Tag: سندھ حکومت

سندھ حکومت نے بجلی کے بحران سے نمٹنے کے لیے صوبے کے اسکولوں اور کالجوں کے حوالے سے ایک اہم فیصلہ کر لیا ہے۔

اے آر وائی نیوز کے مطابق سندھ کے وزیر توانائی ناصر حسین شاہ نے کہا ہے کہ بجلی بحران سے نمٹنے کے لیے صوبے کے اسکولوں اور کالجوں کو مرحلہ وار سولر سسٹم پر منتقل کیا جائے گا۔

ناصر حسین شاہ نے کراچی آئی بی اے یونیورسٹی میں ’’گرین مائنڈز، گرینر اسکولز‘‘ کے عنوان سے منعقدہ کانفرنس سے خطاب کرتے ہوئے کہا کہ موسمیاتی تبدیلی سنگین چیلنج بن چکی ہے۔ حکومت کو ملین ڈالرز کی سرمایہ کاری ملنے کے بعد اب اربن فاریسٹ اور گرین انرجی کی اولین ترجیحات میں شامل ہیں۔

وزیر توانائی نے کہا کہ صوبے کے سرکاری اسکولوں اور کالجوں کو مرحلہ وار سولر سسٹم پر نصب کیا جائے گا جب کہ بجلی کی تقسیم کار کمپنیوں کو کہہ دیا ہے کہ وہ ماہ رمضان المبارک میں لوڈ شیڈنگ نہ کریں۔

‎کانفرنس میں نجی اسکولوں کے طلبہ اور اساتذہ نے بھی شرکت کی جبکہ کانفرنس میں طلبہ نے موسمیاتی تبدیلیوں سے محفوظ رہنے کے لیے مختلف تجاویزپیش کیں۔ ان تجاویز کو صوبائی وزیر نے قابل عمل قرار دیا۔

یہ کانفرنس جس کا انعقاد پاکستان اکیڈمک کنسورشیم کے زیر‎ اہتمام اور آغا خان یونیورسٹی ایگزامینیشن بورڈ اور ڈائریکٹوریٹ آف پرائیوٹ انسٹیوٹیشنز کے تعاون سے موسمیاتی تبدیلیوں پر کیا گیا تھا۔ اس کانفرنس سے خطاب کرتے ہوئے ایڈینشنل ڈائریکٹر پرائیوٹ اسکولز رفیعہ جاوید کا کہنا تھا کہ کانفرنس کا مقصد اسکولوں کے طلبہ کو موسمیاتی تبدیلیوں کے حوالے سے آگاہی فراہم کرنا ہے۔

محکمہ تعلیم سندھ نے صوبے بھر کے نجی اسکولوں کے اساتذہ سے متعلق اہم فیصلہ کیا ہے سیکریٹری تعلیم نے اس منصوبے سے آگاہ کیا۔

اے آر وائی نیوز کے مطابق محکمہ تعلیم سندھ نے نجی اسکولوں کے اساتذہ کو پروفیشنل تربیت فراہم کرنے کا فیصلہ کیا ہے۔ تربیت مکمل کرنے کے بعد اساتذہ کو ٹیچنگ لائسنس جاری کیا جائے گا۔

صوبائی محکمہ تعلیم، سندھ ٹیچرز ڈیولپمنٹ اتھارٹی اور ڈائریکٹوریٹ پرائیویٹ انسٹی ٹیوشن کے اشتراک سے نجی اسکولوں کے ایک لاکھ 45 ہزار سے زائد اساتذہ کو تربیت فراہم کرے گا۔

پروگرام کی آگہی کے حوالے سے تقریب منعقد ہوئی، جس میں نجی اور سرکاری شعبوں سے تعلق رکھنے والے ماہرین تعلیم نے شرکت کی۔ اس تقریب میں شرکا کو سلائیڈ کی مدد سے سندھ ٹیچرز ایجوکیشن ڈیولپمنٹ اتھارٹی کے اقدامات سے آگاہ کیا گیا۔

سیکریٹری تعلیم سندھ زاہد علی عباسی کا کہنا ہے کہ 10 سالہ منصوبہ بندی کے تحت اساتذہ کی تربیت مکمل کریں گے۔

ایڈیشنل ڈایریکٹر پراییویٹ انسٹی ٹیوشن رفیعہ جاوید نے بتایا کہ سندھ کے نجی اسکولوں کے اساتذہ کو تربیت کے بعد لائنسس جاری کیا جائے گا

تقریب میں سینٹر خوش بخت شجاعت نے تربیت کے عمل کو وقت ضرورت سرکاری اورنجی شعبے میں اشتراک عمل کے لیے اہم قرار دیا۔

سانحہ کرم پر کراچی میں 10 سے زائد مقامات پر ایک ہفتے سے دھرنے جاری ہیں اس حوالے سے سندھ حکومت کا سخت موقف سامنے آیا ہے۔

کُرم واقعات پر ایک مذہبی جماعت کی جانب سے شہر قائد میں گزشتہ ایک ہفتے سے کئی مقامات پر دھرنے جاری ہیں، جس کے باعث شہریوں کو سخت مشکلات کا سامنا ہے۔ اس حوالے سے سندھ حکومت کا سخت موقف سامنے آ گیا ہے اور ترجمان صوبائی حکومت نے واضح کہا ہے کہ کراچی کو مفلوج بنانا کسی صورت قابل قبول نہیں ہے۔

ترجمان سندھ حکومت سعدیہ جاوید نے اے آر وائی نیوز کے پروگرام با خبر سویرا میں گفتگو کرتے ہوئے کہا کہ کرم سانحہ افسوسناک ہے اور پارا چنار میں جو کچھ ہوا ہے، وہ انسانی المیہ ہے۔ اس معاملے پر ایک جگہ کا انتخاب کر کے ضرور احتجاج کر سکتے ہیں لیکن جگہ جگہ دھرنے دے کر کراچی کو مفلوج بنا دینا کسی صورت قابل قبول نہیں ہے۔

انہوں نے کہا کہ کراچی منی پاکستان اورکاروباری حب ہے۔ معیشت کو بہت مشکل سے ٹریک پر ڈالا گیا ہے۔ کراچی کو مفلوج بنانے کا مطلب پاکستان کو نقصان پہنچانا ہے۔

ترجمان سندھ حکومت نے یہ بھی کہا کہ ریاست ایکشن لے تو5 منٹ میں چیزیں ہو جاتی ہیں، لیکن ہم ایکشن کی طرف جانا نہیں چاہتے۔ ہم بار بار دھرنے والوں کے پاس وفد بھیج رہے ہیں تا کہ یہ معاملہ پُر امن طریقے سے معاملہ حل ہو جائے۔

سعدیہ جاوید نے مزید کہا کہ احتجاجی مظاہرین کہہ رہے ہیں کہ ہماراسندھ حکومت سے کوئی مطالبہ نہیں۔ کرم تنازع پر مذاکرات میں وفاقی حکومت بھی شامل ہے جب کہ ایم ڈبلیو ایم کے پی حکومت کی اتحادی ہے۔ انہیں تو وزیر اعلیٰ کے پی سے یہ مسئلہ جنگی بنیادوں پر حل کرانا چاہیے۔

ترجمان سندھ حکومت نے کہا کہ کُرم میں جو ہوا اس کی سزا کراچی یا کسی دوسرے شہر کو کیوں دی جائے۔ مستقل سڑکیں بند کرنے سے امن وامان کی صورتحال پیدا ہو جائے گی۔

واضح رہے کہ کُرم واقعات کے خلاف کراچی میں اب بھی 10 مقامات پر ایم ڈبلیو ایم کے دھرنے جاری ہیں۔ ان علاقوں میں نمائش چورنگی روڈ، کامران چورنگی، جوہر موڑ، ابو الحسن اصفہانی روڈ، فائیو اسٹار چورنگی، یونیورسٹی روڈ، شمس الدین عظیمی روڈ، انچولی، ناظم آباد ایک،2 ناظم آباد نمبر دو اور عائشہ منزل چورنگی شامل ہیں۔

مسلسل کئی روز سے شہر کی اہم شاہراہیں اور چوک بند ہونے کے باعث شہریوں کو شدید مشکلات کا سامنا ہے اور وہ گھنٹوں، گھنٹوں ٹریفک جام میں رُل گئے ہیں۔

واضح رہے کہ آج سے ایک اور مذہبی جماعت نے کراچی میں 60 مقامات پر دھرنے دینے کا اعلان کر رکھا ہے۔

https://urdu.arynews.tv/sit-ins-karachi-police-shelling-abbas-town/

سندھ حکومت نے صوبے میں قائم تمام دارالامان کو اپ گریڈ کرنے کا فیصلہ کرلیا ہے۔

اے آر وائی نیوز کے مطابق چیف سیکریٹری سندھ آصف حیدر شاہ کی زیرصدارت محکمہ ترقی نسواں کا اجلاس ہوا جس میں صوبائی وزیر برائے ترقی نسواں شاہینہ شیرعلی سمیت محکمہ کے افسران نے شرکت کی اجلاس میں محکمہ ترقی نسواں کے ترقیاتی منصوبوں پرآگاہی دی گئی۔

سندھ حکومت نے صوبے میں ورکنگ ویمن کی سہولت کے لیے 115 ڈے کیئر سینٹر بنانے کا فیصلہ کیا ہے۔

صوبائی وازیر نے کہا کہ عورتوں کو تحفظ کے ساتھ روزگار کے مواقع فراہم کرنے پربھی کام کررہے ہیں، محکمہ ترقی نسواں کے 954 ملین روپے کے 8 منصوبے زیر تعمیر ہیں۔

چیف سیکرٹری سندھ نے یقین دہانی کروائی کہ ہنرمند خواتین کی مدد کے لیے محکمے کو فنڈز فراہم کیے جائیں گے۔

انہوں نے کہا کہ صوبے کے دارالامان میں بچوں کے لیے پلے ایریا، ٹیوٹر فراہم کیے جائیں گے، پہلے مرحلے میں سرکاری اداروں اور جامعات میں ڈے کیئر سینٹر بنائے جائیں گے۔

چیف سیکریٹری نے کہا کہ محکمہ ترقی نسواں کے ترقیاتی منصوبوں میں تاخیر برداشت نہیں کی جائے گی۔