے سندھ کو 50 ہزار کٹس بھیجی ہیں،اب کی بار ان کٹس کو ٹیسٹ کر کے پھر سندھ کے حوالے کیاجائے گا، اس سے قبل سندھ حکومت نے 2 بار غیر معیاری کہہ کر کٹس واپس کیں۔

شہباز گل نے کہا کہ جس صوبے نے پہلے لاک ڈاؤن کا دعویٰ کیا وہاں کیسز تیزی سے بڑھ رہے ہیں،کیسز میں اضافہ،ڈیٹا سے لگتا ہے اعلان کے مطابق صوبے نے اقدامات نہیں کیے۔

انہوں نے کہا کہ 18ویں ترمیم کے بعد وسائل صوبوں کو منتقل کیے گئے،سندھ حکومت بتائے اپنے خزانے سے لوگوں کی کتنی امداد کی،
سندھ کو 4 مشینیں دی گئی ہیں ،2 سے 3 ہزار ٹیسٹ ہونے چاہئیں۔

شہباز گل کا کہنا تھا کہ 4 مشینوں کے باوجود سندھ میں صرف 500 ٹیسٹ کیے جا رہے ہیں،سندھ نے سب سے زیادہ کٹس ملنے کے باوجود اپنی استعداد نہیں بڑھائی،سندھ حکومت سے گزارش ہے سیاست کے بجائے کام پر توجہ دے۔

کراچی: پاکستان پیپلز پارٹی کے شریک چیئرپرسن آصف علی زرداری نے کہا کہ آج سندھ حکومت کے فیصلوں کو پوری دنیا میں سراہا جا رہا ہے۔

تفصیلات کے مطابق آصف علی زرداری اور وزیراعلیٰ سندھ مراد علی شاہ کے درمیان ٹیلی فونک رابطہ ہوا۔ آصف زرداری نے وزیراعلیٰ سندھ سے کرونا صورت حال پر بریفنگ لی۔

آصف علی زرداری نے کرونا کامقابلہ کرنے کے حوالے سے سندھ حکومت کے کردار کی تعریف کرتے ہوئے کہا کہ آج سندھ حکومت کے فیصلوں کو پوری دنیا میں سراہا جا رہا ہے۔

انہوں نے کہا کہ پیپلزپارٹی کے لیے سب سے بڑی ترجیح انسانی زندگیوں کا تحفظ ہے۔ پیپلز پارٹی کے شریک چیئرپرسن کا کہنا تھا کہ سندھ حکومت نے کرونا کی ٹیسٹنگ کی صلاحیتوں میں اضافہ کر کے اچھا کام کیا ہے۔

آصف علی زرداری کا کہنا تھا کہ لاک ڈاؤن میں مستحق افراد تک رسائی،امداد سندھ حکومت کی اولین ترجیح ہونی چاہیے،وفاقی حکومت کو چاہئیے وہ اس سخت وقت میں سندھ سمیت تمام صوبوں کی مدد کرے۔

سندھ حکومت کےاقدامات سے شہریوں کا ریاست پر اعتماد مضبوط ہوا ہے، بلاول بھٹو

یاد رہے کہ گزشتہ روز چیئرمین پیپلزپارٹی بلاول بھٹو زرداری کا کہنا تھا کہ سندھ حکومت کےاقدامات سے شہریوں کا ریاست پراعتماد مضبوط ہوا ہے۔

کراچی: چیئرمین پیپلزپارٹی بلاول بھٹو زرداری کا کہنا ہے کہ سندھ حکومت کےاقدامات سے شہریوں کا ریاست پراعتماد مضبوط ہوا ہے۔

تفصیلات کے مطابق چیئرمین پیپلزپارٹی بلاول بھٹو اور وزیراعلیٰ سندھ مراد علی شاہ میں ٹیلیفونک رابطہ ہوا۔ بلاول بھٹو نے وزیراعلیٰ سے کرونا کے حوالے سے اقدامات پر بریفنگ لی۔

وزیراعلیٰ سندھ نے بریفنگ کے دوران بتایا کہ کرونا ٹیسٹنگ صلاحیت میں اضافے کی بھرپورکوششیں کر رہے ہیں،لاک ڈاؤن سے متاثرہ افراد کی بحالی کے لیے بھی اقدامات کر رہے ہیں۔

اس موقع پر بلاول بھٹو زرداری کا کہنا تھا کہ سندھ حکومت نے کرونا سے بچاؤ کے لیے سے مثالی اقدامات کیے ہیں، سندھ حکومت کےاقدامات سے شہریوں کا ریاست پراعتماد مضبوط ہوا ہے۔

چیئرمین پیپلزپارٹی نے کہا کہ سندھ میں ہیلتھ انفرااسٹرکچر ملک بھر میں سب سے بہتر ہے،سندھ حکومت تعریف کی مستحق ہے،آپ نےعوامی حکومت کے تصور کو عملی شکل دی ہے۔

بلاول بھٹو زرداری کا کہنا تھا کہ حکومت کی سب سے بڑی ترجیح لوگوں کی زندگی محفوظ بنانا ہونا چاہیے،کرونا وبا کا سامنا کرنے کے لیے سب کو متحد ہونا ہوگا۔

پاکستان میں کرونا کیسز کی تعداد 4788 تک پہنچ گئی

واضح رہے کہ پاکستان میں 190 نئے کیسز رپورٹ ہونے کے بعد متاثرہ افراد کی تعداد ساڑھے چار ہزار سے بڑھ گئی ہے۔